|
|
|
 Re: قصائدي الغنائية المجازة في مزاد علني..لمن يرغب.. (Re: طلحة عبدالله)
|
Quote: بالله أحجز لي قصيدة (الحلزونة وقعت في البير) لو عندك
وبالمرة كدا عايز ديوان (أبيع نفسي لأول مشتر آت ) لو عندك برضو
تحياتي . |
طلحة بن عبدالله
لك الشكر والتقدير والمرور
القصيدة موجودة ولكن عدادتو عالية
ما بتقدر عليه لانو الحلزونة بتدور بيك
اما الديوان دا مع موجود في الرف
افتح المزاد الله يفتح عليك
| |
  
|
|
|
|
|
|
|
|
Re: قصائدي الغنائية المجازة في مزاد علني..لمن يرغب.. (Re: محمد فرح)
|
Quote: ياذواليد
قصايدك (المجازه) والقاعده في (إجازه) ومالاقي فنان يغنيها دي ماظهرت لي والله
نزلها كتابه عديل الصور لزومها شنو حسي |
دي ما في اجازة وانما دعم لاصحاب الحوجة من الاسر الفقيرة والمحتاجة مساعدة
ودا النص:
رصيف الحب
كلمات /ذواليد سليمان مصطفى
6/10/2001م
اطارد
فى خيال حبك
وأتامل جمال ظلك
أتسنط
فى نصف الليل عشان هدير حبك
عشان عيونك امشى واتامل
يمينى وعن يسارى
عشان الاقيك واقول بحلم
برضؤ انا حبى فى عينيك فى محيّاك أتغزل
وأنظر مره فى خدودك
أشوف فيها جمال فتان
الاقى الموج يشيلنى بعيد اسافر فى شواطى جنان
تهتوى بسمتك فينى
وتسكب فى قليبى حنان
| |
|
|
|
|
|
|
|
|
|
Re: قصائدي الغنائية المجازة في مزاد علني..لمن يرغب.. (Re: ذواليد سليمان مصطفى)
|
سلام ذو اليد
اليوم الاحد يوم ممل جدا
فكويس انو الواحد يحاول يطلع من حالة الضجر دى بالتعمق فى القصيده المطروحه
انا طبعا مابحب النقد الغير مؤسس , بحب النقد البناء
Quote:
رصيف الحب
كلمات /ذواليد سليمان مصطفى
6/10/2001م
اطارد
فى خيال حبك
وأتامل جمال ظلك
أتسنط
فى نصف الليل عشان هدير حبك
عشان عيونك امشى واتامل
يمينى وعن يسارى
عشان الاقيك واقول بحلم
برضؤ انا حبى فى عينيك فى محيّاك أتغزل
وأنظر مره فى خدودك
أشوف فيها جمال فتان
الاقى الموج يشيلنى بعيد اسافر فى شواطى جنان
تهتوى بسمتك فينى
وتسكب فى قليبى حنان |
كما هو واضح بان القصيده تنزلت وحيا على شاعرنا الفحل فى خريف العام الفين وواحد
وهى بهذا النسق تعتبر من الشعر العمودى وتصنيفها على حسب القوالب الشعريه فهى من بحر الطويل او هكذا تخيلتها
لو ملاحظ انو فى عمق فى الفكره ومرونه فى المفرده تحس من خلالها بان القصيده تندرج تحت مسمى السهل الممتنع
وهو مادرج عليه اهلنا الشايقيه فى الشمال النيلى منذ اتفاقية البقط الشهيره
لو لاحظتا لمفردة (اطارد ) بتدى القارئ احساس بان الشاعر يلهث وراء خيال المحبوبه لدرجة المطارده
والبحث عن خيال المحبوبه هو كاحساس لاغبار عليه كما ذكر ابن حيان فى كتابه القيم ( احاسيس مطارد) الراء مكسوره كالقصيده التى امامنا ..
هذا الكتاب القيم الذى صدر عن دار النخبه ببيروت اوصيك باقتناءه , فهو بالتأكيد سيساعد على ايقاف هذا الاسهال اللفظى الذى تعانيه .
