|
|
 رسالة ماجستير فى صناعة الاحذيه
|
اكثر من شهر وانا اغوص فى قوقل بحثا عن اسكانر للقدم تستعمل فى صناعة الاحذيه
عشرات الايميلات وعده مكالمات خارجيه (اسبانيا انجلترا وغيرها)
والنتيجه مكلفه جدا
هذه الاسكانر يصل سعرها لعشره الف دولار
حاولت المستحيل الحصول على واحده مستعمله
رسالة الماجستير تقوم بها قريبتى فى احدى الجامعات السودانيه ونتيجه الرساله ربما تأثر
على صناعة الاحذيه خاصة لذوى الاحتياجات الخاصه
الجامعه ليست على استعداد لشراء الاسكانر
وقريبتى لا خيار لديها سوى سوى شراء الاسكانر لتكملة رسالتها
وجدت عدة اسكانات لكنهم للاسف طبيات medical يستعملهم اخصائى طب الارجل
لمن وصلت لطريق مسدود قلت الجأ لسودانيز على و عسى
اى معلومه نقدرها جدا فالغرض نبيل
تاهيل كودادر مدربه وسد احتياجات فئه و شريحه مهمه من الشعب الفضل
|
|
  
|
|
|
|
|
|
|
 Re: رسالة ماجستير فى صناعة الاحذيه (Re: النصرى أمين)
|
الاهتمام بالتعليم المهنى من اهم اعمدة نهضة الامم
لو كنا فى دوله غير السودان لوجد امر هذه الاسكانر اهتمام المسؤلين عن التعليم العالى
فتاهيل المعامل والورش هو اساس التطور و النمو
والله لو عندى امكانيات لاشتريت هذه الاسكانر واهديتها للجامعه التى درستنى مجانى
وصرفت على ماصرفت دون ان ادفع مليما واحدا
تخيلو فقط عدد الاشخاص ذوى الاحتياجات الخاصه الذين سيستفيدون من هذه
التقنيا !
| |
|
|
|
|
|
|
|
|
|
Re: رسالة ماجستير فى صناعة الاحذيه (Re: النصرى أمين)
|
والله يامنصور الموضوع ده شاغلنى شديد
لانى متاكد فى الزمن الصعب ده الشباب ديل لو ما وجدو التاهيل الصاح
حيروحو شمار فى مرقه
بس المشكله البلد ما مساعداهم
تدفعهم دفعا للاغتراب و الهجره
عشره الف دولار ليس بالرقم الكبير فى عالم معامل الجامعات وورشها
فالتعليم ليس مجانيا اليوم ومن حق الطلبه ان يجدو ظروف ملائمه للتحصيل
انا جاهز وقابض كمان
| |
|
|
|
|
|
|
|
|
|
Re: رسالة ماجستير فى صناعة الاحذيه (Re: النصرى أمين)
|
المشكله يا زين العابدين ان كل مصانع الاسكانر دى فى اوربا مما صعب على المشكله شديد
زى ما عارف هنا فى شمال اميركا كل شئ متوفر وباسعار كويسه
قعدت فى eBay بالساعات وما لقيتها
برضو فتشت فى kijiji بدون فائده
وصلت لطريق مسدود او اشترى من المصنع الاسبانى بعشرين الف يورو
ما عارف ليه الكنديين ديل و الامريكان ما عندهم باع فى الشغلانه دى ليه!
الظاهر صناعة الاحذيه شأن اوربى خالص
| |
|
|
|
|
|
|
|
|
|
Re: رسالة ماجستير فى صناعة الاحذيه (Re: النصرى أمين)
|
النصري امين
تحياتي
يا النصري ممكن تحاول مع المنظمات الانسانية التي تهتم بالتعليم زي فورد فاونديشن و مؤسسة بيل قيت و غيره انه يتبرعوا للجامعة لشراء الاسكانر
برضو في في المانيا مؤسسة دااد DAAD خلى الطالبة تتصل بهم من خلال الملحق الثقافي في السفارة الالمانية في الخرطوم و هم ممكن يشتروا الاسكانر للجامعة عندهم ويبسايت ممكن تتقدم من خلاله الطالبة بطلب لمنحة و ربما يساعدوها.
