الأستاذ محمد الأمين: مؤتمر صحفي مساء الأحد لتوضيح ملابسات حفل البحرين

Quote: تحية طيبة انتهى قبل قليل المؤتمر الصحفي الذي احتشد له عدد كبير من الصحفيين و من الناس ضاق بهم المركز رغم سعته . المتحدثين الرئيسيين هم :- الاستاذ محمد الأمين الاستاذ لؤي عبد العزيز (موسيقي و رئيس فرقة ود الأمين و منسق حفل البحرين) الاثنين اكدوا كذب وهراء ما جاء في مقالات دكتور المعز و ذكروا بالنص أن المشكلة الوحيده كانت في مبلغ ال200 دولار التي توزعت على العازفين دون علم رئيسهم (لؤي) او ود الأمين و اعتذر رئيس الجالية السودانية بالبحرين عن هذا الخطاء . بخصوص الرئيشه قال بالفعل انه نساها ود لظرف الحفل السابق (حفل وزارة الثقافه البحرينيه) حكي قال :- اصلاً انا بخت الريشه في جيب شنطة العود اها الجيب دا السسته بتاعتو اتحلجت و ما قدرته اعالجه من هنا في السودان يلا في حفل مهرجان البحرين عاصمة للثقافة بعد خلصت الحفل دخلت الريشه في جيب البدلة لما جات حفلة الجاليه كنت بالجد ناسي قصة الجيب محلوج و اهو لما وصلت مكان الحفل اتذكرته انو نسيت الريشه في جيب البدله لكن اهو الحمد لله ناس كتار بادرو و الله في واحدين فكو لياقات قمصانهم و ادوني استعملته ريشه و ديل كانو 3 انفار و اهو الحمد لله اشتغلته بيهم لحدي ما الموضع اتعالج . بخصوص الاطفال لم يحدث ابداً ان طردته طفل او قلت لا اريد اطفال في القاعه . بخصوص النيل الازرق ايوة نعم قلته :- ناس النيل الازرق لو سمحتو ما عايز تصوير لانو مافي اتفاق بينا و فعلا يا جماعة مافي اتفاق بينا هسي الشفيع عبد العزيز مسؤول البرامج في النيل الازرق بيجي ياكد كلامي . بعد هذا الحديث تم الاتصال بسفير السودان بالبحرين الذي بدوره اشاد بزيارة ود الامين و اعتبرها من انجح الزيارات و تمنى مداومة التعامل بينهم . ثم جاء الشفيع عبد العزيز ممثل للنيل الازرق و اكد بالفعل انهم ليس لديهم اي آتفاق مع ود الأمين و ان له الحق بان يوقف التصوير فقط قال كل المزعل وفد القناة هو ان ود الامين قاله ليهم قدام الناس . هذا ما قيل بصورة مختصره جداً يا دكتور المعز و الذين يقلون قولك . و شكراً لانو بالنسبة لي ما عندي اي اضافه كتبته هذا للعلم بالشي فقط .