|
|
|
 Re: مطاعم سودانية (2) ...مُراجعات ! (Re: walid taha)
|
على مستوى الرياض - والحق يُقال - شهدت المطاعم السودانية بعض التطور فى المظهر العام من ديكور وخلافه.
- ما زالت هنالك بعض المماطلة فى الإلتزام بلبس الطاقية
- صابونة الغسيل أصبحت رويدا رويدا تحل مكان "البُدرة" غير أنها لم تختف تماماً (حسب المزاج يعنى)
-(السفّة) ما زالت حاضرة ولم تطالها تلك الرياح
يستتبع،،
| |
 
|
|
|
|
|
|
|
|
Re: مطاعم سودانية (2) ...مُراجعات ! (Re: walid taha)
|
سلام يا وليد..
في مطعم جديد في حي الناصرية.. اسمه ركن الخرطوم..
جديد وديكور ممتاز وطبخ أكثر امتياز..
الموقع: قريب من مطعم الإخلاص.. بتاع عمك موسى.. في نفس الشارع..
اكتشفته بالصدفة قبل أسبوع..
ده ممكن يكون نموذج مصغر للمطعم النظيف جداً جدا..
| |
|
|
|
|
|
|
|
|
|
Re: مطاعم سودانية (2) ...مُراجعات ! (Re: أيمن دياب)
|
أيمن إزيك
آى والله صاح شفت المطعم ده كمان فى واحد فى شارع غبيرة العام جديد برضو ممتاز فى أكلاتو مقابل ليهو بالضبط يا أيمن مطعم قديم كده ياخى دا أنا ماعارف ناس البلدية غافلين عنو كيف الحِلل مفتحة كلها وفى مكيفين صحراويات مليانين فُل ملح و صدا وغبار ضاخة مباشرة على الحلل المفتوحة
الغريبة المطعم قاشي قش نضيف :)
الله يستر ما يكون فى واحد من الطباخين ولا سيد المطعم يكون بخش البورد وشاف كلامى ده :)
تحياتي أيمن
| |
|
|
|
|
|
|
|
|
|
Re: مطاعم سودانية (2) ...مُراجعات ! (Re: walid taha)
|
الحبيب وليد اولا سلام وتحية
وثانيا : نحن كسودانيين لا نعرف طريقة التقديم لاي منتج او حتى لا نعرف طريقة تقديم انفسنا لذلك كل مطاعمنا خارج وداخل السودان غير جديرة بجذب المستهلك او الزبون بالصورة المثلى ... ياخ والله العظيم السوريين ديل عندهم كذا طريقة للفول ده ونحن طريقتين بس يا سادة او مصلح تجي تقول لي مطاعم ياخ عليك الله يا وليد خلينا نامل ساي عشان ما ناكل في خاطرنا ياخ ...
الحبيب ايمن دياب ياخ مطعم شارع الفرزق داك ليه ما ذكرتو ولا نسيت الكوارع بتاعت الراجل ههههههههههههههههههههه الله يجازي محنك يا ايمن والله كل ما اجي بي هناك بضحك حتى الثمالة ....
تحياتي : ياسر العيلفون
| |
|
|
|
|
|
|
|
|
|
Re: مطاعم سودانية (2) ...مُراجعات ! (Re: ياسر السر)
|
أخى وليد لك التحية.
Quote: في مطعم جديد في حي الناصرية.. اسمه ركن الخرطوم..
جديد وديكور ممتاز وطبخ أكثر امتياز..
|
يا أيمن أنا مشيت المطعم ده...قبل شهرين. المكان جميل والديكور حلو وأشدت بيهم لكن فى منظر واحد جرسون كده فيهو عايز يجيب لينا حاجة كده دخل بدون مؤاخذه يده فى أنفه..طوالى قلت ليهو خلى الطلبتو منك...وبطريقة لطيفة نبهت الشخص الكان فى الكاشير.
نحن رغم ألأحتكاك بالشعوب ألأخرى إلا أننا نادر ما نتأثرت بأ لأشياء الأيجابية فى منهجية الحياة.
