|
|
|
 Re: أحبُ حزب... وأنتمى لغيره ..!!! (Re: حيدر حسن ميرغني)
|
زمااااااان في 1986 كنت معجب بالجبهة الإسلامية القومية
اكتر شئ عاجبني فيها قدرتها على إقناع القطاع الاكبر من الخريجين بالتصويت لها
فيما عرف حينها بدوائر القوى الحديثة
وكنت بالمقابل معجب بليالي الحزب الشيوعي
ومواظب على حضور كل ندواتهم في بري
وكنت اترنح طرباً لما ود الامين يغني عصينا عصينا وشلنا عصينا على الحرية منو بوصينا
وكانت الاستاذة فاطمة احمد ابراهيم مرشحة الحزب برمز العصا
وهنالك ليلة الحزب ببري الشريف
كانت الاستاذة ترتدي توب ابيض وترفعه كلما كشف عن جزء من شعرها
لن انسى ذلك الادب السياسي الرفيع ....
الغريبة ما مشيت ولا ندوة واحدة للجبهة الاسلامية القومية ..!!!!
| |
  
|
|
|
|
|
|
|
|
Re: أحبُ حزب... وأنتمى لغيره ..!!! (Re: بشير أحمد)
|
الضرب تامين الحزب الشيوعي ايام كعّة الفرع؟
ــــــــــــــــــــــــــــــــــــــــ
تااااااااني جاب سيرة (التأمين) ....
الموضوع ده قبل كدة قتحناه القيامة قامت
أنسى على قول صاحبي كدة ....
لعلمك يادكتور أنا عمري ما إنتميت لأي من منظومات اليسار
لا حزب ...لا جبهة ...لا إتحاد ...
كان عندنا إحساس كدة يا الطغى ... وكان عاجبني كلام لينين الرملي
سألوه عن آيدلوجيته قال الفن واضاف ان الفن اعظم ايدلوجيا
وكنت بتبختر بإني فنان أعظم من إيدلوجيات اليسار واليمين
..... ده كان زمااااااااان .....وياحليل زمان وسنين زمان ...
| |
|
|
|
|
|
|
|
|
|
Re: أحبُ حزب... وأنتمى لغيره ..!!! (Re: Ahmed musa)
|
والله يا أحمد ده حال ناس كتار هنا
الغريبة كمان مابخلوك لو هبشته
ــــــــــــــــــــــــــــــــــــــــــ
تعرف ياحيدر ياخوي ....
زماااان سالتي اخوي اكبر مني عن رايه في الابراج ...
وكان مشهور بسخريته ...
قال لي أنا الدايره بلقاك في برج غير برجي
والحاصل لي بلقاه في برج تاني
والبلقى مكتوب في برجي لا هو الحاصل ولا هو حتى الانا دايره
واللبيبُ .....
| |
|
|
|
|
|
|
|
|
|
Re: أحبُ حزب... وأنتمى لغيره ..!!! (Re: Ahmed musa)
|
حزب المؤتمر السوداني ومن خلال مؤتمر الطلاب المستقلين إستطاع إقناع عدد كبير من الطلاب بالإنتماء له
وصار تنظيم الطلاب المستقلين رقماً في النشاط السياسي الطلابي
هذا يعني أن أولئك الطلاب وبعد تخرجهم سيكونون هم رافد للمؤتمر السوداني مع خبرات سياسية عالية
إلا إن كان هنالك مشكلة في الإنتقال من طلاب مستقلين لمؤتمر سوداني
نواصل
ـــــــــــــــــــــــ
ملحوظة للملولين ... أنا منتمي لمؤتمر البجا ... وقد كتبت ذلك منذ إنضمامي لهذا المنبر
ولم اقم بتغيير إنتمائي وهو إنتماء فكرة فلست منتظماً بالحزب ولا عضوية لي به وهذا أمر آخر سأعود إليه
| |
|
|
|
|
|
|
| |
Ahmed musa
فايزودالقاضي
بشير أحمد
محمد إبراهيم علي
حيدر حسن ميرغني
فيس بوك
تويتر
انستقرام
يوتيوب
بنتيريست