مطاردة الخيال وتأمل جمال الظل تحتمل الكثير من المعانى والتى لاتتأتى الا لشاعر (فحل) ومن الفحولة ماقتل الجمل
بالنسبه لمفردة (التسنط) وهى يجب ان تكون التصنت , طبعا الاولى فيها اشاره لشجرة السنط وهى الشجره المعروفه فى السودان ,
اما الثانيه وهى التصنت فهى حادثه حصلت فى بريطانيا خلال هذه السنه ومازالت تداعياتها تسيطر على اجهزة الاعلام والمحاكم البريطانيا نسأل الله السلامه
اما بالنسبه لمفردة الهدير فهو صوت يمكن سماعه بدون تصنت لانه بلاشك يملأ صوان الاذن فلاتحتاج للتصنت وخاصة وان الوقت ليلا حيث الهدوء والسكينة والطمأنينه .. والله يغتينا
فى البيت الذى يليه وهو : عشان عيونك امشى واتأمل عن يمينى وعن يسارى , هذا البيت يفضح بلا شك كون الشاعر فى حالة سكر بين وهو يترنح ذات اليمين وذات الشمال وهنالك ######## ينبح .
. مع العلم بان الكلاب لاتحب السكارى , وهذه بلاشك حكمة الله فى مخلوقاته
فى البيت الذى ذكرت فيه : عشان الاقيك واقول بحلم (برضؤ) انا حبى فى عينيك فى محيّاك أتغزل وضح انو الحاله التى نزلت فيها هذه القصيده العصماء على الشاعر
هى حالة الحلم كما تصورتها ولكن كلمة ( برضؤ) هذه بهمزتها هى اقرب لكلمة الوضوء وهى اقرب لحالة الغسل وهو غسل الجنابه بلاشك كماسيتضح لاحقا
والمفرده الصحيحه كان يجب ان تكون (الاحتلام) بدلا عن مفردة (الحلم) , (فالاحتلام) يتطلب الغسل والوضوء ومافى ذلك شك
هذه الصوره الجماليه (لبنت ابليس) او دعنا لانغوص فى هذه المفرده لكى لا نجرح احاسيس القارئ نستبدلها بكلمة (بنت لبون) ولبون هنا تعنى اللبن
وهذه الاخيره وضحت جلية فى البيت الذى يليها وهو : الاقى الموج يشيلنى بعيد اسافر فى شواطى جنان تهتوى بسمتك فينى وتسكب فى قليبى حنان
كلمة الموج هنا بالتاكيد ليس المعنى بها المدعو جزافا صديق الموج الموج هنا تعنى دفق سيل من الحليب المسكوب
وهو كما ورد فى البيت الذى يليه وتسكب فى قليبى حنان ... انا بفتكر انو لو الشاعر استبدل كلمة قليبى بالفم بكون ليها وقعها الآسر
حتى تتماشى مع المقوله المتداوله فى الاوساط الشعبيه (من الفم للدم ) ولو تعمقنا قليلا وتخيلنا هذا الحليب كان فى (كوره)
يكون الشاعر قد نزل من برجه العاجى حتى يفهمه الجمهور والذى لديه مقوله مشهوره تتناول موضوع الحليب (والكوره)
والتى تقول ( من الكوره للشـــ****ه) هذه نتركها لخيال القارئ حتى لانجرح مشاعره المرهفه .
كت اوت:
سودانيزاونلاين عالم جميل ..ذى زين
قرار اللجنه الموقره : يجب مراجعة بعض المفردات من قبل الشاعر( الفحل) وعرض هذه العصيده القصماء على لجنة النصوص بالاشاعه السودانيه
| |
|
|
|
|
|
|
|
|
|
Re: قصائدي الغنائية المجازة في مزاد علني..لمن يرغب.. (Re: خضر الطيب)
|
| Quote: افتح المزاد وكب الريالات |
يا ذواليد ، سلام
بوستك ده رغم الونسة الظاهرة فيهو ، لكن - وحسب كلامك - الغرض منو مساعدة أسر
فخليك من قصة قصايد ومزاد وكرين، وركّز على غرض البوست الأساسي لو إنت جاد في الموضوع.
شخصياً ما عندي شغلة بالقصايد، لكن لو حسيت بجدية بوستك ده، بنعمل البيقدرنا عليه الله.
