|
|
|
 Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: عاطف عمر)
|
يالها من ايام وذكريات عشنا فيها بخيالنا مع مغامرات المغامرين الخمس اول مغامرة قراتها للغامرين الخمس كانت باسم المنزل رقم ثمانية وتسعون علي مااذكر وانا طالب بالصف الخامس الابتدائي وقعت بالصدفة في يدي من جاري بالفصل انذاك طارق الهادي الطيب المصباح وبعدها صرنا نتبادل هذه الالغاز مع بقية الطلاب بالمدرسة .
وبعد مرحلة الالغاز للمغامرين الخمس انتقلنا في مرحلة متقدمة لقراءة قصص ارسين لوبين وجيمس بون والفرد هتشكوك واجاثا كريستي وهذه كانت في المرحلة الثانوية العامة
| |
 
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: طارق جبريل)
|
يا الله يا يحي شكلوا كان زمن جميل
والاجمل انوا عاطف من ذلك الجيل الماسي
أنظر لى كتاباته فتجدها موزونة رصينة معتقة بالاحساس الصادق النقى بعيدا كل البعد عن الزيف واتملق بتاع الجيل الحديث
ليتنى كنت من ذلك الجيل الجميل
فاكانت اللغة الانجليزية فى السودان قوية كما ارها فى والدى الغالى وكذلك اللغة العربية فهو شاعر لا يشق له غبار وكاتب باللغة العربية
وطبيب استشارى حضر في اقوى واعظم الجامعات الغربية باللغة الانجليزية
فهل هذا نفس المستوى الحين فى الجيل الحديث في السودان ؟؟؟؟؟؟؟؟؟؟؟؟
| |
|
|
|
|
|
|
|
|
 Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: وضاحة)
|
.
المهندس / يحي قباني
تحية وتقدير ,,,
رجعته الواحد لسنين بعيدة , كان وأحد من أشياؤها المحببة
سمير وميكي والألغاز والشياطين الـ 13 ......... وفي إجازة المدرسة بالذات
بتبقي الهواية دي هي الغالبة .......... وعلى الزمن داك كان الواحد بشبع الهواية دي
بزيارات متكررة للمحطة الوسطي أم درمان وبالقي معظم الالغاز البقتش ليها مفروشة
على رصيف المحطة جهه موقف التكاسي .....كانت قراءات الطفولة ومداخل الصبا
ايام الشباب حول مبني البوسته امدرمان برضوا كان في ناس بفرشوا الكتب والمجلات
الواحد لقي عندهم بأثمان زهيدة نسبيا , مجلات وكتب .... في مصر سمعته كتير عن
سور الأزبكية ... وفيما بعد زرتوا لممارسة نفس الهوية في شراء الكتب القديمة ....
ما مستمر في هوايتي دي بنفس الشقف القديم , لكين من حين لحين ....
بشتري كتب قديمة من حراج جدة ........ معظم الناس بعرفوا الحرج كمحل لشراء أو بيع
الاجهزة والاثاث المنزلي المستعمل ..... قبل كم سنة عرفته بالصدفة أنو فيهوا برضوا كم محل
ببيع الكتب المستعملة الماظن تلاقيها في أي مكتبة ..... خصوصا والمكتبات لا تقدم غير
كتب الطهو والازياء والموضة الابراج وووووووو الخ ما يقراء ويهتم الناس في هذا الزمان
-----------
شكرا ياهندسه فعليا القراءة حتظل رغم إستحداث كثير من الوسائط هواية لا غني عنها
تحياتي
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: طارق جبريل)
|
اجمل ما في البوست ده انو جاب احلي الناس ...
حاجيكم نتسامر واحد واحد ... فوالله لهو اجمل الازمان ...
ابوالعزائم ... ود جبرين قال بليستيشن ؟؟
أم الحفر شنو ؟؟؟ البلّي لقوهو وين ؟؟؟
وحياتك كان راس مالهم دباره ولا بكرة "خيت" ...
نصهم بيشرّك لي ابو الحدّاد من حفره لي حفره ...
والنص التاني رابط كدنداره بباقي الخيط وجاري بي وراها ؟؟؟
ولا كان بالغو يكونوا كاسرين كراع جراده يعفِّصوا في وركها وشغالين " محمد قال اقيفو و محمد قال أقُعْدُوا ..."
| |
|
|
|
|
|
|
|
 Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: معاوية المدير)
|
.
ود المشرف
سلام وتحية ,,,
| Quote: بس ميدان البوسته ولا المحطه الوسطى ؟! |
يالدكتور ألف تحية ليك وللزمن الجميل
المحطة الوسطي أمدرمان تجاه موقف التكاسي البتمشي الثورة ومحل كان بتقيف الباصات للخرطوم
وما ميدان البوستة حول مبني البوسته نفسوا ...... لانوا كلامي ما على الاكشاك البتبيع الكتب الجديدة
كان شعر ما عندي رأس وانا تلميذ باخد مصروف عشان كدة بشتري من الناس البفرشوا الالغاز والمجلات
في الارض كان أسمهم ( الفراشّة ) ..................... أتغير فيما بعد الموقع من المحطة الوسطي وبقي حول مبني البوسته
لانو وكت كنت بشتري كتب مستعملة من حول البوستة امدرمان كنت خريج وشغال ............................................
