|
Re: 2 سبتـمـبر اخر موعد ! (Re: Mujtaba Mahasi)
|
الترجمة العربية لكلمة الصديقات والاصدقاء
ما من أمر كما الذي مضى لمّاحة أنت دائماً إذ نرجع البصر وكل ما يجول من خواطر يغوص في الأعماق باعتدال، لكنَّ الذي يليك ماضياً وصادقاً ودائماً لنا.
ما تكتبينه تدفقٌ .. ثراءْ وليس بِضعٍ من كلامْ .. نمر منه والسلامْ يملؤنا بالفرحْ .. فكل واحد يحس فيه الصدق وكل واحد منّا قد طافه الحَزَنْ وبائس الشعور ولكن أمثولةُ الحب التي لكِ هي بلسمُ سريعةُ الشفاءْ
من دون ما انتكاسة ودونما ألم فأنت دائماً لنا في معيةٍ وكل شيٍ سيبقى دوماً كما هو
الصمتُ عندك لا يحول بينك وبين أن تكتبي أو تقومين بخطوة جريئة ولكنه فرصة لتجعلي تلك النفائسَ متاحة لتُقتَسَم الرسالة منك لا تجعلنا أبداً نبكي ولكن لنقاوم، نتفهم ودائماً نحاولْ لا نحجر الأفكار حتى تجف وتتلاشئ، ولكن لاهتبال المزيد من الفرص، وليس من خجل
بمرور الأيام ولا نزال نرى أطيافاً ورؤى أما تلك التي لا تتحقق علينا التحلّي بالحكمة واتخاذ قرارات مصيرية
كتابك ملئ بالإرشادات والنصائح لم تكوني أبداً جالسة في استكانة أو مارّة في صمت كل الأحداث الجديدة هي نتاج عقلك وكذلك كل المحاولات الواعدة لن تبقى في الخلف
كل ما أوحيته كتبته، ولم تضيعي ثانية من تفكير ولم تخجلي من شي والآن كله سيخلد على الورق والملصقات وسوف ندعم أن ينتشر وكل شئ إن شاء الله سيبقى كما هو
والآن نحن الشباب الذين في مثل سنك سوف نعمل بجد ونترك اللهو، لأننا سوف نتحقق من أن رحلة الحياة قد بدأت للتو أصدقاؤك المقربين يلهج لسانهم بالشكر والثناء لأنك ساعدتهم
ورسالة لأهلك وهم في التجوال حولهم ويشتكون وهذا ما يفضي بكم إلى الرهق
أخيراً سوف أصف ما أوحيته بكلمات ساكنةٍ واصفةٍ ومنتقاة أني لم أمر عليها أو اسمع بها من قبل علينا أن نحفظ هذه الثقة وهذا الولاء
ونحن هنا في الحاضر نحاول توصيف أن كيف كنت لنا بتلك الخصوصية ومكانة خاصة حللت في قلوبنا وكلنا يكن لك كل الإحترام والتقدير
حقيقة لقد تركت علامة فارقة لا تنمحي وأثراً خالداً لا يزول
ترجمة الاستاذ. سليمان الامين
| |
|
|
|
|
|
|
Re: 2 سبتـمـبر اخر موعد ! (Re: Mujtaba Mahasi)
|
مقدمة إصدارة جمعية غادة الثقافية الاولى يحتوي الكتيب على المواضيع التي أحرزت الجوائز
ابسم الله الرحمن الرحيم *إقرأ وربك الأكرم * الذي علم بالقلم * علم الإنسان مالم يعلم*
هذا الكتاب فتح من الله هب علينا في ذكرى حبيبة غالية آثرها الله فقربها إليه ؛ نسأله بكرمه الذي لا ينسد بابه أن يقرب غادة من مقاماته العُلى في زمرة الشهداء والصديقين وان ينزل رحمته برداً وسلاماً على قبرها وأن يعزي والديها وأحبابها بالصبر الجميل ويجزيهم خيراً ونوالاً على هذا العمل الذي تلقفوه برضىً وأريحيه لعلهم تقبلوه كما نراه جميعاً عطاءاً سخياًعلى فقدهم الجلل.
أما بعد.. هانحن نبر بالوعد.. وتُصدر جائزة غادة للكُتاب المتميزين من الشباب احدى فروع مؤسسة غادة الثقافية الطبعة الثانية من رحيل الغزالة .. شمعة في الممر والذي يحتوي على المزيد من إبداعات جيل الكتاب الشباب الذين ساهموا في الدورة الأولى للجائزة فكانوا مثالاً نفخر به على مر الزمان إذ ان مشاركاتهم كانت تعكس إضافة للنبوغ الأدبي والعلمي، إحساساً قوياً بالمسئولية عن من حولهم وما يؤرق مجتمعاتهم من مشاكل وأحداث . ومازلنا نأمل في نشر البقية من المشاركات لافتين النظر انه بعد المشاركات التي حازت على الجوائز لا تعبر القائمة عن مستوى المشارك إذ أن اللجنة- بعد العشرة الأوائل – صفت المشاركات في مجموعات وهذا يعني ان ما بين أ يديكم الآن هو المجموعة الأولى: 1 الى10؛ والمجموعة الثانية 11 الى 35 ؛ ويتوقف نشر المجموعتين الثالثة والرابعة علي العائد المالي من هذه الطبعة.