سؤال : القصايد ناس سودانيزأونلاين ديل يشتروها يعملوا بيها شنو؟؟؟؟؟
يا ذواليد ما تضيّع الموضوع بقصايد وأوهام تجارية ..
| |
|
|
|
|
|
|
|
|
|
Re: قصائدي الغنائية المجازة في مزاد علني..لمن يرغب.. (Re: خضر الطيب)
|
Quote:
كما هو واضح بان القصيده تنزلت وحيا على شاعرنا الفحل فى خريف العام الفين وواحد
وهى بهذا النسق تعتبر من الشعر العمودى وتصنيفها على حسب القوالب الشعريه فهى من بحر الطويل او هكذا تخيلتها
لو ملاحظ انو فى عمق فى الفكره ومرونه فى المفرده تحس من خلالها بان القصيده تندرج تحت مسمى السهل الممتنع
وهو مادرج عليه اهلنا الشايقيه فى الشمال النيلى منذ اتفاقية البقط الشهيره
لو لاحظتا لمفردة (اطارد ) بتدى القارئ احساس بان الشاعر يلهث وراء خيال المحبوبه لدرجة المطارده
والبحث عن خيال المحبوبه هو كاحساس لاغبار عليه كما ذكر ابن حيان فى كتابه القيم ( احاسيس مطارد) الراء مكسوره كالقصيده التى امامنا ..
هذا الكتاب القيم الذى صدر عن دار النخبه ببيروت اوصيك باقتناءه , فهو بالتأكيد سيساعد على ايقاف هذا الاسهال اللفظى الذى تعانيه .
مطاردة الخيال وتأمل جمال الظل تحتمل الكثير من المعانى والتى لاتتأتى الا لشاعر (فحل) ومن الفحولة ماقتل الجمل
بالنسبه لمفردة (التسنط) وهى يجب ان تكون التصنت , طبعا الاولى فيها اشاره لشجرة السنط وهى الشجره المعروفه فى السودان ,
اما الثانيه وهى التصنت فهى حادثه حصلت فى بريطانيا خلال هذه السنه ومازالت تداعياتها تسيطر على اجهزة الاعلام والمحاكم البريطانيا نسأل الله السلامه
اما بالنسبه لمفردة الهدير فهو صوت يمكن سماعه بدون تصنت لانه بلاشك يملأ صوان الاذن فلاتحتاج للتصنت وخاصة وان الوقت ليلا حيث الهدوء والسكينة والطمأنينه .. والله يغتينا
فى البيت الذى يليه وهو : عشان عيونك امشى واتأمل عن يمينى وعن يسارى , هذا البيت يفضح بلا شك كون الشاعر فى حالة سكر بين وهو يترنح ذات اليمين وذات الشمال وهنالك ######## ينبح .
. مع العلم بان الكلاب لاتحب السكارى , وهذه بلاشك حكمة الله فى مخلوقاته
فى البيت الذى ذكرت فيه : عشان الاقيك واقول بحلم (برضؤ) انا حبى فى عينيك فى محيّاك أتغزل وضح انو الحاله التى نزلت فيها هذه القصيده العصماء على الشاعر
هى حالة الحلم كما تصورتها ولكن كلمة ( برضؤ) هذه بهمزتها هى اقرب لكلمة الوضوء وهى اقرب لحالة الغسل وهو غسل الجنابه بلاشك كماسيتضح لاحقا
والمفرده الصحيحه كان يجب ان تكون (الاحتلام) بدلا عن مفردة (الحلم) , (فالاحتلام) يتطلب الغسل والوضوء ومافى ذلك شك
هذه الصوره الجماليه (لبنت ابليس) او دعنا لانغوص فى هذه المفرده لكى لا نجرح احاسيس القارئ نستبدلها بكلمة (بنت لبون) ولبون هنا تعنى اللبن
وهذه الاخيره وضحت جلية فى البيت الذى يليها وهو : الاقى الموج يشيلنى بعيد اسافر فى شواطى جنان تهتوى بسمتك فينى وتسكب فى قليبى حنان
كلمة الموج هنا بالتاكيد ليس المعنى بها المدعو جزافا صديق الموج الموج هنا تعنى دفق سيل من الحليب المسكوب
وهو كما ورد فى البيت الذى يليه وتسكب فى قليبى حنان ... انا بفتكر انو لو الشاعر استبدل كلمة قليبى بالفم بكون ليها وقعها الآسر
حتى تتماشى مع المقوله المتداوله فى الاوساط الشعبيه (من الفم للدم ) ولو تعمقنا قليلا وتخيلنا هذا الحليب كان فى (كوره)
يكون الشاعر قد نزل من برجه العاجى حتى يفهمه الجمهور والذى لديه مقوله مشهوره تتناول موضوع الحليب (والكوره)
والتى تقول ( من الكوره للشـــ****ه) هذه نتركها لخيال القارئ حتى لانجرح مشاعره المرهفه .