* والكلام ده ما قبل 2001م
كتير التحية والسلام يادكتور
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: يحي قباني)
|
Quote: يا الله يا يحي شكلوا كان زمن جميل
والاجمل انوا عاطف من ذلك الجيل الماسي
أنظر لى كتاباته فتجدها موزونة رصينة معتقة بالاحساس الصادق النقى بعيدا كل البعد عن الزيف واتملق بتاع الجيل الحديث
ليتنى كنت من ذلك الجيل الجميل
فاكانت اللغة الانجليزية فى السودان قوية كما ارها فى والدى الغالى وكذلك اللغة العربية فهو شاعر لا يشق له غبار وكاتب باللغة العربية
وطبيب استشارى حضر في اقوى واعظم الجامعات الغربية باللغة الانجليزية
فهل هذا نفس المستوى الحين فى الجيل الحديث في السودان ؟؟؟؟؟؟؟؟؟؟؟؟ |
الله يجبر بخاطرك يا وضاحة
وكتر خيرك على حسن الظن
_________________
تحياتي في المبتدأ للغالي والدك العزيز
له ولكم أتمنى دوام التوفيق
عارفة يا وضاحة وكما أشار ( الجلكين )*** قباني لأدوات ترفيهنا
تجدين قطيعة بائنة بيننا والتكنولوجيا... لم نكن نعرفها ولم تكن تعرفنا
لكن لهذه القطيعة جانب إيجابي آخر
فقد ربطت معظم جيلنا والأجيال السابقة لنا بالكتاب
لذلك ترين ونرى السيد والدكم نطاسي بارع وشاعر مجيد وكاتب بفصيح اللغة العربية
تلك كانت سمة جيل
تضمحل هذه السمة كلما ولجنا عوالم التكنولوجيا
أحرص على إصطحاب أنجالي لمعارض الكتاب المختلفة
وأشجعهم على إقتناء الكتب
لكن قراءاتها شئ جد عسير عليهم
فالمعلومة عندهم - وعند جيلهم - صارت على طريقة الـ Take away
عندما يحتاجونها يجدونها على النت
_______________
( الجلكين )***
سوف تسألين حتماً جلكين معناها شنو ؟؟؟
يلا يا أبو الريش
المايك معاك
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: عاطف عمر)
|
تحياتي وسلامات عزيزي د. المشرف
Quote: مجتمعين عند النبي يا شباب ..
عاطف عمر والاصدقاء ..
وشكرا لقبانى .. |
ياخ دي قعدة عجيبة خلاص
قرأت ..أو أعدت قراءة ثلاثة ألغاز مما أورده قباني أعلاه
وأثق أنك مصدقي عندما أقول لك أن كوووووول عوالم بداية السبعينات قد حضرت في تلك اللحظات
وتركتني بعدها
مستنشقاً لبعض عبيرها
_______________
حفزت إبني أمين ( إبن الخامسة عشر ) ليقرأها
قرأ هذا البوست
وعدني ضاحكاً أن سوف بأن ( يمر عليها ) في الـ ويك إند
" عشان أشوفك إنت وأصحابك هايجين كدا مالكم ؟؟ "
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: عاطف عمر)
|
Quote: ياخ دي قعدة عجيبة خلاص
قرأت ..أو أعدت قراءة ثلاثة ألغاز مما أورده قباني أعلاه
وأثق أنك مصدقي عندما أقول لك أن كوووووول عوالم بداية السبعينات قد حضرت في تلك اللحظات
وتركتني بعدها
مستنشقاً لبعض عبيرها
_______________
حفزت إبني أمين ( إبن الخامسة عشر ) ليقرأها
قرأ هذا البوست
وعدني ضاحكاً أن سوف بأن ( يمر عليها ) في الـ ويك إند
" عشان أشوفك إنت وأصحابك هايجين كدا مالكم ؟؟ " |
يا سلاااام يا عاطف ...
والله انها اجمل قعده ...
اتذكر بداياتي كانت كشك الجرايد الكان في صينية مكي القصاد محطة خال العيال العلي شارع ابروف ...
كنت ساكن ود أرو وقتها ... الكشك ده اتغير مره مطعم فول ومرة كشك توتو كوره ...
ولما انتقلنا للخرطوم .. كان كشك حسن حق الجرايد في سوق الخرطوم اتنين هو مركز تجمع اولاد الحله ...
كان حسن يحجز لينا الالغاز ... ضمان نلقاها ... والقراية كانت قعده فوق سور الخور القدام دكان اليماني ...
رغيفة و طحنية بالجبنه ... و هاك يا قراية ...
