الأستاذ محمود محمد طه: هذا مغتسلٌ باردٌ وشراب

Quote: أمبارح واحد من الأخوان ذكرنا بأنو الناس الشافو النبي بالعين الشحمية ما بتلحقو ... وحقيقة النبي قاعد هسّع... النبي قاعد ويُرى.. والعارفين الماشين في طريقو يروهو في منامهم، ويروه يقظة... بل الحقيقة أنو مافي عابد ما يرى النبي في منامو يطمئن على عبادتو .. ويمكن هسّع السؤال دة ينصرف على عدد كبير جدا ما شافوهو، لكن الصوفية ما كدي.. الصوفي اذا ما شاف النبي في نومو خايف، إذا شافو في نومو طُمّن بعض الشي .. يتدّرج ويشوفو في اليقظة بعضهم... الكبار.. آآآ.. عندو (....) الإستغفار.. اذا انت عايز تكون صحابي ألزم الإستغفار .. إذا عايز تكون مع النبي ألزم الإستغفار.. كان.. ربنا يقول فيهو "ما كان الله ليعذبهم وأنت فيهم، وما كان الله معذبهم وهم يستغفرون".. فكان الأصحاب يقولو، عندما ألتحق النبي بالرفيق الأعلى "كان لنا أمانان من العذاب، ذهب أحدهما وبقي الآخر"..