كت اوت:
سودانيزاونلاين عالم جميل ..ذى زين
قرار اللجنه الموقره : يجب مراجعة بعض المفردات من قبل الشاعر( الفحل) وعرض هذه العصيده القصماء على لجنة النصوص بالاشاعه السودانيه |
الناقد / خضر الطيب
شكراً للمرور
كلامك جميل وقبول الرأي والرأي الاخر لابد منه
من صفاتي اتقبل نقدك
حتى اذ لم تكون متخصص في النقد
مع التوضيح : قد حرفت مجرى الابيات الى قصيدة اباحية وهذا هو رأئك ولكن سوف اكتب قصيدة على حسب ما تريد انت من ( الكورة الى .............رة)
انا اقصد بهذا البيت وتسكب في قليبي حنان ليس بالمفهوم القريب وهنا انسكاب الحنان شئ حسي
مع خالص الشكر والاحترام وياريد تمر على جميع قصائدي بالنقد
| |
|
|
|
|
|
|
|
|
|
Re: قصائدي الغنائية المجازة في مزاد علني..لمن يرغب.. (Re: rani)
|
التحية لبنات دارفور الصامدات
المزاد مفتوح حتى الآن
القصيدة الثانية:
بت دارفور
بنت دارفور
كلمات/ذواليد سليمان مصطفى
2/5/2004م
بنت دارفور حبك نور
جمال الدنيا واحساس معهود
يا سحر الطبيعه وحسنها
انت للحب وفاء مشهود
ضوه قمرك وطالعة شمسك
يا احلى بنية واحلى ورود
بت بلدى فتونة خجولة
ادعو لربى ليك اعود
همسك فاح احلى عطور
يا احلى كلام رقيق منشود
فرع رمانة حاك البانه
رقة وعفة ماليها حدود
تسلمى انت يا لينا تعيش
يا المالينا حب ووعود
بخور الصندل وتوب الفركة
رقصة هجورى وسط العود
انت سماحه الريده الصادقة
ومعنى الدنيا ليك مردود
يا احلى مشاعر الغنوة الراقصة
امواج ودلال يا احلى وجود
زهرة رويانة فى خديك
يا احلى عيون عسيلة وسود
انت امال الخطوة القادمة
حبى اليك مافيه صدود
يا اغلى انسان فى شرف العزة
احبك دائماً بلامحدود
| |
|
|
|
|
|
|
|
|
 Re: قصائدي الغنائية المجازة في مزاد علني..لمن يرغب.. (Re: رانية عمر عبدالله)
|
التحية والتقدير لك ياأخ ذواليد سليمان .....مجهود مقدر
يازول انت ماشي في الطريق الصحيح فأعلم بأن هنالك أشواك
وصخور ستعترض طريقكم آمل أن تتخطاها بالتحمل والصبر ....
قبل نشر القصائد على النت أتمنى أن تعرضها على مصححين ومختصين
لغة عربية حتى لايتغير المعنى المراد ...
.
.
الى الأمام .
==========================
أتمنى من المتداخلين أن لايكون نقدهم جارحا ...فللأمانة الرجل
بادئ بداية كويسة وعنده قصائد تغنى بيها بعض الفنانين ...
