|
Re: لحى الله الحيًان من أونلاين وفورآول .. (Re: محمد حيدر المشرف)
|
ذو العقل يشقى في النعيم بعقله وأخو الجهالة بالشقاوة ينعم لا يخدعنك من عدو دمعه وارحم شبابك من عدو ترحم لا يسلم الشرف الرفيع من الأذى حتى يراق على جوانبه الدم والظلم من شيم النفوس فأن تجد ذا عفة فلعلة لا يظلم ومن البلية عذل من لا يرعوي عن غيه وخطاب من لا يفهم ومن العداوة ما ينالك نفعه ومن الصداقة ما يضر ويؤلم . . المتنبي في إحدى تجلياته.. والتحية سابقه.
| |
|
|
|
|
|
|
Re: لحى الله الحيًان من أونلاين وفورآول .. (Re: محمد حيدر المشرف)
|
فيما يختص ب "العومنة"
وفيما يختص هذه مما يختص به زميلنا معاوية الصائم .. وعرفت مؤخراً أنه أخطأ فى حق الزميل العزيز ود البشري وكما يحلو لى الخطأ فى الكتابة .. لم أهتدى لما حدث رغم المحاولات المتأخرة ولاكن .. يبدو أن الخطا كان عظيماً
وأما "العومنة" اعلاه .. فلا أجد لها سنداً عدا الفجاءة التى باغتتنى .. وللفجاءة هذه قصص كثيرة .. اطرفها ما ذكر عن "تبارك" عن جريدة حائطية فى إحدى المحن السودانية كتبت ما مفادة أنها تصدر فجأة .. الأمر الذى أضحكنى كثيراً .. والله صحى !!
| |
|
|
|
|
|
|
Re: لحى الله الحيًان من أونلاين وفورآول .. (Re: محمد حيدر المشرف)
|
فى سنوات التيه الوطنى .. شق المثقفون السودانيون –فى أغلب احوالهم- لذواتهم طريقاً مختلفاً عن تراكيب المجتمع السودانى .. ذلك ان "النفس الطويل" لصراع التغيير الحقيقى ما كان متوافراً .. والتغيير الحقيقي والذى يتحرك من الواقع الإجتماعى بدا عسيراً وصعب المنال .. فكان هذا بالإضافة لشيء من الزيف فى النوازع المادية سبباً لإرتقاء سلالم سهلة .. تبدأ من عتب المطارات وحتى عتبات هذا الإسفير الفارهة.. مجداً لذواتهم العليا .. وتكريساً للألوهة الصغيرة التى تحجل فى صدورهم إزاء الناس .. ناسهم ولحمهم ودمهم .. تركوهم وقالوا عليهم عامة .. عامة يا لويس العاشر عشر !!
تلك هى العومنة ...
| |
|
|
|
|
|
|
Re: لحى الله الحيًان من أونلاين وفورآول .. (Re: محمد حيدر المشرف)
|
Quote: عامة يا لويس العاشر عشر !!
تلك هى العومنة ...
|
-------
لولا وجود عوام .. لما كان لـ(صفوة) معنى اساساً وبي السيرورة وقوانين الديالكتيك العوام ديل زاتم الح ينسفوا اي (وجود) لصفوة ما
وشوف عنين العالم التحتاني نهض تاني ..هيلاهوب .. وهد عمايد الفوقاني
وهكذا
| |
|
|
|
|
|
|
Re: لحى الله الحيًان من أونلاين وفورآول .. (Re: قيقراوي)
|
تعرف يا قيقراوى !..
الواحد لمن يعمل تفاكيرو العمومية فى الحاصل ده وكأنو يبعثها فى الجحيم.. والله صحى !!!
هل هذه نخبة الشعب السودانى المعقود على نواصيها التغيير ؟! تسمع الاسامى تقول بس ياهم .. تدخل تلقاهم راسمين كدايس مفنوسة للشمار!!
| |
|
|
|
|
|
|
Re: لحى الله الحيًان من أونلاين وفورآول .. (Re: قيقراوي)
|
عصام جبرالله حبابك عشر ..
