|
|
|
 Re: العندو صورة لمحطة سكة حديد الخرطوم بعد الدمار منو (Re: سمير شيخ ادريس)
|
ياخي عاوز تعذبنا مالك ؟
السكة الحديد دي في مكانة الوالدين طوالي
هي عمر بحالو .. بهجتو وترحالو وعمارو
الله يعلنك يا عمر حسن احمد البشير وعمر محمد نور وكل من اجرم في حق هذا المرفق العملاق وفي السودان
الورشة حتى البوم لا يرضى ان ينعق فيها
المخارط تشكي حالها
الترومبيل
الترولي
عربات درجة ثالثة ممتازة
الكافتريا
الان بعد ان كانت من اكبر محطات القطارات في العالم اصبحت مواقف للمواصلات من قمة التنمية الى حضيض التخلف
| |
  
|
|
|
|
|
|
|
|
Re: العندو صورة لمحطة سكة حديد الخرطوم بعد الدمار منو (Re: Ridhaa)
|
السكة الحديد SR عالم خارج هذا العالم ... رغم صعوبة المعيشة فيها ومعاناة اهلها الا انك اذا عشت بينهم تحسبهم اسعد خلق الله ... وهم كذلك حقا سعداء بالفتهم وطيبتهم وحسن معاشرتهم وتراحمهم ... السكة الحديد في اي محطة علي امتداد السودان من حلفا وحتى واو ومن نيالا وحتى بورتسودان هم خلية واحده استنسخت منها بقية المحطات نفس السحنات والالوان نفس الثقافة المتجانسة والتعايش الفريد ... كانت في ماكان تحمل الفكر والثقافة عبر عربة البوستة تاتي بالصحف والكتب ويتسابق الجميع في المدن الطرفية كل يمني نفسه بوجبة ثقافية فريدة وشهية الطفل يبحث عن الحلقة القادمة لشمسة ودانة او بطوط او عم دهب والشاب يبحث عن سمر او جريدة او اجاثا كريسيتي وارسين لوبين ومنهم من ينتظر خطابا من امه وابيه او صديقة بالشمالية او الغرب او الشرق كانت السكة الحديد تحمل الحياة ...
| |
|
|
|
|
|
|
| |
Osman Musa
سمير شيخ ادريس
عمار عبدالله عبدالرحمن
Kostawi
Ridhaa
فيس بوك
تويتر
انستقرام
يوتيوب
بنتيريست