برضو ممكن تتصل بعدد من الجامعات التقنية و قد يساعدوا في توفير الاسكانر للجامعة
برضو في مخرج لو اتصلت بالامراء و الملوك في الجزيرة العربية قد يساعدوها
تحياتي
| |
|
|
|
|
|
|
|
|
|
Re: رسالة ماجستير فى صناعة الاحذيه (Re: بدر الدين احمد موسى)
|
الله يديك العافيه بدرالدين
ما عارف ليه انا مافكرت فى الطريق ده
رسلت رساله لفورد فاونديشن وضحت فيهو الموقف وسالتهم اذا عندهم رغبه لسماع التفاصيل ممكن يصلهم
طلب رسمى من الجامعه
غايتو ننتظر و نشوف ردهم حيكون كيف وساقوم بنشره هنا{مع الالتزام بالخصوصيه}
بالنسبه لاثرياءالخليج فالتعامل معاهم صعب ويحتاج لواسطات
احسن لينا الامريكان ديل التعامل معاهم ساهل ومباشر و اهم شئ الواحد برتاح فى التعامل معاهم
| |
|
|
|
|
|
|
|
|
|
Re: رسالة ماجستير فى صناعة الاحذيه (Re: بدر الدين احمد موسى)
|
عزيزي النصري، دي وهمات بتاعت خواجات همهم بارد ساي، خلي البت تشغل مخها وتبتكر، وتفيد البشرية. أيه يعني اسكانر بتاع جزم؟ قول ليها تجيب تلات ورقات أي فور، وترسم كراع الزول العاوزين يعمل ليه الجزمة بالقلم وتعمل اسكان للورقات، ولو ما في اسكانر تصور الورق بي كاميرا عادية وتمش تعمل البروسس العاوزاه على ملفات الصور المسكنة. ممكن أعمل ليك تجرية بعد شوية وارسل ليك النتيجة.
| |
|
|
|
|
|
|
|
|
|
Re: رسالة ماجستير فى صناعة الاحذيه (Re: ود شاموق)
|
والله ياودشاموق هى مشت فى الطريق وعملت اكتر من 200 عينه قالت لى ناس البيت بقو
يزوقو منها لمن يشوفوها جايه من بعيد وشايله الورقه والقلم
طبعاالاسكانر بتعطى معلومات دقيقه جدا للقدم ومن جميع الزوايا بعدها يمكن ادخال المعلومات فى الكمبيوتر
ومنها صناعة القوالب
صدقنى الاسكانر غير انها بتوفر الزمن تجعل عملية التصنيع دقيقه جدا و مجال الخطا شبه معدوم
| |
|
|
|
|
|
|
|
|
|
Re: رسالة ماجستير فى صناعة الاحذيه (Re: معاوية الأرباب)
|
سلام معاويه
تعرف مقوله خادم الفكى مجبور على الصلاة بقت على
كل يوم بقرا وبثقف فى نفسى عشان اكمل المهمه
على حسب فهمى فى برنامج فى الجامعه اسمه cam cad
المعلومات المستقاة من الاسكانر يمكن تغزيتها للبرنامج ده لعمل القوالب
قبل شويه وصلنى ايميل منها دايره قوالب جاهزه من نفس الشركه المصنعه للسوفتوير
بالنسبه للجبص ما سمعتها جابت سيرته لكن اتخايل لى المشكله حتكون قايمه فى تحويل مقاييس الجبص
لبرنامج التصميم
غايتو شهرين تلاته اذا المشكله ما اتحلت حالقى نفسى بقيت خبير فى الشغلانه
لقيت الاسكانر دى لكن ما متاكدين انها قد تادى الغرض
| |
|
|
|
|
|
|
|
|
|
Re: رسالة ماجستير فى صناعة الاحذيه (Re: elhilayla)
|
سلامات يا النصري..
