|
باركو لي .. خلاص بقيت رئيس اتحاد الكتاب السياحيين العرب( المصدر سونا)
|
المصدر وكالة السودان للانباء
Quote: رئيس اتحاد الكتاب السياحيين العرب : انضمام السودان قريباً الى الاتحاد الدولي للكتاب السياحيين
الخرطوم في 26/ 9 سونا - قال الاستاذ صلاح غريبه رئيس اتحاد الكتاب السياحيين العرب ان الاحتفال باليوم العالمي للسياحة يعكس للراي العام مستوي السياحة بالبلاد ويعمل علي جذب السياح للبلاد للمشاركة في جميع المناشط السياحة خلال العام وان الاحتفال هذا العام ياتي من اجل الحفاظ علي البيئة حتي يكون الانسان في امان من مخلفات الاحتباس الحراري واضاف في تصريح لسونا ان هنالك جهوداً بذلت من اجل ضم عدد من الدول لهذا الاتحاد وحصل السودان علي موافقة مبدئية للانضمام الي الاتحاد مضيفا ان هنالك اجتماع في مصر في الفترة من 28 الجاري الي 7اكتوبر القادم بالقاهرة وسيعلن فيه انضمام السودان رسميا الي عضوية الاتحاد الدولي . واضاف غربية انه سيعمل علي تضافر الجهود في مجال السياحة و دفعها وتطويرها مشيدا بالجهود التي تقوم بها وزارة السياحة في تطوير هذا القطاع الاقتصادي الحيوي الذي اذا تم توظيفه بصورة فعالة سيدعم القطاع الاقتصادي ويوفر عملات صعبة الي الخزينه العامة كما يسهم في تحقيق الاهداف الكلية للسياحة . |
|
|
|
|
|
|
|
|
Re: باركو لي .. خلاص بقيت رئيس اتحاد الكتاب السياحيين العرب( المصدر سو (Re: محمد إبراهيم علي)
|
الف الف مبروك الرجل المناسب في المكان المناسب وان المناصب لتتقاصر امام هامتكم المنصب شرف كبير للسودان شخصياً اتفاءل بحل مشكلة الاحتباس الحراري في العالم على يديكم الكريميتن بعد ان فشلت قمم عدة للراض وقمم اخرى للعشرين في حلها وشكراً للاخ محمد إبراهيم (الحاسد، اقرا له المعوذات يا استاذ صلاح) لتنبيهه لنا لنزجى عاطر التهاني للاخ ناذر الخليفة بمنصب نائب الرئيس باري سمح يا ناذر !!! يا جماعة علاج الحموضة شنو؟
| |
|
|
|
|
|
|
Re: باركو لي .. خلاص بقيت رئيس اتحاد الكتاب السياحيين العرب( المصدر سو (Re: محمد إبراهيم علي)
|
Quote: مبروك للسياحة العربية فقد خطت خطوة جبارة بانتخاب فخامتكم وربنا يسعد سعيد بسعيدة كما نبارك للاخ ناذر الخليفة المنصب الجديد المضاف اليه الا وهو نائب رئيس اتحاد الكتاب السياحيين العرب كما نهنئ وكالة سونا للانباء على الاحترافية والمهنية العالية التي ظهرت في هذا الخبر لكن بيني وبينك اول مرة اشوف لي وكالة انباء رسمية زي سونا فهي متفردة |
الاخ العزيز محمد ابراهيم على
ستنهض السياحة العربية قريبا وخاصة السياحة السودانية
ومشكورة وكالة السودان للانباء على الخبر .
| |
|
|
|
|
|
|
Re: باركو لي .. خلاص بقيت رئيس اتحاد الكتاب السياحيين العرب( المصدر سو (Re: صلاح غريبة)
|
الفاقد التربوي صلاح غريبة نحناعارفين إنك فاقد تربوي وما درست اي دراسة لها علاقة بالسياحة
طيب ممكن تورينا ماذا درست عن السياحة ؟.
دي بلد معفنة بمصائبكم عشان كده نحنا كل يوم ماشين لي ورا .... و الله السودان ده ما ح يتقدم طالما قايدنو امثال الفاقد التربوي غريبة .
حريقة فيكم وفي سونا بتاعتكم دي . صياغة الخبر كلها اخطاء املائية ....... عليكم الله دي بلد نرجاء منها خير ؟
| |
|
|
|
|
|
|
Re: باركو لي .. خلاص بقيت رئيس اتحاد الكتاب السياحيين العرب( المصدر سو (Re: صلاح غريبة)
|
ايام قرارت القذافي وليبيا لكل العرب وامتعاض الليبين لهذا القرار دون ان يظهروا ذلك
ففي تلك الايام وفي بوابة العوينات جاء السوداني دون ان يحمل اي ورقة ثبوتيه
سال ضابط الجوازات : عندك جواز
السوداني : لا
ضابط الجوزات اي وثيقه جنسيه بطاقه اي شي
السوداني : لا
ضابط الجوازات ووصل به الحد طيب بطاقه او جنسيه لا اي واحد من اقاربك امك ابوك اخوك اي شي ..
