|
متاب عيانة ياااااااااااخ...(صور)
|
متاب بتي ...
صديقتكم بتاعة (حاجات الأطفال)...
عياااااااااانة..
نخرينها جاريات..وحرارتها أكتر من 39..
وعندها قحة ناشفة..وما قادرة تاكل أي حاجة...
غايتو...
وديناها ليكم أحسن مستشفى في جدة..
وكالعادة قالت عايزة دكتور أطفال..
|
|
|
|
|
|
|
|
Re: متاب عيانة ياااااااااااخ...(صور) (Re: حاتم محمد حاج المهدي)
|
الأخ حاتم محمد حاج المهدي..
يسعد أيامك ياخ..
Quote: ربنا يوالي الأمورة متاب بالصحة والعافية.
عارض ويزول إنشاءالله. |
إن شاء الله يزول بسرعة شديدة..
لأنو متاب دي تحديداً أصلو ما بنفع تكون عيانة أكتر من 24 ساعة..
ضعييييييييييييفة...ورقيييييييييييييييقة...وحنييييييييييييييينة...وأهم حاجة في حياتي..
عارف بعد طلعنا من المستشفى قبل شوية قالت لي شنو؟؟
شكراً يا بابا لأنك وديتني لدكتور الأطفال..
هسي أنا بقيت أحسن..
عليك الله دي زولة تستاهل المرض؟؟
..
تحياتي ليك وما تشوف شر في عزيز لديك..
..
.
| |
|
|
|
|
|
|
Re: متاب عيانة ياااااااااااخ...(صور) (Re: معاوية عبيد الصائم)
|
كفارة وسلامات للأمورة متاب
أجر وعافية وان شاء الله ما تشوف شر
الهم أشفها وعافها أنت الشاف لا شفاء الا شفاؤك الهم أشفها وعافها أنت الشاف لا شفاء الا شفاؤك الهم أشفها وعافها أنت الشاف لا شفاء الا شفاؤك الهم أشفها وعافها أنت الشاف لا شفاء الا شفاؤك الهم أشفها وعافها أنت الشاف لا شفاء الا شفاؤك الهم أشفها وعافها أنت الشاف لا شفاء الا شفاؤك الهم أشفها وعافها أنت الشاف لا شفاء الا شفاؤك
تحية وتقدير اخي محمود
| |
|
|
|
|
|
|
Re: متاب عيانة ياااااااااااخ...(صور) (Re: البشير دفع الله)
|
عزيزنا البشير دفع الله..
حبابك وما نجيك في شينة إن شاء الله..
Quote: كفارة وسلامات للأمورة متاب
أجر وعافية وان شاء الله ما تشوف شر
الهم أشفها وعافها أنت الشاف لا شفاء الا شفاؤك |
آمين يا حبيب..آمين...
صاحبتك متاب محمود دفع الله (فاميلي نيم) وكدا..
لكن اسم "دفع الله" دا جهجه ليك الفلبينيات جنس جهجهة...
ماتاب دافيولا...التانية ميتب دافئيلا...
وأنا بين هذا وذاك..أردد: أحييي أنا..
..
.
| |
|
|
|
|
|
|
Re: متاب عيانة ياااااااااااخ...(صور) (Re: Rawia)
|
سلامتها وربنا يحفظها ونسأل الله أن يمن عليها بعاجل الشفاء .
طريقة مجربة لايقاف أي أنواع الكحة خاصة بالليل عند النوم .
قليل من دهان الفكس بطرف أصابعك أمسح بها أصابع قدم البنية ولبسها شراب وغطيها والوجه كاشف وبإذن الله سوف تزول الكحة مباشرة وتستطيع أن تنوم نوما هانئاً .
ويمكن للجميع أن يفعلوا ذلك الكبار والصغار .
| |
|
|
|
|
|
|
Re: متاب عيانة ياااااااااااخ...(صور) (Re: حمد عبد الغفار عمر)
|
Quote: هسي أنا بقيت أحسن..
عليك الله دي زولة تستاهل المرض؟؟ |
عاجل الشفاء للأمورة وان شاء الله ما تشوف شر. نفس رد بنتي ذات الأربعة أعوام عندما تمرض (تتجاوز حراراتها المائة) وتقول انها تتحسن!!!! ربنا يلطف بهم فمرضهم كما ذكرت يقطع القلب.
| |
|
|
|
|
|
|
Re: متاب عيانة ياااااااااااخ...(صور) (Re: Imad Khalifa)
|
العزيز عماد خليفة...
مرض الأطفال حاجة صعبة شديد...
Quote: نفس رد بنتي ذات الأربعة أعوام عندما تمرض (تتجاوز حراراتها المائة) وتقول انها تتحسن!!!! |
بنتك ذات الأربعة سنوات أوع تكون البكر...
