|
مرحـباً بالمخـرج فتح العلـيم دفع الله بوردابياً بيننا
|
فتح العليم دفع الله المخرج الشاب الذي تدرج في العمل الفني بالتلفزيوني القومي منذ اواخر الثمانينيات .. الى ان اصبح مخرجاً متمكننا .. له برامج راسخة في الذاكرة .. وبصمات تظل الى الابد في مكتبة تلفزيون السودان ..
رحلة في مهنة المتاعب داخل حوش التلفزيون القومي وفي ربوع السودان وخارجه استمرت لاكثر من 18 عاماً .. ليغادر الحوش مديراً للعمليات الفنية بقناة الشروق الفضائية منذ العام 2007 حتى الان
مرحباً بالفنان الاستاذ فتح العليم في هذا البراح .. وهو مكانه الطبيعي بين اخوته المبدعين الذين يزينون هذا الحوش
مرحبا فتح وشكراً الاخ بكري ابوبكر .. لم تخب ظني
|
|
|
|
|
|
|
|
Re: مرحـباً بالمخـرج فتح العلـيم دفع الله بوردابياً بيننا (Re: محمد عبد الماجد الصايم)
|
أخونا حافظ ..... تحياتي أخبارك مش مقطوعة بس ؟ مافي خالص و تلفونك أظنه بقي تلفون العريس المهموم بالعرس يرد علي البعجبه بس ( مداعبة ) عبرك أرحب بالاخ فتح العليم و أكيد يكون إضافة حقيقية للمنبر ... لكن عليك الله و وصيه بالمهلة كدا براه و قول ليه خلي بالك تمام و إنتبه , المنبر فيه ناس لسانهم متبري منهم و بالمقابل هالك آخرين تقف إجلالاً لهم .... و الله يوفقه معاذ الدخري
| |
|
|
|
|
|
|
Re: مرحـباً بالمخـرج فتح العلـيم دفع الله بوردابياً بيننا (Re: حافظ انقابو)
|
Quote: عرس عرسك ساي بكره ببقي ليك بنفسجي
قالوا السعيد يشوف في أخوهوا والشقي يشوف في نفسوا وأنا الحمدلله سعيد وضارب الهمبريب |
دا كلام شنو يا عادل اخوي؟ الزول قال ليكـ عايز يعرس وبدل ما تقول ليهو بجيكـ وبنجلد ليكـ كم ســوط في عرســكـ تقول ليهو جنس كلامكـ دا تعال يا زول أركـــز ســـاي للبطان والسوط علي انا دا .. ..
تخريمة: ____ مرحب بفتح العليم في حوش بكري وحبابو ألف غايتو يا حافظ شكلكـ كدا بقيت حاجة كبيرة في الحوش دا
| |
|
|
|
|
|
|
Re: مرحـباً بالمخـرج فتح العلـيم دفع الله بوردابياً بيننا (Re: فتح العليم محمد أبوالقاسم)
|
Quote: دا كلام شنو يا عادل اخوي؟ الزول قال ليكـ عايز يعرس وبدل ما تقول ليهو بجيكـ وبنجلد ليكـ كم ســوط في عرســكـ تقول ليهو جنس كلامكـ دا تعال يا زول أركـــز ســـاي للبطان والسوط علي انا دا |
الامين ياخوي والله انا جاهز أركز للجلد وبعدين الخطوبة دي جرجرة ساي انا شغال بنظرية امسك لي وأقطع ليك وأنقابو دا خطب ليهوا بت ناس ويقعد يتحاوم في سودانيز دي لمن بت الناس تزهج وترمي ليهوا دبله الخطوبة ويجي يفتح ليهوا بوست بعنوان ظلموني الحبايب وقالوا لي أنسي
| |
|
|
|
|
|
|
Re: مرحـباً بالمخـرج فتح العلـيم دفع الله بوردابياً بيننا (Re: حافظ انقابو)
|
Quote:
أول مرة أحس انك بتكرهني يا عادل يا باهي صحوبية السجم والرماد ..!
شهر عسل في مقديشو؟ ياخ دي في شهر الطلاق بمشوها وش مبوز ;-> |
يا أنقابو يا حبيب أسع أنا قلت ليك أمشي شهر عسل مقديشو ؟ أنت قلت لي شهر العسل معاكم وانا متواجد في مقديشو
يازول عرس ساي وتعال حرم لوماشالتك العيون يشيلك الرأس وكمان لو حضرنا حفل الزفاف بنجيب سوط العنج معانا وبنركز تب أها قصرت معاك؟
| |
|
|
|
|
|
|
Re: مرحـباً بالمخـرج فتح العلـيم دفع الله بوردابياً بيننا (Re: حافظ انقابو)
|
التحية والتقدير لكل الكرام، الشكر والتقدير للأخ الفاضل بكري أبو بكر على الإضافة والترحيب،، الشكر للأخ الصديق أنقابو للتذكية والترحيب الجميل،،،
الأفاضل في سودانيز أون لاين أتمني أن يكون وجودي بينكم إضافة وخير للأسم الأصل الذي يطوق عنق هذا الموقع المحضور أسم السودان الوطن العشم.
