|
(مرسية حبيبو) كلمات الشاعر / هشام الارباب / قي ذكري نادر خضر
|
تم نشر المرسية مسبقا من خلال جريدة الخرطوم وجريدة فنون يا أمدر صباحك ليه حزين وجهك ملامحو ما بتسر مليان نحيب بكا وعويل والفجعة فوق حد الصبر رحل البريدك ريد شديد في سماك غاب منك بدر يا حبيبو وين فوته ومشيت يا مدر مصابك قاسي مر ** ** ** بانت بتبكيك والجموع والدر وكل غايب حضر لو شفت حالهم بي وراك والناس مكذبه للخبر ما صدقو الوقع الرهيب فقدك وموتك ما خطر شايلين عذاب هم الرحيل والحزن في عيونهم ظهر ** ** ** ما انت يالمرهف حنين ساكن قلوب كل البشر الناس بتمدح في صفاك وفي خلقك العالي الندر بغناك ضويت الطريق كيفين بترحل يا قمر بعدك بكون كيف الغناء وكيف الترانيم والوتر يا مدر صباحك ليه حزين وجهك ملامحو ما بتسر مليان نحيب بكا وعويل والفجعة فوق حد الصبر ** ** ** ** ما أختار فراقك بي رضاو لكنو كان حكم القدر شوفيهو كيف جسد وفاءك اتوسد تراب عشقك قبر دا حبيبو خالد في القلوب مهما يطول درب السفر وما تقولو نادر اصلو مات عايش جوانا مدي العمر
|
|
|
|
|
|