ما يختص بعادل عبد العاطى (تاريخ)...؟؟

Quote: يا معاوية أنت عارف الأعتذار البجبرو ليه صاحبه يعتذرو ما دايرنو والاعتذار البجلدو صاحبو لمن يقول الروب ويجي يخارج نفسه ما دايرنو الأعتذار يمرق من جوه النفس ومن أحساس بي فداحة الخطأ مرات ما بتكون غلطان لكن بتعتذر لمن تحس انك حرجت ليك زول او مسيت انسان بي كلامك رغم انو صحيح صدق الأعتذار هو المقياس الحقيقي ليقظة الأحساس ونباهة الضمير هسع مفتكر يعني جيت خميتنا بي اعتذار وجو المرقعاتية قبلوه نيابة عنا وقعدو يشكرو يالبطل يالسمح يا سكر يا مناضل يا يا يا الخ من اليات نحنا اتلمينا واتكاملنا على بوستات الونسه البعتذر للقارئ المسكين الفقعت مرارته بالكضب منو ؟ البعتذر للنسوان الفي بيوتهن وبهتهن شنو ؟ للأباء و للبنات وللأطفال الظلمتهم بي ظلمك لي ذويهم يا معاوية الشغلة ما ساهلة أنت داير مدرسة تتعلم من جديد وداير عيون تشوف بيها ولسه فهمك زي ما هو ؟ عن نفسي مافي شيئ شخصي رغم أنك خدعتني كتير وغشيتني ومارست معاي اخبث الطرق وشخصنت الصراع معاوية حاجه واحدة تخليني احترمك من جديد كرجل محترم تكون صادق بس الصدق تقدر تكون صادق ؟