|
|
|
 Re: في 23 سنة تغير كل شيء حتى التاريخ والجغرافيا إلا شيء واحد ظل صامدا (Re: omer osman)
|
Quote: أين شنان !!
أين قيقم !!
أين محمد عبدالحليم شاعر الثورة !!
أين محاولات الطيب مصطفي المستمية لدفن المزاج السوداني !!!
الأنقاذ استوعبت ان (المزاج السوداني) عصي على التغيير فانصاعت له !!!
|
وأين الصافي محمد أحمد
بل حدث العكس
الإنقاز أنقادت في النهاية لإدارة الشعب
فأصبحت قرابة الـ 60 من مواد الإعلام المرئي والمسموع هى غناء عاطفي صرف
وأصبح من حوربوا في البداية أمثال وردي ومحمد الأمين المادة التي (تقشر ) بيها قناتهم الناطقة بإسمهم في أهم أوقات بثها
الشعوب ممكن أن تهزم في مأكلها ومشربها وملبسها ، ولكنها وجدانها عصى على أي قوة في الأرض ـ
وهاهو مشروعهم الحضاري المزعوم يدحر بكل سهولة أمام أردة الشعب
| |
  
|
|
|
|
|
|
|
|
Re: في 23 سنة تغير كل شيء حتى التاريخ والجغرافيا إلا شيء واحد ظل صامدا (Re: omer osman)
|
لو قاصد المزاج عموما في كل جوانبه ما بتفق معاك يا جنابو
فحكم الانقاذ الذي استمر 23 عامر غير حتى الشخصية السودانية نفسها وعاداتها دعك من مزاجها
المزاج العام نفسه بداء يتغير كثيرا
امسك
السياسة
الفن
الثقافة
الرياضة
الدين
حتى الترفيه والتسلية
فقط اتفق معك في ان المعارضة فاشلة في فهم الشخصية السودانية ومزاجها والتعامل معها
وان الحكومة استطاعت ان تخاطب المواطن السوداني باللغة التي يفهمها نوعا ما
لكنها غيرته وغيرت مزاجه بقصد او بغيره
فالسودان وانسانه ومزاجه قبل 23 سنة ليس هو كما هو الان
| |
|
|
|
|
|
|
|
|
|
Re: في 23 سنة تغير كل شيء حتى التاريخ والجغرافيا إلا شيء واحد ظل صامدا (Re: Mohammed Sedeq)
|
Quote: فقط اتفق معك في ان المعارضة فاشلة في فهم الشخصية السودانية ومزاجها والتعامل معها
وان الحكومة استطاعت ان تخاطب المواطن السوداني باللغة التي يفهمها نوعا ما |
صحيح ...
Quote: لكنها غيرته وغيرت مزاجه بقصد او بغيره
فالسودان وانسانه ومزاجه قبل 23 سنة ليس هو كما هو الان |
غيرت قشرة الثمرة ربما لكن اللب لايزال طازج وبذات مذاقه الأول !!!
لكن كان قعدوا 23 سنة تانية مابضمن ليك البحصل شنو ههههههههههههههه
| |
|
|
|
|
|
|
|
|
 Re: في 23 سنة تغير كل شيء حتى التاريخ والجغرافيا إلا شيء واحد ظل صامدا (Re: Mohammed Sedeq)
|
يا كمندان ..
انا شايف قيقم جا يوم الخميس صيوان العزاء .. وادوهو مساحة اتكلم .. وعدل مزاجو ومشى ..
..
المزاج السوداني دا يا جنابو اليوم البتغير ، ح تتغير حاجات كتيرة في مفاهيمنا لسة ماسكين فيها شديد ..
بعدين من ضمن المتغيرات .. الشيوعيين بقلبو صوفية طوالي .. بعدما يخلصو الكوتـه ..
في واحد في حلتنا..