والله يا عاطف ... بعاين لاولادنا و بقول هل فاتتهم الايام الرائعة دى ... ولا انحنا اديناهم ايام افضل ؟؟؟
تخريمة " البنوت الدفعه مالهم ما عقّـــبوا ... ولا كانوا روايات عبير بس ؟؟؟
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: عاطف عمر)
|
عاطف يا عزيزي ..
| Quote: قرأت ..أو أعدت قراءة ثلاثة ألغاز مما أورده قباني أعلاه |
أما أنا قأعدت قراءة "ملك الشطرنج" ..
وعاد لى ذلك الزمان بأبهى تفاصيله ..
تصور !!
تذكرت صورة الغلاف الجابها ود المدير بتاعت لغز الشاويش فرقع
وكأنى مررت بها البارحة !!!
ولو لم تخنى الذاكرة فهى المغامرة الاولى للمغامرين الخمسة ؟!..
ولقد بحثت عن هذه المعلومة فى الصورة ولم أجد ذكرا لرقم المغامرة ..
اما ناس "أمين" و "عمار" ديل ..
فلهم ذاكراتهم ولنا ذاكرة ..
الا ده كلو هين يا عاطف ..
تصور "عمار" طلع كيشه فى الكورة !!
بالله انا مراقبو من اليوم الاول ..
ما خليت كورة ما جبتها ليهو ..
كدارات أديداس ذاتها ..
فنايل زيدان وراؤول ورونالدو وروونى ولييييى ميسى ..
وده كلو ما نفع ..
غايتو الحمدلله وبعد جهد جهيد طلعتو مريخابى ..
أولاد آخر وطن ..
لهم ذاكراتهم ولنا ذاكرة ..
ونزعم أنها الأجمل ..
وهى كذلك ..
لا لشيء الا لأنها تخصنا ..
وأخونا قبانى شكلو حريف فى تتبع ما يخصنا ..
قرأت له بوستا عن محمد أحمد عوض ..
يا الله يا عاطف ..
وشكرا - مرة أخرى - يا قبانى
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: حسام يوسف)
|
البدين دايما ينمط في دور الشخص الساذج الخامل ولو رحموهو بيخلوهو خفيف دم لكن تختخ شذ عن القاعدة فقد كان على درجة من الذكاء أهّلته ليكون زعيما للمغامرين ويضع لهم الخطط ويوزع الادوار بينهم
لوزة دي ام ضفيريتين طائرتين لو ما اخاف الكضب وعاطف طويل كدة
في نُص المغامرة كانت هناك رسومات توضح بعض المواقف في القصة
انا جيت اصحح عنوان سكن المغامرين الخمسة لكن الاخ الزبير سبقني
برضو مجلات ميكي وميكي جيب وسوبر ميكي لينا معاها ذكريات ..عم دهب البخيل... محظوظ وبطوط اللي كانوا بينتافسوا للفوز برضا الحسناء زيزي
وما ننسى حبوبة الكل الجدة بطة
ومعاهم الشفع سوسو ولو وتوتو ... بطوط في مقام عمهم
التحية لصاحب البوست ولكم جميعا
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: حسام يوسف)
|
حاجة غريبة ..!!
مع إني ما من الجيل دا لكن المغامرين الخمسة ديل برضو حضرناها وقريناها (طبعا كلامي دا عشان يا الزبير ما تجي تقول لي الخرطوم في زمنكم كان فيها مغامرات هههه) ..
داير اذكر الناس بي حاجة ...
في فترة نهاية التمنينات تقريبا ظهرت سلسلة مغامرات سودانية فكرتا من الواضح جدا أنها مستوحاة من المغامرون الخمسة ومؤلفا كاتب سوداني ما متذكرو منو .. السلسلة دي اسمها (مغامرات أولاد بشارة) وابطالا على ما أذكر بشير و ابشر و بشرية ما متذكر لو معاهم ###### ولا لا .. بس البتذكرو أنو المغامرة فيها نفس سوداني بحت .. وكمان أذكر تماما في واحدة من المغامرات أولاد بشارة ديل تتبعوا مجرمين وركبو خلسة على ظهر عربية لوري شايلا عيش ريف .. حتى بالأمارة واحد من أولاد بشارة ديل كان جنو اكل وفتح شوالات عيش الريف وقعد ياكل فيها رغم خطورة المغامرة ..
ما اظن أولاد بشارة أستمرت كتير أمكن خمسة أو ستة اعداد .. غايتو لو في زول عندو معلومات أو اضافة يقولا ..
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: ناذر محمد الخليفة)
|
| Quote: وحكمك شق اللين يا وضاحه |
وتكّس حريتو ... وتكّس يتناش ...... وحكم النظر .......
يا قباني سيبك من طارق ده، عايز يعمل فيها حنكوش ....... ديل هم الكانوا بيلعبوا (بلي فريت) وضرّابهم كان حصاص. نحن كنا بنلعب (بلي قزاز) وضرّابنا (جُلّة). تقول لي بلي ستيشن؟
أولادنا هسي بقوا يلعبوا Wii و X Box وحاجات عجيبة.