وقد يكون ذلك بفعل (الزرًة) .. لا أعلم بالتحديد والله يا صديقى .. الشاهد فى الامر ملاحظة الهوة السحيقة التى تباعد مابين النخب السودانية والمجموع الكبير للشعب السودانى, ولعلها هوة قديمة كان من شأن هذه الثورة التواصلية ان تجسرها ولكن, يبدو -وبصورة مدهشة جدا- ان السادة النخبة يحاولون تكريسها أكثر.. وهنا يكون السؤال: لمصلحة من ؟! لمصلحة الديمقراطية ؟!! وهل تكون فاعلية المنبر الديمقراطى فى تكريس "صوالينية" النخبة ؟! ليتواصلوا فيما بينهم بصورة أفقية ومن بعد ذلك لا يكون التواصل مع العامة الا بالتجليات .. ده يا عصام طقس ربوبى بإمتياز .. فأى ديمقراطية تلك التى يتنزلون إليها بالتجلى على جموع العامة؟!.. دى فكرة خيالية يااخى !! السودان ده بلد عجيب جدا و.. مسكين والله صحى !!
| |
|
|
|
|
|
|
Re: لحى الله الحيًان من أونلاين وفورآول .. (Re: محمد حيدر المشرف)
|
قيقراوى يا نديدي فى البال المشترك والمزاج ..
وأنا أكتب لعصام الرد أعلاه قفزت أنت لبالى والله .. أنت وسناء خالد وشيراز و ..
تذكر يا فتح الرحمن الاثر الكبير جدا لعاطف خيرى فى الناس أواسط التسعينيات ؟! وكذلك الصادق وعثمان وتاج السر و غيرهم ؟! جعلوا الشعر يمشي بين الناس .. يخالطهم فى ونساتهم وخلطاتهم وحتى أركانهم السياسية .. كان جدارا شاهقا جدا إزاء السخف الإعلامى للانقاذ .. إستعصم به الناس نحو تأكيد أن الشخصية السودانية أجمل من ذاك العته الرسمى الممارس .. والشعر بدوره تجلى للمعانى فى الناس يا صاحبى .. بيد أنه كان إنسانياً جداً.. كان تكريسا للانسنة مقابل الغيهب السياسي نحو السماء .. هذا ويطالب بمزيد من الطين كمان!!.. وفوقها عزومة, شفت كيف !! "وأنزل مسافة تهبشك غنوة وأناولك كاس"
نحتفى جدا بالإبداع إذ يمشي بيننا يا قيقراوى ..
| |
|
|
|
|
|
|
Re: لحى الله الحيًان من أونلاين وفورآول .. (Re: محمد حيدر المشرف)
|
الله يخلي زلابيا الجسر الهوة البينا وبينك لي يومين مصاقر بوستك دا وعاكف علي طلاسمه وانتهيت الي اني لم اؤتى من علم العوام الا قليلا الي ان هيأ الله لنا من لدنا قيقا يورينا انك ضمن فريق الهتيفة زيك وزينا لا كما طاف بخيالي في انك صفوة فريق المحترفين
ما شايف اي مُبر ر لمنع اشتراك منبر الصفوة عنك الا بت اللذينا الشعيرية ما بتدي حريف
| |
|
|
|
|
|
|
Re: لحى الله الحيًان من أونلاين وفورآول .. (Re: رشا احمد)
|
أساسي .. كيفك وكيف كيفك آ صديق ..
وسآتيك بأخبار كنت أنت فى تفاصيلها .. فأمهلنى ريثما أعود ..
رشا سلام .. رفقاً باخينا أساسي فإنه غضوب .. هسع يفتح ليك بوست مع الاربعين مداخلة بى صفحة هذه الأيام.. عشرة صفحات ما بتحلك !! والله صحى
| |
|
|
|
|
|
|
Re: لحى الله الحيًان من أونلاين وفورآول .. (Re: اساسي)
|
والله يا محمد انا فهمي اسوأ من فهم برناردشو اساسي .. و بعجبني عاطف خيري .. مع اني بقعد في القصيدة اسبوع .. و بسمع اغاني حبشية و تركية و بستمتع اوي اوي .. رغم انو لغتي التانية فرنسي زي قيقا بلدياتي ^__^ (طبعا الوش دا كيتن فيهو)
------------ اساسي 14 سنة خدمة في ثانوي .. و غالبك تفهم ود المشرف ^____^؟
| |
|
|
|
|
|
|
Re: لحى الله الحيًان من أونلاين وفورآول .. (Re: سيف النصر محي الدين)
|
كنت سأكتب عن فاعلية المنبر فى مخاطبة حاجات الناس يا أساسي .. والديمقراطية حاجة ملحة جدا فى إعتقادى .. مع أخذ الفاعلية صوبها ك independent variable ما بين الاونلاين والفورآول .. او حاجة قريبه من كده .. مع ملاحظة انو ممكن يكون فى زول فاعل جدا فى حراك ما لكن ما عن طريق منبرو .. نتحدث عن فاعلية المنابر .. وخصوصا تلك التى يجب أن تحق "شيل الإسم"* .. فالديمقراطية ليست ديباجه والسلام ..
.. لا تعليق على رؤيتك لما يجب أن تكون عليها طريقة كتابتى ولاكن.. نجتهد قدر ما نقدر على توصيل الفكرة .. مرة توصل ومرات تجلى منك واقفه ..