أحبابنا... بكم بدأ هذا المهرجان.. وبسعيكم نجح نجاحاً باهراً بحمد الله.. وبدعمكم سوف يستمر بإذن الله.. المجد لشباب اليوم.. بناة الغد... والرحمة لغادة مجتبى محسي – بنت سهام المجمر
والسلام عليكم عائشة موسي منسقة الجائزة يناير 2011-01-05
| |
|
|
|
|
|
|
Re: 2 سبتـمـبر اخر موعد ! (Re: ابوحراز)
|
Quote: هجمة مرتدة كان سيفوتني بوست يعتبر من أروع البوستات في سودانيز فقد ضللني العنوان كثيراً حيث أنني اعتبرت آخر ميعاد 2 سبتمبر هو آخر موعد { لتغيير العملة } وقلت انا مالي ومال العملة ان شاء الله يغيروها أو ما يغيروها لكن توكلت على الحي الدائم وفتحت البوست وذهلت للمطر الغزير الذي اغرقني شكراً لهذا الجمال
|
اقتراح لبكري لتعديل رابط البوست - على الاقل المرفوع اعلى المنبر* - الى :
الدورة الثانية لجائزة غادة للكُتّاب المتميزين من الشباب 2011
او اضافتها قبل الاسم الحالي [ 2 سبتـمـبر اخر موعد ! ]
-----
* دينا بالله قدمي نقد ذاتي لنفسك في شكل بوست على غرار :
اما دينا خالد يا حسين فقبل ان تعطس ذاتو!!
اسي وين عطستي!؟ شايفك بقيتي من اهل الحظوة الذين ترفع لهم البوستات!؟
اللهم ارحم غادة و اجعل قبرها روضةً من رياض الجنة
| |
|
|
|
|
|
|
Re: 2 سبتـمـبر اخر موعد ! (Re: قيقراوي)
|
Quote: أ/ مجتبى .. مسحت شنو ؟ |
قيقراوى اتقول قاعد معانا:
Quote: الظاهر ما تابعتي الفلم دا يا دندنة ..
أ. محسي ما جا بجاي كلو كلو .. الزول البعدو هو الكان مهكر حسابو |
قالو السترة والفضيحة متباريات القصة انى مسكينة و ما عندى كمبيوتر متحكر و لا متحرك وبقعد عاقدة اصابعينى لمن أ. مجتبى يرجع قادل بى اللاب توب بتاعو اقوم افرتق ليك الاصابعين قبل ما اتاكد من احقيتهم وكده يعنى يا قيقراوى لازم تجيبها الدم
بالمناسبة موضوعى ده ما بقسم مع ناس تنادينا والا كيف
| |
|
|
|
|
|
|
Re: 2 سبتـمـبر اخر موعد ! (Re: Siham Elmugammar)
|
يا ابوحراز ...كلماتك ........................................
Quote: هذه ليست ومضة ضوء بل ملائيين الثقوب الضوئية التي تسطع من سماء الإنسانية !! وفي كل ثقب ونقطة ضوء ترى غادة تراها بكل اشراقها وجمالها وحيويتها وانسانيتها المرهفة تراها بحبها الكبير للأطفال وللبسطاء من الناس للمستقبل المشرق لغد وعالم ووطن وقلب يسعنا جميعاً !!! لها الرحمة ولها ملائيين الشموع وأكاد اجزم انها تضحك وتلهو مع الولدان المخلدون وحينما يمنحوها كأسها 00 ينتظرونها كثيرا فترجع لهم نصف الكأس وحينما يقولون لها هذا لك ياغادة تقول لهم 00 امنحوا نصف الكأس لأمي وللأطفال واليتامى والبؤساء !!!! |
غلبنى والله....
| |
|
|
|
|
|
|
Re: 2 سبتـمـبر اخر موعد ! (Re: Siham Elmugammar)
|
غادة ... روح نقية وصافية هي مثل الفراشة ... لا بل مثل شعاع الإيمان تسقُط وتُسِقط معها الأمل في الأرواح والعيون تخللت أروحنا أجسادنا ودخلتنا عبر مسامنا ... آثرت الهروب من سجن الجسد لتُحلّق في نقاء وتُعانق الجميع وتوهب الفرح واليقين ... هي موجودة في عيوننا عيون أطفالنا وكبارنا وشيوخنا تسبح في حروفنا وتهدينا : فناً وكلِماً رصين يُداعب المساء يُراقص النجوم ويطبع الأمل ... غادةٌ بل وردةٌ تفتّقت وأينعت وأعطت العبير في كل لحظةٍ وثانيةٍ تُداعب أطفالنا فيخرجوا إبداعهم : كلمةٍ موثّقة إنشودة مُدوزنة تظلُ خالدة خالدة وباقية وتسعد الجميع ...