تقديرى وإحترامى للجميع.
| |
|
|
|
|
|
|
|
|
|
Re: مطاعم سودانية (2) ...مُراجعات ! (Re: ismeil abbas)
|
أووو أخونا الكبير إسماعيل عباس
أولا مبروك البطولة وعقبال تجاوز الصفر الدولي فى مقبل الكونفدراليات ..
quoteوبطريقة لطيفة نبهت الشخص الكان فى الكاشير.quote
دى ذكرتنى يا أسماعيل -وفى هذا السياق - موقف مشابه كنت سأرويه خلال "مراجعاتي" هذى لكن عشان المناسبة جات لا داعى للتأجيل :
وإليك الرواية : فى نفس العام 2007 - وهو تاريخ البوست الرئيسي - حكى لى احد المعارف بأنه إستقبل عدد من الللبنايين فى الخرطوم فى زيارة عمل وبعد الإنتهاء من جدول الأعمال إصطحبهم الى مطعم شهير فى شارع المطار وحكى لى أنهم إستمتعوا جدا بالوجبات وطعهما وطريقة الإعداد ، لكن كان لديهم ملاحظة وهى أن الويتر الذى احضر الطعام كان فيما يبدو يتفنن فى حمل الأطباق (عدة أطباق فى يده ) فكان تعليقهم أن الأطباق فى الأصل كانت على طاولة قبل حملها الى الزبون وبطريقة حملها هكذا كان الويتر يضعها فوق بعض دون الإكتراث الى انه قد تكون غير نظيفة لأنها أصلا كانت على طاولة . فروى لى صاحبنا أنه عندما توجه نحو الكاشير قال له فى هدوء أن الضيوف أبدوا ملاحظة أنه كذا وكذا وكذا ، فكان رد الكاشير "خير إن شاء الله ما فى مشكلة حننبهم " للعجب بعد سنتين جاء نفس الضيوف لصاحبنا وبما انهم قد مدحوا أكل المطعم فقال : أخذتهم الى نفس المطعم وسبحان الله حدث نفس الموقف السابق بكل تفاصيله ، فقال قمت مرة اخرى وأنا عند الكاشير بلفت نظره الى هذا الشئ فقال له نفس جملة 2007 "خير حننبههم" فما كان رد صاحبنا إلا أن قال فى قمة الغيظ ياخى أنا جيتك قبل سنتين وقلت لى نفس الكلام ؟!!!
وتستمر المراجعات
شكر أسماعيل :)
| |
|
|
|
|
|
|
|
|
|
Re: مطاعم سودانية (2) ...مُراجعات ! (Re: ياسر السر)
|
العزيز ياسر نهارك سعيد،،، طريقة تقديمنا هى الأسوأ على الإطلاق
شوف عينى فى غبيرا فى نفس المطعم "سئ الذكر" واحد خما كمية سلطة بإيددوا وكباها عادى فى صحن
طبعا أنا عملت فيها ما شايفو :)
والعجب الشوربة معقول ياخ !!!
شكرا للمرور ياسر،،
| |
|
|
|
|
|
|
|
|
 Re: مطاعم سودانية (2) ...مُراجعات ! (Re: Gamal Abayazid)
|
| Quote: إبداء ملاحظة على بعض الأشياء يُقابل ببعض الضيق من العاملين ولا إبتسامة واضحة تذكر ! |
العجيب ف يالأمر انو في معظم المحلات الراقية والمطاعم حتى الشعبية من قبل المطاعم غير السودانية بتلقى خاتين ليك صندوق للاقتراحات والشكاوي ممكن تعبر عن شعورك .. وانا تحديدا قاعد اعمل الحركة دي في اي مكان ما يعجبني وفي اي مكان يعجبني .. يعني بديهم حقهم في الحتتين ..
نحن عندنا لا .. لانو للاسف الشديد معظم الناس البتمتهن المهنة دي .. الواحد بكون بعاين ليك وفي بالو انك بتحتقرو .. مع انها ارقى مهنة لو الناس انتبهت .. سواء ان كان (ويتر) بقدم الطلبات او كان (شيف) بقوم باعداد الطعام ..
اضف لذلك انو معظم الناس ديل إلا ما رحم ربي .. اخلاقم ضيقه جدا ..