* غايتو نحن والحمدلله حقينا الإسم تمام.. واعنى " المنبر العام"
| |
|
|
|
|
|
|
Re: لحى الله الحيًان من أونلاين وفورآول .. (Re: محمد مصطفي مجذوب)
|
أستاذنا محمد مصطفى .. د. سيف النصر ..
تحياتى وتقديري لكما وشاكر المرور الجميل ..
وصحيح ما قلت يا سيف .. لكل منبر قوانينه ولوائحة وحتى أهدافه.. ومنبر فورآول قد يتميز بالرؤية الواضحة فى مسالةإعلاء القيم الديمقراطية وبحث تفاصيلها نحو المجتمع السودانى .. ودلالة الإسم تشير لذلك, وذلك إلزام لو يعلمون عظيم ..
| |
|
|
|
|
|
|
Re: لحى الله الحيًان من أونلاين وفورآول .. (Re: محمد حيدر المشرف)
|
لالا عليك الله ارطنا بالعربي البتعرفو مداخلتك الوعدتني بيها وربنا يعين المجسرين علينا ليس لي رؤية حول ما يجب ان تكون عليه حاجاتك بس كمان رأفة بالديالكتيك
------- يا دكتور سيف النصر ... الخ علي قول دينا بيرفكت يبدو ان هجرتك لدنيا تصيبها مثلها وهجرتك لمنبر صفوة تناجيها ابعداك عن استيعاب اشواق العوام وشفراتهم هههههه نو بودي از بيرفكت
| |
|
|
|
|
|
|
Re: لحى الله الحيًان من أونلاين وفورآول .. (Re: قيقراوي)
|
أى ديالكتيك ؟!! و .. أرطنا دى من رطانة مثلاً يا أساسي ؟! حسناً..
Quote: ليس لي رؤية حول ما يجب ان تكون عليه حاجاتك
|
Quote: بس سالتك كان تشفرها لي بالسمت الجاهلي والدبكة |
يا عزيزي "ليست مجاملة" تصدق وتآمن إنو مافى الجبة الا زول مغترب مسكين ساى بشارك فى الكتابة فى منبر سودانى .. لا كاتب بالأجر ولا متعاقد مع بكرى ابوبكر انو أمتع ليه جمهور منبرو حسب الطلب ولا حاجه.. وأقول ليك كلام .. وعد الكتابة نحو أحدهم تفاعل ايجابى ليس الا .. لاسيما وفى هذه الحالة وددت لو لم يستصحب الناس عداوات كنت أتمناها عابرة بعبور بوستاتها شمار فى مرقة هذا الاسفير ..
هذا هو البوست .. قل فيه ما شئت يا أستاذى الفاضل .. غير مفهوم, مطلمس, سخيف, جيد, ممتاز ..أخطا فى كذا, خاطيء من قولة تيت .. وثبت رأيك إن شاء الله بى اكبر خط يوفره بكرى .. أعتقد انو الخط بتاع بتاع السفرجل المليونير عبدالمطلب عباس الفحل أغنى زول فى المنبر وتانى اكتر زول بمشى الدوحة والحج داك .. وفى كل الاحوال سأكون سعيدا بمشاركاتك ..
تحياتى يا عزيزي العزيز ..
| |
|
|
|
|
|
|
Re: لحى الله الحيًان من أونلاين وفورآول .. (Re: محمد حيدر المشرف)
|
الفلم ده لسه مدور؟ ياخى قصة الذوات المتضخمه دى - بي سبب و بدونه - عاوزه مباصره , ذات حسن العليا هينه , هو في الآخر عاقل و بيباصر حاله و عارف حدوده و بيتراجع زى ما حاصل و إن كان بالدس ... ما بيناتنا,
المشكله الجد في الذوات المنفوخه و قافله درب مفاهمات مهمه جدآ جدآ ذات صله مباشره بالحاصل و الحيحصل لى قدام... و المؤسف انها من شباب و شابات بيتكلمو دومآ عن عيوب "الكبار و القدام و الديناصورات" و ضمن ما يذكروا هو تضخم ذوات هؤلاء ... بوعى أو دون وعى منهم يكرروا في نفس المأساه ....
| |
|
|
|
|
|
|
Re: لحى الله الحيًان من أونلاين وفورآول .. (Re: esam gabralla)
|
عصام جبرالله .. كيفك وكيف كيفك با صديق ..
الفلم ده طويل جدا يا عصام .. ولدى سبب قوى جدا للاستمرار فى كتابة انطباعى حول مسألتين أساسيتين ..
أ- إدمان الحالة النخبوية .. ب- انهزام المنبر بتاعنا ده ازاء ..