| |
|
|
|
|
|
|
Re: 2 سبتـمـبر اخر موعد ! (Re: Siham Elmugammar)
|
The Ghada Dreams OrganisationThis site is dedicated to the soul of Ghada, daughter of Mr. Mujtaba Mahasi and Mrs. Siham Taha Almujamar , was born in Khartoum on the 14th November 1994 and passed away on 24th April 2010. One of Ghada's dreams was to get involved in her future in helping street children. Her parents, grandparents, friends, school colleagues and many other people who were devastated by her sudden and painful death decided to reflect their grief and sadness into realising her dream. The Ghada Dreams Organisation. http://ghadadreams.org/4601.html[/left]
| |
|
|
|
|
|
|
Re: 2 سبتـمـبر اخر موعد ! (Re: قيقراوي)
|
قيقراووى امنع الفوضى ياخ !!!
العنوان مقصود ولولاه لما اتجدعنا انا وانت الناس لما تحكى ليهم القصة كلها فى العنوان كدا تانى زووول بجيك مافى بعتبروا انو الفكرة وصلت ... كدا انت ولا بكرى زول فيكم يهبش عنوانى دا عشان اخربشو ...
| |
|
|
|
|
|
|
Re: 2 سبتـمـبر اخر موعد ! (Re: قيقراوي)
|
ابنتي سهام...
لله درك وزوجك!
ياجبل الصبر المابتهده رياح
ويابدر التمام السوّى ليله صباح
وبفضل الإله : جزاكم صلاح ورباح!
تقبل الله غادة وتقبل منكم السبيل ينضح ثراء.
| |
|
|
|
|
|
|
Re: 2 سبتـمـبر اخر موعد ! (Re: abdelrahim abayazid)
|
Quote: غادة ... روح نقية وصافية هي مثل الفراشة ... لا بل مثل شعاع الإيمان تسقُط وتُسِقط معها الأمل في الأرواح والعيون تخللت أروحنا أجسادنا ودخلتنا عبر مسامنا ... آثرت الهروب من سجن الجسد لتُحلّق في نقاء وتُعانق الجميع وتوهب الفرح واليقين ... هي موجودة في عيوننا عيون أطفالنا وكبارنا وشيوخنا تسبح في حروفنا وتهدينا : فناً وكلِماً رصين يُداعب المساء يُراقص النجوم ويطبع الأمل ... غادةٌ بل وردةٌ تفتّقت وأينعت وأعطت العبير في كل لحظةٍ وثانيةٍ تُداعب أطفالنا فيخرجوا إبداعهم : كلمةٍ موثّقة إنشودة مُدوزنة تظلُ خالدة خالدة وباقية وتسعد الجميع ... |
محمد الجيلى تحياتى صدقت والله كانك لاقيتها و عرفتها هى فعلا كان مصدر سعادة لكل من حولها رحمها الله وغفر لها و يا رب ينزل علينا الصبر
| |
|
|
|
|
|
|
Re: 2 سبتـمـبر اخر موعد ! (Re: Siham Elmugammar)
|
العزيز قيقراوى
واصل كفاحك ما لقيت لى فرصة استمع ولكنى كما وعدت سافعل عسى ولعل ان ترتوى ثقوب الروح
دينا خالد انتى ذاتك امنعى الفوضى :) الرسومات جميلة جدا جدا لكن يا بتى بتركبي الناس التونسية السنه الفاتت بعض من الاولاد افتكر انو ممكن ينافس برسومات وفعلا فعلو رغم انو الاعلان كان واضح جدا انو للكتابة الابداعية (عشان خاطر امجد فريد يفهم انو فى حاجة اسمها كتابة ابداعية )
على خلفية ما حدث قررت جمعية غادة الثقافية ان تحتفظ بالمساهمات الى وصلت وتقوم بعرضها فى المعرض المصاحب لحفل توزيع الجوائز لكن العوارض حالت دون ذلك
لكن القرار الاهم انو انشاءلله بعد ان يستوى عود الجمعية (بالواضح لما تجى القروش) ح يكون فى منافسة خاصة بالفنون الاخرى ومنها الرسم ..النحت ... الموسيقى
| |
|
|
|
|
|
|
Re: 2 سبتـمـبر اخر موعد ! (Re: قيقراوي)
|
انتو تعالوا يوم 2 سبتمبر دا مش العيد ؟؟؟ والبوسته مقفله ؟
مافى اى طريقة للتمديد !