ناس طارق جبرين ديل، مع أبو الدنان و(كراع الجرادة) ... كان تلقاهم قانصين بي (قلّوبية) لي ود أبرك أو شرك (سبيب) لي أم قيردون والاّ كدّاد الدواك. إنت قايل ناس الدرجة التالتة والديوم ما معانا هنا والاّ شنو؟
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: محمد أبوالعزائم أبوالريش)
|
Quote: وتكّس حريتو ... وتكّس يتناش ...... وحكم النظر .......
يا قباني سيبك من طارق ده، عايز يعمل فيها حنكوش ....... ديل هم الكانوا بيلعبوا (بلي فريت) وضرّابهم كان حصاص. نحن كنا بنلعب (بلي قزاز) وضرّابنا (جُلّة). تقول لي بلي ستيشن؟
أولادنا هسي بقوا يلعبوا Wii و X Box وحاجات عجيبة.
ناس طارق جبرين ديل، مع أبو الدنان و(كراع الجرادة) ... كان تلقاهم قانصين بي (قلّوبية) لي ود أبرك أو شرك (سبيب) لي أم قيردون والاّ كدّاد الدواك. إنت قايل ناس الدرجة التالتة والديوم ما معانا هنا والاّ شنو؟ |
ولما كبرو شوية كانو بيضربو عصفورين بحجر ... السهرة يوم الخميس في الليل
جنب لسان الموية .. في الغابة ... و" المُشُـــــك ْ" الجايبنو معاهم يرموهو في الموية الراكنة ديك ... ***
ويوم الجمعه الصباح يجو لي نفس المكان يلقو السمك يضحك ليهم و راجيهم يصطادو ...
الله يدينا خيرهم بس ...!!!
تخريمة ... ذكرتني بالديوم دى ...
ناس فرقة جاز الديوم كانو بيغنو في حفله اغنية جيمس براون I feel alright
و بدل ما يقولو I feel alright
شبكونا ليك " الفيــــل اوررايت " ...
تقول في جنينة حيوانات !!!
*** تعريف كلمة مُشُــــكْ لناس وضاحه
المشك ( moshok ) هو " شاي بي لبن مَـقَـنّـــــنْ" ... حسب ما ورد في " المُنجِـــــدْ " ...
وما تقول ولا كلمه يابو الريش ... بس قرط علي كده ...
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: اسامة دفع الله ابوالحسن)
|
يا سلااااااام ياخ
يديك الفي مرادك
لي زمن بفتش لي حاجاتنا القديمة دي
المغامرين الخمسة وك لبهم ( زنجر ) والشاويش فرقع
إذا لم تخني الذاكرة بدأت السلسلة بـلغز ( الكوخ المحترق )
حليل المحطة الوسطى امدرمان والكتب والمجلات المتوفرة حولها
وحول البوستة والسينماء الوطنية امدرمان
الآن متردد أرجع أقراها ولا الواقع البقى يتفوق على الخيال حيخليها
مسيخة وباهتة لا لون لها ولا طعم ولا رائحة
تعلمت منها حب الاطلاع وأدمنت القصص البوليسية للفريد هتشكوك وأجاثا كريستي وقصص أرسين لوبين
ثم اكتشفت نجيب محفوظ ، وإحسان عبد القدوس ، ويوسف السباعي
إييييييييه كانت أيام ما أحلاااااها .
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: يحي قباني)
|
سلامات يا يحييي ,,, وتحياتي للجميع
والله يا اخوانا يحيي أقدم من المغامرين الخمسة بسنين
وانا الشاهد علي ذلك ويدعم كلامي اخونا ابو الريش
انت يا يحيي من زمن طه القرشي في المستشفي وهبنقة
المغامرون الخمسة قريتها كبير يا دفعة ,,ونحن معاك .
والله يا يحيي من شهرين فتشت علي الالغاز ووجدها وخزنتها
في الكمبيوتر , كتب ممتعة للصغير والكبير ,,تشكر يا هندسة .
تقديري
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: جميلة ابراهيم السيد)
|
Quote: سلامات يا يحييي ,,, وتحياتي للجميع
والله يا اخوانا يحيي أقدم من المغامرين الخمسة بسنين
وانا الشاهد علي ذلك ويدعم كلامي اخونا ابو الريش
انت يا يحيي من زمن طه القرشي في المستشفي وهبنقة
المغامرون الخمسة قريتها كبير يا دفعة ,,ونحن معاك .
والله يا يحيي من شهرين فتشت علي الالغاز ووجدها وخزنتها
في الكمبيوتر , كتب ممتعة للصغير والكبير ,,تشكر يا هندسة .
تقديري |
سيف الدوله يا دفعه ...
والله اجمل زمن و انت شاهد علي ذلك العصر ...
بالله صحن الفول حق محمد طُبّيــــز ما زى الكباب فى زمننا القبيح ده ؟
لنا عوده لاجترار ذكريات الزمن الجميل ...
