|
Re: رحبو بالشبل (Re: osman righeem)
|
الف مرحب ومنور البورد ياسلام يا عليك ياعثمان وانت ترحب بابنك وتدعوا الناس لترحب به وله أن يفخر بك اباً وصديقاً .. ودي وتقديري ..
| |
|
|
|
|
|
|
Re: رحبو بالشبل (Re: osman righeem)
|
وهذا الشبل من ذاك الأسد ورغيم زول مهذب وهادئ الطبع محترم جداً مجِد ومجتهد ومتربي كويس جداً وكيف ما يكون متربي كويس وأمه تلك المرأة الواعية والمثقفة ووالده هو عثمان رغيم الحسن أتوقع منه ان يكون إضافة حقيقية للمنبر بثقافته ووعيه
ــــــــ فاجأني بمداخلته في بوست لي عن النسيان فرحت بإشتراكه هنا في المنبر لقيتو بقول لي أنسي بس ما تهربي :D
| |
|
|
|
|
|
|
Re: رحبو بالشبل (Re: انور التكينة)
|
مراحب بالشبل...
يا رغيم ده أبنك.. ده واحد
مرحب بي وين في المنبر...ده اثنين
ثلاثة.... تتخيل بالجد اسه كنت بفكر انه رغيم وين الايام دي وكنت حافتح بوست أسال منك...حمد الله على السلامة..
| |
|
|
|
|
|
|
Re: رحبو بالشبل (Re: انور التكينة)
|
مرحبا برغيم الابن ظهيرا وسندا لأبيه في الحق ....... وإضافة للقوي الديموقراطية ومعبرا عن الدماء الشابة في تياره السياسي......
| |
|
|
|
|
|
|
Re: رحبو بالشبل (Re: كمال عباس)
|
ماشاء الله ربنا يحفظه ليك يارب ويغطي علي..مرحب برغيم الشبل من ذاك الأسد...مرحب به اخا صغيرا ورافدا جديدا للإحترام والتعامل الراقي الواعي الرصين الذي تعودناه منك...
| |
|
|
|
|
|
|
Re: رحبو بالشبل (Re: حامد محمد حامد)
|
يا ســلام
هذا الشبل
ابوهو عثمان
و جدو رغيم رحمه الله ... وما ادراك ما رغيم
الحاج رغيم الحسن مهما قلنا وكتبنا فلن نوفيه حقه لانملك الا ان نترحم عليه اولا ونسال الله له الجنة فقد كانت بصماته فى كل شبر جامع تنقاسى نادى تنقاسى بابور الشركة بل من لايذكر امتار الدمورية التى توزع على الغاشى والماشى والعربات التى تجوب ليلا توزع الذرة وكان تمامة الناقص ما وقف احد امام بابه فرجع خالى الوفاق اختلف الناس او نقصو فوجدو الراى والتمامة نحن صغار نذهب مع المغارب ايام حش التمر فنلفى نصيبا ( حق اللقاطين ) وان لم نشارك نهارا يحضرنى الان العراقى النضيف والعنقريب الما خمج وهو جالس هاشا باشا يوزع للغلابة والمساكين والاطفال الا رحمه الله
منقول من موقع منطقة تنقاسي .... صلاح حسين
1000 مرحب
| |
|
|
|
|
|
|
Re: رحبو بالشبل (Re: ناصر احمد الامين)
|
مرحب روغيم الابن
تعرف لقيت ليه مداخلة في بوست بخص جامعة الخرطوم لقيت روحه شباب راجعت بوفايلة لقيت طالب هندسة كنت عايز ارحب بيه هناك لكن الموضوع كان مسخن
تسلم روغيم الاب والابن
| |
|
|
|
|
|
|
Re: رحبو بالشبل (Re: GamarBoBa)
|
Quote: ياسلام يا عليك ياعثمان وانت ترحب بابنك وتدعوا الناس لترحب به وله أن يفخر بك اباً وصديقاً .. |