ياخي الموضوع ده انا جيت داخلاه حرارة قلب سالكت زي ما بقولوا..
ياخي نفرض لقيتو الاسكانر دي.. حدها وين في الاستعمال؟ طوالي ولا مؤقت؟
لو طوالي اضمن ليك الاسكانر ده سريع جدا بقيف..انا عندي اقتراح لي قريبتك دي
اول شي تشوف الناس الشغالين في السوق ديل شغالين بشنو؟
في شئ جديد غير القوالب العادية.. اذكر انني كنت اتعامل في شراء
احذيتي مع شاب خريج كلية الفنون خزف وشغال في صناعة الاحذية
فذكر لي في احدى المرات ان اليونسكو انتدبه لتدريب صانعي الاحذية
ورفع مهاراتهم.. وكانوا ما بيتخدموا المقاسات بصورة صحيحة
وانما شغل القوالب التقديري.. المهم اقنع الجماعة ديل بعد لأي يتخلوا
عن طريقتهم التقليدية.. هذا الرجل موجود بالقرب من عوضية ست السمك في الموردة
صاحب المحل هو غازي مسعود وخبرته في صناعة الاحذية لا تبارى
ومعه محمد بشير خريج الفنون.. غازي له خبرة كبيرة في المدبغة
والجماعة الاتنين ديل خريجين واشهر اصحاب احذية
في السودان، لانها متينة وارضيتها لا تدوب وتراعي البيئة..
خلي قريبتك يا النصري امين من دربها ده على محلات فينيسا جنب عوضية طوالي(المحل يا فينييا يا الموناليزا)
المهم المكان مع عوضية طوالي في نفس الشارع ومع كلمة الموناليزا/فينيسيا توجد عبارة لصناعة الجلود
| |
|
|
|
|
|
|
|
|
|
Re: رسالة ماجستير فى صناعة الاحذيه (Re: Abureesh)
|
تعرف يا زين العابدين اول ما شفت الاعلان قمت راسلت
صاحبه بواحدة من ايميلاتى المنتهية وبدون كتابه اسم
عرضت غليه 500 دولار...
الزول زعل شديد من العرض بتاعى داير يفرقع عارف رده كان شنو؟
سطر واحد كما يلى بعد حذف الكلمة الشينه:
what about free you f"""cheap
؟
| |
|
|
|
|
|
|
|
|
|
Re: رسالة ماجستير فى صناعة الاحذيه (Re: النصرى أمين)
|
سلام يا حليمة
والله احيك على حرارة قلبك...
مرات كتيرة انا بتعامل مع الامور بالحماسة وغالبا ما
بتخزلنى لانو احيانا كتيرة الاصرار كاف لحل المشاكل.....
انا قعدت مع الطالبة دى ساعات وساعات فى الاسكايب وفى فايبر
بالاضافة للايميل ....وصلتنى منها معلومات تكفى لحصولى على
دبلوما فى صناعة الجلود لكن المخ تخين وما قدرت استوعب كل
المعلومات ...
الشئ المتاكد منه انه رسالة الماجستير تعتمد اعتماد كلى على
الاسكانر لاثبات حاجة كده مافاهما شنو ...
الغرض اكاديمى لكنه مربوط بالعنصر الانتاجى التصنيعى التجارى..
عمادة الكليه متحمسه جدا جدا فى موضوع الاسكانر وعندهم ليها افكار
كتيرة ومشاريع تدر دخل على القسم لكن ماعندهم التمويل الكاف..
هم فقط بشجعو فى الطالبة انها تمتلك الاسكانر وبعد داك هم مستعدين
يتعاونو معاها فى اى مشاريع مستقبلية...
حسب فهمى من غير الاسكانر مافى رسالة ماجستير وعندنا عدة شهور فقط
للحصول عليها .....
عشان كده انا اخنق فطس لازم القى الاسكانر دى حتى لو اضطررت لبيع سيارتى
غايتو عشمان فى ناس فورد فاونديشن يتجاوبو مع الرسالة التى بعثتها لهم
امس ...
ان شاء بكره الاتنين حاديها المعلومات بتاعت ورشة الاحذية فى الموردة واطلب
منها الذهاب هناك ربما تجد حل للمشكلة ....
| |
|
|
|
|
|
|
|
|
|
Re: رسالة ماجستير فى صناعة الاحذيه (Re: النصرى أمين)
|
النصري
سلامات
بالمناسبة ما تنسى الالمان و منظمة دااد DAAD
الالمان حنينين و عندهم تجربة في تمويل و شراء مواد معملية لطلاب الدراسات العليا في جامعة الخرطوم حسب تجربتي الشخصية
بس خليها تمشي بخطاب رسمي من جامعتها للملحق الثقافي في السفارة الالمانية و تسأل لو ممكن دااد تشتريها ليها
https://www.daad.org/scholarship
اعلاه صفحة دااد هنا في امريكا و هم يقدمون الكثير من الدعم لطلاب الدراسات العليا في امريكا خليك من السودان
| |
|
|
|
|
|
|
|
|
|
Re: رسالة ماجستير فى صناعة الاحذيه (Re: النصرى أمين)
|
يا الله عليك يا محمد عثمان
لقيت وكيل للشركة بتاعتك هنا فى مقاطعتنا (بالتحديد فى مدينة
Red Deer) وهى مسقط راس عضو البورد معاوية المدير ..حاتصل
عليهم اول شئ فى الصباح ونشوف موضوعهم شنو ولو البت وافقت على
الاسكانر دى ياها الاشتريناها بكرة
ياخ انا كنت مغبى وانا بفتش ..
هل تصدق جلست ساعات وساعات فى موقع التجارة العالمى على بابا
اhttp://www.alibaba.com ازازى مع الصينين ديل دون جدوى
اها دلوقت لقيتها على بعد ساعة وربع من بيتى وباقل تكلفة...
والله امنت عديل بسودانيزاولاين
الغريبة الناس البعرفهم كلهم فى السودان ما سمعو بسودانيزانلاين
| |
|
|
|
|
|
|
|
|
|
Re: رسالة ماجستير فى صناعة الاحذيه (Re: elhilayla)
|
لك التحية أخي النصري، طبعا هناك فرق طفيف بين الآلتين لأن المطلوبة مصممة لتصوير أقدام بشرية حية في حين أن هذه مصممة لتصوير أجسام غير حية يعني ممكن يكون هناك صعوبة في تصوير الجزء الأسفل من القدم لكن يمكن حل تلك المشكلة باستعمال صندوق زجاجي مثلا، بالتفكير تحل المشاكل!
بالمناسبة، إنت من ناس النصري أصحاب مصنع العطور الذي أظن أنه كان ينتج عطر بت السودان والسيد علي؟ الحصل شنو للمصنع داك؟
| |
|
|
|
|
|
|
|
|
|
Re: رسالة ماجستير فى صناعة الاحذيه (Re: محمد عثمان الحاج)
|
تعرف يا محمد ..بعض الساخرين من اهلنا قالو مولانا السيد
على الميرغنى جاء لاصحاب المصنع وقالو ليهم اشارك فيه بصورتى...
اعتقد القصة ما حقيقيه لكن فعلا صورة واسم السيد على الميرغنى فى
فتيل الريحة كان له اثر كبير فى نجاح السلعة.. وده دليل على عبقرية
التسويق فى الزمن البسيط داك
تزكر ظهرة الحصان ؟
كان لى فيها امال عريضة لكنها اتدمرت قبل ان نلحقها ....
بالنسبة للاسكانر فعلا مشكلة التصوير اسفل القدم خلتنا نغير رائنا
منها ..لكن ده لايمنع انى حاتصل بيهم اليوم ..احتمال عندهم حل للاشكال
| |
|
|
|
|
|
|
| |
munswor almophtah
elhilayla
بدر الدين احمد موسى
ود شاموق
معاوية الأرباب
حليمة محمد عبد الرحمن
Abureesh
فيس بوك
تويتر
انستقرام
يوتيوب
بنتيريست