مرة مشيت اشتري فول من محل بتاع فول مشيت ليهو بالوصف .. طلبت الفول بي خمسة ريال وماسك القروش في يدي وهو شايفه
بعد شوية شايف الزول بيعمل في خمسة علب بتاعت فول علما انو العلبة الواحدة بي خمسة ريال .. وانا قلت ليهو اديني فول بي خمسة ريال سادة لانو في غير ذلك بي اربعة ريال وبي خمسة ريال إلخ ..
المهم لما شفت الزول دا شغال بيعبي قلبي اكلني .. وفي نفس الوكت ما شايف زول واقف غيري .
قلت ليهو يا ابن العم .. الفول دا لي انا .. قال لي اااي وطبعا كالعادة كان (صاري) وشو .. قلت ليهو ياخ ان اطالب فول بي خمسة ريال ما خمسة علب فول واهندي القروش ف يدي وانت شايفه ..
عارف الزول دا ضرب الطربيزة القدامو وقعد يرقي ويزبد .. ويحلف بي الخلقو اني طلبته منو خمسة فول ..
عارف المعاهو في المحل كان متابع الموقف .. وبيرمي في العمية قاليهو لالالا .. الزول دا قاليك فول بي خمسة ريال وانا سمعتها بي اضاني واهندي القروش في يدو .. الزول دا سمعني فارغة عجيبة جدا ما عرفته السبب شنو .. اتضطريت اسمعو ليك فارغه افرغ منها وقربته ادخل ليهو دماغو جوه القدره لانو ما حصل اصلا .. الواحد اتعرض لي فارغه زي دي في مطعم .. ومن وقتها قررت اني ما امشي مكان إلا اكون بعرف اصحابو ..بل وابعد من ذلك فولي بعملو في البيت وبجيب زيت السمسم من جمب البقالة الجمب ناس معتصم دفع الله .. ويا دار ما دخلك فول من بره ..
| |
|
|
|
|
|
|
|
|
Re: مطاعم سودانية (2) ...مُراجعات ! (Re: tmbis)
|
| Quote: وبجيب زيت السمسم من جمب البقالة الجمب ناس معتصم دفع الله .. ويا دار ما دخلك فول من بره .. |
وبالمناسبة عندهم عصير عرديب كمان حاجة ماتخلص..
إنت بعد ما أحمد ود أبو حسين حذرك ممكن نقبل منك أى كلام..
يا عمران بطل حركات وخلى البوست يمشى...قال أخونا الكبير.....غايتو أنا باخده من جانب حسن النية...وليد ده زعلان منى من إتصلت بيهو يوم هزيمتهم من أهلى شندى .الهزيمة مرة لحدى ألأن زعلان شكلو...
بوست موفق ممكن يزيد من الوعى....تقديرى وإحترامى للجميع.
| |
|
|
|
|
|
|
|
|
|
Re: مطاعم سودانية (2) ...مُراجعات ! (Re: ismeil abbas)
|
Quote: الحبيب ايمن دياب ياخ مطعم شارع الفرزق داك ليه ما ذكرتو ولا نسيت الكوارع بتاعت الراجل ههههههههههههههههههههه الله يجازي محنك يا ايمن والله كل ما اجي بي هناك بضحك حتى الثمالة ....
|
ياسر العيلفون: ذبحتنا ياخي بقصة شارع الفرزدق وموضوع الكوارع..
لكن بي تحت تحت أنا برضو ميت من الضحك..
| |
|
|
|
|
|
|
|
|
|
Re: مطاعم سودانية (2) ...مُراجعات ! (Re: أيمن دياب)
|
الاخوة الافاضل
تحية وتقدير
دا كلو كوم وأخخخخخخخخخخ تجيك من المغسلة تخليك تتحسر على الجوعة الدخلت بيها المطبخ . مطاعم غبيرة حاربتهم الا ريش ود عمك خليل وسفرى وجرى وبسرعة قبل أخ خ خ خ تف تقع .