غايتو لو جات طلبات من مشاركين بالتمديد ما بعرف ناس اللجنة ح يعملوا شنو .. ؟؟
لو اللجنة رئيستها الهندية اللابسه السارى دى طلباتكم بالتمديد دى الا تبلوها تشربوا مويتها كلللللمتكم ... شدوا حيلكم والتزموا المواعيد غايتو !
ـــــــــــــــ سهام ياخ الفوضى دى استقطابية لمتابعة البوست وما عندها علاقة بالجايزة .. مادة جاذبة واى زول يجينا هنا ما يمرق فاضى .. ذى البسوى فيه مجتبى دا ولا بس انا حيطتك القصيرة !! لما ردمنا الشعر استمتعتوا .. قولو عدييييييل ما بنفهم تشكيل .. اصلو السودانيين جنهم وجن تقول ليهم تشكيل دى .. لكن بشرتينا لما تجى جايزة غادة للتشكيل قولى لينا عووك وارفعوا سن المشاركة شوووووية ما كتير ما تصعبوها كدا وتشمتوا فينى قيقا ... ولا اقول ليك بشارك بى واحدات رسمتهم فى السن ديك اقبلوا بى اثر رجعى .. بنحلف ...
| |
|
|
|
|
|
|
Re: 2 سبتـمـبر اخر موعد ! (Re: دينا خالد)
|
وين يا باشمهندس مجتبى؟
ما سامع "خربشة" دينا دي على قولها؟
التشكيليين ديل حاول وصّل ليهم المعلومة بالأحمر سادة
بلاك اند وايت مابشوفوه كويس.
تحياتي دينا...
عائشة موسي السعيد منسقة لجان جائزة غادة للشباب من الكتاب المتميزين
| |
|
|
|
|
|
|
Re: 2 سبتـمـبر اخر موعد ! (Re: دينا خالد)
|
ما تفجر عن جائزة غادة للكتاب الشباب ...ابداع طالبات مدرسة المعالى
كانت استاذة عائشة قد خاطبت طابوهن الصباحى السنة الماضية للتنويرهن بشأن الجائزة وطبعا حكت لهن عن غادة واحلامها فأتت مشاركات مقدرة من المدرسة فى الجائزة وفازت طالبتين فى العشرة الاوائل (تصحيح يا جماعة اذا نقصت) ولم يكتفين بذلك فقمن بتكوين جمعية اصدقاء جائزة غادة قررن انهن يردن من خلال جمعيتهن الاهتمام بإطفال الشوارع كما كانت تأمل المرحومة بأذن الله غادة فقمن باول نشاط لهن الشتاء الماضى وسمينه "دفء الأطفال" وذلك بجمع كل ماهو فائض من ملابسو اغطية لديهن وتوزيعها على المحتاجين وكان اصرارهن ان يتم ذلك عن طريق حمعية غادة وبشرط حضور اسرتها وقد كان .... كان لإدارة المدرسة ولازال دور كبير فى التنسيق وكان المدرير فخورا جدا وهو يتصل بنا ليخبرنا عن نشاط طالبته وله الحق ان بفخر
| |
|
|
|
|
|
|
Re: 2 سبتـمـبر اخر موعد ! (Re: كمال سالم)
|
والشكر موصول .... و اعضاء لجنه الدوحه:كمال سالم .. اميره الشيخ .. الصديق عبد الكريم الامين.. الصديق وليد خليل.. الاخ الفنان محمد السني دفع الله .. الصديقه عبدالرحمن بركات .. الاخت هند..هشام المجمروشكر خاص للاستاذ عادل التجاني الذي فتح لهم ابواب مركز اصدقاء البيئه لعقد اجتماعاتهم. وشكر خاص ايضا للصديق العزيز دكتور احمد عثمان عمر (من كلمة سهام المجمر .. حفل توزيع الجوائز 2010) يا سلام عليكم يا ناس الدوحة ... شكرا يا كمال .. لكم الشكر معا لتحفيز الشباب/ات من 14 الى 18 عام بالمشاركة
| |
|
|
|
|
|
|
Re: 2 سبتـمـبر اخر موعد ! (Re: Mujtaba Mahasi)
|
Quote: (من كلمة سهام المجمر .. حفل توزيع الجوائز 2010) |
ايوا كدا ارجع لقواعدك سالما ,, فكرتنا انا وانت صائبة بنرفد البوست بكمية من القراءات الرسومات الموضوعات الانيقة استمر يا مجتبى
ـــــــــــــ سهام دا مش بوستينى .. ؟؟ امنعى الفوضى ...
| |
|
|
|
|
|
|
Re: 2 سبتـمـبر اخر موعد ! (Re: Mujtaba Mahasi)
|
رمضان يا دينا مع إلغاءه لتوازني يهرب الكلمات أيضاً فأتحول محض قارئ شحيح الاستيعاب...
لكنما النهار الساطع ونهر الألق لهما علينا حق العبور الدعاء بأن يكرمها الله بالجنات العلى يحفظ سيرتها حيّة نابضة بين القلوب ما بقت الأمنيات بالمزيد من الجمال . . .
