|
|
|
 Re: الفاتحة علي روح المنتخب ( صورة معبرة ) (Re: haroon diyab)
|
يا هارون بالله بططلو كضب ..لا عزيز عليكم لا حزنون..
لمن هلال مريخ يكونوا لاعبين تردحوا بي البوستات ليل نهار وظـــوطك ظيييطك..وواااك وكاااك ..
لمن السودان يلعب المداخلات خجولة وفي إنتظار النتيجة لتحديد ثوب الوطنية الح يتلبس...
أووول شيلوا الفاتحة علي روحكم إنتو بعدين شيلوها على المنتخب..
عن نفسي أشجع الهلال أكتر من المنتخب وأنتمي للهلال أكتر من المنتخب والهلال عزيز علي أكتر من المنتخب ودي الحقيقة ..
والكلام ده إتأكد لي أمبارح لأنو وبكل بساطة ما عرفت نتيجة المنتخب إلا بعد إنتهت وما طلعت حضرتها متعلل بي الشغل ..
في حين إنو لمن الهلال يكون لاعب ويتعارض زمن بث المباراة مع الشغل بقدم إجازة في اليوم داك أو بزووغ رسمي واتحمل الخصم..
| |
  
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: عمر الفاروق)
|
كويس ياعمر انك فتحت النافذة دي
علي العموم انا بالنسبة لي عزيز وعزيز جدا
واما عنك فانا احترم هذا الوضوح ......
بالنسبة للمباراة حضرتها من البداية وتمنيت فوز المنتخب
لكن سوء حال المنتخب يغني عن السؤال
فما تخلط الامور ...... الهلال والمريخ شي والمنتخب شي اخر
واذا كنت انتظرت البوست شوية وما استعجلت كنت فهمت المغزي
علي العموم ...... خرج المنتخب مواصلا فضائح اتحادنا .
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: haroon diyab)
|
ويستمر الفشل
ويتواصل السقوط
ويكتمل مسلسل الفشل الذريع
فبعد ان كال الرماد حماد
وانكشفت لعبة الاتحاد السوداني
الذي اراد الضحك علي دقون القانون
في الكاف والفيفا...... واشرك لاعبا مطرودا
ادي الي سحب نقاط المباراة لنعود لموقعنا
الطبيعي في ذيل القائمة بعد ان كنا متصدرين .
ليعود احفاد النجاشي بالامس ويكشفوا اخر ورقة توت
من عورة سقوطنا الرياضي الدائم والذي هو امتداد
لسقوط متكرر في جميع مناحي امورنا الرياضية
والتي لم تكن وليدة اللحظة لكنها امتداد .....!!!!
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: haroon diyab)
|
هارون يا دياب..
المغزى مفهوم وانا ما استعجلت والله ..
اكيد ما بعرفك أكتر منك وما حا اغالطك في عزيز عليك دي..
لكن صدقني لو بي العاطفة والكتابة والكلام فكللنا عزيز علينا وبنفرح ونهييج مع النصر ونزعل مع الهزيمة لكن يا اخوي دي ما العزة القاصدة ليك ..
العزة واااضحة يا هارون من كمية البوستات البتفتحوها للمريخ ومقابلها للسودان ..العزة واااضحة يا هارون من خلال مبارة مفروض ح تأهلنا لي نهائيات أمم افريقيا البطولة الأكبر في القارة مع إهتمامكم بي مباريات دوري مجموعات تأهلك لي دور الأربعة في أضعف بطولة في القارة!!
العزة واااضحة يا هارون وانا متأكد بعد نهاية المباراة قد تكون مارست حياتك الطبيعية عااادي مشيت اشتريت العشا للاولاد أو مشيت السوق تجيب ليهم اغراض باقي اسبوع أو إحتياجات المدرسة بكرة في حين إنو لو دي حصلت للمريخ فضييق النفس بيكون عايز يشق سدرك ونفسك مكتوم شهر!!
العزة يا هارون البتقصدا إنت قاعدة تجيكم بعد مباريات المنتخب تنتهي ما قبلها ..
