كتب الكاتب الفاتح جبرا المتوفرة بمعرض الدوحة
|
يـوم الـقـيـامــة
|
مـن الارشـــيف
خليل الياس
يوم القيامة
جاء الى ” جوقته” رجل يحكي رؤياه في حلمه بالامس قال لهم اني رأيت في المنام ان القيامة قامت والناس وزعوهم على الجنة واخرين على النار وفضلنا نحن ناس السودان قاعدين في معسكر لوحدنا ونحن في حالة استغراب. بعد شوية جانا ” ابليس” سألناه يا ابليس الحكاية شنو الناس كلهم واحدين دخلوا الجنة وواحدين دخلوا النار الا نحن قاعدين مافي زول قال لينا نمشي وين!!
رد عليه ابليس قال والله انا سمعت بي أضاني دي قالوا مرجعنكم السودان.
الميدان
زراني أحد أبنائي الصحفيين بدون مقدمة ولم تكن بيني وبينه أي معرفة ليقول لي: بأن استاذ عاوزنك تكتب لينا عمود في جريدتنا – سألته : انت بتعرفني قبل كده؟ قال ايوة وعاوزنك تكتب بنفس العمود في الميدان- سألته ماذا تريد ان اكتب لك ؟ قال اي حاجة !! سألته انت عارف انا بكتب وين؟ قال ايوة في الميدان!! ونوع الكتابة شنو العاوزه؟ قال اي حاجة ونحن المقالة نوديها طوالي المطبعة !! يعني ما عليها رقابة!!
قلت ليه خليك من مقالتي انا الميدان بتصادروها ليه مع انها بتكتب نفس الاخبار المكتوبة في الجرائد!!
قال لي كلام الجرائد مامهم لأن القراء ما بصدقوه لكن الاخبار المكتوبة في الميدان بتكون دايما صحيحة لأن الشيوعيين دقيقين جداً في اخبارهم والناس بصدقوها!!
المهندس المعماري
يحكي مهندس معماري نال درجة الماجستير انه عثر على اعلان عن وظيفة مهندس معماري لاحدى الشركات التجارية فتقدم بطلبه وحدد له ميعاد كي يأتي للمعاينة .. فأعد هندامه واستعد لمقابلة لجنة الاختيار وعندما جاء الى مكان الشركة وجد عدد في انتظار المعاينة.
سأل احد الخارجين من اللجنة عن كيفية الامتحان والاسئلة فاجابه بأن ليس هناك اي سؤال عن أمر له علاقة بالهندسة وانما هى امتحانات عن القرآن الكريم والاحاديث الشريفة.
فأدرك أن الأمر كما يقولون ” فيه ان ” ولكنه توكل على الله ودخل لمقابلة اللجنة وقبل ان يجلس على المقعد سأله رئيس اللجنة: انت حافظ القران الكريم؟
فرد عليه المهندس: الـ 114 سورة؟ قال نعم – فأجابه المهندس: ايوة عن ظهر قلب
طلب منه رئيس اللجنة أن يقرأ سورة النمل !!
سأله المهندس: تقصد سورة نمل السكر ولا نمل اب ريش ولم ينتظر لانه عرف النتيجة سلفا وخرج من المكتب قبل ان يجلس لمعرفة النتيجة؟
|
|
|
|
|
|
|
|
|