|
*** عاجل مطلوب معلومات عن عمليات نقل كلية و شراء كلية ***
|
إبن عمي في الإربعينات من عمره موجود في السودان محتاج لعملية زراعة كلية و شراء كلية... المطلوب من الجميع أي معلومات عن مكان وجود إمكانية زراعة و شراء كلية و تكاليف العملية بالكامل و معرفة كل المصاريف مع مرافق له و إي معلومات عن إسم مستشفى و كيفية الإتصال إن وجدت
تحياتي و إحترامي للجميع
|
|
|
|
|
|
|
|
Re: *** عاجل مطلوب معلومات عن عمليات نقل كلية و شراء كلية *** (Re: عمار عبدالله عبدالرحمن)
|
سلامات ابوالحسين وربنا يشفيه
ما عايز اكون في شكل ناصح خبير بس من معلومات ما ساهلة ابعد من درب الشراء دا والله ما فيه اي فايدة وغالبا ما تكون النهاية ضياع اموال
في فحوصات وغيروا
نقطة مهمة وهي يا ريت لو سحبت فكرة شراء دا لانها مستفذة ما مفروض الواحد يفرط في جسده بالبيع ياخ وما مفروض نشجع الكلام دا مهما كانت حوجتنا
وظروف مرضانا وهم اهلنا واخوانا ونحن زاتنا ,,
البني ادم كريم شديد في ناس قبل اليوم جوا يتبرعوا بكلية لناس ما عندهم صلة قرابة شديدة من الاسرة ونجحت لا دفع ولا غيروا في مراكز عديدة
المهم ربنا يشفيه ياخ ومعليش كان كترنا من تركيزنا علي قصة منع البيع والدعاية ليه والتحفيز وغيروا حتي باعلان غير مقصود هنا في بوست في
سودانيز اونلاين كترت الجريمة وقتل السودانيين في القاهرة في سيناء ذكر في برامج توثيقية انو عنده علاقة ببيع الكلي
فاذا تم تحريم سن الفيل من البيع عشان نحافظ عليه فمن باب اولي البني ادم ,,,, القانون منعها لانها غير اخلاقية نهائيا ما مقبولة ,,,,
سلامات ليه عبرك ولكل اهله وانشا الله ربنا يشفيه قريب جدا ويلاقي واحد من اقرب الناس ليه عنده كلية متبرع بيها ومفروض نفتح باب قصة التبرع
بالاعضاء دا في السودان ونوافق عليه من ضحايا الحوادث وغيرهم في طريقة مضبوطة بسرية وبقوائم انتظار سرية وعمل قانوني مضبوط حتي يستفيد الحي اللهو ابقي من الميت ,,,,
| |
|
|
|
|
|
|
|