|
|
|
 Re: بوردابي سنـغافـورة فطـوره سوداني..!! (Re: خالد فهمي)
|
Quote: سودان الشتات..
سودان المهجر..
الناس الشايلة صورتك ياوطن
زينة سمحة بلا قتال
ووحدة حقة
بلا استفتاء بلا انفصال
بلا تهميش
بلا تغبيش
بلا فرقة..
بلا جدال |
تسلم يا عزنا وكل سنة وإنتو طيبين.
غايتو كان لقيت خفسة كده بجي بفطر معاكم.
تحياتي للجميع.
| |
 
|
|
|
|
|
|
|
|
Re: بوردابي سنـغافـورة فطـوره سوداني..!! (Re: خالد فهمي)
|
Quote: بالهنا ...
ما كان تعزمنا وترسل معاك الفيزا
تذاكر الباص علينا
تقديري |
العزيز/ خالد فهمي
عازمكم وحبابكم عشرة بلا كشرة!!
ومستعد للوصول وتوصيل التواصل..
نتمنى أن تزح الغيمة الغطتت جوازنا من سمانا
ونبقى ناسا للسماحة..
وسمعتنا طيبة تسبق خطانا
لا فيزا لا ختما يعكر صفانا..
مودتي..
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Abdlaziz Eisa)
|
Quote:
واحد حلفاوي من اندنا
طالب اغنية يا تير يا تاير
و اسافير الخريف
__
ياربي اسافير دي جمع اسفير
|
ده كان بيقصد الخريف الإسفيري..
يعني عايز مطرة (مترة) عن طريق النت..
شفت كيف النوبيين
كانوا متطورين... عشان كدا حسدوهم المصريين وغرقوهم..
منهم لله!!!
السحور..........
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Amira Elsheikh)
|
| Quote: دا الفطور وين البورداب ؟؟ اوق بوردابى واحد حتة .. |
إنت الله وروحك تقوم تقول: نحن بوردابي سنغافورة وأرخبيل الملايو سأقيم إفطار رمضان يوم 31 رمضان
أميرة الشيخ!الرسول تمديني بوصفة إعداد الطعمية الفي الصورة دي كان عندك؟
هنا عندهم طعمية صينية بسن خليط من البطاطس ومعجون سمك، لكن أغرب طعمية في صينية
رمضان كريم بوردابي شينغافورة
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: mohamed elshiekh)
|
Quote:
سلامات يا عزيز
ورمضان كريم
يا اخي حاول جند ليك نفر نفرين،
زماااان كان هناك استاذ حسن عبدون
ومهندس نصر في الخطوط السنغافورية
ومهندس آخر (نسيت اسمه)، وبالعدم
ممكن تنضم لبورداب جوهور.
|
عزيزي عمدة البطانــة/ عماد خليفة
سلامات وكل عام وانتم بخير..
يا حليلك يا حبيب..
هؤلاء سابوا سنغافورة من سنين طويلة..
العدد الثابت لا يتعدى الستة محسوب فيهم المجنسين..
جوهور كانت حديقتنا الخلفية قبل بناء مبنى الجوازات الماليزي الجديد الذي عقّد وصعّب التواصل.. زمان كنا بنمشي كداري من مترو سنغافورة حتى وسط مدينة جوهور للتجوال والمكانان..
جوهور دي كانت زمان أيام وهبة, مايكل والهادي الله يطراهم بالخير..
نرحب بيك في افطارنا ده اولا والبعدها العضوية..
تحياتي ومودتي
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: mohamed elshiekh)
|
Quote:
افطار ولا أروع يا عزيز .....
غايتو الواحد سال لعابو في الطعميه دي و قرب يفطر .....
:) |
الأخ العزيز الصادق سلاطين
سلامات يا ملك..
بنشتهيك في افطارنا..
وبي تشخيصكك تسمو الطعمية للمزادات العالمية!!
باقي الصور حينزل بعد تراويح يوم باكر ان شاء الله مراعاة وحفظا للعاب الشهية..
وننتظرك بالعصيدة في فطور بعد باكر وحتي صباح العيد ان شاء الله..
