|
Re: صورة نادره للبطل السودانى (عبدالقادر ود حبوبه) (Re: Ridhaa)
|
الأرباب: لشاعرة رقية اخت البطل ود حبوبة وذلك فى محاكمة عبد القادر امام ود حبوبـة
النص منقول من الاغنية
بتريد اللطام اسد الكداد الزام هزيت البلد من اليمن للشام سيفك للفقر قلام تيّم فى التقر انصارو منزربين بالصفا واليقين حقيقة انصار دين بالحرب ام طبائق قابلوا المسكين فى وش المكن رقدوا التقول نايمين تيّم فى التقرانصاروا زاربنوا بعهدوا القبيل بعيسى تاهمنوا اتلموا العمد ليهم نقر سنوا الهوج والشرق طار المنام منوا تيّم فى التقر قال العمير للسوم القوى والضعيف من عينو طار النوم الكفرة النجوس ما بختوا من اللوم حجرت الدرب خليت جمالم تحوم الاسد النتر وقال الدين منصور لمولوا الاورط جابوهم بالبابور العمد الكبار كلامهم بقى مدحور كم فقشت مدير وكرمت بالمامور الاسد النتر بى جيهة الابقار لمولو الاورط شايلين سلاح النار ود حبوبة قام ورتب الانصار فى كتفية ديك كم شبعن صقار الاعلان صدر واتلمت المخلوق بى عينى بشوف اب رسوة طامح فوق كان جات بالمراد واليمين مطلوق ما كان بنشنق ود اب كريق فى السوق بتكلم بقول بوريك مين حسبوا نايبو السنين منّو الرجال حسبو الاعلان صدر واتلمت الحلال نصبولو السلاح واتكرنف الخيال قدر الله الحصل و الزمان ميال منسول من ابوك ماك ود حرام دجال
======================================== الأرباب:
من الأغاني السودانية الخالدة تلك المناحة الشهيرة التي ارتجلتها السيدة
رقية.....أمام مشهد الموت ولحظة الشنق صبيحة يوم الأحد السابع عشر من
مايو 1908 بسوق حلة مصطفي وهو سوق الحلاوين انذاك في رثاء
شقيقها المجاهد البطل عبد القادر ود حبوبة قائد الثورة الأولي في شمال
السودان بعد سقوط الدولة المهدية في يد المستعمر ( جاء به المستعمرون
مكبلا بالحديد وقبل أن يشنق ودع أهله في رجولة وثبات وهو يبتسم
وشجعهم علي العمل للقضاء علي المستعمر مهما كان الثمن غاليا ثم صعد
المشنقة وهو يكبر في شجاعة ومن حوله النساء يزغردن لشجاعته
وفروسيته وقد هز هذا المشهد المستعمرين هزا عنيفا لأنهم لم يروا شجاعة
كهذه . وأدركوا إنهم يحكمون شعبا قويا صعب المراس وقد سجل التاريخ
هذا المشهد بمداد من نور للمناضل البطل ود حبوبة ) في هذه اللحظة
التاريخية جاءت هذه الأبيات الحماسية الباقية تغنى بها الفنان الكبير المرحوم بادي محمد
الطيب والفنان علي ابراهيم اللحو ويستمع إليها جمهور الشعب السوداني
مفتخرا ومفاخرا . إن جلال المناسبة وعظمة المشهد وعفوية الارتجال ورصانة العبارة وقوة
التعبير وجمال اختيار الألفاظ جعل من هذه الأبيات البسيطة وثيقة ذات قيمة
أدبية ومصداقية تاريخية عالية لأنها تحكي قصة الثورة منذ البداية (هزيت
البلد من اليمن للشام ) مشاركات ودحبوبة في معارك الثورة المهدية-
الشريف احمد وطه- ود اب صالح في فداسي –حصار الخرطوم-
المشاركة مع جيش عبد الرحمن النجومي في صرص ، ارمنة، التوفيقية،
خور موسي، ارقين وغيرها.
