|
Re: آه يا زمـن الركشــة...!! "شعر".. (Re: Abdlaziz Eisa)
|
آه يا زمن الركشه
و زمن "المُوْل" الأجنبى و "الأوزون" زمن "الأفيون" أولادك فى "العفراء" حايمين و بناتك لا فى المدرسه لا فى البيت قاعدين يا ترى هم وين..بل وين اليَد الحِمْشَه ؟ آه يا زمن الركشه و زمن البلد الصَّبْحتْ سِتَّه جيوشا "القومى" ده واحد و "دفاعنا الشعبى" اتنين و تلاته "القوات الخاصه" و الرابعه "الشرطه" و خمسه "الحركه" و من دارفور السَّاتَّه و لِسَّه "القوات الدوليه" ده غير الميليشيات المِيَّه حكوميه و شعبيه و "شعوب" مَنسِيَّه "مَهَمَّشَه" نارا تولِّع و ألفين قنبله موقوته وجاهزه تفرقع و مليون بُعْبُع و مليون غشَّه
و آآآه يا زمن الركشه الفيك الشَّعْبِ انغشَّ..انكشَّ..انقشَّ و ساكت هَرْشَه!!!!!
|
|
|
|
|
|
|
|
|