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: haroon diyab)
|
سقوط المنتخب امس هو امتداد لسقطات متوالية
وامتداد لسياسة ادارة الرياضة بصفة عامة
التي تحتاج الي
اعادة صياغة من القاع الي القمة
واعتماد سياسة المحاسبة .....
الثواب والعقاب
فبالله عليكم .....
كيف مر ماحدث من مشاركة السودان
في البطولة العربية في الدوحة والتي فاقت
فيها البعثات الرياضية السودانية عدد276 فرد
نصفة من اسر الاداريين وفريق كرة يد من ابناء
اركويت لاعلاقة لهم باللعبة ابدا ..... بدليل خسارتهم 52/صفر
وزوجة رئيس احد الاتحادات تاتي بصفة لاعبة في رياضة اخري
وعندما تسأل عن معداتها تقول : والله نسيناها في الخرطوم ( او كما قالت )
ومشاكل في معسكر كرة القدم ....... واخيرا العودة بخفي حنين .....!!!!!!
هل تمت محاسبة احد .......؟
ونواصل
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: haroon diyab)
|
ونواصل السقوط الرياضي والفشل المستمر
ليذهب ستة من لاعبي منتخب الشباب الي انجلترا
في معسكر تدريبي ....... ويتم الاتفاق مع احد السماسرة
علي اقامة المعسكر بعد المشاركة في بطولة برشلونة للشباب
وبعد دفع 25000 دولار تكلفة المعسكر......!!!!!
سافر اللاعبين......!!!!!
ليجدو انفسهم في معسكر للاجئين ( هذا كلام احد اللاعبين عبر قناة قون )
ليرشدهم احدهم الي طلب اللجوء السياسي في بريطانيا وقد كان.....!!!!!
واذكر حينها ان في نفس التوقيت كان بدائة فعاليات اولمبياد لندن
وخرجت التكهنات ووصلت لحد الاشارة الي ان البطل ابوبكر كاكي قد طلب
اللجوء السياسي في يبريطانيا ( الخبر موجود في هذا المكان ...!!!)
واخيرا تم احتواء او اخفاء المشكلة .....!!!!!
فهل تمت محاسبة احد ......؟
هل علم الراي العام بماحدث ..... هل اقيل احد
ام هل تعلم احد ثقافة الاستقالة وتحمل المسئولية وقدم استقالته ....؟
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: haroon diyab)
|
هارون يا دياب ..
معليش تاني..
وما عايز أقاطعك ولا استعجل وابووظ ليك البوست أو اعاكسك ..
بس يبدو إنك عايز تمشي ليك في خيط اسمح لي اقول ليك إنو مبني على التنظير..
يا هارون شكلك عايز تمشي في طريق المؤسسية والمنهجية والمحاسبة والإستراتيجيات و و و و
يا عزيزي الرياضة عندنا في السودان زييها زي حاجات كتيييرة ماشة قضاء وقدر فخلونا نكون واقعيين وما نحاسب الناس ونرمي الفشل على قصة المنهجية دي..
فييي عززز الجوطة واللخبتة دي المريخ شال كاس مانديلا..
وفي عززز الجوطة واللخبتة دي الهلال تأهل للنهائيات الكبرى مرتين ..
في عززز الجوطة دي تأهل المنتخب للنهائيات مرتين في سابقة نادرة..
في عز التخبط ده الهلال ليهو 5 سنوات من افضل اربعة فرق في القارة الافريقية..
في العواسة دي غلبنا الاهلي المصري 3 سواء الهلال او المريخ..
في التخلف ده ادينا تونس 4 وهي افضل منتخب افريقي..
في عز البهدلة دي تعادلنا مع منتخب كاد يلعب نهائي كأس العالم وهو المنتخب الغاني..
بقول ليك في الكلام ده يا هارون عشان ما تمشي في إتجاه تقويم الرياضة عبر بوابة المؤسسية والكلام الكبار داك..
