Re: صور من قريتا الجديد الثوره - الجزيره (Re: elhilayla)
اسف لعدم الرد اخوكم مزنوق في اعداد الموازنه التقديريه و اقفال حسابات العام 2012 ، وددت ان ان ارد اليكم بهذه الطريقه عشان ما اصل الحد الاقصي للردود م\كما حدث امس . Sorry ....... الزبير بشير You Reach Max Post allows for today......... Try Back Tomorrow...... ! الاخوه الاعزاء كتب الاخ عادل ياولدي انا عندي صاحبي الطاهر ده في الجديد الثورة عايزك تتمشي معاي عشان تسلم عليه اصلو كان زميلي في الابتداي قرينا سواء سنة 55 وانقطعت اخبارهم لفترة طويلة وتقابلا من جديد وواصلا ماكان بينهما من ود الاخ عادل لك الشكر علي زياره قرية الجديد ، لكن الطاهر ده منو . المهم نقدم لك الدعوه لزيارة الجديد و اكان ما شالك الرأس يمين تشيلك العين لك الف شكر كتب الاخ الطيب رحمه نعم الجديد الثورة تستحق ان يكتب عنها و كما نقلت كاميرا الاستاذ الزبير فهى تحمل فى جنباتها صورة طبيعية خلابة و لكن فى اعتقادى ان هناك صورا اخرى كثيرة و مختلفة تستحق ان تنقل الى القارئ الكريم .. الجديد الثورة يا كرام .. قرية فيها اعلام لا يشق لهم غبار فى الجود و الكرم و حسن الضيافة و قد انجبت الجديد الثورة علماء لا يشق لهم غبار كذلك فى كافة المجالات على مستوى السودان بل و على مستوى العالم و هناك صور اجتماعية فى الجديد الثورة قلما تجدها فى مكان آخر فلابد ان تكتب هناك لابرازها لقارئ .. فالجديد الثورة فى تقديرى فريدة بانسانها و ما يملك من طباع فزة ... الاخ الطيب رحمه لك الشكر حمدا لله علي السلامه و ان شاء الله سوف نكتب ما نستطيع عن اعلام الجديد الثوره خصوصا الذين اسهموا في بناء النهضه الصحيه و التعليميه و في مجال الخدمات الاخري . لك الشكر الاخ عبد الرحيم لك الشكر علي المرور و لاهل النوبه علينا يد سبقت ودين مستحق فنحن من تعلم اخواننا و ابناءنا بمدرستكم العليا فلك الشكر و لاهل النوبه الف سلام و خصوصا استاذ الاجيال الوالد استاذ عمر عبد الرحيم ، يبدو لي ان اهل المنطقه لابد ان يكرمو هذا العلم المعلم و المربي شيخ عمر عبدالرحيم . لك الشكر وكتب الاخ اسماعيل عباس الصور لمنطقة جميلة ولكن على مايبدو معظمها من زاوية واحدة.ياريت تنزل لنا صور زيادة عن المنطقة وموقعها الجغرافى وماهى أقرب مدينة كبيرة لها..وعدد السكان.. ولماذا سميت الجديد الثورة وهل هناك جديد آخر..لتعم الفائدة...تقديرى وإحترامى. الاخ اسماعيل بما يتعلق بتزيل الصور اخوك لسع برلوم ، ان شاء الله سوف ننقل لك بالصور المعالم الكبري في الجديد الثوره . تتكون منطقه الجديد الثوره من 5 قري هي الجديد الثوره ( 1 ) هي قرية خليف ( هي الاولي و انت قادم الخرطوم ) و الجديد الثوره ( 2 ) تضم ثلاثه قري الدبب و العوامره و العطشه . الجديد الثوره ( 3 ) هس قريه عمران و الان هي مدينه جياد الصناعيه . تقع الجديد الثوره ( 1 ) و هي قريتي و التي بصددها سوف احكي ، علي بعد 40 كلم ج الخرطوم و تتبع اداريا لولاية الجزيره ، يتراوح عدد السكان بين 8 الي عشره الف و يعمل جزء من اهلها بمهنه الزراعه علي ضفة النيل الازرق ، ايضا العمل الوظيفي في الخرطوم ، اما القدر الاكبر يمارسه مهنه التجاره في الخرطوم . لنا عدد مقدر مقارنه ببقيه المنطقه من حملة الدرجات العليا . كانت تسمي حليف لحلف اعقد بين القواسمه و العبدلاب في العام 1504 م ، ايضا كان بها قصر قديم يعرف بقصر الملكه ستيته ايام دوله علوي و المغره المسيحيه . تزوج منها الامام المهدي بالسيده الفضلي اسماء حمدنا الله احد اعيان القابئل و ناظر المنطقه ايام الحكم الانجليزي ، اضافه لذلك جبة الامام المهدي الحاليه في متحف الخليفه من منزل الامام بالجديد خليف حيث عمرت السيده اسماء و توفيت في وقت قريب . يسكن بالجديد خليف الشنابله و الحضور و يعد هؤلاء اهل البلد الاصليين و هاجر اليهم و تصاهر معهم قبائل الجعليين الشويحات