|
|
 Re: محاولة تجميع مقالات المناضلة سمية ابراهيم هندوسة (Re: نجلاء سيد أحمد)
|
اتعلم تحب وطنك
الأستاذه/ سمية هندوسة
من سنة سبعين طريت الغربة والهجرة
وتهت سنين بدون جدوى وبدون آمال
كل الناس تحقق في طموحها معاك..
كان زوجة وبيت تمليك وياما وراك
مشت أطفال وياما وراك ربت أجيال.
وياما وراك بيوت اتعمرت بالبسمة
والفرحة وبيوت فقدت بفعل الموت
نساء ورجال.
ناس اتعلمت بعدك وناس اتغربت زيك
وناس الهم كساها وجوم وتنسج
للفرح موال.
حليلك انت ضعت خلاص لا مستقبلك
واعد لا ماضيكا كان أخضر وتنوم
مرتاح وهادى البال.
وعيبك إنو عجزك فيك رعيتو سنين
بواقع الحال.
وفشلك ديمة كامن فيك لأنك عشت
دون تخطيط رضيت بالغربة والإذلال.
ولما الفاس وقع فى الراس وشفت الدنيا
من حولك وناسك تبكى في السودان كفانا
عذاب كفاية تعال.
كيف الحل؟ تفكر كيف ووين المخرج المضمون
عشان تقدر توفر ليك كم قرشين وبعض المال.
خمسة عقود من الغربة وما عارف تدبر تذكرة
رجعة ومصروفات تستر الحال؟
يا زول عارض أحسن ليك يمكن تصدق الصدفة
وتلاقي السلطة بدل المال.
وتظهر بكرة في التلفاز تسب تلعن حكومة الآن
بيوت الأمن والأشباح ونهب المال.
بس ده ما مخرج حيظهر زول يساءل فيكا
بإستغراب تعارض مين؟ تعارض كيف؟
عارض إنتا ناس عبود وبرضو
نميري ماشي الحال. نسمى نضال.
تعارض إنت في الإنقاذ؟ وما أدراك ما
الإنقاذ!!!!!!!!!!!!!!!!!!!!!!!!!!!!
عشان قولك يكون مليان والتاريخ يقول
قولو إتوخى الصدق فى القول عشان
الذمة قول بصراح.
دخلت فى يوم بيوت أشباح؟ وإتغيبت
قسرياً لأنك حروقلت كلام حقيقي وصاح
ويخدم مصلحة بلدك وماك ندمان علي
كل حال تعيش هانى وتنوم مرتاح.
إنت منو؟ قعدت سنين تفتش فيك
لقيت نفسك دحين يا صاح؟
عارض ما المعارضة حل لكل فاشل
ودربو ملان بشوك الغربة والأتراح.
عارض والنظام ثابت لأنو الحل فى
إيد الشعب. ووين الشعب؟
تلت ارباعو متغرب لجؤ هجرة
ونزوح ونواح.
شعب المرة ضاق المرة عاش المرة
وإتغرب بتسرق صوتو يافاجر وبى إصرار.
ما الوطنية روح من نور بترفض ذرة من إذلال
وتنبض في دمانا شرار.
الوطنية: أم الخير وشعب بيرفض الطغيان و
كل سياسة الأشرار.
الوطنية: صوت عالي وشارع متسع مرصوف
يحقق مطلب الثوار.
الوطنية: شعب طموح ومتطلع عاش الواقع
المرفوض وجرب فيهو كي النار.
الوطنية:شعب جسور يعارض في نظام فاسد
وحامل في القلب وطنو وطن العزة والأخيار.
كلامي دحين لكل ######## ومتسلق وشايف في المعارضة
حل وجعجاع ينسج الفارغة ويجاهر في البلد يشتم.
يلعن ديمة في وطنو ويجهل إنو بي أوطانا نتقيم
ودون أوطانا نتيتم .
وطنا وطنا يا جاهل وما بتسمي بالإنقاذ اشتم العن
الطغيان ومن أقرانك إتعلم.
وإتفهم تحب وطنك وافصل بين تلاتة هناك إسم البيت و
سيد البيت وناهب البيت وفي أعصابك إتحكم.
اما البيت: وطن شامخ يرفرف ديمة عالى الهام
ورغم همومو متبسم.
وسيد البيت: مواطن عاش يحب وطنو رغم الفقر
وضنك العيش وشح المال إتفاءل وعاش يحلم.
وناهب البيت: مواطن عاق فرض نفسو,عجبو البيت
وخيراتو جلس سنوات وكل الشعب متبرم.
دحين كيفن تسمي البيت بناهب البيت وتشتم إنت
في السودان وتتكلم.
معذور ما الجهل كاسيك والجاهل عدو نفسو
ألعن في الوطن وأشتم.
ألعن والوطن شامخ رغم همومو وأحزانه وتفتيت
بعض أوصاله وسنين المر وحاضر الهم.
ألعن والوطن سندك ولو قادر تسيبو سنين بيحلم
ديمة بي عودتك ويتعشم.
ويغفر ما الوطن والد ووالدك ديمة يغفر ليك
مهما ذنبك إتعظم.
آخر القول: إتعلم تحب وطنك, وطنك ياهو دايم
ليك ووطنك ديمة هو الأعظم.
|
|
  
|
|
|
|
|
| العنوان |
الكاتب |
Date |
| محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 11:57 AM |
| Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 12:02 PM |
| Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 12:08 PM |
| Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 12:11 PM |
| Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 12:12 PM |
| Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 12:14 PM |
| Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 12:16 PM |
| Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 12:42 PM |
| Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 12:47 PM |
| Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 01:12 PM |
| Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 01:15 PM |
| Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 01:17 PM |
| Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-08-12, 08:40 AM |
| Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-08-12, 08:47 AM |
|
| |
نجلاء سيد أحمد
فيس بوك
تويتر
انستقرام
يوتيوب
بنتيريست