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: haroon diyab)
|
وااااااا وجع قلبي
وحات الله النتيجة ما واجعاني
عارف الكورة مدورة والمنتخب الاثيوبي استحق الفوز بعرق رجاله
ولولا قلة الخبرة والاستعجال لفضحونا بسبعة تمانية أهداف
لكن واجعني الاستهتار والدافوري والمدرب الزيو وزي المتفرجين في هذه المباراة
رفقاً بي قلوووووبنا .. ورفقاً بي شياااااابنا
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: singawi)
|
كيف تريدوننا ان ننتصر
وهلال مريخ يضم اكثر من 13 لاعب اجنبي ومجنس
وهداف الدوري للمواسم السابقة والموسم الحالي ولربما القادم من الاجانب
وملايين تدفع للعيبة محترفين إسما
وحراس المرمى في الفريقين محترفين
واحد مصري مجنس والتاني جنوبي قابل للتجنيس
ولادوري للاشبال او الفرق السنية
واتحاد يفشل في برمجة مباريات دوري
واتحاد يفقد نقاط مباراة بسبب تفكير غير كروي
ما في شيء صاح عشان ننتصر
حليل شداد
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: Al Sunda)
|
سلامات السندا
واعتقد في مداخلة الاخ عمر الفاروق الرد الشافي علي تساولاتك
Quote: أها انا ده الكلام البيفوور مصاريني !!
العالم كلللو شغال بي النظرية الهلاريخية دي وفي مرات بتكون هلالية مية المية ومرات مريخية مية المية وين المشكلة ؟؟
أسبانيا بطلة العالم والمسيطرة على كللل الكؤوس هلاريخية !!
سبعة من برشلونة اربعة من الريال ..إنتهينا !! وين المشكلة ؟؟
ما عندهم حاجة إسمها جيب إتنين من سرفسطة وتلاتة من بلد الوليد وواحد من بلباو!!
إيطاليا الوصيف عندها سبعة من اليوفنتس!! وين المشكلة؟؟؟ لأ وازيدكم من الشعر بيت الإحتياطي نصو من اليوفي ..وين المشكلة ؟؟
نجي لي قصة المحترفين وما أدراك ما السبب في تدهور الكورة ..
إنترميلان ما عندو ولاااا لاعب إيطالي في كشفه كان وعادي بيلعب بي محترفين أها حصل شنو ؟؟ إيطاليا مسيطرة !!
إسبانيا عادي جداً ريال مدريد فيهو تلاتة اسبان والباقي أجانب أها اسبانيا عااال العال..
المانيا نادراً ما تلاقي فيها محترفين ومعظم اللاعبين المان ..المانيا ليها أكتر من طاشر سنة بعيدة عن التتويج !!
يا جماعة عليكم الله ابعدونا من التنظير وخلونا واقعيين ..
كورتنا قضاء وقدر ونفس العايزين نشيلهم ديل هللنا وكبرنا ليهم لمجرد تعادلنا مع غانا !!
ولمجرد تعادلنا مع الكميرون..
و و و و |
تحاياي لكما
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: singawi)
|
الاخ هارون
نهارك سعيد
انا علاقتي بالكوره هبشه ومريخابي من بيوتهم
لكن
* حكاية تاريخنا والعهد الذهبي دا كلو مجرد حرث في الهواء وليس لنا تاريخ في كورة القدم
* كل هذا الاعلام ليس بحجم كورتنا وهو اعلام فارغ اجوف
* فريق يلعب بلاعب موقوف رغم كل هذه الصحف والاقلام والقنوات أليس اعلام اجوف
* هزيمتنا من الصومال عبط رياضي وانا احترم الصومال دولة وشعب ولكنهم غير مؤهلين للفوز مهما كان العمر
* ماحدث بالامس كان اكثر من عادي والحالم هو من يتوقع انتصارات في كورة القدم ليس للمنتخب ولكن للسودان عامة لان علاقتنا بهذا المجال هي مجرد سلبطه
هذا قليل من كثير
والفاتحه
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: علي الكرار هاشم)
|
هارون وضيوفه
تحياتي ,,,
الله المستعان على أي حال
