الأستاذ محمود محمد طه: أزرعوهم في أرض الحوار يموتوا موت طبيعي

Quote: في ركن قام محمد طه بالمقاطعة المستمرة والتهريج، فكان أن قال له دالي إنه لن يعطيه فرصة أخرى للنقاش.. فقام محمد طه قال ليه: يعني بتمنعني الكلام في أركانكن!! دالي قال له: نعم بمنعك إلى أن تحترم النقاش!! وقد منعه فعلا من المشاركة بعد ذلك إلى أن انتهى ذلك الركن.. ثانيا: في اليوم التالي لم يحضر دالي لركن جامعة الخرطوم، وحضر القراي.. وحضر محمد طه.. بعد أن فرغ القراي من مقدمة الركن.. ومعروف إنه محمد طه، رحمه الله، يتهيب القراي ولا يحب أن يناقش القراي!! بل بعض زملاءنا يلاحظوا إنه مرات يجي يعاين من بعيد، وإذا شاف القراي في الركن، يمشي.. ولكنه في ذلك اليوم جاء وقف ورفع اصبعه طالبا فرصة النقاش.. فأعطاه القراي الفرصة.. ثالثا: أول ما بدا محمد طه كلامه قال للقراي ما مفاده: انت يا عمر بتقولوا إنكم منظمين ومتفقين في كل شيء، وحسع اتضح إنه دا كلام ساكت!! إنت ما عارف إنه أنا ممنوع من أركانكم دي؟!! دالي منعني وقال إنه أنا ممنوع من النقاش فيها!! وبالطبع القراي لم يكن يعلم بكلامه مع دالي، وليس هناك قرار صادر من التنظيم أو من دالي بمنع محمد طه من النقاش في أركان الجمهوريين!! رابعا: القراي قال له أسأل!! فقال له: بس إنت جاوبني علي سؤالي دا!! القراي قال: بنجاوبك عليهو!! كدي أسأل إنت أخدت فرصة للنقاش!! قال له: بس ياهو سؤالي دا إنت بالأول جاوب عليهو!! القراي قال له: دا ما سؤال، إنت حسع رافع اصبعك بس عشان تقول الكلام دا، ولاّ عشان تسأل؟؟ فقال له: بس إنت جاوب علي سؤالي دا!! وارتفعت أصوات بعض الطلاب: جاوبو!! جاوبو!! خامسا: لا أزال أذكر المشهد، فقد كنا معجبين بأسلوب القراي!! القراي بعد ما كان رافع رجله في الكرسي، وماسك ورقة ليكتب الأسئلة، نزل رجله وقال، ما مفاده: محمد طه قايل نفسه خلاص سأل سؤال معجز!! إذا دالي منعك البارح، وأنا سمحت لك الليلة، المشكلة شنو في دا؟؟ نحن ما عندنا عقوبة سرمدية!! عندنا إبليس ذاته عقوبته ما سرمدية!! العقوبة الغرض منها الإصلاح!! دالي منعك البارح، لأنه رأى إنه المنع بيصلحك!! وأنا أديتك فرصة الليلة!! إذا اتضح لي إنك انصلحت بنسمح ليك تواصل النقاش!! وإذا اتضح إنك ما انصلحت، أنا بمنعك تاني، إلى أن تنصلح، وتناقش بموضوعية!! فكان أن ضحك الطلاب!!