مع تحياتي وتقديري للكل .
| |
|
|
|
|
|
|
|
|
|
Re: قصائدي الغنائية المجازة في مزاد علني..لمن يرغب.. (Re: Ridhaa)
|
قصيدة جديدة بعنوان (عوج الدرب ) كلمات/ذو اليد سليمان مصطفى
سودانيزاونلاين
اهدي هذا النص للذين عاشو ويلات الحكام
كلمات/ذو اليد سليمان مصطفى
عوج الدرب
اكرب اركوبك كرب
وطن ممزق بالمحن
عوجة كبيرة في الغرب
محن مستورة في الخرطوم
فضيحة مشرورة في الدرب
محنك كتيرة
ضلال وفساد
والاخلاق زاحفة زحف من درب لي درب
هم الوطن اتشلعت
قاتل هواي قاتل هواك ما بنصرك
اعمل شنو بعد المحن
اعمل امتحان..؟
وما اظن امتحانا ثورة
ثوراتنا فاشلة من زمان
وطن مشكوك
وطن مطعون
محكوم بالحرام
الولد شرد
خلى البلد
وحتى البنيات اتشردن
فضلت انا واخواني الصغار
والوحش تغتصب بت الجيران
عوجة بقت في محن متجننا
كل الحروف في القافية متظرشقة
اسالوني ما السبب؟
فالاجابة صعبة
اما تمرد او عصيان
كل الكتئبة اتشتت
والدرب اصلاً مكعوجة
قبل الاغتصاب كان الشرق متفلسة
حرب حرب مرض درن متمردة
كان هناك قبل الوطن
اشول ابوك في الجنوب
حرية كانت متعتمة
قالت اشول
احسن نفصل
ونبدأ الحوار والدردشة
فصولوا الجنوب
والبقية باقية متقطعة
اصل البلد اتفعنت
جدري حصبة متقتطعة
فيروس المرض حوامة حايمة
لايختشي ولامبيد بيقتلوا
كل المبيدات اتخلصت..!
شوفو السبب ..؟
وطن محروم للابد..
كيزانا دئماً متقددة
http://www.sudaneseonline.com/arabic/index.ph...%B7%D9%81%D9%89.html
| |
|
|
|
|
|
|
|
|
|
Re: قصائدي الغنائية المجازة في مزاد علني..لمن يرغب.. (Re: Ridhaa)
|
كتم الجميلة
كلمات/ذواليد سليمان مصطفى
2/9/2002م
كتم يا رمز السلام
ورمز الخلود الى الامام
يا قبلة اليوم السعيد
ويازاهية زى بدر التمام
انت الجمال انت الوئام
انت الجمال والانتظام
نحن طلابك نحن صمودك
*** نحن سواعدك ان اتم تمام
فيك النخيل خضرة وجمال
وروعة وسحر وسط التلال
يا واقعه فى قلب الجبال
موشحه بذهب الرمال
"عين فرح"ياقبلة هناى
يادرة يا جنة بلال
واصوات الطيور تشجعه دؤام
*** تتغنى ما بين الظلال
لازم نبنى وحدة كتمنا
نعلؤ ونسمؤ فى كل مكان
نحن امجادك نحن نصوك
*** انت تاريخنا فى كل زمان
"وادى بركة"يا منبع الخيرات
فيك المياه والخضرة والغايات
"فتابرنو"ياماوى الجمال
فيك السحر ومعالم الجنات
نبنى نوحد كل صفوفنا
ونزرع كل حقولنا ونحصد الثمرات
نار الخلاوى فى المسيد
وصوت التلاوة ومحكم الايات
"رملة بيضة"لون الفضة
عالية شامخة ومصدر الايات
يا درة السحر الجميل
بذكرك مهما طالت السنوات
| |
|
|
|
|
|
|
|
|
|
Re: قصائدي الغنائية المجازة في مزاد علني..لمن يرغب.. (Re: Ridhaa)
|
جبل مرة
كلمات/ذواليد سليمان مصطفى
28/11/2003م
يلا زورو جبل مره
تلقوا الطبيعة وتستمتعو
شلالات تنسكب طول العمر
بالله شوفو اتخيلو
باكيه بصوت الحنين
تفرح شعورك وتلهمو
ونتهى بيه وتنهلو
فى"نيرتجى"غابات موده
كيفن نودع ونرحلو
مرات تقول العشره كيف
اهلى الحنان تستاهلو
صوته الرقيق ما اجملو
تابعه سحابه لى مرتجلو
ابحث اكوس عن الجمال
وانت الجمال مستودعو
مياه تصفق بلقانا
ونغم صدانا ترجعو
كيف اصف شكل الفواكه
وقلبى سحرك روعو
شوفو خيراتنا وارضنا
كل حسن تجمعو
| |
|
|
|
|
|
|
|
|
|
Re: قصائدي الغنائية المجازة في مزاد علني..لمن يرغب.. (Re: Ridhaa)
|
يا ذو اليد
بوست متعة عديل
كمساعدة مني للشعراء الشباب اعلن شرائي لاي واحدة من قصائدك (اختارها انت) بمبلغ 5000 ريال سعودي ، بس عندي مشكلة بسيطة مع البنك، 300 ريال بتحلها عشان يفكو حظرهم عن حسابي ، فتحين رسل لي التلتماية ريال في حساب اي واحد من بورداب جدة .