و الشوايقه و الدناقله باسماء اسر تعرف بهم الان . الاخ محمد احمدسعيد لك الشكر و في هذا طريق طويل سوف نحكيه لاحقا من باب العلم و ليس باب المنه و الاذي . واذا عاوز تعرف الناس ديل انت معزوم في رمضان لا معظم اهل القريه بكونوا علي طريق مدني . لنا عوده لك الشكر علي المرور الاخ انور السلام لجميع الاهل بالتكينه . بالمناسبه درس معنا بعض الاخوه بمدرسه المعيلق الثانويه ، احمد عبدالرحمن الاعب الخطير و عبدالرحمن اب جرايد ، لما كنا في اولي هما كنا في ثالثه ، كنت اعرفهم عشان المنطقه ، تصدق كنا بنعتبر المعيلق اغتراب ، قبل ايام كنت في مدينه ملبورن – استراليا 13 ساعه طيران ، يا حليل زمان لما كنا نمشي المعيلق اهلنا بقدمونا لي شارع الظلط ، هسي تمشي استراليا زول اجيب خبرك مافي . لك الشكر كتب الاخ عبد الباقي الجيلي كنت أود الدخول فقط للتنبيه على أن الجديد الثورة ليست بقرية ... بل هي مدينة تستوفي كل مقومات المدنية ... لكن احتفظت بأصالة أهلنا الطيبين في أرياف وقرى السودان المختلفة ... العنوان كان يجب أن يكون ... صور من مدينة الجديد الثورة ... الاخ عبد الباقي ايام الجامعه كان في واحد شابكنا اوالاد الاقاليم في كل محفل و جلسه ، بعد فتره سالناه انت من وين ، من طريقه كلام عن اولاد الاقاليم نحن قايلين الولد من نمره2 او الخرطوم شرق ، زولك طلع من الحاج يوسف ، في وقتها كدنا ان نموت من الضحك ، يا اخي ان بتفتكر انو الحاج يوسف ده خرطوم . غايتو الخرطوم ده عندنا من شرق و لي تحت . طبعا مع التغيير الديمغرافي كان لابد من الاختلاط ببعض الاسر الكبيره في الخرطوم و ذلك بحكم الخروج للتعليم و ايضا التواصل لوجود الخرطوم بقرب الخرطوم و مع ده كله شابكننا بالعرب، علي الرغم من اننا نفوقهم جمالا و مالا و علما ، بس هم فايتننا بالخرطوميه . لك الشكر علي المرور اخي بكري لك التحيه ، احمد سرحان موجود و هو بخير و سلام و الان ما شاء الله تبارك الله مدير بنك كبير ، و هو ابن اختي . نتمني نشوفك في الجديد الثوره . شكرا علي المرور الاخ طارق ميرغني كان لي الشرف بمقابله في بورداب الرياض ، ان كنت عارف ان لك علاقه بتلك المنطقه كنا فتحنا لود البوش ، الف شكر علي المرور يا ود الحليله لك كل الشكر و ان شاء الله لنا لقاء . التعديل املائي (عدل بواسطة الزبير بشير on 12-17-2012, 11:50 AM)

العنوان	الكاتب	Date
صور من قريتا الجديد الثوره - الجزيره	الزبير بشير	12-16-12, 10:21 AM
Re: صور من قريتا الجديد الثوره - الجزيره	الزبير بشير	12-16-12, 10:23 AM
Re: صور من قريتا الجديد الثوره - الجزيره	الزبير بشير	12-16-12, 10:33 AM
Re: صور من قريتا الجديد الثوره - الجزيره	عادل خياري	12-16-12, 10:42 AM
Re: صور من قريتا الجديد الثوره - الجزيره	الطيب رحمه قريمان	12-16-12, 11:01 AM
Re: صور من قريتا الجديد الثوره - الجزيره	عبدالرحيم أبراهيم العبيد	12-16-12, 11:24 AM
Re: صور من قريتا الجديد الثوره - الجزيره	ismeil abbas	12-16-12, 12:35 PM
Re: صور من قريتا الجديد الثوره - الجزيره	Mohammed Ahmed Saeed	12-16-12, 12:38 PM
Re: صور من قريتا الجديد الثوره - الجزيره	انور التكينة	12-16-12, 12:49 PM
Re: صور من قريتا الجديد الثوره - الجزيره	عبد الباقي الجيلي	12-16-12, 12:52 PM
Re: صور من قريتا الجديد الثوره - الجزيره	بكري اسماعيل	12-16-12, 10:06 PM
Re: صور من قريتا الجديد الثوره - الجزيره	طارق ميرغني	12-16-12, 11:02 PM
Re: صور من قريتا الجديد الثوره - الجزيره	elhilayla	12-16-12, 11:49 PM
Re: صور من قريتا الجديد الثوره - الجزيره	الزبير بشير	12-17-12, 11:46 AM
Re: صور من قريتا الجديد الثوره - الجزيره	عبدالله ود البوش	12-17-12, 11:58 AM
Re: صور من قريتا الجديد الثوره - الجزيره	الزبير بشير	12-17-12, 01:13 PM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]