صاحبنا ايضا اجاب بانه لايحمل اي وثيقه
العسكري هات جلابتيك وختم اليه الدخول فيها وقال له ادخل بلد كل العرب ..
_____________
مبروك عليك ياغريبه ..
| |
|
|
|
|
|
|
Re: باركو لي .. خلاص بقيت رئيس اتحاد الكتاب السياحيين العرب( المصدر سو (Re: محمد عمر الفكي)
|
يا ود الفكي بوستات غريبة زي البص السياحي العفش على مسؤوليتك بعدين كونو انك تكتب في البوست ده زاتو تنازل كبير من غريبة لانو مفروض زول في مكانتو (العالية) دي ما مفروض يكتب هنا هسي عليك في منبر العوام ده في زول جابت اسمو وكالة محترمة زي وكالة سونا للانباء فشنو ؟ اقنع من الغنيمة بانو احتمال غريبة قرا مداخلتك وهز راسه مؤمنا انا مداخلتي بكون قراها ورجع لي ورا ونزل النضارة ونادى ناذر الخليفة عشان يكتب لي الرد
| |
|
|
|
|
|
|
Re: باركو لي .. خلاص بقيت رئيس اتحاد الكتاب السياحيين العرب( المصدر سو (Re: MOHAMMED ELSHEIKH)
|
Quote: يا ود الفكي بوستات غريبة زي البص السياحي العفش على مسؤوليتك بعدين كونو انك تكتب في البوست ده زاتو تنازل كبير من غريبة لانو مفروض زول في مكانتو (العالية) دي ما مفروض يكتب هنا هسي عليك في منبر العوام ده في زول جابت اسمو وكالة محترمة زي وكالة سونا للانباء فشنو ؟ اقنع من الغنيمة بانو احتمال غريبة قرا مداخلتك وهز راسه مؤمنا انا مداخلتي بكون قراها ورجع لي ورا ونزل النضارة ونادى ناذر الخليفة عشان يكتب لي الرد |
لا وجاي في بوست بهناك بيعرض خدماته السياحية ياخي ناذر دا اعتقه لوجه الله تعالى
محمد الشيخ قصدك في صرتو؟
| |
|
|
|
|
|
|
Re: باركو لي .. خلاص بقيت رئيس اتحاد الكتاب السياحيين العرب( المصدر سو (Re: حيدر حسن ميرغني)
|
محمد الفكي ..
Quote: لتنبيهه لنا لنزجى عاطر التهاني للاخ ناذر الخليفة بمنصب نائب الرئيس باري سمح يا ناذر !!! يا جماعة علاج الحموضة شنو؟ |
الله يبارك فيك .. بعد دا أقول ليك غطمن بخصوص ضيقك الأجنبي داك لأني بصفتي نائب رئيس السياحيين العرب (مالا بتشبه لي القوميين الاعرب كدي؟!) بقول ليك مشكلتو محلولة ومن هسي حا أأمر بتوفير عدد ا طيارة هليكوبتر ماركة صافنات ميد إن سودان للطواف به على كل الحتات الذكرتها ليك في البوست دا .. زولك حا أجيهو ليك تمام ...
مالك مستهجن علي أباري صلاح غريبة ؟! الزعيم دا مما جا السودان وانا كل اسبوعين بترقى من مدير أعمال لي كمية من النواب والمسميات .. يا خي والله ما فضل ألا اكون نائب اخصائي صلاح غريبة ...!!
علاج الحموضة الاكيد أنت ما بتقدر عليهو حسب كلامك في البوست البي هناك .. خليك مع اللبن البارد والبطيغ هههههه
| |
|
|
|
|
|
|
Re: باركو لي .. خلاص بقيت رئيس اتحاد الكتاب السياحيين العرب( المصدر سو (Re: حيدر حسن ميرغني)
|
أحمد بشير ..
Quote: طيب ممكن تورينا ماذا درست عن السياحة ؟.
|
أطمنك أنو لا صلاح ولا نائبو قرو سياحة لأنو السياحة دي تطبيقية .. الزعيم صلاح سافر لي أكتر من تلاتة أرباع دول العالم ساح فيها لمن ..... ساح ونائبو ساح في الربع الفاضل دا لامن ركبينو ساحن !!
احسن نحنا ولا أحسن الزول الخت المقرر دا وهو قاعد في مكتبو ..!!