تحياتي ومودتي
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Abdlaziz Eisa)
|
Quote:
Quote: ود فهمي يا عمدة كي ايل..
يا زول إنت داير الصادق عوض يعمل لي (استيضاح) ؟
تفط العمد كلللللهم وتنزل لينا نحن ؟
ما تنسى إفطارنا يوم 25 رمضان
|
سيادة العميد..
حبيبنا الصادق صارت اهتماماته أكبر, وزاد انتشاره.. فمدد مملكته إلى شرق ماليزيا..
وما فارقة معاهو, ممكن يعتمد عموديتك فوراً..
فطور العامري!!!
مع ضيق الزمن بنحاول أيرآسيا وربنا يهون..
مودتي..
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Abdlaziz Eisa)
|
Quote:
دا الفطور وين البورداب ؟؟ اوق بوردابى واحد حتة ..
تحياتى يا عبدالعزيز ولك التحية فى البلاد البعيدة ديك
|
الصفوية/ بت الشيخ
" ياخي قولي ما شاء الله اولاً بالتبادي..
وبالجد جد عازمك ما عشان العين!!
لكن شمار ام جنقر البرجوازية ديك..
وطبعا ما شلتيها معاك في الخليج,,
التحية ليك..
يعجبني ضربك للرشاشات..
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Kostawi)
|
Quote:
إنت الله وروحك تقوم تقول: نحن بوردابي سنغافورة وأرخبيل الملايو سأقيم إفطار رمضان يوم 31 رمضان
أميرة الشيخ!الرسول تمديني بوصفة إعداد الطعمية الفي الصورة دي كان عندك؟
هنا عندهم طعمية صينية بسن خليط من البطاطس ومعجون سمك، لكن أغرب طعمية في صينية
رمضان كريم بوردابي شينغافورة |
العزيز ود صيام
حياك الله يا ودباريس النيل الأبيض..
نحن بوردابي سنغافورة وجنوب شرق آسيا وبلاد الملايو قاطبة نعلن عن الأفطار الثاني المتمدد طيلة أيام الستوت وعاشوراء وذي الحجة.. بدون ضريبة دخل!!
يا آدم ياخي تطلب وصفة طعمية ديلوكس من بت الشيخ الصفوية.. بتبالغ!!!
هي من أول رمضان زارّيها ليك في وصفة أم جنقر.. ما خلت حبوبة ما سألتها!!
طعميتك الصينية ما باقي إلا وتضيفوا ليها معجون ابو وردة داك!!
شينغافورة...
(شينغ + فو + رة) عشان خاطر الملايو نسحب التخجي الصيني... سنغا + بورا..
تحياتي
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Abdlaziz Eisa)
|
Quote:
يا عزيز
ما تكون اكتفيت من العصيده ،، وبقيت زاهد فى عزومه الطيب العامرى .
غايتو الطيب بخمر فى العجين من هسه لتشريف شخصكم العزيز .
عشان كدى كان بالغصب تعال .
==========================
فطوركم حاز على المركز الثانى خلف كى ال |
العزيز/ خالد عبدالحليم سعيد
سلامات وكل عام وانتم بخير...
اعلان بوست رايع ومادته ضخمة..
لا بتنسي ولا بنفات..
يا حبيب.. فطور العامري ده وضعنا في حتة صعبة جداً..
ترتيب الجية عايز مجهود جبّار,,
موجعات الإعتذار بتمسّخ فرحة العيد مع ناس كي ايل...
الناس البنتشرف نكون وسطهم دائماّ..
تحياتي ومودتي
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Abdlaziz Eisa)
|
Quote:
اطالب كوستـاوي باعطاء هذا الافطار جائزه تقديريه ,
لاجتهاد صاحبه (براهو براهو) في اقامه افطار بورادب من مافي بورداب !
Well Done |
العزيزة/ داليا
سلامات وكل عام وانتم بخير
ناس البلد ديل استفادوا من أول شحنة نفط سوداني..
ورغم حوامتهم الكثيرة دي لسه لا يعرفوا شئ اسم السودان..
لو اجتهد مع واحد ربع ساعة عشان توصف ليهو السودان وين.. يقول ليك جنوب افريقيا.. وهم بيعرفوا الحبشة, مصر ونيجريا..