لا أدري سبب تفاؤلي غير المبرر يوم أمس قبيل المباراة, حيث انني زوغت من المكتب على غير العادة الساعة 4:20 مساءً ولحقت جزء من الشوط الاول وكل الشوط الثاني ويا ليتني لم أفعل ... وقت المباراة كله وأنا مذهول مذهول ... وفعلاً اقتنعت بنظرية أن 70% من المجهود مسؤولية اللاعبين و30% منه لبقية الاداريين والمدرب ... لكن وبصراحة بعد ان تكشف مستوى الفريق فى الدقيقة العشرين من الشوط الثاني بدات اتمنى ألا يصعد هذا الفريق الى جنوب أفريقيا خوفاً من عودتهم بنتائج 9 صفر او 13 صفر
تهانينا الحارة للفريق الأثيوبي الذي صعد عن جدارة وخلونا نشجعهم فى جنوب أفريقيا
لا أدري لماذا تذكرت طيب الذكر الرشيد بدوي عبيد أثناء مباراة أمس 4e
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: Ashraf el-Halabi)
|
سلام جاكم,
ياخوانا, نحن ما عندنا (منتخب قومي) بالمعنى
و إنما نلعب بتشكيلة هلاريخية
معلوم و مشاهد و موثق أن نتائج مباريات الهلال
و المريخ الأفريقية في السنوات الأخيرة لعب المحترفون
الأجانب دور كبير فيها (على مستوى خطوط الملعب الثلاثة)
و ضف لهم عصام الحضري مؤخرا..!
مما يعني أن كلى الهلال و المريخ ليسا بالقوة الكافية لو
أنهما إعتمدا على تشكيلتين من اللاعبين المحليين (فقط)!
فهل كانا سوف يحققان نفس النتائج التي تحققت بعامل تواجد المحترفين?!
و(معظمها تم تحقيقها في الداخل و سط صياح الأنصار!)
و مما يعني بالتالي أن (المنتخب القومي) سوف يأتي إنعكاس لحالي
الهلال و المريخ مخصوم منهما الأجانب!
إذا إقتنعنا بالكلام دا فسوف يقود بدوره للحديث حول مشكلة تقديم
الإنتماء للهلال و المريخ على الإنتماء الوطني, و الإدارية و المؤسسية
و الأجهزة الفنية و القائمين على أمر الكورة و الدولة و ووو..!
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: وليد عبد اللطيف)
|
لا بد يا عمر الفاروق من ادخال مفهوم المحاسبة الانت ما عاوز هارون دياب يتلكم عنو في عقول هؤلاء ياخي
نطلع من افريقيا ما مشكلة - لكن المشكلة انو مافي زول يتحاسب وتمشي الأمور زي ماكانت زمان
اللاعبين نفس اللاعبين والاداريين نفس الاداريين والاتحاد ياهو زاتو بي صفاتو
يجب محاسبتهم ويجب حرمانهم مما يحبون لأنهم حرموا الشعب السوداني من الفرح
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: Ashraf el-Halabi)
|
تعرف يا هرون في العاده بعد ما أرجع من الشغل قاعد آخد لي نومه كده في العصريه .. أمس أصريت أن أتابع المباراة الفضيحه ... بالله مش أحسن لي كان نمت ....
ويا خوفي بكره على هلال مريخ من ضياع الكونفدراليه أصلوا الفرق السودانيه قلما تكمل المشوار ....
تخيل يا هرون طوالي الشوطين الشي المحيرني ولا كوره واحد مشت للحارس الإثيوبي ولا كوره واحده .... معقوله يا ناس .....
مع خالص الود والتحايا ..... والفاتحه ....
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: haroon diyab)
|
لابد من التاكيد اولا بالاتفاق الكامل مع الاخ عمر الفاروق
بان الاهتمام بالهلال والمريخ اصبح اولوية للجميع اكثر
من المنتخب وذلك من قمة السلطة في البلاد الي اصغر مشجع
والدليل كل هذه الاموال الطائلة التي تصرف لاستقدام اللاعبين
الاجانب للفريقين بينما يعاني المنتخب الامرين لاقامة معسكر قصير
في اريتريا وجهازه الفني لايستلم مستحقاته......!!!!