ورمضان كريم عليكم جميعاً وعذراً للطشاش...
| |
|
|
|
|
|
|
Re: 2 سبتـمـبر اخر موعد ! (Re: دينا خالد)
|
لله درك يا نزار ولله درك يا دينا كيف للالم القدرة على الاستنطاق لتخرج كلمات بهذا الجمال والقوة ... تجعلك راغبا فى الثأر لبلقيس ... وكأنك تعرفها .. وكانك نزار نفسه .. فهو يصورها .. شكلا ... جسدا ... حركة ... اداء وجمالا
| |
|
|
|
|
|
|
Re: 2 سبتـمـبر اخر موعد ! (Re: Mujtaba Mahasi)
|
الكتابة الإبداعية : هي تعبير عن الرؤى الشخصية , وما تحتويه من انفعالات , وما تكتشف عنه من حساسية خاصة تجاه التجارب الإنسانية .والكتابة الإبداعية ابتكار لاتقليد , وتأليف لاتكرار, تختلف من شخص لآخر حسب مايتوفر لكلٍ من مهارات خاصة ,وخبرات سابقة, وقدرات لغوية , ومواهب أدبية , وهي تبدأ فطرية, ثم تنمو بالتدريب والاطلاع. أنواع الكتابة الإبداعية : 1- كتابة الفقرة : تعريف الفقرة , وشكلها, وحجمها, والبناء الداخلي لها, فضلاً عن الروابط المعنوية واللفظية في الفقرة والشروط الواجب توافرها في الفقرة الجيدة 2- كتابة الخاطرة : تعريف الخاطرة وخصائصها الفنية, نماذج للخاطرة 3- كتابة المقالة : خطوات كتابة المقالة , وشروطها ، نموذج لمقالة تحدثت عن كيفية قياس الوقت على مر الزمن. (منقول)
| |
|
|
|
|
|
|
Re: 2 سبتـمـبر اخر موعد ! (Re: Mujtaba Mahasi)
|
تعريف الفقرة
الفقرة هي مجموعة من الجمل المترابطة والمتسلسلة, التي تتناول فكرة رئيسية واحدة أو معنى من المعاني , أو هي مجموعة جمل مترابطه تعبر عن موضوع واحد أو جزء منه أو تكون جزءاً من مقالة تتكون من عدة فقرات , أو جزءاً من بحث أو كتاب. ينبغي لكاتب الفقرة أن يحسن اختيار المفردات اللغوية الصحيحة , ويكتبها كتابة سليمة خاصة من جهة الإملاء ؛ لأن المفردة هي الوحدة الصغرى في كتابة الفقرة. يتلو اختيار اللفظة الصحيحة أن تكون الجملة السليمة في نحوها وتركيبها , ومعناها لتتكون من خلال ترابط هذه الجمل وتسلسلها لفظاً ومعنى الفكرة الواحدة التي تشكل بدورها الفقرة الواحدة.
تعريف الخاطرة
إن الخاطرة قطعة نثرية قصيرة جداً ؛ تطرأ في ذهن كاتبها عرضاً فتكون آنية , مكثفة؛ فالخاطرة إذن ليست فكرة ناضجة وليدة زمن بعيد, بل هي مجرد لمحة, وليست الخاطرة كالمقالة مجالاً للأخذ والرد , ولا هي تحتاج إلى الأسانيد والحجج القوية لإثبات صدقها . وهذه الخاطرة شاعت في الصحافة الحديثة , نراها - تحديداً - في أعمدة أو أنصاف أعندة الزوايا. وغالباً ماتكون عناوينها براقة, لافته للنظر مثل : " ومضة" , " كلمة", " على الماشي " , " نحو النور" , " ما قل ودل" وهذا النوع من الكتابة الصحفية يحتاج فيها الكاتب إلى الذكاء وقوة الملاحظة . إذ إن أهمية الخاطرة تاتي من أنهاتستطيع أن تشد انتباه القارئ إلى الأشياء الصغيرة من حولنا التي لها دلالات كبيرة.
| |
|
|
|
|
|
|
Re: 2 سبتـمـبر اخر موعد ! (Re: Mujtaba Mahasi)
|
Creative writing is considered to be any writing, fiction, poetry, or non-fiction, that goes outside the bounds of normal professional, journalistic, academic, and technical forms of literature. Works which fall into this category include novels, epics, short stories, and poems. Writing for the screen and stage, screenwriting and playwriting respectively, typically have their own programs of study, but fit under the creative writing category as well. Wikipedia
| |
|
|
|
|
|
|
Re: 2 سبتـمـبر اخر موعد ! (Re: Siham Elmugammar)
|
Quote: Re: 2 سبتـمـبر اخر موعد ! (Re: بله محمد الفاضل)
* (عدل بواسطة Mujtaba Mahasi on 16-08-2011, 06:01 AM)
|
------
دندنة قولي اتنين ..