هسي يا ذو اليد قول انا اشتريت
اضمن حقي كيف ؟
| |
|
|
|
|
|
|
|
|
|
Re: قصائدي الغنائية المجازة في مزاد علني..لمن يرغب.. (Re: ود الباوقة)
|
ذو اليد
سلام وتحية
أكون جاد وصادق معاك وأحاول أنصف بينك وبين زوار بوستك الساخرين
إنت مزودها وهم مزودنها
الشعر كخيال هو موهبة ، وكمقدرة على النظم هي موهبة أيضاً + مهارة ومعرفة تكتسبان مع الوقت
وإنت عندك شيئ من الإتنين
دا طبعاً مجرد رأي من واحد عنقالي ساكت
لكن في حاجات ما ممكن تعتبرها رأي
زي لما الواحد يقول ليك عندك أخطاء إملائية ، تقوم تقول ليه شكراً على رأيك
أها البرود - وربما العناد - دا البيخلي الواحد دموا يغلي في عروقوا
رأي كيف يعني؟ الأخطاء الإملائية إما تقبلها ، أو تفندها إذا إنت شايف إنها ما أخطاء
لكن ما ممكن تعتبرها رأي وتعمل (قدوم الدحيش )
نرجع لموضوع مهارة نظم الشعر
في مرحلة إكتساب المهارة، أعتقد أنه يكون منطقياً أن يتواضع من يعافر لإكتساب المهارة
ولا يصل به الغرور أن يطرح إنتاجه المتواضع لمزاد ( معقول !! مزاد عديل كدة !!)
عادي أن ينتشي كل صاحب إنتاج بإنتاجه ، ويتغنى به آخرون ، وأنا ذاتي طربت للقصيدة الأولى
وقصيدة جبل مرة.
وأقول عليك شاعر تب ، لكن لم تصل لمرحلة الشعراء الذين يتدافع الناس لشراء إنتاجهم
في هذه المرحلة كان تكتفي بنشر إنتاجك لكي يتعرف عليك الناس فقط
ويستحسنك البعض .. ويشجعونك .. ويدعونك للمشاركة في اللقاءات الشعرية
وهكذا تشق طريقك .. ومن يريد أن يشتري فسوف يطرق بابك
القصائد دي لو ما فيها هذه الأخطاء الإملائية التي يمكن أن يلاحظها حتى طلاب الإبتدائية زمان ،
لكنا قد وبخنا كل من يسخر منها ، لأن الشعر نفسه درجات من حيث الجودة ، وأفضل شعرائنا المجيدين
في زماننا هذا ، والذين يفتخر الناس بهم ويرفعونهم مقامات عليا ، لو قارنا شعرهم هذا مع شعر ناس
المتنبئ وعنترة، لكان واجب علينا أن نسخر منهم كما يسخر منك أغلب الذين كتبوا في هذا البوست.
لكن الشيئ الذي حفظ شعراء اليوم المجيدين من التعرض للسخرية منا ، هو أنهم حافظوا
على الحد الأدني من سلامة اللغة وهو (الإملاء)
سوي ذلك ، فأنت وهم كلكم في الهوا سوا .. مجرد تفاوت ودرجات ، وكلها تتقاصر عن بلوغ الأولين
بعضهم أفضل منك بمسافات عديدة ، وبعضهم مثلك
كذلك ، فإن المشكلة هي أن هذه الأخطاء الإملائية جاءت في الشعر ،
لو كانت في الكتابة العامة وفي مكان زي المنبر وكدة ما كان مشكلة ،
لأن الكتابة في المنبر مقصود منها توصيل المعني فقط ، وكثير من الناس لا يراجعون ما يكتبون حتى
أما أن تأتي ألأخطاء في قصيدة إتكتبت وإتراجعت فهذا غير مقبول ، خاصة وأن القصيدة ، أية قصيدة ، هدفها الأول
الإيقاع والأطراب ، قبل المعنى ، والأخطاء اللغوية ( إملائية ونحوية ) تبدد الإيقاع وتشتته.