Quote: حريقة فيكم وفي سونا بتاعتكم دي . صياغة الخبر كلها اخطاء املائية ....... عليكم الله دي بلد نرجاء منها خير |
سونا ما بتاعت صلاح ولا نائبو .. وناذر وزعيمو ما هم تالصاغوا الخبر دا لانو قدامنا مهام سياحية أكبر من كدة ..
البلد أرجو منها الخير إنشاء الله حا نحولا ليكم لي كتاب سياحييـ.. هي قصدي معالم سياحية لمن تعرفوا حاجة ..!!
| |
|
|
|
|
|
|
Re: باركو لي .. خلاص بقيت رئيس اتحاد الكتاب السياحيين العرب( المصدر سو (Re: فايزودالقاضي)
|
فايز ..
Quote: وياحبذا لو قريبي تولوس جبتوه اى حاجة ياناذر |
تقديرا لي أنو كان عندو سينس سياحي وسمى نفسو تولوس اسم جبل في كسلا فأنا فكرت أجزيو خير .. ونلبسو لبس اهلنا القدماء بعد ما يخلي دقنو تقوم وعكاز وبطارية ونخليو حارس الجبل دا .. كل شغو يقوم الصباح فجر ويطلع في أعلى الجبل يكورك : اوووووو أووووواووووووووو زي طرزان عشان يلم السياح يتفرجو على الجبل وعلى الملابس اللابسا دي ..!!
بس أهم حاجة يلبس شبشب ولا كبك عشان ما تطقوا عقرب تجيب خبرو قبل موسم السياحة الجي يبدا ..!
قصرت معاو ..!!
| |
|
|
|
|
|
|
Re: باركو لي .. خلاص بقيت رئيس اتحاد الكتاب السياحيين العرب( المصدر سو (Re: aosman)
|
زعزوع: اجتماع الكتاب السياحيين بمصر إشارة إلى عودة الأمان الأحد، 30 سبتمبر 2012 - 20:10
وزير السياحة هشام زعزوع (أ.ش.أ)
رحب وزير السياحة هشام زعزوع بانعقاد المؤتمر الرابع والخمسين للاتحاد الدولى للصحفيين والكتاب السياحيين الذى يعقد بمصر حاليا وحتى الرابع من شهر أكتوبر المقبل، وقال "إن ذلك يعطى إشارة واضحة إلى أمان وسلامة المقصد السياحى المصرى"، لافتا إلى أن تواجد 180 صحفيا من 54 دولة مختلفة سيمنح مصر فرصة جيدة، حيث ستعكس مقالاتهم الصورة الحقيقة لعودة الأمان للشارع المصرى وكذلك سلامة وتميز المقاصد السياحية.
وقال زعزوع - فى كلمته خلال افتتاح المؤتمر اليوم الأحد إن أعداد السائحين الوافدين إلى مصر فى ازدياد مستمر، حيث سجلت زيادة بنسبة 30% من بداية العام وحتى نهاية شهر أغسطس الماضى، مقارنة بنفس الفترة من العام الماضى.
ووجه الوزير الشكر لرئيس الاتحاد والصحفيين الأعضاء لحرصهم على مساندة مصر بعقد مؤتمرهم السنوى فى مصر، مما سيكون له مردود إيجابى على صناعة السياحة المصرية.
من جانبه، أكد رئيس الاتحاد العالمى للصحفيين والكتاب السياحيين التيجانى الحداد على سلامة المنتج السياحى المصرى، مشيرا إلى شعور جميع المشاركين فى المؤتمر خلال جولاتهم المختلفة بالقاهرة على مدار يومين بالانتشار الأمنى والحرص على إعادة ميدان التحرير إلى طبيعته.
وقال إن المبالغة فى التغطية الإعلامية وتسليط الأضواء على أحداث بعينها والتركيز الشديد عليها يتسبب فى إفساد الصورة الذهنية عن مصر بالخارج، ويكون له تأثير كبير فى قرار السفر إلى مصر، وهو ما يعود بالضرر على مختلف المقاصد السياحية المصرية.
وأشار الحداد إلى الاتجاهات الدولية الحديثة فى صناعة السياحة، مؤيدا اهتمام مصر بالسياحة الخضراء، لافتا إلى أن العالم يتجه حاليا إلى السياحة المستدامة التى تحافظ على الموارد الطبيعية والبيئية.
وأكد أن الصحفيين والكتاب السياحيين يتجولون فى مصر بحرية، ويكتب كل واحد منهم عن زيارته لمصر والمقاصد السياحية بها، معربا عن ثقته فى أن العائد على مصر سيكون كبيرا من خلال المقالات والتحقيقات المصورة التى ستنشر فى صحف ومجلات 54 دولة، مما سيساهم فى الترويج السياحى لمصر بصورة كبيرة.