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: يحي قباني)
|
| Quote: بالله صحن الفول حق محمد طُبّيــــز ما زى الكباب فى زمننا القبيح ده ؟ |
سلامات يا يحيي ,,,
اخر زيارة للسودان قابلت محمد طبيز والله يا يحيي ما شاء الله
يا هو طبيز القبل 40 سنة ما اتغير ,بس اتصوف وبقي درويش
ربنا يمتعه بالصحة والعافية , فعلا زمن جميل وحليل باسطة
عبد السيد نتلب بالحيطة يا دفعة عشان قطعة الباسطة بقرش .
طبعا في ناس تانين كانوا بتلبوا وبمشوا شرقا بنعرفهم من الريحة .
مودتي
| |
|
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: يحي قباني)
|
ياسلام عليك ياقباني
بوست الربع والارباع الاربعة لهذا الموسم
اذكر ونحن طلبه في مدرسة مبارك زروق
ببورسودان ولما كان المؤلف في نهائة القصة
يحكي عن الغز القادم وكان اللغز القادم
( جزيرة الشيطان ) فقد انتظرته بفارغ الصبر
وبعدين مشيت مكتبة كردفان قبل وصول اللغز
بيومين ودفعت القروش وعندما استلمت الكتاب كان
في فسحة الفطور ، المهم الجرس ضرب وبدت الحصة
التالتة وكانت ( نحو ) مع استاذ عبد الوهاب ( جد المية ) متعه الله بالصحة والعافية
ويادوبك بدا الحصة قعدت اتململ وماقدرت اصبر المهم طلعت اللغز
وبديت القراية واخونا شغال شرح ( فعل ، فعال ، علي وزن لبس لباس...!!!)
وانا حاكي مع اللغز وتختخ وعاطف والشاويش فرقع ... اسمع ليك تاااااااااخ
وعينك ماتشوف الا النور .... وحاتك عملوا لي طابور تااااااااااااااني
والظاهر شجرة النيم كلها اتكسرت فوقي .... اتاريهو الراجل واقف فوق راسي
وانا ماجايب خبر .
الاهم :
كانت احلي ايام .
ياخي تسلم
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: haroon diyab)
|
Quote:
Quote:
سلامات يا يحيي ,,,
اخر زيارة للسودان قابلت محمد طبيز والله يا يحيي ما شاء الله
يا هو طبيز القبل 40 سنة ما اتغير ,بس اتصوف وبقي درويش
ربنا يمتعه بالصحة والعافية , فعلا زمن جميل وحليل باسطة
عبد السيد نتلب بالحيطة يا دفعة عشان قطعة الباسطة بقرش .
طبعا في ناس تانين كانوا بتلبوا وبمشوا شرقا بنعرفهم من الريحة .
مودتي
|
طبيز قلبه ميت ... عشان كده قاعد كويس...
باخ الله يديهو العافية بس ...
انا بالنسبه لتليب الحائط الشرقي ...
فهي لعمري كانت المدرسة الأولي لتعلم الحياه ...
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: يحي قباني)
|
يا قباني ياخي
اشكرك حتى تستغيث ..
لغز الامير المخطوف عندو قصة خاصة كنت اتوقع يتطرق ليها
بعض ممن ناديتهم هنا ..
اللغز ده ما جاء السودان في وقتة .. ما عارف السبب شنو بالضبط
لكننا جنينا وراهو عديل .. وكل ما نسمع انو فيه واحد عندو نشد له
الرحال محملين بالقرابين .. وطبعا الوكت داك لا انترنت ولا تلفونات ولا..
شخصيا تحصلت عليه بعد فترة من صدوره .. حيث سافر اخي الى القاهرة
وكان طلبي الوحيد...
صديقي بدرالدين محجوب كان الاقدر بيننا على اقتناء الكتب ومكتبتو عمرانه من كلو..
لكنو كان حريص جدا .. ومرات مرات بتاع ناسات ...
المهم بواسطة لغز الامير المخطوف شبعت منو شبع .. لاني اخدت منو كارت بلانش
طول الفترة الكان بنقل فيها اللغز بخط يده ...
ما قلت ليك.. ما كان ممكن يخلي حاجة ناقصة في مكتبتو ابدا.
علي العموم المتعة كانت حاصلة وانت مافصرت اعدت الذكريات
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: osama fadlalla)
|
رغم ان الاساتذة في مدرسة حي عبدالمنعم الابتدائية حذرونا من قراءة المغامرين الخمسة
وكان ممنوع واحد يجيب في حصة المكتبة , ولكنه تحذير لم ياتي بفائدة فقد كانت احب الينا
من كتب المطالعة وقصص محمد جود سحارة ,,
اذكر انني تعبت لاحصل على اللغز رقم واحد (الكوخ المحترق) وولغز ورقة الكتشينة
والساق الخشبية , بحثت عنهم عند كل الاصدقاء والمكتبات ولم احصل عليهم الا
من صديق اتى بهم من مصر بعد انتقلنا من مرحلة قراءة الالغاز لقراءة مجلة سمر وسحر
مع ذلك كنت فرحا بقرائتهم ,, واذكر الان بعد الاربعين سنة آخر لغز ومن بعده توقفت
عن متابعة السلسلة كان لغز الزجاجة الصفراء ,,,
لقد كان امنيتي بعد قراءة كل لغز ان اسافر مصر وادخل جروبي لاكل اسكريم
وربما اقابل المفتش سامي هناك او ان امشى في الجيزة (المهم الالغاز دي جعلتنى اتعرف على
كثير من معالم مصر لذا في زيارتي للقاهرة كان اهم برنامج لدي بعد زيارة الحسين والسيدة زينب
والموسك ان اذهب لجروبي وبرج الجزيرة واتمشى في المعادي وشوارع الجيزة ,,
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: جميلة ابراهيم السيد)
|
سلامات يا باشمهندس إنت وضيوفك..
