شويه قصائد صوت للشاعر بدري الياس

شويه قصائد صوت للشاعر بدري الياس
يا شيحة الغنوات : في طين قلب مجروح تنشرا جوه الذات : لامن تلامس الـــــــــروح ونفس الحياه الما مات : من تاني يبدا ينـــــوح والدمعـــــه والاهـــــات : بي كل مخبا تنــــــوح كات قيلة الاحـــلام : في ضل شتيل البـــــــــــال والحال موافي ولام : وسيل العشم سيـــــال وغيم وصلك الراحام : كان يالحبيب هطـــــــال والليله ما جا وحام : لا حتي شال هقال قول لي عاد لي متين : غيمك مجافي سمــــاي وليل الحزن لا ويــــــن : سايق مباري خطـــــــــاي يا الكنت موافي حنين : لوكان بيجدي بكـــــــــاي ما كان رضيت بالبين : والهجــــــــر يبقي جزاي ماكان أقول أنســــــــاك : ناح القليب كيفن يالمافي من يسواك : طول الفراق لي شن وانا أصلي رغم أساك : يوماتي زايـد حن واسهر أنا جي سمــــاك : كل ما الليالي تصـــن شده عليك ما نـــــاح : قلبا هــــــواك بالصــــــــــح صبحت حياتو قماح : ما غني يـــــوم وفــــــــرح جمر الصــــــــد اللفاح : يلفاهـــو من يصبــــــــح ولا من يموت يرتـــاح : ما أطنو تاني يصـــــح يا منغرس جواي : قول لي مروقك كيـــــــــــــف وكيف يعتر لني أساي : يرحل يعدي الصيــــــــف من حزني يسكــــــر ناي : يسكب نغيمو رهيــــــف وانا ما ملكـــــت سواي : شان تاني أقدر أقيف لا حول من البي : يا محصي للعبـــــــــرات يا خله وينكــــــــم لي : وين ربحـــت الصابــــرات حالا تشوفو عــــلي : ما يرضي لو شمــــــــــــــات لا زول معاكـــــــــــــم حي: لا يقنوكــــــــم مات ______________________ save

11-29-2012, 05:11 AM

عصام مدنى

تاريخ التسجيل: 08-30-2011
مجموع المشاركات: 310

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شويه قصائد صوت للشاعر بدري الياس (Re: عصام مدنى)
القصيدة التانيه __________________ save

11-29-2012, 05:13 AM

عصام مدنى

تاريخ التسجيل: 08-30-2011
مجموع المشاركات: 310

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شويه قصائد صوت للشاعر بدري الياس (Re: عصام مدنى)
الحبيبـــــــــــه ______________ الحبيبة الطيور التّموت دونْ غناها الحبيبة السّحابه اليَرَضِّعْ نداها الحبيبة التراب المَعَطَّرْ مداها تبين في البيوت المَطَيَّن رِدَاها وهي نفس الشوارع المَغَبَّرْ سماها الضُّرَاعْ البِتَنْزِف فطوره وغداها ... الحبيبة المعاني الضفاف .. الرصيف.. المرافي التّقِيف شان تَقَعِّدْ ضُيوفه وهي حُضْن المواني الحنينه .. الولُوفَه الحبيبة الأنامل التَلَقِّمْ أغاني وتدَرِّجْ خُطاك للزمان الفلاني وتَطَعِّم دِماك بي رحيق الثواني وتسافر معاك في الغياب الزماني وتَغِّيبْ رُؤَاكْ في الحقول الأماني ... الحبيبة البِتَسْكِن مسام القصيدة وتفَكْفِك رموزه القريبه وبعيده الحبيبة التريده وتطمِّنْ خواطرَك رُؤَاها العنيده تشوف البحر .. كبرياهُو الجميل والعوالم الجديده ... إذا ما تجيك والصباح مَدّةْ إيده ... الحبيبة الأهل .. قومَتُنْ لي لقاك فرحتُن والأمل دخلتُن في دماك مرقتُن للعمل طلَّتُن في صفاك نهرتُن في الزعل حضرَتُن في مساك اصدقاك والجدل في مآسي الهناك والتِّميرْ العَوَلْ مدَّتْ إيدُن معاك شان تَسِنْدُو الحَتَلْ نظرتُن للفكاك والبلاد العَدَلْ تشتهيك في الرعود في الرزاز النّزَل هاكا كلَّ الوُعود بس تعود بى مهل الحبيبة الدُّعَاش كرنفال المطر شوق حَوَاسْ الرّشَاش لي حكاوي الزهر جُمْلةْ بين عاشقين لا رَوَاهَا الكلام لا حَمَاهَا الحَذَر فَرْحَةْ العايدين فُوحْ جَنَاين السَّلام نار دُمُوعْ السَّفَر جَيَّةْ الماب يَحِينْ سِرْ مَلامْحْ الصُّوَرْ تَمْتَمَاتْ اللُّحُون في عُرُوقْ الوَتَرْ حين تَمُرْ بالقَصِيدْ فيك يبِين الأتَر تدخُلَك في النَّشِيد زي نُعَاس أو خَدَرْ الحبيبة الدُّروب التّوَالِف مَشِيك الحبيبة القريبة وتَرَاهِن عليك الحبيبة الصَّعِيبَة وتكون بين إديك الحبيبة البِتَفْرِد جُنُونَهْ وتَجِيك الحبيبة التَشُر ضَيْ صَبَاحْنَا الوَشِيك الحبيبة الدّوَانْكِي التّجِمْ الغُبُشْ حُلْمَهُنْْ في المَنَامْ صَحْيَتُنْ في الدغش إلفَهُنْ والخِصَامْ لا الأَشَوْ ... لا الرُّوُشْ الحبيبة التّخُشْ في ضُفُور الكلام حين تَحَضْنْ الطّوَارِي الإدين الخُرُشْ الحبيبة الشَّمِشْ كبرياء الدُّخول والطلُوع الحِمِشْ لون سلام الحقول والنخيل اليَهِشْ لي وصول الرِّيَاح والصراح اليَمِشْ في حنايا الصَّباح الحبيبة الصباح ... الحبيبة الشمش ... ___________________ http://www.youtube.com/watch?v=xcoHcjolD60&feature=plcp (عدل بواسطة عصام مدنى on 11-29-2012, 05:15 AM)