1- مدمنى الحالة النخبوية 2- محاولات تحويلو لى صحافة رخيصة
المشكلة انو زمن الكتابة ممحوق .. ولكنها برسم الانجاز لو ربك هون ..
| |
|
|
|
|
|
|
Re: لحى الله الحيًان من أونلاين وفورآول .. (Re: محمد حيدر المشرف)
|
غايتو سبحان الله !!! ما أشتر القلم وما يسطرون ..
Quote: الجماعة الطيبين ألصقوا بنا "وصمة" الصفوة المنعزلة داخل برجها العاجي [ إنتو البرج الببنوه بالعاج دا عاوز ليهو كم فيل ؟] |
الولد شِفِت لمن خلى مجموعة الدكاترة والرسامين وذوى المناصب الثقافية يآآآمنوا ؟! وباغت الفيل فى صرتو ذاتها !!
هسع ده كلام موضوعى ؟!
| |
|
|
|
|
|
|
Re: لحى الله الحيًان من أونلاين وفورآول .. (Re: محمد حيدر المشرف)
|
محمد حيدر المشرف :
Quote: ف .. فى كلام عن المنبر ده لسه ما اتقال .. |
أنتظر ، بشغف ، مابعد هذه الفأفأة ولحين أن تنقال أسجل : 1- بتعجبني كتابتك جدآ لأنها دائمآ بتحمل فكرة وعائها لغة نضيدة 2- أتمنى أن تكتب فيما بعد عن الدبكة بعمق وقاربها برقصات أخر على ذات النسق ، مع إني أقر بفرادتها 3- مايهمني من المواقع التفاعل السريع ، غض النظر عن مآلآت هذا التفاعل ، أعلم أنه مرات بيتحول إلى عك و كع ( النقطة دي تعليق بشأن المقاربة/ المقارنة بين أونلاين وفورأول ) 4- صديقي وأستاذي القاص الأديب عثمان حامد سليمان يحرضني على أن إهتم بكتابة كتب وأنا بدوري أحرضك ، كتابتك مهمة وملهمة وقلمك سلس ، والكتابة هنا بتضيع هباءآ منثورا أو كما قلت انت : شمار في مرقة كتابك سوف يبقى ، كما يمكن أن تقتات منه مستقبلآ
| |
|
|
|
|
|
|
Re: لحى الله الحيًان من أونلاين وفورآول .. (Re: محمد حيدر المشرف)
|
قال أبوساندرا ..
Quote: مايهمني من المواقع التفاعل السريع ، غض النظر عن مآلآت هذا التفاعل ، أعلم أنه مرات بيتحول إلى عك و كع ( النقطة دي تعليق بشأن المقاربة/ المقارنة بين أونلاين وفورأول ) |
تعرف يا صديقى! .. رهانى كبير على هذه المواقع التفاعلية .. وعلى هذا الموقع بالتحديد .. وصحيح جدا كونه مساحة لممارسة أقل قليل الواجب الوطنى .. وفى حالتى شخصيا يكاد يكون المساحة الوحيدة الا قليلا .. وفى ذلك مذمة فاخرة كما تعلم.. ولكنها الحقيقة فى نهاية الامر ..
المهم .. هذه المساحة .. هذا الضرع الضئيل الذى نرضع فيه جميعنا .. من المهم جدا أن نسعى به نحو كماله .. نحو منبر سيثمر شيئا طيبا .. "عبيرا ضد تلك الرائحة" كما قال الرضى
العك!
كن على ثقة يا صديقى أنك وباقترابك من العك .. تكون أقرب ما يكون للناس ..
فليكن ولكن .. نصارعه بالوعى .. وتلك هى المسألة .. ذلك خير من البحث عن العملة المعدنية الضائعة فى شارعٍ اقل ضوضاءً من الذى فقدت فيه !!..
تحياتى
| |
|
|
|
|
|
|
Re: لحى الله الحيًان من أونلاين وفورآول .. (Re: محمد حيدر المشرف)
|
Quote: صديقي وأستاذي القاص الأديب عثمان حامد سليمان يحرضني على أن إهتم بكتابة كتب وأنا بدوري أحرضك ، كتابتك مهمة وملهمة وقلمك سلس ، والكتابة هنا بتضيع هباءآ منثورا أو كما قلت انت : شمار في مرقة |
عنك أقول .. ان ذلك يليق بك كثيراً .. فأكتب يا صديقى ..
عنى .. لست كفؤا لذلك .. فقط .. أتمنى أن أتم تلك الرواية .. وحصل فيها شغل كويس .. بل وترجمت للانجليزية .. تصور !! محتاجة مراجعة كثيفة و .. مراجعات أخرى
ليتنى أتمها يا عبدالرحمن ..
| |
|
|
|
|
|
|
|