معفن كذاب ياغريبه
| |
|
|
|
|
|
|
Re: باركو لي .. خلاص بقيت رئيس اتحاد الكتاب السياحيين العرب( المصدر سو (Re: aosman)
|
بكل جدية يا شباب غريبة ده حضرت ليهو جزء من لقاء في قناة الشروق على ما أعتقد و قال كلام عقلاني و موزون رغم إنو ما عندو مؤهلات تخليهو يتكلم في موضوع زي ده لكن ما أداني الإحساس البحسو لمن أقرأ ليهو بوست ؟
فيا سيد أبو النيذ نائب الإخصائي السياحي ممكن سؤال ؟ هل في فرق بين صلاح غريبة في المنبر و صلاح غريبة على الطبيعة ؟؟ بإعتبار إنو ما حصل لينا الشرف و شفناهو عياناً بياناً
| |
|
|
|
|
|
|
Re: باركو لي .. خلاص بقيت رئيس اتحاد الكتاب السياحيين العرب( المصدر سو (Re: احمد محمد بشير)
|
تلقيت تعليمات من الزعيم غريبة بعدم الرد على هذا البوسته لإمتعاضه المتعاضد من الكثيرين هنا الذين لا يرقوا لمصاف كتاب سياحيين كما أبدى لي أحباطه من أن يكون رئيسا لهؤلاء ..
وضرب لي المثال بأن الكاتب خضر الطيب تشابه عليه البقر ولم يفرق بين منصب رئيس الصحفيين والكتاب السياحيين في الخبر الذي أورده وبين منصبه الذي تولاه حديثا وهو رئيس اتحاد الكتاب السياحيين العرب ..!!
كما أن الكاتب خالد عبد الله محمود تشابهن عليه العجول لم يفرق بين شخصيته المنبرية وشخصيته التلفزيونية حيث لكلا الشخصيتين بتاعة وكارزما خاصة بيها !!
كما أن أحمد محمد بشير تشابهت عليه النعاج ولم يستطع تمييز من هو صاحب البوست ..
وأن حيدر حسن ميرغني تشابهت عليه الغنم ولم يفرق بين وكالة سونا للأنباء وبيوت الأشباح القديمة ..!!
وعمار عبد الله عبد الرحمن تشابعت عليه الحصين ولم يفرق بين الكاتب سياحي والشيك سياحي !!
ودينق تشابهت عليه البغال ولم يستطع التفرقة ما بين جمال الوالي والبسطونة ..
بإختصار غريبة محبط لتشبهكم وعدم تفريقكم هذا .. وفرقتوا معاهو كتير وحتى جمل الطريفي الفارق صحبو داك فرق معاو ..!!
وقد اعلن انه بصدد تقديم أستقالته لان بيئة العمل أتضح أنها غير مواكبة وغير سياحية ولكنه أكد أنه سيتراجع عن الأستقالة لو لقى ليو نفر نفرين حنسوهو ..!!
ناذر خليفة - نائب صلاح غريبة في حاجات كتيرة ما قادر افرق بينا وتشابهت علي ..!!
| |
|
|
|
|
|
|
Re: باركو لي .. خلاص بقيت رئيس اتحاد الكتاب السياحيين العرب( المصدر سو (Re: حيدر حسن ميرغني)
|
يا صلاح ياخ السودان لم يتم إنضمامه بعد وعلى حسب المقال قلت فى الإجتماع القادم بالقاهره فكيف تم إنتخابك كرئيس كتاب السياحه العربيه ياخ أرحمنا وأدينا حته عشان يفهموك ياخ ما عايز سكرتير يجهز ليك المكاتبات ويحرر ليك الكتابات بمهنيه عاليه بس قل عوك!!
ولـك السلام ياخ إنت راجل مهم ما تتعب نفسك بمهام كثيره زى روابط المهندسين وأهل الأبيض وسكرتارية روابط الجعافره بمصر والسودان وأهو جات السياحه ياخ دا تعب يا أستاذ صلاح دا نحن حلمنا نشوفك وزير قدر الدنيا.
منصور
| |
|
|
|
|
|
|
Re: باركو لي .. خلاص بقيت رئيس اتحاد الكتاب السياحيين العرب( المصدر سو (Re: محمد حسن العمدة)
|
Quote: تلقيت تعليمات من الزعيم غريبة بعدم الرد على هذا البوسته لإمتعاضه المتعاضد من الكثيرين هنا الذين لا يرقوا لمصاف كتاب سياحيين كما أبدى لي أحباطه من أن يكون رئيسا لهؤلاء .. |
صراحة يا ناذر أنا شخصياً ما مصدّقك ....
غريبة لو بيعرف الإحباط أو يحس ..... ما كان بقى غريبة.
بدليل إنو فرحان بالمداخلات والبوست الوصل الصفحة التانية.
لومك علي لو ما حسبنا من الليلة ضمن معجبي صلاح غريبة في الفيس بوك والتويتر والأتاري
| |
|
|
|
|
|
|
|