شكراًً ليك علي البوست الظريف
ذكريات الزمن الجميل...مع إنو المغامرين الخمسه ما كانو في مزاجي شديد
كنت بقراهم...وبقر مجله سمير ..وناس عم دهب
وبونانزا...
وكان حبي الرجل المطاط وبات مان بي عربيتو السحريه...
وبعد شويه بقي غرامي أرسين لوبين وغايتو البتبرر الوسيله....
________
يا رضاسلام
المصريين ما بختشو من السرقه
فلم طار فوق عش المجانين منقول بحزافيروا...
وكميه من الأفلام لدرجه إنهم بيجيبو ليك ممثل بشبه الممثل الأصلي
والشو الأمريكي الإسمو فرند نقلوهو بضبانتو...
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: يحي قباني)
|
Quote: ياسلام عليك ياقباني
بوست الربع والارباع الاربعة لهذا الموسم
اذكر ونحن طلبه في مدرسة مبارك زروق
ببورسودان ولما كان المؤلف في نهائة القصة
يحكي عن الغز القادم وكان اللغز القادم
( جزيرة الشيطان ) فقد انتظرته بفارغ الصبر
وبعدين مشيت مكتبة كردفان قبل وصول اللغز
بيومين ودفعت القروش وعندما استلمت الكتاب كان
في فسحة الفطور ، المهم الجرس ضرب وبدت الحصة
التالتة وكانت ( نحو ) مع استاذ عبد الوهاب ( جد المية ) متعه الله بالصحة والعافية
ويادوبك بدا الحصة قعدت اتململ وماقدرت اصبر المهم طلعت اللغز
وبديت القراية واخونا شغال شرح ( فعل ، فعال ، علي وزن لبس لباس...!!!)
وانا حاكي مع اللغز وتختخ وعاطف والشاويش فرقع ... اسمع ليك تاااااااااخ
وعينك ماتشوف الا النور .... وحاتك عملوا لي طابور تااااااااااااااني
والظاهر شجرة النيم كلها اتكسرت فوقي .... اتاريهو الراجل واقف فوق راسي
وانا ماجايب خبر .
الاهم :
كانت احلي ايام .
ياخي تسلم |
مرحباً بالصفوه كلها ...
ياخي كانو في بعض الأساتذة ما بيقدروا الإبداع ...
أشكرك ياخي لتقديرك للبوست الخفيف ده ...
و أحي كل أهل بورتسودان ... مسقط رأسي ...
إها ما تكون دفعة حسن حماده " الميجر " و ناس هشام رضوان ؟؟
تخريمة و سؤال مريخاب :
هل عندك نسخه من موسوعة المريخ الرياضية " سفر الإعجاز و الإنجاز "
1908 - 1959 ... تأليف ابوبكر عابدين
لو ما عندك قول لي عوك ...
| |
|
|
|
|
|
|
|
|
 Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: عاطف عمر)
|
سلامات ياقباني
Quote: تخريمة و سؤال مريخاب :
هل عندك نسخه من موسوعة المريخ الرياضية " سفر الإعجاز و الإنجاز "
1908 - 1959 ... تأليف ابوبكر عابدين
لو ما عندك قول لي عوك ... |
شكرا ياجميل النسخة عندي موجودة
وفي انتظار الجزء التاني من الموسوعة
بالمناسبة :
كوريا مونج .... مبارك زروق دفعة 1984م
يعني اقدم من الكسرة زاااااااااااااااتا
لامن صحن المخبازة مع الطحنية وزيادة موز بي ( طرااااااادة )
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: haroon diyab)
|
Quote: سلامات يا باشمهندس إنت وضيوفك..
شكراًً ليك علي البوست الظريف
ذكريات الزمن الجميل...مع إنو المغامرين الخمسه ما كانو في مزاجي شديد
كنت بقراهم...وبقر مجله سمير ..وناس عم دهب
وبونانزا...
وكان حبي الرجل المطاط وبات مان بي عربيتو السحريه...
وبعد شويه بقي غرامي أرسين لوبين وغايتو البتبرر الوسيله....________
يا رضاسلام
المصريين ما بختشو من السرقه
فلم طار فوق عش المجانين منقول بحزافيروا...
وكميه من الأفلام لدرجه إنهم بيجيبو ليك ممثل بشبه الممثل الأصلي
والشو الأمريكي الإسمو فرند نقلوهو بضبانتو...
|
مرحبتين حباب إقبال المرضي ...
