|
Re: Akoy Deng فى ورطة تأريخية (Re: بريمة محمد)
|
المشكلة الأكبر، أن أبناء أبيى يعتبرون أنفسهم هم من قادوا مسيرة تحرير الجنوب .. وطلعوا من المولد دون حمص .. يعنى موقف أكوى مثل موقف أبناء النوبة فى الحركة الشعبية.
مسآلة أنفصال الجنوب فيها خاسرين كبار .. وهم فقدوا كل شيئ من أجل أحلام كبيرة ولكن المسآلة أنتهت فى وادى غير ذى زرع .. وأكوى منهم.
ومن هنا أريد أن يفهم الناس هذا الأنسان فى هذا السياق ..
بريمة
| |
|
|
|
|
|
|
Re: Akoy Deng فى ورطة تأريخية (Re: Kabar)
|
ول أبا كبر جيداً جيت
Quote: ول ابا.. حبابك.. تسجيل حضور..
كبر |
يدك معنا يا ول أبا كبر لفهم هذه الورطة الكبيرة .. ونحن فى مناطق التماس معنين بهذا الأمر ..
بريمة
| |
|
|
|
|
|
|
Re: Akoy Deng فى ورطة تأريخية (Re: بريمة محمد)
|
يابريمة والورطه الاكبر وعاملا ليهو إسهال أنو أكوي قاعد في تل أبيب والاسرائيليين قالو ليهو غير مرغوب فيكم ، أها يعمل شنو ؟ الزول دا محل مايمشي مزوزا لا قادر يأخد راحتو في تل أبيب ولا في أبيي ولافي جوبا ولا حتي منبر بكري وكنت ممكن أكفلو في الخرطوم لكن بعد سبو لينا هنا أنا زاتي غيرت رائي فيهو
| |
|
|
|
|
|
|
Re: Akoy Deng فى ورطة تأريخية (Re: عادل الباهي عبدالرازق)
|
حباب بريمه
وحباب ولد ابا كبر هنا ومشتاقين ليكم شديد
يا بريمه وياكبر ياخ والله قبل ايام سألت هنا سؤال محيرني قوقلت وسألت ما لقيت ليه اجابه هو
متي هبط النيليين (الدينكا والنوير والشلك وغيرهم) من الهبضة الأثيوبية ؟؟ داير لي اجابة شافية بالتاريخ
| |
|
|
|
|
|
|
Re: Akoy Deng فى ورطة تأريخية (Re: عادل الباهي عبدالرازق)
|
الأخ عادل سلامات ..
Quote: ممكن أكفلو في الخرطوم لكن بعد سبو لينا هنا أنا زاتي غيرت رائي فيهو |
الزول دا ذكرنى بتراجيديا عايشت فصولها عن قرب حينما كنت فى اليونان فى النصف الأول من التسعينات .. كان زعيم تنظيم أكراد تركيا الشيوعى يختفى اليونان .. وتم حصار اليونان بعامل رغبتها فى دخول السوق الأوروبية من قبل حلفاء تركيا مثل الألمان وتم طرده إلى كينيا .. هناك قامت المخابرات التركية بأختطافه وتم إعادته مكبلاً إلى تركيا .. فى تلك اللحظة واجه الرجل مآساة كبيرة هى سقوط الكتلة الشيوعية وهو مازال ينادى بالشيوعية، الناس كلهم خايفين من أمريكا ومافى زول قدر يستقبله فى أوروبا أو يدافع عنه حتى الحزب الأشتراكى الشيوعى الذى كان يؤويه تنازل من حمايته .. وظل أعوانه يظهرون فى الأذاعات اليونانية يستجدون العالم دون جدوى وهم يعرفون أن أفريقيا هى نهاية زعيمهم .. لكن الله غالب تم إبعاد الرجل ومن ثم قبضه فى أقل من شهرين.
نحن البقارة أصدقاء للدينكا وكان يأخذونا جوارنا حمايةً من بطش قيادات المهدية فى جنوب دارفور .. وهو ممكن يحتمى بنا مرة أخرى مثل أجداده لكن طبعاً بشروط، أن يكف عما يعمل فيه.
------------------------------------------------------------ تحت السطر: الزول دا مزنوق زنقة كلِب فى طاحونة أنتم ما جايبين خبر ساكت.
بريمة
| |
|
|
|
|
|
|
Re: Akoy Deng فى ورطة تأريخية (Re: بريمة محمد)
|
ول أبا أبو جنزير
وين الحى بيك يا أخى .. وجيداً جيت بإذن الله سوف أئتيك بما تيسر من معلومات أعرفها عن هجرات النوير والدينكا وطرد النوير للدينكا إلى مناطق أبيى ... بالتسلسل التأريخى.
أنتظرنى لبكره بإذن الله.
بريمة
| |
|
|
|
|
|
|
|