الذين ذاقوا شئ من أكلاتنا دي.. تصيبه الحيرة ويتكلم بي لغة البزنس.. يقول: لازم تفتح مطعم سوداني!!
عشان كدا انا بحس الناس الحوالي ديل كلهم بورداب بيتكلموا بشئ اسمه السودان بعد ذوق طعامه..
وبالتالي..................
نحن بورداب سنغافورة نشارك الجميع وندعوكم لإفطارنا القادم..
تحياتي ومودتي
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Abdlaziz Eisa)
|
Quote:
فطوركم ماكن يا عزيز!
ياخ منظر الملاحة دي حاجة غريبة خلاس!!
تصوموا وتفطروا على خير
|
عزيزي/ محمد الصايم
سلامات ورمضان كريم..
الفطور ده ناقصاه ضحكتك الظريفة دي!!
لو كنت معانا هنا سنحتل المركز الأول بإمتياز,,
منظر الملاحة ده نحولو لعناية خالد فهمي..
تحياتي ومودتي..
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Abdlaziz Eisa)
|
Quote:
فطور بدون صور زي الحوش بدون سور
|
العزيز/ كوستاوي
سلامات وكل عام وانتم بخير..
ياخي نحن نشيل نردم في الصور..
.. وبعد ده كله تقول لينا مافي!!!!!!!!!!!!..
ياخي بنجهز الفطور بيد والكاميرا في الأخرى!!
لو عزمناك بنشيّلك الكاميرا دي...
لو شفت عنوان البوست ده تاني أكيد حتغير رأيك ده...
تحياتي ومودتي
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Abdlaziz Eisa)
|
Quote:
والله يا حليلك يا ود عيسى
رمصانك كريم وتصوم وتفطر على خير
لكن الحندكه عندك ..
المهم كتر من الصور...
|
العزيز/ محمد الشيخ
سلامات وكل عام وانتم بخير..
مكونات أكلاتنا السودانية متواجدة في عدد غير محدود من الدول ..
تحتاج تمتد ليها اليد السودانية وتتفنن بتشكيلها..
الصور ستتواصل حتى فطور يوم العيد ان شاء الله..
والتقديم ده عزومة مفتوحة للكل ما حندكة بس!!!
فقد سعدت بمرورك..
تحياتي ومودتي
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: مزمل خيرى)
|
Quote: سودان الشتات..
سودان المهجر..
الناس الشايلة صورتك ياوطن
زينة سمحة بلا قتال
ووحدة حقة
بلا استفتاء بلا انفصال
بلا تهميش
بلا تغبيش
بلا فرقة..
بلا جدال |
كل المعروضات دي مزورة ومفبركة ومدبلجة
بالله المسنوح جاب ليك عسل سكر وقال دا حلو مر
المرارة ال ...........
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: مزمل خيرى)
|
عبد العزيز عيسى يا باريس النيل الابيض
اقصد يا سنغابورا .... ياخى اول حاجة شحتفتنى بباريس النيل الابيض دى ... ياااا حليل ام جناين خلوها دلجة وتشوف السوق من سريرك .
لكن فطوركم ما شاء الله عين الحسود بالعود والكمنجة وضحكة كمبال .
اطالب انا زاتى ... بان ينافس هذا الفطور السودانى افطارات البورداب والبوردلب ..
وامنحه الجائزة الاولى لعدة اسباب .
رمضانك كريم وتصوم وتفطر على خير
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Abdlaziz Eisa)
|
طبعا هنالك مجموعة من الأحباب منتظرين عصيدة هذا العام.. فقد اكتسحت الفيسبوك من ليلة أمس..!!
______________________________________________________
أخونا عبد العزيز عيسي رمضان كريم وإفطار مبارك .... يا أخي دي عصيدة دولية ... مالك ما جبت معاها شذى كولاي يا أخي.
تحيات أخوكم ودهارون
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Mohammed Haroun)
|
Quote:
ياعزيز رمضان كريم ياخ وكل سنة وانت طيب ...
والله حرام عليك ... كتلتنا كتل يعلم الله بفطورك العجيب دا
الذ حاجة فيها الفول ... موبااالغة طبعاً .. لوول
|
العزيز/ مزمل خيري
سلامات ورمضان كريم..