ايضا عملية التجنيس التي تتم للاعبين وهم في مطار الخرطوم
بينما يعاني بعض اللاعبين الوطنيين من استخراج جواز سفر
للسفر مع المنتخب وهناك ... الكثير المثير الخطر
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: haroon diyab)
|
Quote: ياخوانا, نحن ما عندنا (منتخب قومي) بالمعنى
و إنما نلعب بتشكيلة هلاريخية |
أها انا ده الكلام البيفوور مصاريني !!
العالم كلللو شغال بي النظرية الهلاريخية دي وفي مرات بتكون هلالية مية المية ومرات مريخية مية المية وين المشكلة ؟؟
أسبانيا بطلة العالم والمسيطرة على كللل الكؤوس هلاريخية !!
سبعة من برشلونة اربعة من الريال ..إنتهينا !! وين المشكلة ؟؟
ما عندهم حاجة إسمها جيب إتنين من سرفسطة وتلاتة من بلد الوليد وواحد من بلباو!!
إيطاليا الوصيف عندها سبعة من اليوفنتس!! وين المشكلة؟؟؟ لأ وازيدكم من الشعر بيت الإحتياطي نصو من اليوفي ..وين المشكلة ؟؟
نجي لي قصة المحترفين وما أدراك ما السبب في تدهور الكورة ..
إنترميلان ما عندو ولاااا لاعب إيطالي في كشفه كان وعادي بيلعب بي محترفين أها حصل شنو ؟؟ إيطاليا مسيطرة !!
إسبانيا عادي جداً ريال مدريد فيهو تلاتة اسبان والباقي أجانب أها اسبانيا عااال العال..
المانيا نادراً ما تلاقي فيها محترفين ومعظم اللاعبين المان ..المانيا ليها أكتر من طاشر سنة بعيدة عن التتويج !!
يا جماعة عليكم الله ابعدونا من التنظير وخلونا واقعيين ..
كورتنا قضاء وقدر ونفس العايزين نشيلهم ديل هللنا وكبرنا ليهم لمجرد تعادلنا مع غانا !!
ولمجرد تعادلنا مع الكميرون..
و و و و و
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: احمد محمد بشير)
|
Quote: فريق متهالك ضعيف زهنيا وجسمانيا
هذا هو مربط الفرس يا اخوانى. فريق بلا لون او طعم او رائحة.
لو كنت مسؤلا عن الرياضة فى السودان لاوقفت نشاط المنتخب الى ان ينصلح حال الاندية اولا فدورى بدون منافسة حقيقية بالتاكيد لا يخدم مصلحة المنتخب الوطنى اطلاقا, فالهلال والمريخ ظلا يسيطران على المنافسة من سنة حفرو البحر وحتى هذه اللحظة. كشوفات الهلال والمريخ تكتظ بكم هائل من الاجانب و(المجنسين) والذين فى حقيقة الامر لا يستطيع المنتخب الاستفادة من خدماتهم, اما المنتخب وباقى الاندية فلا بواكى لهم, ففى وجهة نظرى الشخصية لن ينصلح حال المنتخب ما لم ينصلح حال الاندية اولا, ولن ينصلح حال الاندية ما لم تجد الدعم المادى اللازم للرقى بمستوياتها لمنافسة الهلال والمريخ.
رفعت الاقلام وجفت الصحف.
مشاركة سابقة من بوست مجاور.
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: Emad Mohamed)
|
اما انا فاعتقد انه حدث شي في المعسكر
شكل اللاعبينالكان امس ... في اعقادي الشخصي بسبب تدهور مريع في اللياقة وده عنده تلات اسباب فقط
سهر حتى الصباح - او حوامة لفترة طويلة نهار المباراة - او اتصال جنسي متكرر قبل المبارة بيوم ويوم المباراة
في حاجة حصلت في المعسكر والكلام ده بظهر لي قدام
لا اعتقد ان الحصل امبارح سببه التكتيك او سبب مستويات اللاعبين الفنية
والكورة دي مفروض تكون 10 صفر
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: محمد حيدر المشرف)
|
عمر يا فاروق
قلت:
(العالم كلللو شغال بي النظرية الهلاريخية دي وفي مرات بتكون
هلالية مية المية ومرات مريخية مية المية وين المشكلة ؟؟
أسبانيا بطلة العالم والمسيطرة على كللل الكؤوس هلاريخية !!