متاب دي آخر العنقود...
بالرغم من أن أمها ما بتحب حكاية آخر العنقود دي..
العجب لو في زول قال ليها يا حاجة...
غايتو..
شكراً ليك كتير يا عمدة...وما تشوفوا شر إن شاء الله..
..
.
| |
|
|
|
|
|
|
Re: متاب عيانة ياااااااااااخ...(صور) (Re: Mahmoud Mustafa Mahmoud)
|
Quote: بنتك ذات الأربعة سنوات أوع تكون البكر |
الأخ الفاضل محمود كيف هي متاب بعد الأدوية والوصفات ان شاء تماثلت للشفاء تماما وبقت تجري وتنطط؟ نعم هي بنتي البكر وعاملة البدع معاي. وطبعا البكر كآخر العنقود في ظبيط الأبوات فقادر أتخيل وضعك معاها هاهاهاهاها.... عاجل الشفاء للابنة متاب لك وللأسرة الكريمة التحايا الطيبة
| |
|
|
|
|
|
|
Re: متاب عيانة ياااااااااااخ...(صور) (Re: Imad Khalifa)
|
الحمد لله يا عمدة...
متاب الآن أفضل كتير..
صاح نفسها مقفولة من أي أكل ... تشرب عصير ما بطال..
تلعب حبة حبة..
لكن والله معقدانا رسمي وشعبي..
تديها الدواء المر..تقول ليك شكراً ليكم لأنكم بتحبوني..
أي والله
يا جماعة دي قلاصة شنو دي؟؟
النصيحة لله...متاب تتحب..
حفظ الله كل أطفال السودان والدنيا والعالمين....
الأطفال عالم جميل..
زين شنو كمان؟؟
تحياتي أخي عماد خليفة..ونجيك في السمح إن شاء الله..
..
.
| |
|
|
|
|
|
|
Re: متاب عيانة ياااااااااااخ...(صور) (Re: حمد عبد الغفار عمر)
|
حبيبنا حمد عبد الغفار..
Quote: كفارة لمتاب يا محمود
وربنا يشفيها
أمسح الوجه والصدر بزيت زيتون بخفف البرد شوية |
شكراً على الوصفة...وعملنا بها فعلاً الآن..
والشافي هو الله..
المزعجني فعلاً..الحرارة المتكررة دي..
شغال ليها بالتناوب بين خافض الحرارة شراب
والآخر تحاميل..
وبتاخد مضاد حيوي....وشراب للاحتقان..وآخر للكحة..
قبل ساعتين كانت متضايقة شديد.....
ولم يكن من سبيل للتخلص من البلغم
إلا عن طريق الاستفراغ..
اتكلمت كتير شديد..
وصوتها متغير..
دخلت في سعال ..انتهى بالاستفراغ..
حرارتها زادت..
أخدت تحميلة..
ونامت..
وهي نايمة عملت ليها الوصفة بتاعتك دي..
وعملت معاها الوصفة بتاعة ولياب الفوق دي بتاعة الفيكس..
غنيت ليها "يا ليل أبقالي شااااااهد"..
قالت لي: يعني شنو؟؟؟
متاب برنامج جميل حتى في مرضها شفاها الله..
وما تشوفوا شر إن شاء الله ..
.
| |
|
|
|
|
|
|
Re: متاب عيانة ياااااااااااخ...(صور) (Re: عبدالمنعم الزين)
|
منعم الزين الحنيييييين البكااااااااااااي...
كيفك يابا وكيف وليداتك؟؟
Quote: شوف النظرة دي كيف ....ماشاءالله بتقول حاجات كثيرة |
نظرة يا السمحة ام عجن على قول حبيبنا حاج طه..
ياخ أنا بريدك يا منعم..فيها حاجة يعني لو الزول عبر عن شعوره؟؟
..
.
| |
|
|
|
|
|
|
Re: متاب عيانة ياااااااااااخ...(صور) (Re: عبد الحكم ابراهيم الحاج)
|
عمو عبدالحكم..شكراً ليك تاني..
Quote: دعواتك لاخوك الحارث مساهر بى ثلاث ليال سويا -يتنفس بالفم |
يا الله...أخويا الحارث ولد عمو عبدالحكم عيان برضو؟؟
يا رب أشفيهو وعافيهو..
لكن يا الحارث أوعك تأخذ أي رأفة بالآباء ديل..
دلع نفسك على قدر ما تقدر..
على قول عمو ود الباوقة: أردم..
إن شاء الله يا حارث تبقى كويس..
قولوا آمين كلكم..
..
.
| |
|
|
|
|
|
|
Re: متاب عيانة ياااااااااااخ...(صور) (Re: Elmosley)
|
الجميل العزيز يوسف الموصلي....