زارتنا البركة الليلة ...
إها انا سمير دي ما كنت بقراها ... سمير كان دمو تقيل ... كراوية ابطاقية مخططه هو الوحيد الكان معقول...
أما المطاط فمعاك حق ...كانت مبالغه ... وسوبرمان ... طبعا انحنا معشر الأولاد كنا بنريدها شديد ...
ياخي جمال البوست ده في جمال استرجاع الذكريات المرتبطه بتلك الكتيبات و المجلات ...
تحياتي إقبال ...
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: يحي قباني)
|
الاخ يحيي وضيوف البوست والمغامرين الخمسة الكرام
رغم اني ما من جيل زمان ، لكن قريت وما زلت بقرا الالغاز دي وبحنين مبالغ فيهو
ولما اقراها بحس اني في دنيا تانية جميلة خالية من اي منغصات
في لغز ما لاقياهو اسمه (لغز الشاويش فرقع) ده كان ابداع غايتو لغاية حسه بتذكر احساس اللغز ده والحصل للشاويش فرقع
وبرضو لغز اسمه ( مزرعة الرياح)
تسلم اخي يحيي
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: خال فاطمة)
|
ود قبانى
لك التحية
بوست معتق يعود بنا لزمن جميل حيث كانت القراءة هى الهواية المفضلة للجميع شيبا وشبابا وأطفالا
أعلاه لغز الدائرة الخضراء وقد كان أول لغز أقرأه فى حياتى فأدخل حب تختخ ورفاقه فى شغاف القلب
فصرت ومعى مجموعة من جيلى مدمنى قراءة الألغاز فكنا نتعطاها بنهم غريب بجانب أرسين لوبين
وروايات أغاثا كريستى وقد تملكنى آنذاك أن أكون مثل تختخ أحارب الجريمة والمجرمين فكان يداعب
خيالى أن أكون ضابط شرطة ولكن تبخرت الأحلام عندما سيطر المغول فأصبح لا مجال لآكلى الفول.
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: معاوية المدير)
|
Quote: انا غايتو قربت اخلص الهنا ديل الباقى وينم ... ياسلام اجمل حاجه الواحد يرجع صغير من جديد ... بس الخوف مايكبر تانى هههههه
اقصد فى طريقه تفكيرو وخيالو طبعا ...
كيقك ياقبانى مافى مايطلبه المشاهدون ... |
مني خوحلي ...
كيفك يا بت الشيوخ ...
والله حاضرين ... بس اطلبي الدايراهو ...
المشكلة يا مني ما في الصغر أو الكبر ...
المشكلة في الاتزان ... وده البيفقدوهو ناسا كتار بالحيل ...
الله يديك العافية يا ستي ...
| |
|
|
|
|
|
|
|
|
 Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: يحي قباني)
|
Quote: مني خوحلي ...
كيفك يا بت الشيوخ ...
والله حاضرين ... بس اطلبي الدايراهو ...
المشكلة يا منى  ما في الصغر أو الكبر ...
المشكلة في الاتزان ... وده البيفقدوهو ناسا كتار بالحيل ...
الله يديك العافية يا ستي ... |
منى الله يديها العافية.
ديل أخوآت غاليات بالحيل.
القال لك منو المشكلة ما في الكُبُر 
أوّعِك تجي تتنفشي فوقي، الخرف بضحك.
والله صحي.
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: يحي قباني)
|
Quote: الاخ يحيي وضيوف البوست والمغامرين الخمسة الكرام
رغم اني ما من جيل زمان ، لكن قريت وما زلت بقرا الالغاز دي وبحنين مبالغ فيهو
ولما اقراها بحس اني في دنيا تانية جميلة خالية من اي منغصات
في لغز ما لاقياهو اسمه (لغز الشاويش فرقع) ده كان ابداع غايتو لغاية حسه بتذكر احساس اللغز ده والحصل للشاويش فرقع
وبرضو لغز اسمه ( مزرعة الرياح)
تسلم اخي يحيي |
مرحبتين مايا ...
اعمامك ديل ... جمعهم زمن جميل ...
وده سبب لمتهم هنا ... وزي ما شايفه ما فرق معانا منو سرق من منو ... ولا اقتبس شنو ...
لانو الكريات المحفورة ... رُفعت منها الاقلام و جفت صحفها من زمان ...
تحياتي ليك ...
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: يحي قباني)
|
Quote: بعد هذه المقدمة المثيرة والمشوقة ... كنا نقبل على قراءة "الألغاز" بلهفة واستغراق حد الانسلاخ عن عالمنا لنجد أنفسنا في"حديقة منزل عاطف" .. الأمر الذي كان كثيراً ما يعرضني للعقاب بسبب إهمال واجب أو عدم إنجاز تكليف.. بيد أن الأمر يكون أشد وطأة عندما نضبط في حالة تلبس من قبل أحد المدرسين ونحن مشدودين مع "المغامرين الخمسة" في إحدى مغامراتهم المخبأة خلسة داخل أحد كتبنا المدرسية ... يا لتلك الأيام .. فقد كان الحصول الألغاز نفسها مغامرة أخرى ..
