إلي د/ المعز عمر بخيت و البقية

Quote: أسمح لي بي تصويب بسيط نقلت هذا من مقال د. بخيت Quote: وغير تغطية نفقات علاجه واستضافته بعد قضاء المهمة الرسمية ولمدة خمسة أيام بفندق (الريجنسي) أحد أفخم الفنادق بـ(البحرين). وعلقت عليها Quote: دي خلصتها الجالية ليلة غنائية ببلاش من محمد اللمين وها هم يمتنون عليه بها حقيقة الأمر الجالية بالبحرين لم تقم بدفع مليم أحمر للأستاذ محمد الأمين لأي نوع من العلاج. وقد أشرت أنا في مداخلة في بوست الأخ محمود مصطفى محمود

ياخ والله فضيحة عديييييل كدا وطيب الامتنان على الاستاذ في شنو؟
من خلال السرد في المقال انا قلت يمكن استضافوه وعايزين يخلصوا حقهم غنا وطرب
عايزك تتأكد لي ادوه شهادات تقديرية ولا لا؟
زي ما قلته فوووووق العملاق محمد الأمين ليس في حاجة الى صدقاتهم هذه
عنده اولاده في لندن وهم قادرين على علاجه
غير كده الحمد لله الراجل قادر بحفلة ولا اثنين يجمع مبلغ علاجه
اصحابه وزملائه في اتحاد الفنانين ومعجبيه ومريديه ديل كلهم راحوا وين؟
ولا كانوا منتظرين السودانيين في مملكة البحرين الاصغر مساحة من محليه ام بده لكي يمتنوا على الاستاذ؟
موضوع يزعل بالجد والله والمصيبة لا زال د. معز مصر على رأيه حتى بعد تنصل من استشهد بهم
يا بروف احسبها صاح ياخ شوف كم واحد واقف في صفك؟ وكم واحد ضد ما كتبته؟
يقيني ان الاغلبية لا تجتمع على الباطل على الاطلاق
البورد دا ســودان مصغر وفيه استفتاء حقيقي لبقية رأي الشارع ... والله صحي

كن بخير


___
سبب التعديل: اضافة كلمة على
سبب التعديل: احتجاج ابو النييييييييز على "مملكة البحرين" :)

(عدل بواسطة الامين موسى البشاري on 10-22-2012, 03:33 PM)
(عدل بواسطة الامين موسى البشاري on 10-22-2012, 04:11 PM)