2 سبتـمـبر اخر موعد !
برضو اخونا بله - وووبس اقصد سهام - دقّ ( الرغم ) جلّى!
| |
|
|
|
|
|
|
Re: 2 سبتـمـبر اخر موعد ! (Re: Siham Elmugammar)
|
Quote: ما زلنا انا ومجتبى نثرى البوست .. وما زال قيقا وسهام يشعلان الفوضى ..
|
اثراء البوست هين .. عملتوا لينا شنو في (الرسم)!؟ عاوزين نلحق نشارك قبل ما نطلع من المى السني للمنافسةعلى جائزة غادة .. لحي نهاية شهر تمنية دا الزول بكمل الـ18 تب!
2 سبتمبر قررررررررب
| |
|
|
|
|
|
|
Re: 2 سبتـمـبر اخر موعد ! (Re: بله محمد الفاضل)
|
Quote: السكوت يا قيقا السكوت علامة فأدفع بالتي هي أجمل من رسوم
|
انت قايل المافي شنو!؟
ما هي (الرسوم) دي ذاتا ياخ ..
الرسوم داخل البوست على مسئولية جايبها .. او كما قالت دينا
-------
المشكلة التانية في موضوع العمر كمان .. يوم 29 اغسطس بنقفل الـ 18 و نبقى عمر الزهور ..تزعطاشر عديييل!
| |
|
|
|
|
|
|
Re: 2 سبتـمـبر اخر موعد ! (Re: قيقراوي)
|
بله وقيقا ! امنعوا الفوضى .. جيبو رسم .. جيبو اشعار .. جيبو نكات وخلو الكتابة الابداعيه لناس المسابقة ..
ـــــــــــــــ قيقا ! الكلام على الرشد ...
| |
|
|
|
|
|
|
Re: 2 سبتـمـبر اخر موعد ! (Re: دينا خالد)
|
Quote: وخلو الكتابة الابداعيه لناس المسابقة ..
|
و ماذا تعني الكتابة الابداعية؟
او كما قال امجد الفريد في التعسف
-----
بالجد يا ريت لو كان "فادي" لاحق السن المطلوبة .. غايتو كان حنك ساي بطلع بجائزة .. لكن ابداع ما اظنو .. يجيهو من وين بس، و الود طالع لابوه
| |
|
|
|
|
|
|
Re: 2 سبتـمـبر اخر موعد ! (Re: قيقراوي)
|
تحيات وسلام ماشاءالله بدأت الاعمال تتوافد يلا يا شباب ويا شابات وخلو شغل اخر دقيقة ده وسلمو اعمالكم
انى افتقد فى هذا البوست حفصة المحرب فى زول ممكن يلكزها لينا تجينا بى جاى؟؟!!! فقد كانت من ضمن الفائزات فى المسابقة يا قيقا الناس ديل معاك كدى ابحث و جيب لينا البنية الكتاابة دى
| |
|
|
|
|
|
|
Re: 2 سبتـمـبر اخر موعد ! (Re: Siham Elmugammar)
|
Quote: انى افتقد فى هذا البوست حفصة المحرب فى زول ممكن يلكزها لينا تجينا بى جاى؟؟!!! فقد كانت من ضمن الفائزات فى المسابقة يا قيقا الناس ديل معاك كدى ابحث و جيب لينا البنية الكتاابة دى
|
تمام سعادتك ..
جاري البحث
| |
|
|
|
|
|
|
Re: 2 سبتـمـبر اخر موعد ! (Re: بله محمد الفاضل)
|
ما أمكن قولُهُ .. عبر البُرُوقْ الطيب برير يوسف
وهْماً حسبتٌ البرقَ يلمعُ كيْ يُعلّمَ شاردَ المطرِ .. الإيابْ بتّنا نحقّنُ في السحابِ بركعتينِ تلاحقاً أنْ قد نفخنا في رئاتِ الريحِ فوحَ دعائنا إمّا أجابْ مثلما حظُّ الرياح الآن سَوْقُ سحابنا أيجئُ بعضُ مخاضها ظنٌّ .. تقطّعَ في متاهاتِ الغيابْ * * * قولوا له هذا المُحدِّثِ بالفجعيةِ بينَ حلقِ الأرضِ بهوَ سمائنا وعدٌ تأخرَّ أو تلكأَ في أمانيهِ العِذابْ فالنّيلُ يسحبُ شاطئيهِ ولم نزلْ نُهدي لهُ كلَّ الحسانِ من القصائدِ زهوها.. ريقٌ يبلّلُ حلقَ أغنيةِ السّحابْ * * * إخفضْ عُيونَكَ ليس فوق السُّحبِ سطركَ إنّما في الأرضِ سطرٌ طيّهُ معناً كتابْ فاتلُ علىَّ قصيدةَ الزرعِ احتفاءً يخرجُ الإحساسُ شطئاً من مساماتِ الترابْ إخفضْ عيونكَ قد شرحنا صدرك الموبوءَ بالتّخمينِ إحقاقاً فتحنا كلّ عينٍ فيكَ نافذةً وبابْ * * * أيُّ المراصدِ - غير وجهكِ - صار مرآةً تَلفّتُ بين .. مُدَّخَلِ الحضورِ وحالةِ العدمِ.. الغياب أيُّ المراصدِ غيرَ عينكَ – أطفأتْ إنسانها فقأتْ بذاتِ القصدِ عين مدارنا فلكَ النّوازعِ.. والعذابْ لا شئَ - بعد الآن – يرصدُ غيرَ هذا الوقتِ يركضُ في فضاءٍ يقتفى أثرَ السرابْ هذى.. بدايةُ كوننا كنّا قديماً شارعاً يفضي إلى وهمٍ ويمعنُ في الغيابْ كمْ منزلٍ كنّا نُعِدُّ لكيْ تجيئَ مراصدُ الإحساس وفقَ مطيّةَ الحُجُبِ الكثيفةِ حسبما قد كانَ في السِّفْرِ المُهابْ فإذا الذي طيَّ الغيومِ .. توهُّمٌ مثل الذي خلف الغيومِ .. توقّعٌ ... حدْسٌ .. سرابْ .. وإذا الذي شقّت عصاكَ تجاوزاً قبوٌ تصايحَ في مداخله الخرابْ * * * ها أنت تعرفُ إنّهمْ نكأوا جراحكَ و استفزّوا صوتك المبحوحَ يأبى لمْ يَهُنْ من ذا يقولُ بإنّهم .. طمسوا عيونك بالدّموعِ و أسلموكَ لحالةٍ ألماً تئنْ لا شئَ يُنسيكَ الجراحَ الآنَ حرّكْ من لدنكَ حُوارها أبداً تحنْ لمعُ البروق الآنَ باتَ مُحرّكاً ناقوسنا في كلّ إرصادٍ .. يرّنْ هذا ، .. و إن زعموا بأنّ الأمر فيك غوايةَ الحَدْسِ الهباءِ فإنّمأ .. بدءُ الحقيقةِ محضُ ظنْ فاكتب – لوقتك - هذه الآفاقُ يسرجها الذي زرعَ الغمام وجاءَ في الإحساسِ .. مُزْنْ قد جاءَ في صدر الغمامةِ: إنّه .. (أنْ لو صدقتم حالةَ الإحساسِ .. حتما لا أضنْ )
| |
|
|
|
|
|
|
Re: 2 سبتـمـبر اخر موعد ! (Re: بله محمد الفاضل)
|
ماتوشك!
انت ذاتك خليك على وشك .. المافي شنو هو!؟
سيدنا "البياتي" قال ما معناه:
كن دائماً على وشك .. الاجمل من دخول الجنة، الوقوف ببابها .. و المفتاح في يدك!
او كما قال
شفت كيف!؟
-------
Upshiri Ya bit Elmugammar
ح تجي البت الحديقة ..
| |
|
|
|
|
|
|
Re: 2 سبتـمـبر اخر موعد ! (Re: حفصه خالد المحرب)
|
توثيق بديع ومدهش، برغم الحزن الساكن فينا! شكرا يا دينا رحم الله غادة- النبوغ المبَكر- رحمة واسعة واسكنها ظلال الجنان العُلا. ("ما دريت ان القمر لونـه يـزول كيف يدفـن الوطـا بـدر التمـام لو رسول الموت تكفيـه البـدول كان اسوق البيض ادرك للمـرام ")
سهام ومجتبى وآل مجمر لكم صادق التعازي القلبية في هذا الفقد الجلل والحزن المقيم. إنا لله وإنا إليه راجعون.
| |
|
|
|
|
|
|
Re: 2 سبتـمـبر اخر موعد ! (Re: دينا خالد)
|
دينا سؤال تعسفي ياخ .. ممكن؟
انت عندك مكتبة هنا(في سودانيز اون لاين ضط كوم)؟
---------
برّة الخط خالص ..
برج "الفاتح من سبتمبر" غيرو لانتركونتينينتال مش؟
ما يكونوا اكلوا قروش الثوار اوناطة ساي الكيزان ديل كمان! بعرفم انا .. ديل ياكلوا ناقة النبي صالح .. طوالي يقولوا مافي زول جايب لينا خبر، و يلغفوا حق اليتامى دا!!
| |
|
|
|
|
|
|
Re: 2 سبتـمـبر اخر موعد ! (Re: قيقراوي)
|
يا سلام ياااخ والله البوست بقى محضور عديل كده يا دينا بله..د.أمين..بت المحرب هلت ,,وكمان اخونا الفاتح يا سلااااام والله يلا فوق من اجل الجائزة
_____________________ قيقا اداء ممتاز جبت بت المحرب فى يدك فى ذمتك شوفت الكتابة دى كيف ؟؟مش لى حق افقدها؟؟؟
*** دينا قيقا ده جاط الكنبة الورا كلها بلاهى اعملى ليهو واحد ايدينك فوووق ووشك على الحيط
| |
|
|
|
|
|
|
Re: 2 سبتـمـبر اخر موعد ! (Re: الفاتح ميرغني)
|
برضو وشك!؟
اوشكت المهلة لتسليم الاعمال ..