وفقك الله
فقط ، تواضع وأعرض قصائدك لمصحح لغوي قبل النشر
| |
|
|
|
|
|
|
|
|
|
Re: قصائدي الغنائية المجازة في مزاد علني..لمن يرغب.. (Re: محمد عمر الفكي)
|
اسعد حبيب
كلمات /ذواليد سليمان مصطفى
16/12/2002م
يا زاهى يامعنى الغرام
يا ماوراك انا قلبى هام
بديك من زمنى الكتير
ادينى منك اهتمام
سيب البعاد سيب الجفا
سيب العتاد سيب الخصام
قلبى غيرك كيف يكون
وانت لى عمرى التمام
يكفينى لو حيت مشيت
لو قلته رديت السلام
وانت عارف ريدى ليك
كل يوم زايد هيام
انت اصلك زول عجيب
كل حياتك بانتظام
العمر دونك يمر
*** لاعندو لحظات لامقام
يا معاك روحى بتفيق
واشعر كانوا الدنيا نور
والعمر يخضر بخطاك
وحياتى تفتح زهور
بعد العذاب المر بى
مابين هموم ذادت دهور
أفضل حداك اسعد حبيب
وتتدفق الافراح شعور
| |
|
|
|
|
|
|
|
|
|
Re: قصائدي الغنائية المجازة في مزاد علني..لمن يرغب.. (Re: ذواليد سليمان مصطفى)
|
Quote: انت الجابك هنا شنو يا زول؟ انت عندك حلقوم للغناء؟ الا يكون داير تشريها وتاني تبيعها تربح فيها وبعدين عليك الله انت عندك شنو تقايض بيهو؟ هيع كع كرع ؟!!!
انت داير تقايض خزعبلاتك دي بالمعلقة ديك؟ يعلقوك من كريعاتك قول امين |
صدقني لو وافق صديقي ذواليد بالمقايضة
بقصيدة الحلزوني
اخليهو يمشي دربو عديل الثورة الحارة88
ناس حبوبتي هناك يعزل ليهو عنيبليك
ويمشي
والقصيدة الثانية
بي نعجة دارة
يا زول انت بس ابعد مني ...
| |
|
|
|
|
|
|
|
|
|
Re: قصائدي الغنائية المجازة في مزاد علني..لمن يرغب.. (Re: محمد عمر الفكي)
|
ذو اليد
حبابك مرة تانية
وأعف لي لأني حاسس أنو قسيت عليك المرة الفاتت
بس دا والله بسبب حرصي عليك ومعزتي وتقديري ليك
رغم إنو ما بتعرفني وما حصل إتلاقينا
والظاهر إنو مشكلتك ما مع النظم والإيقاع
لكن مع الشيئ الإسمو الإملاء دا
لو ملاحظ هذه القصيدة الفوق دي : أسعد حبيب
قصيدة حلوة
لكن عاين لشطر البيت البيقول: وحياتي تتفتح زهور
المرة الأولى كتبتها غلط (تفتح)
وناس اللجنة قاموا صلحوها ليك قبل ما يجيزوها
ولما جيت تكتبها هنا، تاني كتبتها غلط
همسة: ما تستعجل
| |
|
|
|
|
|
|
| |
ذواليد سليمان مصطفى
محمد الامين محمد
Ahmed musa
heba Elmahi
محمد فرح
M A Muhagir
خضر الطيب
Mahmoud Mustafa Mahmoud
rani
رانية عمر عبدالله
Ridhaa
ترهاقا
محمد عمر الفكي
أحمد أبكر
حيدر حسن ميرغني
على محمد على بشير
فيس بوك
تويتر
انستقرام
يوتيوب
بنتيريست