|
الاسلام المظهرى فى السودان لماذا؟
|
الاسلام المظهرى معناه شوفونى دا المقصود من موضوع البوست عشان مايجينى واحد يطلع من موضوع البوست وينظر لى بكلام وآيات خارج الموضوع.... مطلوب نقاش جاد. أقصد بالاسلام المظهرى فى السودان وانا شاهد عيان عشان ما تسألونى من المصدر,,,
|
|
|
|
|
|
|
|
Re: الاسلام المظهرى فى السودان لماذا؟ (Re: وضاحة)
|
بت الشيخ سلامات ...
اولا الهزار :
عندنا صاحبنا هنا غرة الصلاة حقته " ما consistent " ... مره في و مرات مافي و هكذا ...
لما زنقته قال لي
انت قايلها شنو اصلها ... ما القصة كم وضو كده وما تنشف وشك ... طوالي المحلة بتقشف ...
و المسأله مصالح يا فبّه ...
اها الجد يا نجاة ...
الدين السعودي الوهابي ... سبب نكسة العالم الاسلامي ... ادخل كل العادات القبيحة و البعيدة عن سماحة الدين الاسلامي ...
النقاب و عدم المصافحه ... و اعتبار المرأه مخلوق بدرجة اقل من الرجل ... ووو ... كلها مصايب مستورده من السعودية ....
فما بالك من الشكليات ... اي شخص عاش في السعودية حيوريكي انو بيشوف المنظر ده عشرات المرات في اليوم ...
والجماعة في السودان كالعادة بيجيبوا اقبح العادات من اي محله في الدنيا ... ويقلدوها ....
بتذكر يا نجاة لما جيت كندا من 20 سنة تقريبا ... كنت في السعودية وقتها ...
قالو لي لي مالك ياخي ماشي بلاد الكفار دي ...؟؟؟
قلت ليهم داير اهرب بباقي ديني دي ...قبال ما يبوظوه لي ...
| |
|
|
|
|
|
|
Re: الاسلام المظهرى فى السودان لماذا؟ (Re: مني عمسيب)
|
Quote: ياخى شكلك نسيتى النغمات حقت التلفونات كلها مديح حتى لما تتصل بتسمع ايات قرانية زى االاية بتاعت ربنا لا تزغ قلوبنا بعد اذ هديتنا وهب لنا من لدنك رحمه انك انت الوهاب |
وضاحة دا موضوع جاياهو برواقة والله مانسيتو تسلمى
| |
|
|
|
|
|
|
Re: الاسلام المظهرى فى السودان لماذا؟ (Re: Nagat Sid Ahmed Elshiekh)
|
Quote: لما زنقته قال لي
انت قايلها شنو اصلها ... ما القصة كم وضو كده وما تنشف وشك ... طوالي المحلة بتقشف ...
و المسأله مصالح يا فبّه ... |
الاخ قبانى والله جبتها فى اللحم الحى ودا قصدى من الجزئية دى تسلم وخليك قريب مشاركتك فى الموضوع دا مهمة والله صحي خاصة انت كنت فى السعودية وعندك خبرة وفكرة فى المواضيع الزيف الذى دى...
| |
|
|
|
|
|
|
Re: الاسلام المظهرى فى السودان لماذا؟ (Re: Nagat Sid Ahmed Elshiekh)
|
Quote: إن ظاهرة التدين المظهري قد غدت هي السمة الغالبة في المجتمع وتحولت العبادات الدينية لطقوس مجتمعية يؤديها الفرد تقربا لأهل السلطة والسلطان دون وجه الله بسبب نهج الشيوخ في التمكين واحتكار المعاش وإعلاء شأن فئة من الناس وسد أبواب الرزق في وجه الأغلبية التي سحقت وشردت وفق قوانين ما أنزال الله بها من سلطان وكل هذا الفساد والتهريج يمارس باسم الدين ووسط تهليل وتكبير الرجرجة والدهماء وتحريف فقهاء السلطان الذين أضلوا العباد وأضاعوا البلاد بـبدعة "فقه السترة وفقه الضرورة". |
شكرا الاخ تيسير
إن ظاهرة التدين المظهري قد غدت هي السمة الغالبة في المجتمع وتحولت العبادات الدينية لطقوس مجتمعية يؤديها الفرد تقربا لأهل السلطة والسلطان دون وجه الله بسبب نهج الشيوخ في التمكين واحتكار المعاش وإعلاء شأن فئة من الناس
| |
|
|
|
|
|
|
Re: الاسلام المظهرى فى السودان لماذا؟ (Re: Nagat Sid Ahmed Elshiekh)
|
سلام
Quote: إن ظاهرة التدين المظهري قد غدت هي السمة الغالبة في المجتمع |
!!! الجزم بأن التدين المظهري هو السمة الغالبة هو امر صعب .... الامر يحتاج منك لتعمق اكثر ..... احب ان انبهك الى ان التدين الان ظاهر شبه عالمية فدورات التاريخ تشهد مثل هذا كثيرا ....الامر الاخر ان هذه الظاهرة بداءت تقريبا قبل وصول الانقاذ الى السلطة وربما بلغت ذروتها هذه الايام....
