|
|
 Re: عيسي الرهيب قيادي شادي:الامن السوداني يفرض علينا قيادات غيرمرغوب ف (Re: عباس الدسيس)
|
من غرائب المصادفات التاريخ الذي قمت فيه بزيارة لدولة شاد لفه الزمن وجاء بنفس اليوم والشهر بعد مضي اعوام كانت زيارتي لدولة لبنان ... فرق يا ود الشريف ....
الفرق الطبيعية والمناخ عشان الناس ما تمشي بعيد.
دولة شاد ممكن تقول هي سودان مصغر او نشترك في كثير من العادات والتقاليد الفرق المستوي المعرفي بين البلدين وهذه لها اسباب علي ما أعتقد ايام كنا في مدينة زالنجي نستمع ليلا لأذاعة شاد وما يطلبه المستمعون برامجها شبه البرامج السودانية في برمجة البرامج اما عن الاعداد والمذيعين اختلاف كبير كما التطابق الاكيد وليس الشبه الاغاني ((جميع الاغاني اتكال عليك)) يعتمدون اعتماد كامل للاغاني السودانية في برنامجهم ما يطلبه المستمعون وكانت جزء من الرسائل التي تكون مقدمة لاهداء الاغنية:
حليمة بتقول لي فطومه كيف قيلتي وعندها تيس غنمايتها رايح ليهو كم يوم إن غشاهم ترجعو ليهم ويوم الجمعه طهور الاولاد والبنيات تكلم ناس الفريق وتهدي ليها اغنية القمر بوبا للفنان محمد وردي .....
ونستمع كلنا والاخوة الشاديين للفنان محمد وردي.
الفنانة حنان بلو بلو تم استقبالها في ابشي استقبال دبلوماسي عند زيارتها لشاد مرورا بالجنينه وكانت الفنانة النسائية الاولي للشاديين الكلام قبل ما اظهرو ناس الشريف مبوسط مني وزيارة الفنانات الدوريه للدول الافريقيه قبل ظهور اللكزيس كانت تثتاثر بها دولة شاد .
عندنا ايضا علي ما اذكر احد الاصدقاء فنان قعدات وممكن تدعوهو لأحياء حفلة طهور زول بمشي الحال لي ناس طاشمين وفي قعده من القعدات قرر امشي شاد ببعثة فنية علي مستوي من ضمنها عازف الاورغن برضو صديق علي ان يستعينو باي شخص له فكرة عن دق الطبلة والكلام كان كلام قعدة واصبحت واقع بعد النقاش وتم التنفيذ بي عربة مكركعه لاندروفر كانت حصيلة الرحلة مبلغ محترم من المال.
والفنان ترك ذكري جميلة بدولة شاد عن الفنان الراحل زيدان وعند روجعه للسودان كان يحمل لقب زيدان الصغير ((للحقيقه الفنان لا يصلح له لقب زبدان الكسلان))
ياخ ده نوع الفنانيين وقت تدخل عليهو وتلقي اغني في اغنية لي زيدان تقول ليك حرام عليك ... ارد وعليكم الحرام.
ابداع اجابة المعارض الشادي ... عيسي الرهيب ...
بعض عناصر المعارضة توجهت للتنقيب عن الذهب وأخرين انضموا لجيش الرب
الجماعة دقشو الذهب بعد لقو العملية ما جايبه حقها وناس جهاز الامن عملوهم بت ام لعاب اعملو معارضة نصبو الرئيس فلان سوف نحرر ليكم شاد وفي النهاية خلاس فرتقوها .... دافوري ((كرة شراب)) والله قصة.
|
|
 
|
|
|
|
عباس الدسيس
فيس بوك
تويتر
انستقرام
يوتيوب
بنتيريست