سبعة من برشلونة اربعة من الريال ..إنتهينا !! وين المشكلة ؟؟
ما عندهم حاجة إسمها جيب إتنين من سرفسطة وتلاتة من بلد الوليد وواحد من بلباو!!
إيطاليا الوصيف عندها سبعة من اليوفنتس!! وين المشكلة؟؟؟
لأ وازيدكم من الشعر بيت الإحتياطي نصو من اليوفي ..وين المشكلة ؟؟)
القال ليك منو ما عندهم حاجة إسمها (جيب إتنين من سرفسطة وتلاتة من
بلد الوليد وواحد من بلباو!!) ؟
بعدين إيه العلاقة بين أسبانيا و إيطاليا و ألمانيا, و بين بلد لي يوم
الليلة ما عنده دستور دائم سيبك من كورة و إتحاد و إدارات و أجهزة
فنية و مدارس كروية و سنية و نظم و خلافه؟!
لما قلنا الهلال و المريخ قوتهم في المباريات الإفريقية مستمدة لحد
كبير من وجود المحترفين, الكلام دا بيعكس بالتالي التردي الحدث
في نوع الإدارة و الأجهزة الفنية (المحلية) للناديين و غياب المدارس
السنية و الإهتمام بالناشئين و الكيفية البيتم بيها بناء الناديين من حيث
كيفية إختيار و ضم اللاعبين و حالة التسجيل و الشطب الما ليها آخر
و كتيرين لم يستفاد منهم و أخلي سبيلهم في الناديين, قارن دا مع حال
الناديين زمان تجد قليلين جدا لم يوفقوا و تم شطبهم و اشتهرت قضيتهم
و قارن كذلك مع إدارات زمان و مستوى المدربين المحليين زمان!
لما كان عندنا منتخب (قومي) بالمعنى, أنجزنا الكاس الوحيدة سنة 70
لأنه نظام الدوري كان مختلف و بالتالي مستويات اللاعبين و تقاربها
في العاصمة و الأقاليم! قارن كذلك مع منتخب أواسط السبعينات ستجده
(قومي) بالمعنى!
بعدين ناس أسود الجبال و التماسيح و سيد الأتيام و غيرهم ديل تمومة
جرتق لممتاز الهلال و المريخ؟
المحترفين عندنا دورهم وتأثيرهم مختلف على كورة دولة نايمة زي دولتنا
لأنهم بجيبوا لينا الأقوان و لما نبقى على مباريات المنتخب نتكلها على
المسكين كاريكا! .. المحترفين قعدوا شباب موهوبين زي ناس النعيم
و الطاهر حماد و عبده جابر و أحمد عادل و غيرهم في الجير لما نسوا
الكورة! بشة جاب لينا قون ولا قونين في غينيا/الجابون مرقنا وراه
و قلقلنا قعدته في السعودية و استدعيناه!
دا (الفريق القومي الأسباني:
Goalkeepers: Iker Casillas (Real Madrid), Jose Manuel 'Pepe' Reina (Liverpool), Victor Valdes (Barcelona).
Defenders: Alvaro Arbeloa (Real Madrid), Sergio Ramos (Real Madrid), Juanfran (Atletico Madrid), Jordi Alba (Valencia), Raul Albiol (Real Madrid), Gerard Pique (Barcelona), Javi Martinez (Athletic Bilbao).
Midfielders: Xavi (Barcelona), Sergio Busquets (Barcelona), Andres Iniesta (Barcelona), Xabi Alonso (Real Madrid), David Silva (Manchester City), Santi Cazorla (Malaga), Cesc Fabregas (Barcelona), Juan Mata (Chelsea)
Forwards: Jesus Navas (Sevilla), Pedro (Barcelona), Fernando Llorente (Athletic Bilbao), Fernando Torres (Chelsea), Alvaro Negredo (Sevilla)
و دا الإيطالي:
3-man Italy Euro 2012 Squad:
Goalkeepers: Buffon (Juventus), De Sanctis (Napoli), Sirigu (Paris St. Germain).
