|
|
 Re: هو الطوفان إذن! (Re: الشفيع وراق عبد الرحمن)
|
أخي وراق
منو القال ليك إنه الدين بيجمع الناس؟
ما عايز أردد ليك كلام أبي العلاء المعري
(إن العقائد ألقت بيننا إحناً وأورثتنا أفانين العداوات)
فعلى إطلاقه هذا الكلام لا يتفق عليه .. ولكنه يحدث
وما تراه من بين الشيعة والسنة وبين الطوائف اللبنانية وراءه لافتات دينية
والناس ،السباب الكانت الانقاذ بتقودهم للجنوب كانت بتغذيهم بالحميا الدينية وزواج الحور العين
والترابي (قبل المفاصلة) عقد قران جهاديين على بنات الجنة ..والانقاذ فصلت الجنوب عن الشمال بدعوى دينية
والقتلوا المصليين في مسجد الحارة الأولى قتلوهم مدفوعين بالدين
والبيفجروا نفسهم في الدول الاسلامية وفي بلاد (الكفار) يفعلون ذلك تقرباً إلى الله
والجبهة القومية الاسلامية انقلبت على نظام ديمقراطي هي جزء منه فعلت ذلك لتقيم (حكم الله) في أرض السودان
وها انت ترى نتائج ومخرجات (حكم الله) بتاع الجبهة في السودان اليوم ..أم يا ترى يسرك حال وطنك اليوم ؟؟
فالموضوع ليس فوبيا وأوهام مني ..الموضوع واقع شايفه انت بي نفسك وعايشنوا السودانيين يوميا من جوع وفقر وتضخم وفساد
بلد كانت مليون نقص تلتها ..شعب آمن في بلدو أصبح لاجئ ومشرد ..
ولا ما سمعت بالسودانيين البموتوا في الحدود بين مصر واسرائيل ؟؟
واتحداك (بمثل ما تحديتني) أن تخرج إلى جيرانك وتسألهم دايرين الشريعة ولا ما دايرنها ؟
لكن في النهاية الموضوع لم يعد الذين (سيب الدين بعيد) لأنه السودانيين مسلمين (أو بيعرفوا الاسلام ) قبل أن يُبعث الترابي وحزب الاخوان المسلمين الجانا من مصر دا
الدين الاسلامي موجود في السودان كدولة قبل أكثر من 500 سنة .. والطرق الصوفية في السودان كانت في يوم من الأيام عامل لحمة في نسيج المجتمع السوداني
والصوفية كانت قفزة على القبلية القلت انت موجودة ..
نعم كانت ولا زالت القبلية موجودة ..وستظل موجودة .. لكن الصوفية جمّعوا القبائل في وحدة الطائفة التي أصبحت تضم أفراد من مختلف القبائل
دا أدى إلى أن يقلص تأثير القبلية في الحقل السياسي .. فهل الحال الآن كذلك؟
إذن يا أخي وراق : الدين لا يوحد السودانيين لأنه السودان بلد متعدد الأديان ..والقبلية لا توحده .. ولا الطائفية
ما الذي يوحدنا ؟ ..السودان ..مش القومية التي كما قلت انت فشلت
المواطنة هي ما يوحدنا ..الكل سودانيون ..
وكان هذا هو الحال دائماً إلى أن شاء الله أن يمتحننا فبعث بيننا من فرقنا وقطع الارحام ومزق البلاد
وعلى فكرة : لما القبائل السودانية وقفت مع المهدي في ثورته ما وقفت معاهو لأسباب دينية ..
والدينكا لما تغنوا له وبه لم يهجروا كجورهم وسلاطنيهم وتراثهم الروحي وإنما دفعتهم روح الأخوة والهم الوطني الواحد تجاه الغازي المستعمر
وعشان كدا لما شعروا بأن الاستقلال ما عمل غير انه استبدل مستعمر غربي بمستعمر سوداني مستعرب أعلنوا ثورتهم حتى نالوا استقلالهم منه
هذه يا وراق كلها وقائع تاريخية خاصة بينا مفروض نقراها ونتعلم منها ..
مش نهرب منها ونفتش على عدو وهمي يتربص بديننا ..
أو نصر على التمسك بأفكار وأهواء وطموحات ذاتية ترى نتيجة التشبث بها أمام ناظريك
لك خالص الود والتقدير والاحترام ..
فكلنا أبناء وطن واحد وهم واحد وهدف واحد ..ولكن تختلف الرؤى
|
|
  
|
|
|
|
|
| العنوان |
الكاتب |
Date |
| هو الطوفان إذن! | عزالدين صغيرون | 12-30-12, 02:09 PM |
| Re: هو الطوفان إذن! | عزالدين صغيرون | 12-30-12, 08:16 PM |
| Re: هو الطوفان إذن! | nour tawir | 12-31-12, 05:00 AM |
| Re: هو الطوفان إذن! | عزالدين صغيرون | 01-02-13, 08:26 PM |
| Re: هو الطوفان إذن! | عزالدين صغيرون | 01-02-13, 08:38 PM |
| Re: هو الطوفان إذن! | فارس موسى | 01-02-13, 09:16 PM |
| Re: هو الطوفان إذن! | عزالدين صغيرون | 01-03-13, 09:24 PM |
| Re: هو الطوفان إذن! | فارس موسى | 01-03-13, 10:22 PM |
| Re: هو الطوفان إذن! | الشفيع وراق عبد الرحمن | 01-04-13, 04:50 AM |
| Re: هو الطوفان إذن! | عزالدين صغيرون | 01-04-13, 07:57 PM |
| Re: هو الطوفان إذن! | عزالدين صغيرون | 01-04-13, 07:57 PM |
| Re: هو الطوفان إذن! | عزالدين صغيرون | 01-04-13, 07:14 PM |
| Re: هو الطوفان إذن! | عزالدين صغيرون | 01-05-13, 06:47 PM |
| Re: هو الطوفان إذن! | الشفيع وراق عبد الرحمن | 01-06-13, 05:56 AM |
| Re: هو الطوفان إذن! | عزالدين صغيرون | 01-06-13, 01:37 PM |
|
| |
فيس بوك
تويتر
انستقرام
يوتيوب
بنتيريست