يا جماعة العيد مباركم عليكم كوووووووووولكم والعفو العافية

Quote: (1) سبحان الله. ناس يا عيد بِتْضَحي خروف وناس عدمانه كفاها الشوف وناس تعبانه تفتش تيس وناس يا عيد بِتْضَحي ( رئيس ). ...... ناس ما عندها غير سكين الحال مسكين فضيان الجيب وخروف في الغيب وكيس حلمان بي دستة عيش ............. يا عيد معليش الناس الرؤسا الناس الوزرا الناس الخُلفا أي معالي حاشية ووالي الناس المارقه الناس الخاشه ولاد السُلطه شمار البوسطه الناس الحاشّه قاشره وغاشّه. جناب الأُمرا. كبار الخطبا. ملوك السف وحتى العُوَرا الكانو الرف . قرود الشاشه. الجَهَلا الباعو عشان العيش . ديل يا عيد الصف الأول ونحنا تملي الصف الطيش ........... يا عيد معليش سبحان الله ناس مزرورة تَمِش شقيش؟! لا كعكة طريّه أو حتى حلاوه في كيس وقوية لا خروف مربوط لا ربّه تجوط لا ضلعه وشيّه لا كبده بشطه هشّه ونيّه لا راس بقرون مجدوع في خيش لا كراع لا ( باع ) لا عتوت لا تيس. ......... يا عيد معليش ده قدَرْنا مسطر وناس تتفنجر للشعب العربي تسدد خنجر وتضحي رئيس يا عيد معليش .......... (2) ياتو عيداً جانا قادل والحَلِق ما فيهو غَصّه وكلو دمعه وكلو وحّه وكلو قرصه ليها قصه. ........ كم (خليفة) دسّ من عينّا الرغيفة ؟! وكم إمام باع وجعنا الغالي في سوق الكلام ؟! وكم (غُلام) ساقنا زي زفّة هوام وطاش وكضّب في منصه ؟! وكم (شريك) باس جرحنا في أي مِحْنه وضاق عَرَقنا وتفّ حسه. ... ... ... كلو عيداً زار ولفّ والفرح مسكين وهاجد في محّفه السادة( سادرين ) في النعيم والشعب دايخ وراسو لفّ. ... ... ... إلا عيدنا أكيد وجاي ماكان عذابنا رخيص وساي. الأمل زاد المسارب الشمس ترجع تبارز في المغارب الجموع تصحا وتْصارع الوطن مربوع وفارع . الفعل ما بيبقى ماضي ديمه بتْنفّس (مضارع) راسو مرفوع في المنصة. (3) ضحيتّ وكان كبش الضحية خروف وهم جركانة زيت من رف خَبَل ورسمْت في ورقه البصل ودبّرت في الأحلام فحم. عيدين وانا ( الحاج) المهرول بين (صفا) الكعك المحال و(مروة) الشوق للّحم. كلو عيد وانا زفّه في الغيظ والأذية راجي عيداً ألقى فيهو الفرحه واقع والمباهج أبجدية. حُرية في شفق الصباح وسُترة في الأيام هدية ... كلو عام وانتو (شاهد) ما ضحية .

Quote: وانت والاسرة الكريمة وبالف خير ومن العايدين انشاء اللة والعفو والعافية

Quote: ولا اقول لك لم يعد له طعم الا ان نفرح بمغفرة ننالها من عبادة جاء بها او من فرحة مذعور (كخروف فيصل خليل) .. الذي لا يعرف ان السكين لاحقاه لاحقاه أربعه طيارات يالطيب تدخل وتضرب وتطلع وزول يسالها مافي وتقول لي عيد مبارك كيف يعني ؟

Quote: كل عام وانت بخير يا مسنوح وربنا يديك الصحة والعافية ويزورك المصطفى