Defenders: Abate (AC Milan), Balzaretti (Palermo), Barzagli (Juventus), Bonucci (Juventus), Chiellini (Juventus), Maggio (Napoli), Ogbonna (Torino).
Midfielders: De Rossi (Roma), Diamanti (Bologna), Giaccherini (Juventus), Marchisio (Juventus), Montolivo (Fiorentina), Motta (Paris St Germain), Nocerino (AC Milan), Pirlo (Juventus).
Forwards: Balotelli (Manchester City), Borini (Roma), Cassano (Milan), Di Natale (Udinese), Giovinco (Parma).
(عدل بواسطة المعز ادريس on 10-16-2012, 06:55 AM)
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: علي الكرار هاشم)
|
شكرا للحبيب علي الكرار
كفيت ووفيت علي قول اخوانا الخليجيين
Quote: * حكاية تاريخنا والعهد الذهبي دا كلو مجرد حرث في الهواء وليس لنا تاريخ في كورة القدم
* كل هذا الاعلام ليس بحجم كورتنا وهو اعلام فارغ اجوف
* فريق يلعب بلاعب موقوف رغم كل هذه الصحف والاقلام والقنوات أليس اعلام اجوف
* هزيمتنا من الصومال عبط رياضي وانا احترم الصومال دولة وشعب ولكنهم غير مؤهلين للفوز مهما كان العمر
* ماحدث بالامس كان اكثر من عادي والحالم هو من يتوقع انتصارات في كورة القدم ليس للمنتخب ولكن للسودان عامة لان علاقتنا بهذا المجال هي مجرد سلبطه
هذا قليل من كثير
والفاتحه |
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: singawi)
|
سنجاوي
سلام
Quote: لكن واجعني الاستهتار والدافوري والمدرب الزيو وزي المتفرجين في هذه المباراة
رفقاً بي قلوووووبنا .. ورفقاً بي شياااااابنا |
وقمة الاستهتار ان لايخرج علينا احد ليقول :
انا المسئول من الحصل .... شفته كيفن....؟
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: haroon diyab)
|
Quote:
أها انا ده الكلام البيفوور مصاريني !!
دي وفي مرات بتكون هلالية مية المية ومرات مريخية مية المية وين المشكلة ؟؟
العالم كلللو شغال بي النظرية الهلاريخيةأسبانيا بطلة العالم والمسيطرة على كللل الكؤوس هلاريخية !!
سبعة من برشلونة اربعة من الريال ..إنتهينا !! وين المشكلة ؟؟
ما عندهم حاجة إسمها جيب إتنين من سرفسطة وتلاتة من بلد الوليد وواحد من بلباو!!
إيطاليا الوصيف عندها سبعة من اليوفنتس!! وين المشكلة؟؟؟ لأ وازيدكم من الشعر بيت الإحتياطي نصو من اليوفي ..وين المشكلة ؟؟
نجي لي قصة المحترفين وما أدراك ما السبب في تدهور الكورة ..
إنترميلان ما عندو ولاااا لاعب إيطالي في كشفه كان وعادي بيلعب بي محترفين أها حصل شنو ؟؟ إيطاليا مسيطرة !!
إسبانيا عادي جداً ريال مدريد فيهو تلاتة اسبان والباقي أجانب أها اسبانيا عااال العال..
المانيا نادراً ما تلاقي فيها محترفين ومعظم اللاعبين المان ..المانيا ليها أكتر من طاشر سنة بعيدة عن التتويج !!
يا جماعة عليكم الله ابعدونا من التنظير وخلونا واقعيين ..
كورتنا قضاء وقدر ونفس العايزين نشيلهم ديل هللنا وكبرنا ليهم لمجرد تعادلنا مع غانا !!