| |
|
|
|
|
|
|
|
|
|
Re: مطاعم سودانية (2) ...مُراجعات ! (Re: Salah Abdulla)
|
صلاح عبد الله ..سيريناجمن ياهي
يا صلاح إنتو عندكم مطعم سوادني واحد فى الدوحة جنبو واحد بعمل قهوة ، المطعم ما شاء الله مظهر قيافة يبدو إنو بتاعين البلدية فى مرور دائم :)
إشتريت منو فول سفري فبل كده بصحبة الأخ دكين غايتو بجوه كده لو ما أخاف الكضب بشبه مطاعمنا فى الرياض لكن غالي ياخ
ذكر لى دكين إنو فى واحد إسمو (احمد سمك) روعة.... فى زياراتنا القادمة للدوحة إن شاء الله (نراجعو) :)
تحياتي،،
| |
|
|
|
|
|
|
|
|
|
Re: مطاعم سودانية (2) ...مُراجعات ! (Re: Salah Abdulla)
|
صلاح عبد الله ..سيريناجمن ياهي
يا صلاح إنتو عندكم مطعم سوادني واحد فى الدوحة جنبو واحد بعمل قهوة ، المطعم ما شاء الله مظهر قيافة يبدو إنو بتاعين البلدية فى مرور دائم :)
إشتريت منو فول سفري فبل كده بصحبة الأخ دكين غايتو بجوه كده لو ما أخاف الكضب بشبه مطاعمنا فى الرياض لكن غالي ياخ
ذكر لى دكين إنو فى واحد إسمو (احمد سمك) روعة.... فى زياراتنا القادمة للدوحة إن شاء الله (نراجعو) :)
تحياتي،،
| |
|
|
|
|
|
|
|
|
|
Re: مطاعم سودانية (2) ...مُراجعات ! (Re: tmbis)
|
| Quote: بعد شوية شايف الزول بيعمل في خمسة علب |
أوع تقول لى بس صلحها؟ :)
وفى حاجة تانية الفول المصلح يعنى يكب كل حاجة قدامو بسرعة شديدة بدون إعطاءك أى فرصة لإختيار (التصليح) ياخى يمكن ما داير جرجير!
وفى السادة طوالى زيت وشمار ياخى يمكن ما داير شمار!
يعنى مسألة إنو يركز معاك دى معدومة
بعدين هو ذاتو نظام ما فاضي ليك وكده
---
تمبس تتذكر الحبشي العزمك كمونية ؟:) :)
| |
|
|
|
|
|
|
|
|
 Re: مطاعم سودانية (2) ...مُراجعات ! (Re: walid taha)
|
شكلي حا أسكن في البوست دا
ونفسي من زمان أحكي عن المطاعم
وبعدين ياوليد ليييه عاوزهم ينضفوا
طيب ناس زينا كدا يعملوا شنو؟
بموت في محلات الاكل المانضيفة
وأحلى سنوتشات أكلتها هنا كان البيعملهن لامؤاخذ (معفن) ولابس تي شيرت كان أسود ومخرخرة منه كل الالوان الفي الدنيا
بيفرش ورقة الزبدة ويخت فيها العيشة التوست (الشاطر) وفوقها السمك محمر وفوقها بيضة عين على القريل -وكل راق بيخته يمسح إيدو في التي شيرت-
وفوق للبيضة طماطماية وحتة خس وفوق ليهن يخمش بطاطس محمرة حاااارة وفوق ليها سلطة كابيج وبعدين حتة الرغيفة الفوق (مشطور) ويقول كدا يقطعها النص كلها ويخم الورقة من التربيزة بتاعتة القـــــــــــذرة جدا للتربيزة الانت قاعد فيها الحاجة الباردة يفتح الحنفية بتاعة الصودا المعفنة جدا جدا في كباية ويديك ليها دا كله في ماركت سكوير في داونتاون بيتسبيرج
| |
|
|
|
|
|
|
|
|
|
Re: مطاعم سودانية (2) ...مُراجعات ! (Re: Rawia)
|
راوية إزيك
مرحب بسكنتك فى البوست ده بعد الـ DEPOSIT طبعا :)
مطعمك ده بيحاكى المطاعم السودانية باين ، حتى فى زباينو لوووول
