|
Re: رحمتك ياربي بي وبي روح اخوي المطرطش .. هاك دي لمن نجيك يامطرطش ... (Re: عبدالمجيد الكونت)
|
F
باكرنا نيل
باكر نفتش فيهو رايح زي شليل.. باكر نتبن في الضلام.. كايسنو في الليل الطويل.. *** باكرنا يا رايح تعال يا بكرة طال الإنتظار بالرغم من إنك محال نحن الجبال والإحتمال *** نرجاك منتظرين ظهورك يا شحوح قاعدين نفتش فيك زي مليم يروح نلقاك في الروح الطموح لا تلوي هاماتنا الجموح *** يا ربي باكر في القمرولا باكر.. جوة في جوف السحابة مع المطر يا طالع القمرة جيب لي معاك باكر باكرا يصور لي لون الفيافي زهر لون الهويد والصي زي الجروف اخدر باكرا صباح الخير يطرد ليالي الشر
*** لكنو رغم مرارة الأيام والأمل الضئيل في جوة احساسنا الجميل باكرنا نيل.. يطفح يدفق زي سلسبيل باكرنا نيل.. والجزاير تستعيد الخدرة واللون السمح باكرنا نيل.. ويغازل العصفور سنيبلات القمح باكرنا نيل.. والبرازات تاني ترجع والوجوه الطيبة تتضحك وتنطرح باكرنا نيل.. وانا وانتو من قيساب نكيل وهناك في ضو القمر شفع يكوركو لقو الشليل
| |
|
|
|
|
|
|
Re: رحمتك ياربي بي وبي روح اخوي المطرطش .. هاك دي لمن نجيك يامطرطش ... (Re: عبد الحكم ابراهيم الحاج)
|
اللهم ارحم أخانا محمد عبدالرحمن واسكنه فسيح جناتك
. . كونت يا جميل والله العظيم وماك طالبني حليفة وانا جاي هذا الصباح على مكان العمل وفي بالي اشاعة القيامة القايمة قلت في نفسي احسن تقوم ذاتو على الاقل نقابل ناس جميلين رحلوا عنا ومن ضمنهم ذكرت أخي المطرطش وحينها فكرت أن أكتب عنه بوست ترحما فلك جزيل الشكر يا رجل يا وفي فقد عبرت عني وعن كثير من احباء المطرطش المحبوب للجميع بلا استثناء له الرحمة والمغفرة مع تحياتي
| |
|
|
|
|
|
|
Re: رحمتك ياربي بي وبي روح اخوي المطرطش .. هاك دي لمن نجيك يامطرطش ... (Re: عبدالله ود البوش)
|
Quote: اللهم ارحم أخانا محمد عبدالرحمن واسكنه فسيح جناتك
. . كونت يا جميل والله العظيم وماك طالبني حليفة وانا جاي هذا الصباح على مكان العمل وفي بالي اشاعة القيامة القايمة قلت في نفسي احسن تقوم ذاتو على الاقل نقابل ناس جميلين رحلوا عنا ومن ضمنهم ذكرت أخي المطرطش وحينها فكرت أن أكتب عنه بوست ترحما فلك جزيل الشكر يا رجل يا وفي فقد عبرت عني وعن كثير من احباء المطرطش المحبوب للجميع بلا استثناء له الرحمة والمغفرة مع تحياتي |
سلامات الصديق العزيز ود البوش تصدق يا ود البوش كنت عايز اسمي البوست .. ما دام القيامة ما قامت وما لحقناك يا المطرطش هاك دي اتصبر بيها لمن نجيك ... لكن العنوان ابى يشيل الف رحمة ونور على روح الرجل الطيب محمد عبدالرحمن المطرطش .... واخرها كوم تراب تحياتي
| |
|
|
|
|
|
|
Re: رحمتك ياربي بي وبي روح اخوي المطرطش .. هاك دي لمن نجيك يامطرطش ... (Re: سارة عيسى أحمد)
|
الرحمة الواسعة للإنسان الصديق الوفي الحنين ود بيوت الطين ملانة محنة ويقين ربي يوسدك الباردة يا المطرطش ، مشيت بي عقابك ضحكك ورويحتك الطيبة وخليتنا للطرطشة الجد جد ,,
الكونت يا صديقي سلام من الله يغشاك عليم الله الوجعة البركت في حشاي من تالا رحيل المطرطش مافارقتني ضمة ولا عرفت دريبا للمروق كل يوم تحفر في الحشا وتغرق في الجروح إسمو وونستو لا الليلي معاي في الإسكايبي غالبني كلو كلو اشوف بي هناك في منو ولا اعرف الحاصل
الرحمة الواسعة ليك يا محمد ود عبد الرحمن ربي يرحمك ويوسدك الباردة ويوسع مدخلك ما بتتنسي يا ود امي ولا إنت الزول الساهل فراقك يا رب تدينا الصبر قدر الفقد الجلل
جوة الجرح
كم ابكتني مرثيتك يا بروف في المطرطش !!! ربي يسعدك ويعظم شأنك بقدر ما قدرت فقيدنا الغالي وعبرت عنا جميعا
لك الشكر والتقدير ولراحلنا المقيم الرحمة الواسعة ولنا الدموع والذكرى الحزينة
| |
|
|
|
|
|
|
Re: رحمتك ياربي بي وبي روح اخوي المطرطش .. هاك دي لمن نجيك يامطرطش ... (Re: اسماء الجنيد)
|
Quote: الرحمة الواسعة للإنسان الصديق الوفي الحنين ود بيوت الطين ملانة محنة ويقين ربي يوسدك الباردة يا المطرطش ، مشيت بي عقابك ضحكك ورويحتك الطيبة وخليتنا للطرطشة الجد جد ,,
الكونت يا صديقي سلام من الله يغشاك عليم الله الوجعة البركت في حشاي من تالا رحيل المطرطش مافارقتني ضمة ولا عرفت دريبا للمروق كل يوم تحفر في الحشا وتغرق في الجروح إسمو وونستو لا الليلي معاي في الإسكايبي غالبني كلو كلو اشوف بي هناك في منو ولا اعرف الحاصل
الرحمة الواسعة ليك يا محمد ود عبد الرحمن ربي يرحمك ويوسدك الباردة ويوسع مدخلك ما بتتنسي يا ود امي ولا إنت الزول الساهل فراقك يا رب تدينا الصبر قدر الفقد الجلل
جوة الجرح
كم ابكتني مرثيتك يا بروف في المطرطش !!! ربي يسعدك ويعظم شأنك بقدر ما قدرت فقيدنا الغالي وعبرت عنا جميعا
لك الشكر والتقدير ولراحلنا المقيم الرحمة الواسعة ولنا الدموع والذكرى الحزينة |
ياسوما دايراني اقول شنو تاني
المطرطش جاك غريب اغفرله يا مولاي غفران زلة العبد الدوام نساي اللهم اغفرله
| |
|
|
|
|
|
|
|