أشكر كل من كتب مرحبا بدخولي عليكم وهي عادة أهل السودان الترحيب بالضيف حتي وإن إختلف معه أهل الدار يا ود الجمام، شكري الجزيل لأستاذنا الفاضل (ود أبوي) السني دفع الله، وشكرا للعزيز صاحب الوصية السمحة معاذ الدخري، والفاضلة ماجدة عوض، وياسر العيلفون فقد أحسست بضمة الترحيب بين ضلوعي، ولصاحب الأسم الجميل فتح العليم أبو القاسم، وللأمين ود موسي الذي أرجو أن يكون الأصل لديه الترحيب والتخريمة زواج أنقابو، والشكر لمحمد عبد الماجد رمز التفاؤل، ولعادل الباهي الباهي، ومشكووووووورة ذواليد صاحبة الأسم الرنان.
وترحيب خاص إضافي بأخونا في الله معتصم ودالجمام والله أنت من أسمك الجمام دي ما المحرية فيك، كان تمهلني شوية أشرب موية الجمام وأبل الريق وبعد داك أفتح نارك، أعدك بأن نفتح بوست خصيصا للبرنامج الكارثي (في ساحات الفداء) فالمقام هنا مقام ترحيب، ولكن لا بد أن تتأكد من أنني وبكامل قواي العقلية أفتخر كوني مؤسس لبرنامج في ساحات الفداء.
أخيرا يا أنقابو شكرا جزيلا ولكن أرجو أن تفتح ليك بوست خاص بعرسك وأطلع لي من بوست الترحيب بتاعي ده.
مع تقديري للجميع،،،
| |
|
|
|
|
|
|
Re: مرحـباً بالمخـرج فتح العلـيم دفع الله بوردابياً بيننا (Re: باسط المكي)
|
ابو الفتوح
Quote: الشكر للأخ الصديق أنقابو للتذكية والترحيب الجميل،،، |
ياخ تسلم والله ... انقابو ما عمل الا الواجب منور المنبر
Quote: شكري الجزيل لأستاذنا الفاضل (ود أبوي) السني دفع الله، |
وانا ببقى لي جدي
Quote: صاحب الأسم الجميل فتح العليم أبو القاسم |
يعني اسمك حلو .. خلاص ح اسمي عليك انشاء الله
Quote: عدك بأن نفتح بوست خصيصا للبرنامج الكارثي (في ساحات الفداء) فالمقام هنا مقام ترحيب |
ومقام عرس انقابو برضو .......... كاااااااااااكـ .. نادو لي ود الصايم يضحك معاي
Quote: أخيرا يا أنقابو شكرا جزيلا ولكن أرجو أن تفتح ليك بوست خاص بعرسك وأطلع لي من بوست الترحيب بتاعي ده. |
اما انت برلوم نافش ريشك ... ياخ انا وين القى بوست احسن من دا اضري فيهو عيشي ههههههههههه حد يصحي تمبس ياخ
مرحباً اخي فتح العليم الدار دارك .. ابقى داخل وانداح مع اخوانك
| |
|
|
|
|
|
|
Re: مرحـباً بالمخـرج فتح العلـيم دفع الله بوردابياً بيننا (Re: حافظ انقابو)
|
باسط ازيك يا جميل
Quote: انت فتح العليم بتاع ساحات الفداء ولا اتشابهت علي الاسماء عموما مرحبا اضافة جديدة للمنبر |
دا الكلام القالوا المحتفى به في ردو في الكود دا
Quote: كان تمهلني شوية أشرب موية الجمام وأبل الريق وبعد داك أفتح نارك، أعدك بأن نفتح بوست خصيصا للبرنامج الكارثي (في ساحات الفداء) فالمقام هنا مقام ترحيب، ولكن لا بد أن تتأكد من أنني وبكامل قواي العقلية أفتخر كوني مؤسس لبرنامج في ساحات الفداء. |
عموماً ضيفوهو يومين تلاتة كدا .. وانفشو ريشو .. وانا ذاتي معاكم
تحياتي ليك واسرتك الكريمة دم بخير
| |
|
|
|
|
|
|
Re: مرحـباً بالمخـرج فتح العلـيم دفع الله بوردابياً بيننا (Re: صديق الموج)
|
صديق يا موج
Quote: انقابو انت حا تعرس فى البوست ده ؟ |
ايوة ... جيب المازون وتعال
Quote: والله يا فتح العليم نصيحه لوجه الله بما انك مخرج اتخارج من البوست ده وافتح ليك بوست للناس عشان يطايبوك فيه ، انقابو انت تقدم العدو!! لووووول،،، |
طبعا يا موج طعميتك دي يا حبيبو تاكلا براك انا وفتح دا ما بنفترق .. وما بنختلف .... وريني بس بوست الساحات .. بنسف حورفو حرف حرف
غايتو بوست في ساحات الفداء دا انا ما بقدر افتحو أحي يا الفاصوليا
تحياتي لاحفادك يا موج
| |
|
|
|
|
|
|
| |