|
|
|
 Re: قدر شنو أنت (إمعة )؟! (Re: داليا حافظ)
|
شنو الأسئلة المحرجة دي يا داليا :)
غايتو في البورد بصفة عامة في ناس بتعتمد على العنوان و المداخلة الأولى في تحديد موقفها و تشوت على اتجاهها لغاية ما يجي متداخل يوجهة نظر مغايرة أو بمعلومة صحيحة تنفي البوست أو برابط يثبت ان الصورة قديمة مثلا  او الخبر غير صحيح
حتى يغيروا موقفهم
| |
  
|
|
|
|
|
|
|
|
Re: قدر شنو أنت (إمعة )؟! (Re: Hayat Hussien)
|
Quote: اكيد لم يولد بعد من يقول اويعرف عن نفسه انه امعة
ودي اكيد صفة يلصقها الحاقدون فقط في رأي الاغلبية |
أهلين يا حياة
ماضروري الشخص يقول أنو إمعة المهم أنو يعرف ويستدرك 
أما من ناحية انو الحاقدين قد يستخدومها لزعزعة ثقة الأغلبية فدي واردة لكنها ليست قاعدة ..
فهناك إمعات (حقيقيين) ..غض النظر عن معرفتهم بذلك من عدمه..
| |
|
|
|
|
|
|
|
|
|
Re: قدر شنو أنت (إمعة )؟! (Re: داليا حافظ)
|
بردناها عشان التحسس دا يا داليا ههههههه
الموضوع معقد و انتي بصراحة قفلتيه باستخدام قولة إمعّة دي
غياب المعلومة الصحيحة وثقتك في أو معرفتك بمصدر معلوماتك ورايك في مصداقيته ح يأثر بالتأكيد في تبنيك أو تكوينك لرأي
الطريقة بتم بيها عرض المعلومة أو صياغة الخبر ح تأثر برضو
| Quote: رفع الكلفة ومناداتك بود البشرى دي مابتصنفني في خانة إمعة برضو.. ؟ |
انت كمان ما تبالغي :)
غايتو طالما كاتباها صاح بالألف المقصورة ما في عوجة لكن لو عملتي زي الشباب و رزعتيها ياء تكوني إمعة و جنريتر كمان ههههههههههه
| |
|
|
|
|
|
|
|
|
|
Re: قدر شنو أنت (إمعة )؟! (Re: بشير جبريل علي)
|
الأخت داليا وجميع المتداخلين
تحياتي ،
بالنسبة لي امعة دي .. ( يجوها ناسه هههه)
لكين عن تجربة شخصية .. انا اقتنعته انو الشلاقة بتعادي .. مره كنته في اجازة وجه خبر صغير انو في زول اتوفه في الحلة التانيه
الجاب الخبر ده واحد شليق ( قال سمعه في الرادي )
فجأة الجيران ضربهم فايروس شلاقة نشروا الخبر واتلموا .. والحلة بقت جاهزة للبكه .
ربك رب الخير جات قريبة الراجل من مشوار لقت الحلة واقفه على رجل واحدة .. سألتهم حكوا ليها الحاصل قالت ليهم الخبر ده ماصحيح .. اصر الشليقين كلهم انو الخبر ده صحيح وسمعوه في الرادي ..
قامت قريبة المرحوم طلعت الجوال واتصلت على المرحوم شخصياً فرده عليها .. وقال ليها لا الأتوفه ابوي .