هذه بعض الألغاز التي نالت إعجابنا وقتها |
نصر الدين يا بديع ...
ياخي تتذكر فرحة الواحد لما يكون عنده لغزين تلاته جداد لسه ما قراهم ...
بالله زي الجاتو ليلة القدر ... يتفرغ ليها تفرغ كامل ... مره فوق شجرة الجوافه ...
ومره بي ورا المزيره .. ولا في راكوبة المطبخ في اخر الحوش ...
والمتعه حد الجنون ... كانو الواحد ثمِـــــل ...
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: يحي قباني)
|
Quote: ود قبانى
لك التحية
بوست معتق يعود بنا لزمن جميل حيث كانت القراءة هى الهواية المفضلة للجميع شيبا وشبابا وأطفالا
أعلاه لغز الدائرة الخضراء وقد كان أول لغز أقرأه فى حياتى فأدخل حب تختخ ورفاقه فى شغاف القلب
فصرت ومعى مجموعة من جيلى مدمنى قراءة الألغاز فكنا نتعطاها بنهم غريب بجانب أرسين لوبين
وروايات أغاثا كريستى وقد تملكنى آنذاك أن أكون مثل تختخ أحارب الجريمة والمجرمين فكان يداعب
خيالى أن أكون ضابط شرطة ولكن تبخرت الأحلام عندما سيطر المغول فأصبح لا مجال لآكلى الفول |
جمال ود خضـــر ...
زمن خرافي ... بكل ما فيه ...
جيلنا رغم ان النميري و من اتي بعده حكم عليه بالتشرد في كل انحاء المعموره ...
لكن العزاء اننا عشنا ذلك الزمن الجميل ...
ولكنني ...
اشفق علي الاجيال التي اتت بعدنا ...
الاجيال التي لم " تُجِــــبِّد " التمر هندي ...
ولم تحمل النبله في جيب الردا الوراني ...
ولم تلعب السداسيات علي دبل كولا او بزيانوس ...
واشفق ايضا علي تراثنا من الاغاني ... لاني اعتقد اننا اخر جيل يترنم و يطرب بالغناء القديم الاصيل ...
شكرا ياخي علي المرور ...
أحس بالأمان ... حينما اقرأ حروفكم ... فدعونا نتعكز علي بعضنا و نجتر ذلك الزمان الجميل ...
| |
|
|
|
|
|
|
|
|
|
Re: ألغاز المغامرون الخمسة - هدية لناس ابوالريش و سيف الدوله وكل اعمام (Re: يحي قباني)
|
الواحد لما يندمج مع اللغز بيكون فعلا منفصل عن الواقع ... لا ينتزعه من جو المغامرة غير الشديد القوي: وجبة او مشوار وتحدد الصفحة الوقفتا فيها ممنيا النفس بالعودة باسرع ما يمكن
مادام المجال مجال (روبابيكيا) اسمحوا لي انتهز الفرصة واستعيد الذكريات مع حاجة انقرضت اسمها هواة التعارف والمراسلة ، الصبيان وصباح وعمار وماجد وباسم وصندوق الدنيا وكل مجلات الاطفال ومجلات اخرى كمجلة نورا والموعد كان بها ركن ثابت لهواة المراسلة
في عبارات ثابتة ومكررة الواحد كان بيلقاها في باب (هواة المراسلة)
الهواية: القراءة -كرة القدم-جمع العملات والطوابع
الاعمار: الاعمار بيدالله
الامنية: طبيب
اذاعة لندن البي بي سي كان فيها برنامج شهير اسمو ندوة المستمعين فريقه هم: رشاد رمضان وممدوح الدمرداش وسلوى الجراح وسامية الاطرش، واحد مصري اخد عنواني من البرنامج وقعدنا فترة طويلة نتراسل وقبل كم اسبوع لقيت واحدة من خطاباتو القديمة قلت خليني (اقوقل) اسمو لعل وعسى .. طلع لي اسمو ضمن قائمة بموظفي وزارة التنمية المحلية في مصر ووصلتا لتلفونو وكلمتو وهو كان في غاية الدهشة واتذكرني طبعا لأننا تراسلنا لفترة امتدت لعدد طويل من السنين
| |
|
|
|
|
|
|
|
يحي قباني
osama fadlalla
omer osman
Abureesh
وضاح عبدالرحمن جابر
محمد أبوالعزائم أبوالريش
خالد العبيد
عاطف عمر
اسامة دفع الله ابوالحسن
طارق جبريل
وضاحة
محمد حيدر المشرف
معاوية المدير
الزبير صالح الزبير
حسام يوسف
مهدي صلاح
Ridhaa
ناذر محمد الخليفة
سيف الدولة كامل
جميلة ابراهيم السيد
haroon diyab
عمار عبدالله عبدالرحمن
Egbal Elmardi
ماجدة عوض خوجلى
نصر الدين عثمان
خال فاطمة
جمال خضر
فيس بوك
تويتر
انستقرام
يوتيوب
بنتيريست