والله لو ده الحال فى بلاد العم سام أعلن إنسحابي من لوترى هذا العام والأعوام الجاية
تخريمة : طالما دايسة ساكت يمكن كايسة دعوة قضائية على المطعم :)
--
فى فكرة يا رايوة لمطعم سودانى نموذجى فى الرياض ونبحث عن شركاء نجاح ،رايك شنو فى شراكة سودانية أمريكية ؟ :)
سوف آتيك لاحقاً بصور تخيلية للمطعم النموذجى ده ،،
BR
| |
|
|
|
|
|
|
|
|
|
Re: مطاعم سودانية (2) ...مُراجعات ! (Re: محمد عبد الماجد الصايم)
|
وليد
سلامات وسرن اقمي
اخليك شوية من مطاعم الرياض واوديك الخرطوم في الاجازة الفاتت لقيت عندي صديق عزيز
وهو مصنف كأحد (ملوك الطعام ) عامل في قوقل ماب ولا ايرث ما متذكر احسن المطاعم في الخرطوم وده حسب مقاييسه هو
احسن سمك....احسن فول ...احسن كبدة ...احسن كوارع .......الخ
تحياتي
| |
|
|
|
|
|
|
|
|
|
Re: مطاعم سودانية (2) ...مُراجعات ! (Re: Hafiz Bakhit)
|
الأخ حافظ
أشكرك أولا على الإدلاء بدلوك فى هذا البوست
المشروع يملك مقومات النجاح وأول خطوة تبدأ بتثقيف أصحاب المطاعم وهذه المهمة تقع فى المقام الأول على عاتق الزبون نفسه
المشروع النموذجي يحتاج -كما لا يخفى عليك- الى موقع مميز يكلف الكثير ولا أعتقد ان ذلك صعبا فى سبيل أن ترى مطاعمنا النور بمظهر يتناسب وهذه التجربة
مراحل ما قبل التنفيذ تتطلب مسح ميداني أولا يستهدف 4 شرائح :
1- الزبون الذى يتناول فى المطعم (محلي)
2- الزبون الـ (سفري)
3- أصحاب المطاعم
4- أخرى
دى ضربة البداية يا حافظ
أها كيف ؟ جاهز :)
تحياتي،،
| |
|
|
|
|
|
|
|
|
|
Re: مطاعم سودانية (2) ...مُراجعات ! (Re: walid taha)
|
لاخ وليد ...تحياتي لك وللاخوة المتداخلين
كل ما ذكرته انت سليم مية بالمية ..
من جانبي انا عشت في اوربا وامريكا ولفيت كثير ..وشوفت كثير من المطاعم لجنسيات مختلفة... عندي الفكرة والديكور وعلي استعداد للتجهيز الجيد الذي ينقصني عدم معرفتي بالزبون السوداني في السعودية...
هل يخرجون كا اسرة ولا عزابة
هل يفضلوا الاكل في المحل ام ياخذو الي البيت
انواع الاكل المرغوب..
الواحد حقيقة استفاد من ملاحظات الاخوان كثير في تعديل دراسة الجدوي
احاول ان احضر للرياض شهر ابريل او مايو القادم للبدء في المشروع
| |
|
|
|
|
|
|
|
|
|
Re: مطاعم سودانية (2) ...مُراجعات ! (Re: محمد عبد الماجد الصايم)
|
ود الصايم إزيك
وبعد الفلاتر تخت (نفتلين) :)
لكن يا ود الصايم رايك شنو فى "المناديل" الـ Tissues الموجودة فى مطاعمنا لا حول الله
مقاومة للإمتصاص تماما
فى مراجعاتنا لقينا أن النوع ده من (المناديل) ما زال موجود فى جميع مطاعمنا بلا إستثناء
دى حالة!
| |
|
|
|
|
|
|
| |
walid taha
ياسر السر
ismeil abbas
Gamal Abayazid
عمران حسن صالح
tmbis
Mohammed Ahmed Saeed
Rawia
محمد عبد الماجد الصايم
عباس محمود
Hafiz Bakhit
فيس بوك
تويتر
انستقرام
يوتيوب
بنتيريست