ياخي بعد الشر..
حأنتظرك بإنتاج مماثل حتى صبيحة العيد ولي قدام.. ربنا يلحقنا رمضان القادم..
الفول مهاجر من السودان.. قاطع بحور ووديان ليتوسط وجبة الإفطار دي..
عشان كدا نصبناهو ملكاً جنب صاحبة الجلالة العصيدة..
لك من الشكر أجزله..
تحياتي ومودتي..
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Abdlaziz Eisa)
|
Quote:
Quote: سودان الشتات..
سودان المهجر..
الناس الشايلة صورتك ياوطن
زينة سمحة بلا قتال
ووحدة حقة
بلا استفتاء بلا انفصال
بلا تهميش
بلا تغبيش
بلا فرقة..
بلا جدال
كل المعروضات دي مزورة ومفبركة ومدبلجة
بالله المسنوح جاب ليك عسل سكر وقال دا حلو مر
المرارة ال ........... |
بسم الله
ولا حول ولا قوة الا بالله..
ما قالوا شنو... كدا بتفصّد في رمضان!!!
أنت رجل قانوني وبتكسر الـ........؟؟
كلها اسبوع باقي ليكم..
عامل متجدع بالجلابية في فطور ناس الخرطوم!!
يعني خلاص بقيت فوق فوق من البرادنة...!!
بعد التحية دي نرجع لموضوعنا....
يا مسنوح!!
ده آبرئ مصنع بحطب الطلح..
(ات عينوك مستشار)!!!
ات بتذاكر في ملف المحاكم وجيت ناطي في البوست ده!!
يا سي فيسل تعال شوف المصيبة الجاتنا من تالي السما!!
مودتي
بس تاني ما تجي هنا....
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Abdlaziz Eisa)
|
Quote:
عبد العزيز عيسى يا باريس النيل الابيض
اقصد يا سنغابورا .... ياخى اول حاجة شحتفتنى بباريس النيل الابيض دى ... ياااا حليل ام جناين خلوها دلجة وتشوف السوق من سريرك .
لكن فطوركم ما شاء الله عين الحسود بالعود والكمنجة وضحكة كمبال .
اطالب انا زاتى ... بان ينافس هذا الفطور السودانى افطارات البورداب والبوردلب ..
وامنحه الجائزة الاولى لعدة اسباب .
رمضانك كريم وتصوم وتفطر على خير
|
عزيزي الأستاذ/ الفاتح الصادق حامد
سلامات وكل عام وانتم بخير
الكلمات والصور التي اتى بها استاذنا ود صيام العام عن باريس النيل الأبيض بالجد شئ محزن ويبعث الأسى والكآبة مثل الفايروس الذي يهاجم ذاكرتنا المشحونة بكل ماهو جميل عن عروس النيل الأبيض..
يبدو أن زماننا هذا هو زمن دمج الأقراص الجمالية والقيم النبيلة لكل ماهو في ماضينا القريب.. لنضعها في رف متحفي قصي في ذاكرة اللاوعي فينا..
رمضان يحمل في طياته الخير الوفير.. فببذل مجهود يسير تجد نفسك محاطا بنكهات سودانية تعبق سماواتك وتعتدي على جيرانك وتجذبهم شدا من مناخيرهم لمطبخك..
ولو وجدت أنات الفارس الممشوق كمبال وكمشة ابوقطعة سنحتل بيها مساحات عديدة في مصاف المطعم العالمية..
ولك من الشكر أجزله على الدعم الكبير..
تحياتي ومودتي..
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Abdlaziz Eisa)
|
Quote: طبعا هنالك مجموعة من الأحباب منتظرين عصيدة هذا العام.. فقد اكتسحت الفيسبوك من ليلة أمس..!!
______________________________________________________
أخونا عبد العزيز عيسي رمضان كريم وإفطار مبارك .... يا أخي دي عصيدة دولية ... مالك ما جبت معاها شذى كولاي يا أخي.
تحيات أخوكم ودهارون |
العزيز/ محمد هارون
سلامات وكل عام وانتم بخير
شذى الكولاي هذه منتظرين بيها ختام الشهر المعظم.. صباح العيد والناس تتنعم بالعبير الفاشري!!
