|
Re: الدولار اليوم يواصل ارتفاعه ..... ( 30 ديسمبر ) $$$... (Re: صلاح جادات)
|
تعرف ياصلاح اخوك ما محظوظ ابداً في قصّة الدولار دي ، قبل وقت كان عندي دولارت، وما محتاج ليها، مشت الايام وصاحبك الدولار شغال يزيد، واخوك مبسوط، الزيادة كانت تقريباً 5200 للدولار الواحد من 4800 اها قلت الشغل دا لو اديناهو يومين تلاتة كدا يعمل 5 ونص ونفك طواااالي. وفعلاً، بعد يومين عمل ليك الخمسة ونص، واداها صنة طويييلة كدا واخوك فرحان طبعاً لأنو لو في زيادة تانية كان زادت يوم يومين .. كملت ليك الاسبوع وفكيت ليك 500 دولار، في حساب 5 ونص تقريباً، اليوم التاني من الفكة طوالي الدولار عمل 6. ياخي المغسة كتلتني ! وبقيت شاكي موضوع الدولار دا مربوط بإحتياتجاتي انا، لا بإقتصاد سوداني ولا حنك زي دا هههههههههههههههههه المهم هسي ماعندنا اي شيء وسؤالي دا من باب الفضول بس
| |
|
|
|
|
|
|
Re: الدولار اليوم يواصل ارتفاعه ..... ( 30 ديسمبر ) $$$... (Re: هشام الطيب)
|
صحيفة الإنتباهة عدد اليوم :
Quote: القبض على ( 120 ) تاجــــر عمــله |
في ظل عدم وجود حوافز للمغتربين فإن دولاراتهم سوف تظل تضل طريقها الى القنوات الرسمية، حتى لو تم القبض على جميع تجار العملة أو إعدامهم بالداخل ، فالأمر أكبر من أن تتم معالجته بتلك الطرق في ظل وجود وسائل حديثة مختلفة وسريعة،
| |
|
|
|
|
|
|
Re: الدولار اليوم يواصل ارتفاعه ..... ( 30 ديسمبر ) $$$... (Re: صلاح حمد)
|
تتذكروا لما واحد هنا كتب الدولار سعرو حيكون 5000 بعض الناس هنا قاموا عليهو هسع شوف الدولار بقى بي كم فوق الخمسة ألف
الناس ما بتحس بي نفسها وهي واقعة نحو الهاوية حبة حبة، كل يوم غشة جديدة ووهمة شديدة من الكيزان وتصبحوا تلقوا سعر الزيت زاد والله إلا نبيت جمب الدكان زي ما قال أخونا الجنوبي ال الله ريحوا مننا.
طالما الكيزان حاكمين البلد وببددوا في ثرواتا - وأهمها الإنسان - فالجنيه لن تقوم له قائمة أبدا
وما بعيد في سنة 2013 يحصل 9000 لو الحال هو نفس الحال المائل وما عندنا غير صقرية في فارغة ومقدودة.
| |
|
|
|
|
|
|
Re: الدولار اليوم يواصل ارتفاعه ..... ( 30 ديسمبر ) $$$... (Re: Elawad Eltayeb)
|
الاخ هشام الطيب ممغوس علي 500 دولار .. يا اخ دي ناس ود الباوقة بدفعوها نقطة في حفلة عرضة مع الريس
Quote: تعرف ياصلاح اخوك ما محظوظ ابداً في قصّة الدولار دي ، قبل وقت كان عندي دولارت، وما محتاج ليها، مشت الايام وصاحبك الدولار شغال يزيد، واخوك مبسوط، الزيادة كانت تقريباً 5200 للدولار الواحد من 4800 اها قلت الشغل دا لو اديناهو يومين تلاتة كدا يعمل 5 ونص ونفك طواااالي. وفعلاً، بعد يومين عمل ليك الخمسة ونص، واداها صنة طويييلة كدا واخوك فرحان طبعاً لأنو لو في زيادة تانية كان زادت يوم يومين .. كملت ليك الاسبوع وفكيت ليك 500 دولار، في حساب 5 ونص تقريباً، اليوم التاني من الفكة طوالي الدولار عمل 6. ياخي المغسة كتلتني ! وبقيت شاكي موضوع الدولار دا مربوط بإحتياتجاتي انا، لا بإقتصاد سوداني ولا حنك زي دا هههههههههههههههههه المهم هسي ماعندنا اي شيء وسؤالي دا من باب الفضول بس |
| |
|
|
|
|
|
|
Re: الدولار اليوم يواصل ارتفاعه ..... ( 30 ديسمبر ) $$$... (Re: Elawad Eltayeb)
|
الاخ العوض الطيب بعض المحللين قالوا سعر الدولار في خلال ايام سوف يصل مابين 8000 الي 9000 جنيه
Quote: تتذكروا لما واحد هنا كتب الدولار سعرو حيكون 5000 بعض الناس هنا قاموا عليهو هسع شوف الدولار بقى بي كم فوق الخمسة ألف
الناس ما بتحس بي نفسها وهي واقعة نحو الهاوية حبة حبة، كل يوم غشة جديدة ووهمة شديدة من الكيزان وتصبحوا تلقوا سعر الزيت زاد والله إلا نبيت جمب الدكان زي ما قال أخونا الجنوبي ال الله ريحوا مننا.
طالما الكيزان حاكمين البلد وببددوا في ثرواتا - وأهمها الإنسان - فالجنيه لن تقوم له قائمة أبدا
وما بعيد في سنة 2013 يحصل 9000 لو الحال هو نفس الحال المائل وما عندنا غير صقرية في فارغة ومقدودة. |
| |
|
|
|
|
|
|
Re: الدولار اليوم يواصل ارتفاعه ..... ( 30 ديسمبر ) $$$... (Re: صلاح جادات)
|
بعض المحللين قالوا سعر الدولار في خلال ايام سوف يصل مابين 8000 الي 9000 جنيه
يا صلاح ديل يكونوا محولين و ليس محولين...هههههههههههههه القبض على عدد كبير من تجارالعملة بالاضافة الى توقعات اجتماع قريب بين البشير و سلفاكير و نسبة لحساسية السوق حدث هبوط في السعر من يوم أمس ، و بالتالي خلال ايام المتوقع الهبوط أكثر من الزيادة و لكن على المدى البعيد سوف تحدث زيادة بلا شك نسبة لعدم وجود صادر كبير و تدني الانتاجية.
| |
|
|
|
|
|
|
Re: الدولار اليوم يواصل ارتفاعه ..... ( 30 ديسمبر ) $$$... (Re: محمد أبوالعزائم أبوالريش)
|
الاخ حاج حمد القبضوهم ديل عبارة عن سريحين اما الرؤوس فلن يقدرو علي قبضهم لانهم نافذين في السلطة وبعضهم وزراء وبكرة يجيبو سريحين غيرهم وممكن يبتكروا طرق اخري للشغلانة وحدك بكرة اجازة الاستقلال وبعدها شوف سعر الصرف يصل كم ؟
Quote: يا صلاح ديل يكونوا محولين و ليس محولين...هههههههههههههه القبض على عدد كبير من تجارالعملة بالاضافة الى توقعات اجتماع قريب بين البشير و سلفاكير و نسبة لحساسية السوق حدث هبوط في السعر من يوم أمس ، و بالتالي خلال ايام المتوقع الهبوط أكثر من الزيادة و لكن على المدى البعيد سوف تحدث زيادة بلا شك نسبة لعدم وجود صادر كبير و تدني الانتاجية. |
| |
|
|
|
|
|
|
|