ولمجرد تعادلنا مع الكميرون.. |
عمر الفاروق ياحبيب ..
1- نمسك من تحت طيب ونشوف كلام كورتنا قضاء وقدر طبعا دا كان اجمل تعليق قاله اخونا الكابتن عمر النقي في التفزيون
وزي ماقلت ليك انا حريص دائما اشوف الناس بتقول شنو ونزريتها وفكرتها شنو تصدق
قالها بكل زعل حتى لم يجامل الكوتش مازدا كما يفعل الكثير من المدربين في التعليق ودائما الشماعه هو اللاعب
2- نجي لقصة العالم كله شغال بالهلاريخية طبعا اكثر الاندية تعامل بهذه الطريقة ليه عشان ديل بكونا اكثر جاهزية ولهم على الاقل خبره دولية
ولكن دي كمان بالنسبة لدول العالم المتقدم ليها نظرات اخرى بعيده المدى لان لايوجد فرق في الامكانيات
هنا يبحثون على مواصفات اللاعب ولا يبحثون على عدد المباريات الدوليه الشغله ماعندم انت احرف لاعب في العالم
التقيم عندهم مع من انت ممكن تقدم المفيد للمدرب وللمنتخب ودي ليها طبعا حسابات دقيقة جدا وغالبا كما تفضلت
يبحثون عن التناغم والتفاهم قبل كل شيء وديل ابدا لا تضعهم مع لاعبي دول العالم الثالث لان الاختلاف كبير فكريا واحترافيا
3- نجي لقصة المحترفين اها المحترفين ديل فعلا يقللون من فرص تدرب وتعلم اللاعب والاستفاده من الاحتكاك
لان كما تعلم انت جبت لاعب بمبالغ طائلة لازم تفرضة على باقي اللاعبين وهنا اللاعب الوطني يكون بعيد كل البعد عن الاحتكاك
والدخول في الاجواء التنافسية العالمية والمحلية
ياعمر الفاروق انت زول بتفهم كوره وبالزات عندنا في السودان ممكن تكون حريف ولكن في نفس الوقت
مابتعرف متين تجر متين توزع نفسك حتى متين تلعب ومتين تعتذر ( خليفة لاعب الهلال مثال )
اها دي نحنا من زمان بنصلها في سن متاخره زي ماقلت هنا كثيرا وحتى دي الان يفتقدها اللاعب لان يوجد لاعب اجنبي جاهز
لذلك اللاعب الاجنبي سلاح ذو حدين ممكن يطورك كما قعلوا لاعبينا سابقا في الدول العربيه
وحتى علق عنها قريبا صحفي سعودي بالزات عن اللاعبين السودانيين
مشكلتنا الان في السودان بدل الاعب الاجنبي يطورنا ويصعد بنا ونستفيد منه يحدث العكس
.
.
بالجنبة .-
ياجماعة الحصل دا ماعادي ابدا ماعادي واكيد في سبب قوي حدث للاعبين جعلهم يجرجرون ارجلهم
| |
|
|
|
|
|
|
|
|
|
Re: الفاتحة علي روح المنتخب ( صورة معبرة ) (Re: Ashraf el-Halabi)
|
أحب أضيف إنو درع الفشل فوق رقبة مازدا وإتحاد معتصم بيبقى شغل نعام ساكت
الشغلة بايظة من الأساس والعشوائية- بوركت من منهج- هي سيدة الموقف عندنا كالعادة
قبل ما يكون عندكم تخطيط علمي مدروس لفرق ناشئين في كل المستويات السنية، وبمنهج صارم من الاعداد "لا تحلموا بعالم سعيد"
| |
|
|
|
|
|
|
| |
haroon diyab
عمر الفاروق
د.امام الصديق عبد المعطى
علي الكرار هاشم
الفاتح شلبي
محمد علي البصير
Ashraf el-Halabi
المعز ادريس
وليد عبد اللطيف
الصادق صديق سلمان
إدريس محمد إبراهيم
ismeil abbas
احمد محمد بشير
محمد حيدر المشرف
فيس بوك
تويتر
انستقرام
يوتيوب
بنتيريست