___ Your're very welcome on board, Rugheim junior ..
| |
|
|
|
|
|
|
Re: رحبو بالشبل (Re: GamarBoBa)
|
حبابه عشرة (فى زمن المليار) رافد قوى للحق و معين لا ينضب للأصالة و بحر عميق للأسرار و حفظ الأمانة نور ساطع لشموس الحرية و الديمقراطية و سيف مسلط على رقاب الديكتاتورية
يكفيه البيت الإتحادى الذى ترعرع فى داخله و التمر الوطنى الذى شب عليه و قوى ساعده
--- شكراً للأب مرتين : لـ رغيم ثم للبوست
ش
| |
|
|
|
|
|
|
Re: رحبو بالشبل (Re: شكرى سليمان ماطوس)
|
ابو رغيم بعد الشنب دا كلو وشبل بعدين انت ضهر الكل وما بتحتاج لى ضهر ربنا يخليك لينا
مجاهد الف شكر
انعام متشكر جدا وانشاء الله اكون عند حسن ظنك المداخله قصدت بيها ما تحلى مشاكلك بالنسيان لانو كده ببقى هروب
كمال الف شكر وكلنا فى نفس الخندق
حنين للبلد تسلمى وربنا يحفظك برضو
سيف الدوله والله انا الاسعد بى التواجد بيناتكم
ود الصايم تعرف انا من زمان كل ما القى عندك مداخله بمشى عليها طوالى البورد عندو طعم تانى معاك(انفع كسار تلج موش) ونصيحه انا مامنى ملاوزه لكن ابو رغيم بلعبك فى دورى المظاليم الحاكموا داك(وش مبتسم)
استاذ حامد الفخر كلو لى انا انو وهبت نعمه ان اكون ابن عثمان رغيم
عمر عثمان نقول ضهور ما معانا(نفس الوش) على العموم يديك العافيه
بت الهنا مليون شكر استاذ ناصر تسل ورحم الله رغيم الحسن
القمر بوبا عاجز عن الشكر الشقيق ياسر طيفور ثانكيو اى ول بى باك فور يو وز اربيك تول الشقيق والاستاذ شكري سليمان بل كل الشكر لك وانت تمحنا الامل كل يوم بان غدا قد يكون افضل ليت كل الناس مثلك
| |
|
|
|
|
|
|
Re: رحبو بالشبل (Re: ALazhary2)
|
اخو الخير ..
سلامات وشنو الاختفاء دا ...
فجأ لقيت لي كم مداخلة بي اسمو ..
جيت اعمل بوست الترحيب الكهرباء ما ريحتني لمن جيت لقيت البوست دا ..
رغيم الف مرحب بيك بوردابي خرطومي نشيط ..
| |
|
|
|
|
|
|
Re: رحبو بالشبل (Re: Ashraf Abdel-Muty)
|
قبل شويه لقيتو في بوست كهربا ومغالطه اوزان ولا مقاييس ولا ايه ماعارفه.. قلت شوف الولد شبل عثمان جنن الجامعه وجه يجنن البورد.. عقبال نادرين وفوفو .. ومرحب بالكريم ود الكرماء..
| |
|
|
|
|
|
|
Re: رحبو بالشبل (Re: رغيم عثمان رغيم الحسن)
|
مرحب برغيم وحبابك الف في سودانيز اونلاين... وياعثمان مادام رغيم عندو علاقة بالهندسة برضو بنقول ليهو وصلت تب وياعثمان رغيم بعد ده بالله زح لينا كده ولاكده...هههه
وحبابك الف يا هندسة ومرحب
| |
|
|
|
|
|
|
Re: رحبو بالشبل (Re: رغيم عثمان رغيم الحسن)
|
استاذ كيكى شخصيا الف شكر واتفقنا يا باش مهندس مع انى مهندس الا عشره دقايق لكن اذا احتجت اى مساعده تقنيه برسل ليك وعاوز استغل الفرصه دى واسألكك الاستديو التحليلى وينو ما لاقيه
| |
|
|
|
|
|
|
Re: رحبو بالشبل (Re: عماد الشبلي)
|
خالص التحايا استاذنا osman righeem وحاتك ده الشبل من الاسد ذاتو... معقوله بس ياعم عثمان نحن معاك وماتقول لينا ... رغيم ازيك ياولد ، ماتقول لي ابوك هنا ولا هنا انت زول برلومنا في الجامعة وهنا كمان يعنى تسمع الكلام وبس... غايتو ابوك يهرشنا نجي نهرشك.. بعد ده مافضل الا تجيب لينا ورامي، ومازن اصلو قاعد هنا ...
ها انت الى يوم الرجوع وها انت ومرحب بك.. ها هنا نحملك فى وهلاتنا قوس قزح وشموع... رغيم ياصديق...
التحايا ال%
| |
|
|
|
|
|
|
Re: رحبو بالشبل (Re: عماد الشبلي)
|
خالص التحايا استاذنا osman righeem وحاتك ده الشبل من الاسد ذاتو... معقوله بس ياعم عثمان نحن معاك وماتقول لينا ... رغيم ازيك ياولد ، ماتقول لي ابوك هنا ولا هنا انت زول برلومنا في الجامعة وهنا كمان يعنى تسمع الكلام وبس... غايتو ابوك يهرشنا نجي نهرشك.. بعد ده مافضل الا تجيب لينا ورامي، ومازن اصلو قاعد هنا ...
ها انت الى يوم الرجوع وها انت ومرحب بك.. ها هنا نحملك فى وهلاتنا قوس قزح وشموع... رغيم ياصديق...