11-29-2012, 05:14 AM

عصام مدنى

تاريخ التسجيل: 08-30-2011
مجموع المشاركات: 310

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شويه قصائد صوت للشاعر بدري الياس (Re: عصام مدنى)
الحبيبـــــــــــه ______________ الحبيبة الطيور التّموت دونْ غناها الحبيبة السّحابه اليَرَضِّعْ نداها الحبيبة التراب المَعَطَّرْ مداها تبين في البيوت المَطَيَّن رِدَاها وهي نفس الشوارع المَغَبَّرْ سماها الضُّرَاعْ البِتَنْزِف فطوره وغداها ... الحبيبة المعاني الضفاف .. الرصيف.. المرافي التّقِيف شان تَقَعِّدْ ضُيوفه وهي حُضْن المواني الحنينه .. الولُوفَه الحبيبة الأنامل التَلَقِّمْ أغاني وتدَرِّجْ خُطاك للزمان الفلاني وتَطَعِّم دِماك بي رحيق الثواني وتسافر معاك في الغياب الزماني وتَغِّيبْ رُؤَاكْ في الحقول الأماني ... الحبيبة البِتَسْكِن مسام القصيدة وتفَكْفِك رموزه القريبه وبعيده الحبيبة التريده وتطمِّنْ خواطرَك رُؤَاها العنيده تشوف البحر .. كبرياهُو الجميل والعوالم الجديده ... إذا ما تجيك والصباح مَدّةْ إيده ... الحبيبة الأهل .. قومَتُنْ لي لقاك فرحتُن والأمل دخلتُن في دماك مرقتُن للعمل طلَّتُن في صفاك نهرتُن في الزعل حضرَتُن في مساك اصدقاك والجدل في مآسي الهناك والتِّميرْ العَوَلْ مدَّتْ إيدُن معاك شان تَسِنْدُو الحَتَلْ نظرتُن للفكاك والبلاد العَدَلْ تشتهيك في الرعود في الرزاز النّزَل هاكا كلَّ الوُعود بس تعود بى مهل الحبيبة الدُّعَاش كرنفال المطر شوق حَوَاسْ الرّشَاش لي حكاوي الزهر جُمْلةْ بين عاشقين لا رَوَاهَا الكلام لا حَمَاهَا الحَذَر فَرْحَةْ العايدين فُوحْ جَنَاين السَّلام نار دُمُوعْ السَّفَر جَيَّةْ الماب يَحِينْ سِرْ مَلامْحْ الصُّوَرْ تَمْتَمَاتْ اللُّحُون في عُرُوقْ الوَتَرْ حين تَمُرْ بالقَصِيدْ فيك يبِين الأتَر تدخُلَك في النَّشِيد زي نُعَاس أو خَدَرْ الحبيبة الدُّروب التّوَالِف مَشِيك الحبيبة القريبة وتَرَاهِن عليك الحبيبة الصَّعِيبَة وتكون بين إديك الحبيبة البِتَفْرِد جُنُونَهْ وتَجِيك الحبيبة التَشُر ضَيْ صَبَاحْنَا الوَشِيك الحبيبة الدّوَانْكِي التّجِمْ الغُبُشْ حُلْمَهُنْْ في المَنَامْ صَحْيَتُنْ في الدغش إلفَهُنْ والخِصَامْ لا الأَشَوْ ... لا الرُّوُشْ الحبيبة التّخُشْ في ضُفُور الكلام حين تَحَضْنْ الطّوَارِي الإدين الخُرُشْ الحبيبة الشَّمِشْ كبرياء الدُّخول والطلُوع الحِمِشْ لون سلام الحقول والنخيل اليَهِشْ لي وصول الرِّيَاح والصراح اليَمِشْ في حنايا الصَّباح الحبيبة الصباح ... الحبيبة الشمش ... ___________________

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]