وسننتظرك بيها من بكرة حتى صبيحة العيد..
ولو ما جيت ستصلك خارة بالدي اتش ايل ان شاء اللهه..
منون لمرورك الجميل..
تحياتي
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Abdlaziz Eisa)
|
Quote:
Quote: بس تاني ما تجي هنا....
اقيف ليهو في الباب
يقول ليك زح اوعك تزح له |
عزيزي فيسل
ناس البردانة ديل بلدوزر وماشي... مافي شئ بيقيف في طريقكم..
بس كنت متوقعه بعد ظهوره في افطار ناس الخرطوم لا نشوفو لا نسمع ليهو خبر..
فجأة يجيك متلب....!!
محمد معانا........
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Abdlaziz Eisa)
|
Quote:
عبد العزيز
فطوركم يشهي
والحمدلله فطرنا احنا والا كان سال اللعاب
فطور جميل بلمة سودانين مع بعض في مكان بعيد وما ناسين فيهوالسودان
تحياتي للكل المعاك وتسلم الايد الطبخت وتعبت وصورت كمان
|
العزيزة/ شبكة
سلامات وكل عام وانتم بخير
الصور كانت قبل لحظات من الإفطار.. يعني الواحد على الصيام ويحاول يصور الحاجات دي!!
يا ربي يكون اللعاب وقتها وصل وين!!!!.....
وبعدين في شئ أهم.. رائحة الأكل...
معاكم انتم صورة فقط..
ونحن شهدنا تصوير الفلم..
ونقول معاك.. تسلم الأيادي الأبدعت..
ودي أجمل حاجة نقدم بيها السودان للغير في هذه الأيام..
فالتسلم انت يا وطني العزيز..
لك جزيل الشكر..
تحياتي.
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Abdlaziz Eisa)
|
الاخ عبد العزيز
تحياتي
كل عام وانت بخير
وتصوم وتفطر على خير
حقيقة لم اكن اعلم بوجود بورداب في سنغافورة
كنت في زيارة هناك انا وشريكة حياتي
خلال شهر يوليو الماضي
وقضينا عشرة ايام بين ربوع سنتوسا وستديوهات يونيفرسال
ومارينا باي ساند
الفندق الاسطورة والكازينو الخطير وحوض السباحة في الروف
والاستعدادات لاوليمبياد الشباب
اتمنى ان اكرر الزيارة لتلك البقعة التي اعجبت بها
واتمنى ان نلتقيك ساعتها
مع تحياتي
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: zico)
|
Quote: الاخ عبد العزيز
تحياتي
كل عام وانت بخير
وتصوم وتفطر على خير
حقيقة لم اكن اعلم بوجود بورداب في سنغافورة
كنت في زيارة هناك انا وشريكة حياتي
خلال شهر يوليو الماضي
وقضينا عشرة ايام بين ربوع سنتوسا وستديوهات يونيفرسال
ومارينا باي ساند
الفندق الاسطورة والكازينو الخطير وحوض السباحة في الروف
والاستعدادات لاوليمبياد الشباب
اتمنى ان اكرر الزيارة لتلك البقعة التي اعجبت بها
واتمنى ان نلتقيك ساعتها
مع تحياتي |
العزيز العريس/ ابو الزيك
سلامات وكل عام وانتم بخير
مبروووك وبيت هناء ومنى ان شاء الله..
كنت في استديوهات يونيفرسال أيام الإفتتاح في فبراير ومارس..
لقد زرت أجمل أماكن يحتار في وصفها كل من زارها..
وهذه صور هدية لك عشان تجينا تاني..
تحياتي
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: فيصل محمد خليل)
|
Quote:
فطوركم دة خير ولا شنو
ماله اكل من غير بورداب
تليشة:
في اكلة فوق كدة بتجيب ليكم ناس النظام العام |
العزيز/ طــارق جبريل...
سلامات
وأهلا بطلتك الحلوة وأدخل لي قدام وشاركنا ..
ياخوي بنقول بوردابي واحد.. ليش أكرر صورتي وأعمل وجع وش للناس...!!!