التحايا النواضر....
| |
|
|
|
|
|
|
Re: رحبو بالشبل (Re: معتز تروتسكى)
|
الانقلابى ترتسكى كيف الاحوال ومشتاقين وكدا انت عارف لو بقينا عليك انا ورامى ومازن بتحرد البورد زى ما حردت المين اهرش ساكت يا ابو السناير بمناسبه البرلمه وكدا كتبت رد ليك لكن ما عارف مشى وين
| |
|
|
|
|
|
|
Re: رحبو بالشبل (Re: عماد الشبلي)
|
مرحبا بالشبل في هذه الحديقة .. ( انا غير مسئول عن من يظنني اقصد حديقة الحيوانات )
و يا رغيم الكبير شنو الحركات الجديدة دي ؟ مولانا يجيب اولادو المكتب السياسي و انت تجيب ولدك البورد يا جماعة كده ما كويس .. بتضرو العمل الديموقراطي هسه تاني مافي زول يقدر يرشك يقولو ولدو الطالب ده بيجي يفلعنا
| |
|
|
|
|
|
|
Re: رحبو بالشبل (Re: Yassir Bainwi)
|
.
رغيم عثمان
يبدو إنو أسرتنا ماشة تكوّن أغلبية في المنبر دا
و تكسح بنات خوجلي العزيزات و أولاد
شيخ الدين جبريل الفنانين ذاتو .
مرحب بيك يا عزيز يا إبن خالي العزيز
و يكفيني هاهنا ما سطرته الشقيقة إنعام عبد الحفيظ:
Quote:
وهذا الشبل من ذاك الأسد ورغيم زول مهذب وهادئ الطبع محترم جداً مجِد ومجتهد ومتربي كويس جداً وكيف ما يكون متربي كويس وأمه تلك المرأة الواعية والمثقفة ووالده هو عثمان رغيم الحسن أتوقع منه ان يكون إضافة حقيقية للمنبر بثقافته ووعيه
|
حبي و ودي لكما
م . كرفس
.
| |
|
|
|
|
|
|
Re: رحبو بالشبل (Re: طارق جبريل)
|
يابني بك يازميل(مهنة) اولا ويابني ..وارجو ان تجتهد هنا لتجد موقعا مميزا وسط زحمة كبار ليس كل ما يكتبونه مفيدا ولا يتجاوز احيانا ونسة لتزجية الوقت ونعتذر لذلك فانقطاع الكهرباء والحر في الداخل وصعوبة الاجتماعيات في الخارج (وانعدام رواكيب ومساطب تلم العجائز بعد الشغل) وتوفر التقنيات الحديثة رغم كل ذلك جعل المنابر الاليكترونية ضليلة شجر بر البيت لما الكهرباء تنقطع والحر يستحلي الاقامة الدائمة ولما الغربة تضع كل واحد منا في دائرة ضيقة جدا لايكاد ان يخرج منها الا يعود اليها ... مرحبا بك معبرا عن اهم مافي السودان الان الاجيال الشابة الصغيرة والتي ستاتي بكل ما يناسبها وبلادها من تغيير دون وراثة عقيمة لافكار وسياسات ديناصورية خربت البلاد واعاقت نموها ... مودتي ابوبكر سيداحمد
| |
|
|
|
|
|
|
Re: رحبو بالشبل (Re: abubakr)
|
يا هلا بيك إبن العم رغيم عثمان رغيم... شرفت ونورت الديار...
وعقبال ما نشوف الأحباب الحسن إبراهيم ورغيم إبراهيم جواركم يا ناس تنقاسي السوق...
لك يا أخي الحبيب عثمان ولإبنك وكل آل رغيم قواسيب مودتي...
أبو الحُسين...
| |
|
|
|
|
|
|
Re: رحبو بالشبل (Re: طارق جبريل)
|
معاويه كييف الاحوال ومشتاقين اسرتنا اغلبيه لو مثلتهاانت براك الف شكر على الترحيب
طارق جبريل ما عملت حاجه لانو ناس شبا والبركل برضو اهلنا تسلم عم ابوبكر سيد احمد تسلم والله مع السخانه دى الزول بكون بس عاوز يفرق وينسى (ارجع لى انعام عبد الحفيظ) ابو الحسين محب ال البيت تسلم وربنا يحفظك استاذ يحيى الف شكر واتمنى انى ما اخيب ظنك الشقيق احمد الشايقى الف شكر وليك التحيه
| |
|
|
|
|
|
|
Re: رحبو بالشبل (Re: رغيم عثمان رغيم الحسن)
|
بعنى اسى الواحد تانى ما يقول رغيم ياعمك ولا شنو؟؟
الاسم دا غايتو يارغيم الصغير بتاع رغيم الكبير
شوف ليك اسم تانى .
روغيم ياعمك عملت ليك باك اب؟؟
مرحب بيكم ال رغيم فى المنبر
وراضين بالاحتلال ..
| |
|
|
|
|
|
|
|