من اليوم داك .. انا بقيت اول ما اشوف واحد بده يتشالق بسدد اضني .. ههههههه
| |
|
|
|
|
|
|
|
|
 Re: قدر شنو أنت (إمعة )؟! (Re: Muna Khugali)
|
داليا سلامات
ماعارفة الحكاية دي حتخليني إمعة ولا لا
لكن أنا حاسة باني مجرمة وجبــانة ليس الا
وماعارفة روحي ساكتة للان لييه؟
أنا مابشارك في بوستات سياسية
وعندي أسباب كتيييرة
لكن في رأي سياسي وأخلاقي
واقف لي في حلقي
وماعاوزة أقوله لاني ماعاوزة
أشق وحدة الصف الوطني
تفتكري كدا بكون إمعة ولا زولة حلوة ماعاوزة مشاكل؟؟
| |
|
|
|
|
|
|
|
|
|
Re: قدر شنو أنت (إمعة )؟! (Re: Rawia)
|
سلام اختنا داليا .. و الأخوات و الأخوة المتداخلين ...
ما كانت من صفاتنا زمان ...لما كل السودانيين كانو عايشين في البلد الكان بخير ...
الناس اغتربت و هاجرت ... والحابل يناتل في النابل ... والقصة جاطت ...
الحياة صعبت علي الناس و ضعاف النفوس بدو يكوسو ليهم مكان ...
عشان يعيش لابد من ان يكون تابع ...مع الاسف ...
وانخلقت حكاية التطبيل و معاكم معاكم ...عليكم عليكم ...
اها المصيبة ما هنا ... لانه من كان فينا إمعة ...فهو تابع و عارف قيمة نفسه ...
المدهش ... الشخص الذى يعشق ان يلتف حوله ذلك الامعة ... و يحب ان يلفت الانظار ...
اعتقد انه مرضه اكثر خطورة من ذلك الامعة ... لانه لو خسر امعة ... سيسعي لجلب عشره حوله ...
ينادون له بطول العمر ...
| |
|
|
|
|
|
|
|
|
|
Re: قدر شنو أنت (إمعة )؟! (Re: Rawia)
|
| Quote: تفتكري كدا بكون إمعة ولا زولة حلوة ماعاوزة مشاكل؟؟ |
يا راوية ما مشيتي بعيد معظم الإمعات حلويين وما دايرين مشاكل
ثم وين الصف البشقو ده..هههه
عن البفتكرو انت مستبعدة من حكاية الإمعات دي ..(مجرد انطباع) ..
| |
|
|
|
|
|
|
|
|
 Re: قدر شنو أنت (إمعة )؟! (Re: Khalid Saeed)
|
| Quote: قامت قريبة المرحوم طلعت الجوال واتصلت على المرحوم شخصياً فرده عليها .. وقال ليها لا الأتوفه ابوي . |
قلت لي المرحوم ردا ههههه..
شكرا للمحاولة ياخالد ..أعد ..
| |
|
|
|
|
|
|
|
|
|
Re: قدر شنو أنت (إمعة )؟! (Re: داليا حافظ)
|
سلام يا داليا
المصدر بتاع إمعة شنو ؟ التمعمع مثلا؟
طيب لو ما كان في إمعات الزعماء ديل إبقوا زعماء كيف ؟ أطلعوا مظاهرة يطلعوا ، لا ما تطلعوا مظاهرة ما يطلعوا
ياخ التمعمع دا ضروري أحيانا خصوصا في وحدة الصف دي زي ما قالت ليك راوية فوق
بس في خيط رفيع بين الإمعية دي والرأي الجمعي المتفق عليه بواسطة أشخاص في مواقف محددة ودي بتعتمد فقط على جرأة الشخص الأول المبادر بطرح الرأي.
أنا في رأي أخطر أنواع الإمعية هو تقييم شخص استنادا على تقييم شخص آخر ليهو
في الحالة دي الزول موش بيكون إمعة وبس وإنما مجرد هلام
| |
|
|
|
|
|
|
|
|
|
Re: قدر شنو أنت (إمعة )؟! (Re: Asim Fageary)
|
| Quote: بتاخد موقف من شخص في موضوع ما(بخصك)..؟ |
خاصية سودانية بإمتياز
-----------------------------
ممكن تعمل جدول الامعية
يعني مثلا
امعة بنجمة واحدة ( ملازم)
بنجمتين (ملازم اول )
وهكذا الي درجة المشير
وسلام وتحية
| |
|
|
|
|
|
|
|
|
|
Re: قدر شنو أنت (إمعة )؟! (Re: osman righeem)
|
عارفة يا داليا
القصة دى شكلها بتظهر مع العرس لوووووووووووب
رايى ورايك وانتى بتسمعى كلام اهلك
وانت بتسمع كلام اهلك .. خلى عندك راى وخلى عندك راى ..