التليشة....
آه.. نظام عام آه... ياخي خلينا ننعم بفضيلة الشهر السمح ده..
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: فيصل محمد خليل)
|
Quote: العريبي الكيشه شرد
اسع يجيك بعد العيد
ويملانا فقر
بِس (دي البيقولوها للكديسة)
مودتي يا خاين تملى بطنك وتتجدع
|
ياريت شرت من السلطنة للبرادنة..
المسنوح بيتحاوم في الخرطوم من افطار لآخر..
عليتو بي ناس النظام العام!!
ياخي جُر الساعة وألحقني.. الأكل ما زال دافئاً...
مودتي
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: فيصل محمد خليل)
|
Quote:
اسمع افك ليك الكورة في الهواء
اعمل دبل كيك و جيبها في التمنيات
خلي العريبي عيونو تزغلل
|
العريبي أكيد حيقول::
يا سبحان الله.. أول مرة أشوف جكســـا!!!
انت قايلو هين.. ثقافتو الكروية عالية جدا..
(لو شتها برجليك الأتنين لكان وصلتها البرتزيل)..
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: الطيب عبدالرازق النقر)
|
Quote:
عزيز
تصوم وتفطر على خير
فطورك مدنكل والله
لو شفت ليا سنغافورية بتكاملك ونبقى اتنين
طبعا عازم اكمل نصف ديني باذن الله...القراية ام دق دي فترت منها والله
|
العزيز ود النقر
سلامات وكل عام وانتم بخير..
ما عندك عوجة تب ياخوي
في البلد الصغيرة دي نخليك تمد رجليك على راحتك..
القراية ما تتخلي..
من هنا تمد يدك على مكتبة الأسلامية..
وتكون ضربت 3 عصافير على الطاير..
مراحب..
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: فيصل محمد خليل)
|
ورورووووك
تعال يا ود ايسا جاري
شوف المسنوح في قناة الجزيرة
بيقول كلام كبار كبار
علي النعمة تقول وزير اقليمي
__
وزير اقليمي دا معناها زول اقليمي
دايش بس بيعرف ليهو كلمتين من
الزوتشية
عزيزي فيسل
سلامات
يا سبحان الله
العريبي ماهو ساهل..
بيتكلم وبيكشف كمان.
يديه التقول بشيل في فواتح أم المعارك..
وبعدين هو جادي كدا ليش؟؟
تقول ناوي على سكر طريق البرادنة..
كسرة:
سكر الفوق دي بي ضم السين.. أصلو ناس النظام بيفتشوا لي فرص زي دي..
| |
|
|
|
|
|
|
|
|
|
Re: بوردابي سنـغافـورة فطـوره سوداني..!! (Re: Abdlaziz Eisa)
|
Quote:
وقال سوداني يقيم في سلطنة عمان يدعى الطيب شيقوق عاد إلى الخرطوم لقضاء شهر رمضان "سودان أونلاين قد صارت هي حقيقة (بالانجليزية) يعني الملاذ الوحيد للناس في الشتات. ان الناس تتلاقى بعض..تتناقش مع بعض.. تحكي مع بعض.. تحكي عن هموم بلدها.. تحكي في ثقافاتها."وتجرب مجموعة كونها على الإنترنت أعضاء من وسط الخرطوم وجبات مختلفة من أنحاء العالم لطعالم الإفطار في رمضان. وأفطر أعضاء المجموعة الأسبوع الماضي على طبق العصيدة التقليدي مطهيا على طريقة أهل إقليم دارفور.
|
| |
|
|
|
|
|
|
| |
Abdlaziz Eisa
خالد فهمي
الفاتح ميرغني
فيصل محمد خليل
شهاب الفاتح عثمان
Imad Khalifa
الصادق عوض
خالد عبد الحليم سعيد
آدم صيام
داليا الكباشى
محمد عبد الماجد الصايم
mohamed elshiekh
Kostawi
مزمل خيرى
الطيب شيقوق
الفاتح الصادق حامد
Mohammed Haroun
SHIBKA
طارق جبريل
الطيب عبدالرازق النقر
فيس بوك
تويتر
انستقرام
يوتيوب
بنتيريست