يلا يا شباب
الثاني من سبتمبر جاء ..
---------
و راح الفاتح من سبتمبر و راح فيها العقيد ابو شفشوفة
" ابو منيار" تلقاهو اسي يردد :
بأي حالٍ عدت يا عيدو!!؟
و لا فندق ساي في المقرن مافي!؟
| |
|
|
|
|
|
|
Re: 2 سبتـمـبر اخر موعد ! (Re: Siham Elmugammar)
|
خالتو سهام .. ما تفقدي حبيب يارب الله وحده عالم بفرحتي بكلامك فرحني اكتر من كل التهاني في عيد ميلادي .. دي لوحدها اكبر تهنئه :) حأكون ان شاء الله قريبه دايما .. ..كل سنه وانتي بألف خير خالتو
| |
|
|
|
|
|
|
Re: 2 سبتـمـبر اخر موعد ! (Re: حفصه خالد المحرب)
|
. دينا ..
وفاة غاده الله يتغمد روحها بالرحمه كانت لمسة حنينه وسط مشاغل الحياه كلها ووسط زحمة الايام خلت الاهل ينتبهو للي بين ايديهم .. واللي بين ايديهم ينتبهو للعندهم غاده الله يرحمها مع انه الحياه ما ادتها الوقت الكافي عشان تدي كل الي عندها الا ان رحيل غاده صحى كثيرين كانو متكين على انه اكيد بكره جايي "اكيد" بأن الدنيا غير مأمونه و ان" يدو " كل العندهم اليوم . فغدا قد لا نشهد شروقه . .
....................
كل عام والجميع بخير
| |
|
|
|
|
|
|
Re: 2 سبتـمـبر اخر موعد ! (Re: حفصه خالد المحرب)
|
شكرا بت المحرب ياريت لو رفعتى لينا البوست ببعض من مشاركتك السابقة فى جائزة غادة .... هذا لو امكن ومع قبايل العيد بنبشر باعمال ابداعية جميلة من الشباب والشابات ... لجائزة هذا العام ...
| |
|
|
|
|
|
|
Re: 2 سبتـمـبر اخر موعد ! (Re: عائشة موسي السعيد)
|
الحبيبة حفصة تسلمى ويديك العافية والعمر وتكملى لنفسك اولا ونيابة عن غادة ثانيا يديك العمر ويبارك ليك فيهو
دينا وكل الناس كل سنة وانتو طيبين ربنا يتقبل منكم رمضان ويبارك فى ايامكم
خالتى عشه العيد عندى فرحتين انو العيد وانك قربتى ترجعى على حسب وعدك
اى عنكبة من شيراز نا بجى طايرة اطيرها معاها تحياتى ليها شدييييييييييد وقولى ليهو برضو مفتقدنها هنا وقاعدين نحدر ليها ساااى
| |
|
|
|
|
|
|
Re: 2 سبتـمـبر اخر موعد ! (Re: Siham Elmugammar)
|
Quote: نطمئن جميع المشاركين/ات والذين سيسلمون اعمالهم فى مراكز التسليم ان اللجنة لن تبدأ بجمع الاعمال الا بعد مرور 3 ايام من فتح المدارس ظروف العيد مفهومة و مقدرة
|
كلام زي قسم الدهب
UpShirooooo Ya SHABAB
-----------
اسي ما بتحسبوا لي اربعيني دي 18 مع خبرة 22 سنة.. نلكع نحصل نقدم عملنا مع (الشباب) ديل قبل ما المدة تنتهي ولّ كيف؟
| |
|
|
|
|
|
|
Re: 2 سبتـمـبر اخر موعد ! (Re: قيقراوي)
|
كتبت أ. سهام
[ طمئن جميع المشاركين/ات والذين سيسلمون اعمالهم فى مراكز التسليم ان اللجنة لن تبدأ بجمع الاعمال الا بعد مرور 3 ايام من فتح المدارس ظروف العيد مفهومة و مقدرة فتح المدارس ظروف العيد مفهومة و مقدرة]
ما زالت الفرصة مؤاتية لمن تنطبق عليه/ـا الشروط
| |
|
|
|
|
|
|
Re: 2 سبتـمـبر اخر موعد ! (Re: قيقراوي)
|
ربنا يحفظ الوطن من كل شر نسال الله لاهلنا فى الدمازين وكل مكان الامن والسلام
_______________________________ يا قيقا انا خايفة اتوسط ليك يقبلوك يطلع ما عندك شىء
| |
|
|
|
|
|
|
|