ولب لب لب لب لب
اها الموضوع دا نحن معتزلنو ..
لانو قالوا كل واحد بدووس على كرامة التانى
عاااااادى بدون ما التانى كرامتو توجعوو ...
احتسبى احتسبى ...
وما تسمعى كلام ناس ود البشرى ديل
الواحد من ما يجى هنا يكتب ليك نص صفحة بكون ممعمع لما ممعمع !
ـــــــــــــــــــــــ
انا شخصيا اصللو ما امعة لانو مزاجى بتاع مخالفة لو الناس
قالوا يمين انا بمشى شمال ولو قالوا الزول دا كعب بلقى نفسى بدافع عنه وكدا
غايتو ما امعة لكن لو فى زول امعة عادى ممكن اصاحبو بنففففع معاى !!
| |
|
|
|
|
|
|
|
|
|
Re: قدر شنو أنت (إمعة )؟! (Re: Barakat Alsharif)
|
داليا يا ما إمعة ازيك :)
انا غايتو إمعة شدييييد.. عندي صاحبتي بريدها شديد.. كان اتشاكلت مع زول.. تاني يوم طوالي انا بكون صارة ليهو هههههه
اللذيذ في الموضوع اني بواصل في الزعل حتى لو هي صالحت الزول.. يعني ناس البكا غفرو والجيران كفرو
| |
|
|
|
|
|
|
|
|
|
Re: قدر شنو أنت (إمعة )؟! (Re: Yassir Tayfour)
|
Quote:
___
لوما المشغولية كان عمت ليك بوست بعنوان: العشرة "الإمعات" في المنبر ؛) |
سبحان من شدهك أحلى شدهة
خليك كدا على طول
بس طل مرة مرة عشان بنشتاق ليك وكدة
لوووول
| Quote: أنا لو الناس أحسنوواااا، بحسن، لكن كان أساءوواا بستفتى ضميري.. |
إييييه
دحكتني
| |
|
|
|
|
|
|
|
|
|
Re: قدر شنو أنت (إمعة )؟! (Re: حمد عبد الغفار عمر)
|
| Quote: أنا في رأي أخطر أنواع الإمعية هو تقييم شخص استنادا على تقييم شخص آخر ليهو |
والعجب يا حمد كان الأنت قافل على رأيه هو ذاته مستند على غيره ...والأدهى أنك تكون أمعة لزول كضاااااب ..هو ينجر وانت تسمكر ههههه
| |
|
|
|
|
|
|
|
|
|
Re: قدر شنو أنت (إمعة )؟! (Re: داليا حافظ)
|
مرحبتين استاذ يحي ..
| Quote: المدهش ... الشخص الذى يعشق ان يلتف حوله ذلك الامعة ... و يحب ان يلفت الانظار ... |
صدقت ..الاشخاص المابعروفوا يعيشوا إلا وسط مطبلين عندهم نقص ما بحاولوا تعويضو او التغطية عليه ..
بس للأسف الإمعة بقوم بدور المغفل النافع بإمتياز ..
| |
|
|
|
|
|
|
| |
داليا حافظ
مريم بنت الحسين
محمد البشرى الخضر
ABUHUSSEIN
بشير جبريل علي
Khalid Saeed
Muna Khugali
Rawia
يحي قباني
حمد عبد الغفار عمر
Asim Fageary
osman righeem
دينا خالد
رشا سالم
Yassir Tayfour
فيس بوك
تويتر
انستقرام
يوتيوب
بنتيريست