Quote: وتحولت العبادات الدينية لطقوس مجتمعية يؤديها الفرد تقربا لأهل السلطة والسلطان دون وجه الله |
!!!! قصة جانبية : انا اصلى في بعض الايام في مسجد ذو شهرة كبيرة و يصلى فيهوا عدد من وزراء الحكومة لم ارى يوما واحدا من المصليين يقترب منهم ناهيك من السلام عليهم ...اتهام الناس بمثل هذا الاتهام صعب .......صدقيني ....
| |
|
|
|
|
|
|
Re: الاسلام المظهرى فى السودان لماذا؟ (Re: ود الباوقة)
|
والله يا نجاة آخر مرة سافرت فيها السودان علقت نفس التعليق دا...شعرت بالقصة (مساحيق) اكتر من انها ورع و تدين حقيقي... طيب اديك مثال: كنت في اجراءات استخراج ورق حكومي...وكنا قاعدين في مناسبة فشكيت-وسط دهشة المستمعين-من الخدمة ..واحد مولانا قال لي ياخي بالله مشي امورك اديو الفيها النصيب ...قلت بالله دا مولانا بامنا في الصلاة بقول كدا امال الباقين يعملو شنو؟؟
| |
|
|
|
|
|
|
Re: الاسلام المظهرى فى السودان لماذا؟ (Re: محمد علي عثمان)
|
سلام نجاة ، كيف اخباركم تعرفى اعتقد ان الاسلام المظهرى أو الشكلى هو واحد من ادوات السلطة الحالية منذ انقلاب يونيو 1989 لتزييف وعى الناس وكمان كان واحد من اهدافهم هو اشاعة " المظاهر الاسلامية فى المجتمع " ، لاحظى انو المجتمع السودانى كان معتدل التدين صوفى النزعة ، دون تطرف او اعتماد على المظاهر. هناك الكثيرين ( إنتهازيين ) ، الذين ادركوا ان المبالغة فى التظاهر بالتدين والتقوى هو الطريق نحو النفوز والسلطة و التمكن والسرقة والفساد ، فركبوا الموجه وبالغوا فى التظاهر التدينى. لذلك يمكننا القول ان نشر مظاهر التدين بهذه الصورة المنافقة الفجة هو جزء من ثقافة السلطة ، وغالبا ماتطغى ثقافة السلطة وتنتشر بصورة العامة.
| |
|
|
|
|
|
|
Re: الاسلام المظهرى فى السودان لماذا؟ (Re: عبدالغفار محمد سعيد)
|
بت ابوى الحبيبة اقتطع هذا المقطع من حديثك
Quote: الدقون وما أدراك ما الدقون منها أنواع مثل دعونى أعيش ، ومن أجل ابنائى !!!!
|
ايام الانتفاضة فى ابريل وكان الناس زهجانة من ما يسمى بقوانين سبتمبر الله لارحم من وضعها عندنا واحد صاحبنا محامى كان عنده دقن وهو زول ماركسى لكن عنده دقن لسوء حظه الشباب هجمو ليك على صاحبنا دا وضربوه ضرب نضيف على اساس انه لامؤاخذة كوز وهو يقول ليهم ـ يا شباب والله انا ما كوز... كوز فى عينكم انا ماركسى عديل
كلامك صاح وكلام يحى صاح برضو ازمتنا بدت من يوم ما بقى الاسلام سياسى فى مرة وفى حصة التاريخ المسرحى حدثنا احد المسرحيين القدامى ازعم انه الشيخ خالد ابو الروس "شيخ المسرحيين " قال ان مولانا قاضى القضاة يومها "فى الاربعينات ربما كان اسمه احمد يوسف هاشم " وفى عرض مسرحى كان يؤديه الراحل عبيد عبد النور ، كان العرض للحديث عن القضاء على السكر ليقلع الناس عنه فقام بطل المسرحية "بسب الدين فى العرض " ليشهد الناس على سوءعادة السكر فقامت الدنيا ولم تقعد ووصل الامر الى قاضى القضاة فاذا به يقول " إن الرجل لم يعنى ان يسب الدين ، لكنه رمى الى هداية الناس ليتقوا امر السكر ويبقو على وعيهم " لم ينصب مشنقة لاحد ولم يطالب بوقف العرض ولم يحاكم الممثل بالردة لانه كان فى حد التقوى ولانه يعرف قيمة المسرح فى تغيير حيوات الناس الى الافضل
| |
|
|
|
|
|
|
Re: الاسلام المظهرى فى السودان لماذا؟ (Re: ود الباوقة)
|
Quote: حالات فردية في نطاق ضيق جدا
وموجودة منذ مملكة سنار
هذا قياسا على الغالبية العظمى من اهل الورع والصلاح
سلام نجاة |
الله يسلمك يا ود الباوقة انت قاصد مملكة سنار ولا مملكة الانقاذ .... ياخى دى أصبحت ظاهرة ملفتة للنظر بعدين انا ما كنت حاضرة مملكة سنار دى انا بتكلم عن عهد الكيزان والاسلام السياسي والدجل والنفاق وزج الدين للكسب الرخيص. شكرا للمرور.
| |
|
|
|
|
|
|
Re: الاسلام المظهرى فى السودان لماذا؟ (Re: مدثر صديق)
|
Quote: الامر الاخر ان هذه الظاهرة بداءت تقريبا قبل وصول الانقاذ الى السلطة وربما بلغت ذروتها هذه الايام....
|
الاخ مدثر انا شخصيا حاضرة قبل الانقاذ ماتجى والحمد لله الآن موجودة بعد الانقاذ ، يعنى كلامك دا ممكن تقولو للشباب الما عاصروا قبل وبعد..
| |
|
|
|
|
|
|
Re: الاسلام المظهرى فى السودان لماذا؟ (Re: Nagat Sid Ahmed Elshiekh)
|
Quote: كلامك صاح وكلام يحى صاح برضو ازمتنا بدت من يوم ما بقى الاسلام سياسى |
الغالية بت الشيخ سلامات.. اها الاسلام السياسى سبب الازمة والدجل العايشين فيهو دا ، المساحيق دى ما بتقعد كتير شوية موية او عرق بتزول وبقعد القبح الكان مغطا بيها.. تسلمى وشكرا للمساهمة الدسمة.
| |
|
|
|
|
|
|
|