وقولها ( ديم في التقر أنصاره منذربين ) قرية التقر بشمال الجزيرة كانت
تمثل المدرسة السياسية والفكرية لا نصار ود حبوبة في ذلك الوقت وكانوا
(حقيقة أنصار دين ) لقد عرفتهم عن كثب لأنها كانت تخدمهم وتقدم إليهم
الطعام والشراب وهم يتفاكرون ويتدارسون راتب الإمام المهدي فيما بينهم
ثم يأتي إليه (العمد الكبار الليهم نقر سنو ) لقد جاء ه أولي القربة من
زعامات القبيلة الذين أيقنوا بغلبة الانجليز وسكنوا لمنافع الاستعمار فنظر
إليهم متحسرا علي تبدلهم وتبدل الأحوال في بلده فقال لهم تأتون لملامتي
ولا تلومون الكفرة الذين استعمرونا وأرسلوكم إلي لذلك جاء قولها
( الكفرة النجوس ما بخشو من اللوم )..... ماذا يفعل عبد القادر والانجليز قد
علموا بأمره واستعدوا لمواجهته وبعض أهله جاءوه مخذلين فما كان منه ( عبد القادر قام ورتب الأنصار ) وكانت الواقعة المشهورة في كتفية ( في
كتفية ديك كم شبعت للصقار) ثم هزيمة ود حبوبة وتراجع الثورة وإلقاء
القبض عليه ومحاكمته والإعلان عن إعدامه في سوق الحلاوين(الإعلان
صدر وأتلمت المخلوق ) ثم يأتي يوم التنفيذ ويأتون به مكبلا رافعا رأسه
في تحدي وكبرياء المؤمنين (وبعيني بشوف أبرسوة طامح فوق ) نعم
عزيزتي رقية (كان جات بالمراد واليمين مطلوق
ما كان ينشنق ود ابكريق في السوق)
منقول من [ موقع "أبناء منطقة الحلاوين " ]
|
|
|
|
|
|
|
العنوان |
الكاتب |
Date |
صورة نادره للبطل السودانى (عبدالقادر ود حبوبه) | Ridhaa | 10-17-12, 08:58 AM |
Re: صورة نادره للبطل السودانى (عبدالقادر ود حبوبه) | Fawzi Babiker | 10-17-12, 09:52 AM |
Re: صورة نادره للبطل السودانى (عبدالقادر ود حبوبه) | بشير حسـن بشـير | 10-17-12, 10:28 AM |
Re: صورة نادره للبطل السودانى (عبدالقادر ود حبوبه) | بشير حسـن بشـير | 10-17-12, 10:36 AM |
Re: صورة نادره للبطل السودانى (عبدالقادر ود حبوبه) | Fawzi Babiker | 10-17-12, 11:49 AM |
Re: صورة نادره للبطل السودانى (عبدالقادر ود حبوبه) | Fawzi Babiker | 10-17-12, 12:05 PM |
Re: صورة نادره للبطل السودانى (عبدالقادر ود حبوبه) | عبد الحي علي موسى | 10-17-12, 12:30 PM |
Re: صورة نادره للبطل السودانى (عبدالقادر ود حبوبه) | Fawzi Babiker | 10-17-12, 02:06 PM |
Re: صورة نادره للبطل السودانى (عبدالقادر ود حبوبه) | بشير حسـن بشـير | 10-17-12, 02:37 PM |
Re: صورة نادره للبطل السودانى (عبدالقادر ود حبوبه) | Ridhaa | 10-18-12, 02:45 AM |
Re: صورة نادره للبطل السودانى (عبدالقادر ود حبوبه) | Ridhaa | 10-18-12, 02:47 AM |
Re: صورة نادره للبطل السودانى (عبدالقادر ود حبوبه) | Ridhaa | 10-18-12, 02:53 AM |
Re: صورة نادره للبطل السودانى (عبدالقادر ود حبوبه) | Ridhaa | 10-18-12, 02:57 AM |
Re: صورة نادره للبطل السودانى (عبدالقادر ود حبوبه) | محمد الكامل عبد الحليم | 10-18-12, 06:45 AM |
Re: صورة نادره للبطل السودانى (عبدالقادر ود حبوبه) | jini | 10-18-12, 06:53 AM |
Re: صورة نادره للبطل السودانى (عبدالقادر ود حبوبه) | Ridhaa | 10-18-12, 08:38 AM |
Re: صورة نادره للبطل السودانى (عبدالقادر ود حبوبه) | محمد عبداللطيف | 10-18-12, 10:54 AM |
Re: صورة نادره للبطل السودانى (عبدالقادر ود حبوبه) | شهاب الفاتح عثمان | 10-18-12, 08:43 AM |
Re: صورة نادره للبطل السودانى (عبدالقادر ود حبوبه) | عبد الباقي الجيلي | 10-18-12, 11:13 AM |
Re: صورة نادره للبطل السودانى (عبدالقادر ود حبوبه) | محمد الكامل عبد الحليم | 10-18-12, 01:22 PM |
Re: صورة نادره للبطل السودانى (عبدالقادر ود حبوبه) | أمجد الزين | 10-18-12, 02:01 PM |
Re: صورة نادره للبطل السودانى (عبدالقادر ود حبوبه) | Fawzi Babiker | 10-18-12, 08:30 PM |
|
|
|