كان بخت الشنطة جمب الباب فيها جلابية .. وفرشة اسنان ومعجون ابو وردة وكتب ماركس وبعض الهتاويل عن النضال .. زولك دا لما كان بيدفن المنشورات كنا عارفين قاعد يدفنه ووين بي حسنا الامني مما كنا شفع
بجو بخمو ليك كل يوم .. ويجي راجع من الربط سمييين وبي كضوم .. ولحمو دا زاتو يبرد من المساككة بتاعت الارزاق ..
في واحدة من زياراتي الاخيرة للسودان الشقيق .. لقيتو ليك قاعد في الكرسي وشايل السبحـة البقس وغرقان في الملكوت .. والوكت دا كان الساعة مغربيات كدا ..
وطبعا انا ناقش ليك جلكساتو القديمة .. فقمته قلته ليهو :
يا فلان .. اخبار الحزب شنـو ..
قالي حزب في دينك 
عرفتو ليك طوالي عايز زمن الطفرة .. والنزاع ما بين يبقى شرير ويبقى خير .. وذلك بعد ان الانقاذ ورتو ليك العفص السلك منو ..
| |
|
|
|
|
|
|
|
|
|
Re: في 23 سنة تغير كل شيء حتى التاريخ والجغرافيا إلا شيء واحد ظل صامدا (Re: tmbis)
|
| Quote: المزاج السوداني دا يا جنابو اليوم البتغير ، ح تتغير حاجات كتيرة في مفاهيمنا لسة ماسكين فيها شديد .. |
طوق النجاة للسودان هو مزاجنا السوداني دي حاجاتنا برااااااها ما بتشبه حاجات الناس
اقول ليك حاجة ياتمبس انت عارف احداث قرنق واحداث خليل لولا المزاج السوداني
ده كانت الحرابة تكون مدورة لي يوم الليلة شفت الشعب ده امتص الاحداث دي كيف
وقفز فوقه !!!!!!
Quote: يا فلان .. اخبار الحزب شنـو ..
قالي حزب في دينك
عرفتو ليك طوالي عايز زمن الطفرة .. والنزاع ما بين يبقى شرير ويبقى خير .. وذلك بعد ان الانقاذ ورتو ليك العفص السلك منو .. |
ههههههههههههه
ياهو زولنا وياهو المزاج السوداني زاتو
قالوا والعهدة على الراوي ... الترابي ايام التمكين ديييك واحد من الاسلاميين الاجانب
قال ليهو الشارع السوداني مظهره ما اسلامي شدييييييد !!!
الترابي قال ليهو ياشيخنا الشعب السوداني ده نحن اديناهو اقصي جرعة بستحمله !!
جرعة واحدة زيادة الناس ديل برتدوا عدييييييييل كده
| |
|
|
|
|
|
|
|
|
|
Re: في 23 سنة تغير كل شيء حتى التاريخ والجغرافيا إلا شيء واحد ظل صامدا (Re: tmbis)
|
Quote: أين محاولات الطيب مصطفي المستمية لدفن المزاج السوداني !!!
الأنقاذ استوعبت ان (المزاج السوداني) عصي على التغيير فانصاعت له !!!
|
يا جنابو، ناس الانقاذ في دواخلهم ناس حت... وكانوا شغالين بنظرية جوع ######ك يتبعك حتى في الفرح.
البشير اول رئيس سوداني راقص.
البلد كان فيها كم طاشر فنان.... عليك الله تقدر تحسب لي بعد 23 سنة عدد الفنانين و الفنانات
يا اخي الانقاذيون ديل في المقابر بيرقصوا و بيغنوا ... قال لي شنو ... قال الشهيد عريس وهم ما حيمشوا الا بعد الدخلة.
الانقاذ هي التي غيرت مزاج الشعب الى شعب راقص
| |
|
|
|
|
|
|
| |
omer osman
Mohammed Sedeq
سليمان القرشي
محمد علي البصير
tmbis
محمد إبراهيم علي
الشامي الحبر عبدالوهاب
طارق جبريل
أحمد الشايقي
فيس بوك
تويتر
انستقرام
يوتيوب
بنتيريست