بالدموع سادومبا يودع الهلال والسودان.. (فيديو)

Quote: الثلاثاء 25 ديسمبر 2012 الساعة 1:40 كتب/ عاصم وراق - صحيفة قوون ______ ذرف الزمبابوي المرعب دموعاً غزيرة أثناء حواره الذي أجرته معه قناة قوون الفضائية أمس عندما عرضت القناة محموعة من أهدافه التي أحرزها خلال مسيرته مع نادي الهلال وقد كنت شاهداً على موجة البكاء الحار التي دخل فيها سادومبا وهو يردد : سأفتقد جمهور الهلال الوفي. هذا وقد بكى العاملون بالقناة لبكاء سادومبا الخلوق صاحب الوفاء النادر فانهمرت الدموع من مآقي الأساتذه الرشيد بدوي عبيد ومحمد حسن حدباي ومعتصم أوشي وكل المهندسين والمذيعين والمذيعات بالقناة. الجدير بالذكر أن سادومبا قد أحرز مائة وخمسين هدفاً منذ توقيعه في صفوف الهلال.

Quote: الجدير بالذكر أن سادومبا قد أحرز مائة وخمسين هدفاً منذ توقيعه في صفوف الهلال.

Quote: سلام يا بشاري ما قال الهلال ما اعاد قيده ليه؟ حقيقة أمر محيّر, هل غالى في سعره ولاّ غارزفت اباه

غايتو البرير دا الا يلحق الهلال آمات طه حتى يرتاح
بالنسبة لي شخصياً أعتبر سادومبا من أنجح المحترفين الذين لعبوا في السودان
الزول دا بالذات مسيرته حافلة مع الهلال وزول محترم جداً ولا بتاع مشاكل ولا حاجة
وقليل الاصابات وهداف من طراز فريد يعني باختصار كدا لاعب مكتمل المواصفات
ويا ريت لو كان المريخ سجلو بدل هيثم مصطفى وعلاء الدين يوسف

غايتو الله يكون في عونكم بس

Quote: طيب على الأقل كان يكرموه ان شا الله بحفلة شاي ووداع يليق بما قدمه الله يحلّنا منهم ديل ياخ

Quote: والله (150) هدف عدد ماهين اعتقد ان لا احد ينافسه في ذلك غير كلتشي من جملة المحترفين الذين تعاقبوا على المريخ والهلال وعموم الأندية السودانية ...

تقوم تسجل محترفين جدد وما عارفهم هل ينجحوا ولا لا؟

سادومبا أحد ضحايا عشوائية البرير
وتحت تحت المحترفين الجدد لم يتسجلوا حتى الآن رسمياً

Quote: الله لا كسبك يا الجهلول البرير خربتها وقعدتا علي تلها يأخ البرير دا مايقدر يرأس فريق حله ناهيك عن فريق بقامة الهلال أشوف فيك يوم .

Quote: نحن نحب سادومبا و الرجل إرتبط بنا ...وهو فنان ولا شك....أتمني أن لا نندم عليه كما ندمنا علي قودوين...

Quote: محزن ان تفرط ادارة الهلال الرعناء في هولاء النجوم بمثل تلك الطريقه .. نتمني التوفيق لسادومبا الوفئ اينما رحل ..

Quote: الزول ده ادانا نصائح حقو نسمعها كويس ونبطل التعصب الاعمي الدايما مودينا لي ورا انا لو كنت ادري في الهلال لعملت المستحيل لاعادة تسجيل هذا اللاعب الرهيب الخلوق المهيب لكن!!!!!!!!!!!!!!!!!!!!!!!!!!!!!!!!! اااااااااااخ ياسودان