شكراً ليك يا أمير...
من هسي متاب تكتب في السيرة الذاتية بتاعتها إنه عمو يوسف الموصلي شخصياً
كفر ليها لما كانت عيانة..
أشش..كلام والله..
تسلم يا حبيب من كل شر..
..
.
| |
|
|
|
|
|
|
Re: متاب عيانة ياااااااااااخ...(صور) (Re: محمد عبد الماجد الصايم)
|
ود الصايم يا عمك..
سقط ومطر الرياض على قسوته
أرحم من فيروسات جدة التي يملصها الحجيج
سنوياً..حوالي تلتمية فيروس..تشكيلة واسعة جداً..
غايتو..
النجيضة على قولك: ضيوف الرحمن ديل ما يقدر عليهم إلا الرحمن..
شكراً ليك على الجية..
وما نجيك في شينة ومرض شُفع..
..
.
| |
|
|
|
|
|
|
Re: متاب عيانة ياااااااااااخ...(صور) (Re: Mahmoud Mustafa Mahmoud)
|
والله يا جماعة لازم تعرفوا الحاجة "الخطيرة" دي...
ما شاء الله عليك يا توبة...
قبل النومة دي طبعاً كانت قاعدة تبكي بطريقة هستيرية..
- بتبكي مالك يمة؟؟
- خخ ههه..إهئئئئئيييييييييي...
- عيانة تاني إنتي؟؟
- خخ ههئئئئئ..لا لا..
- طيب مالك حبيبة أبوك؟؟
- عشان عاديت بابا...
البت دي غايتو لو جاتا حاجة..بكون سحرتها براااااااااااااي...
الله يحفظك يا متاب..
..
.
| |
|
|
|
|
|
|
Re: متاب عيانة ياااااااااااخ...(صور) (Re: عاطف رميتي)
|
محمووووود
ربنا يكتب ليها الشفاء إن شاء الله ويلزمكم الصبر على مرض فلذات الأكباد
أمي فاطمة حبوبتي أم أبوي عليها رحمة الله كانت إمرأة رهيفة القلب لديها ولدين أبوي وجعفر عمي وهما دائماً على سفر، قالت: لما يكون اولادي مافي، قلبي يقول لي اتلقي حصل ليهم كدي وحصل ليهم كدي، وهي ترد على قلبها الشفيف (إن شاء الله ياقلبي البتقولو لي علي أولادي يجيك إنت برااااك)
ربنا يشفينا ويشفي جميع المرضى أنا ذاتو جاتني النزلة دي ومعاها وردة شديييدة الاسبوع الفات ده كلو راقد عيان
| |
|
|
|
|
|
|
Re: متاب عيانة ياااااااااااخ...(صور) (Re: أبوعبيدة محمد الأمين)
|
أبو عبيدة الحبيب...
مشتاقين ياخ..مع إنك عملتها ظااااهرة.. معفص لينا عفيصة مدنكلة..
Quote: (إن شاء الله ياقلبي البتقولو لي علي أولادي يجيك إنت برااااك) |
أها شوفوا ناسنا سمحين كيف..
ألف رحمة ونور عليك يمة فاطنة...
شكراً على الدعوات وأبقى أسأل عن "قلوبنا" يا صفوة ...
..
.
| |
|
|
|
|
|
|
Re: متاب عيانة ياااااااااااخ...(صور) (Re: Mahmoud Mustafa Mahmoud)
|
أخ مـحـمود ربّنا يطـمّنك عليها
اللهم اشفها وشافيها وعافها وأعف عنها وأكشف ما بها من ضرّ يا عزيز يا ذا الجّلال والإكرام وألبسها لباس الصّحّة والعافية عاجلاً غير آجلاً يا ربّ العالمين اللهمّ يا مجيب الدّعوات أشفها من كُلّ مرضٍ ومن كُلّ سوءٍ وعافها وأعف عنها يا ربّ العرش العظيم يا ربّ السّماوات والأرض يا حيّ يا قيّوم اللهم ربّ النّاس أذهب البأس عنها وأنت الشّافي اللهم أنعم عليها بالشّفاء
أصدق أُمنياتـي لـمتاب الـحلوة بالشّفاء العاجل
| |
|
|
|
|
|
|
Re: متاب عيانة ياااااااااااخ...(صور) (Re: لؤى)
|
الجميل الفنان لؤي...
تحية تليق بك أيها الإنسان الجميل..
Quote: أصدق أُمنياتـي لـمتاب الـحلوة بالشّفاء العاجل |
آمين ونشكر إحساسك الصادق ولطفك الواضح وكذا رقيق عبارتك..
تسلم من كل شر يا لؤي ياخ..
..
.
| |
|
|
|
|
|
|
|