|
|
 زواج المغربيات وعنوسة السودانيات العلة والسبب
|
في الآونة الأخيرة كثر زواج الشباب السودانيين من اجنبيات بصورة ملحوظة وتنوعت الزوجات وكانت الغالبية اثيوبيات
لكن تقدمت المغربيات بقوة واصبح الزواج منهن يقارب زواج السودانيات في الكم والكيف ، بل احيانا يفوقه
الاسبوع الفائت حضرت زواج واحدا سودانيا من مغربية والامر عادي ولكني اكتشفت انها زوجته المغربية الثانية والاثنان في عصمته
واخبرني متزوج منهن ان قريبه متزوج ثلاثة من المغرب ومقيم معهن في المملكة السعودية
الآن في الامارات يمكنني ان اعد لك من واحد وحتي العشرين لمتزوجين مغربيات دون توقف
انتشرت الظاهرة وباتت تهدد الشابات السودانيات ... واذا افترضنا حسب قول السفير السوداني بالمغرب ان حوالي مئتين سنويا
من السودانيين يأتون لتكملة اجراءات زواجهم من مغربيات، تفقد في المقابل مئتين فتاة سودانية فرصة الزواج من شاب سوداني
اذا ما السبب في هذا الاستنزاف الذكوري ؟
- الزواج من مغربية غير مكلف وبسيط في منصرفاته خاصة الذهب الذي تسيل له لعاب السودانيات
- الملاحة والجمال النسبي للمغربيات
- مقدرة المغربيات العييش والتعايش مع مختلف الظروف
هذه بعض مبررات المتزوجين منهن
طارق جبريل ومحبي المغرب يمكن ان يعطونا تفسيرات أخرى
|
|
 
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: صابر فضل المولي)
|
Quote: - الزواج من مغربية غير مكلف وبسيط في منصرفاته خاصة الذهب الذي تسيل له لعاب السودانيات
- الملاحة والجمال النسبي للمغربيات
- مقدرة المغربيات العييش والتعايش مع مختلف الظروف |
الأخ صابر فضل المولى
رمضان كريم - لا أعتقد أن الأسباب التي ذكرتها أعلاه يمكن أن تكتسب الوجاهة لإنتشار هذه الظاهرة إذا جاز لي أن أسميها كذلك. ولعلي أضيف أن إنفصال بعض الإخوة من واقعهم السوداني بكافة تجلياته ويتملك البعض منهم إحساس أنه يُولد من جديد عند الإرتباط بجنسية أخرى ذات ملمح فيه بعض من السودانوية قد يسهم في تنامي الإحساس لدى السوداني بأنه لم يقطع شعرة معاوية بهويته السودانية . وبالتالي تزداد حالات الإرتباط لدى شريحة هؤلاء في بلاد الغربة خاصةً مع سهولة الوصول للطرف الآخر دون المرور بالمساحات السودانية الشاسعة .
بحيراوي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: البحيراوي)
|
تحياتي الأخ صابر
كلا الزيجات من سودانية أو أجنبية له سلبيات و إيجابيات والكمال لله وحده.
أعتقد أن هناك عدة أسباب للزواج من أجنبية، قد تكون الغربة الطويلة عن الوطن أحد أهم الأسباب
مع توفر إمكانية هذه الزيجات في الغربة، مثل زمالة العمل وخلافه وفي النهاية من يتزوج من أجنبية
ينشد الأستقرار في غربته. طبعا مفروض التروي في الموضوع وعدم اندفاع العواطف
أكيد هناك زيجات من غير سودانيات ناجحة ومثالية والعكس طبعا صحيح.
وكله قسسسسسسسسسمة ونصييييب ومكتوب في النهاية.
| |
|
|
|
|
|
|
|
 Re: زواج المغربيات وعنوسة السودانيات العلة والسبب (Re: Abdelrahim Elamin)
|
صابر فضل المولي
رمضان كريم
| Quote: وكله قسسسسسسسسسمة ونصييييب ومكتوب في النهاية. |
يتصور دي المسألة في حته الزواج عموما , ونصيبك بيصيبك لما تجي تتزوج
ماظن بتحدد جنسية دائما الاقرب للتقوي محسومة أنك حتتزوج بت بلدك ....
لكين بالتاكيد لما تلقي الانسانة البتحس إنها بتتفق معاك وممكن تمشي معاك
في الحياة ما حتكون حتت الجنسية عامل حاسم ....
ما بتصور أى إنسان عوز يتزوج لمجرد الزواج ببساطة كنت من الناس البتصوروا
الحالة المثالية تكون حر طليق ... يبقي الحالة ما هي العامل الحاسم , الانسانة
هي العامل المهم لما تلقاها ... وبالتاكيد بعد كدة بتجي الفكرة
ما بؤمن بالزول محدد يتزوج لمجرد الزواج أو عوز يتزوج من جنسية معينة
بؤمن بالقسمة والنصيب والانسانة اللما تلفها بتلغي أى بلانت سابق تكون خاتيهوا
للزواج والزوجة ومواصفاتها ووووو ,,, نصيبك هو البعمل حياتك وقناعاتك
قبل قناعات غيرك , باعتبار الزواج أمر شخصي بحت مع مراعات كل المعايير البخلي
غيرك _ من البهمهم أمرك _ قناعتوا تطابق قناعتك لما يتعامل مع خيارك عن قرب
أى زواج معرض للنجاح أو الفشل بس ما بسبب أختلاف الجنسيات لانها ما قاعدة
بين الزوجين بالسنين والعشرة الحته دي ما بتبقي ملاحظة إلا لغيرهم لكين بينهم
بتبقي شي هامشي للغاية , باعتبار الزواج يا هو الزواج بعسلوا وبصلوا
ما حيختلف في حاجة
بالتاكيد ما من مشجعين أنو الناس تتزوج من ثقافة مختلفة كليا أو من ثقافة تكون
صلتهم بيها معدومة تواصل الثقافات شي أساسي على الاقل الاتنين بكونوا فاهمين حاجات
بعض , ويمكن الحته دي ما لاقتني مع نسايبي _ وش بضحك _ لانو قبل النصيب يحصل كنت على
معرفة وصلة ببلادهم وثقافتهم يعني صلتك بالناس ممكن تبقي جزء مهم بكس ما تكون كل معرفتك
بيهم وببلادهم وثقافتهم أنك عوز تتزوج منهم لما تجي الحاجات بالطريقة دي بتكون ما مبنية
على معرفة حقيقية حتكون كمية من التصورات قد لاتكون مصيبة في شي
برجع ليك للقسمة والنصيب وكلام الحبوبات البيت بتكتب في السماء قبل ينزل الارض
--------------------
تحياتي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Nasr)
|
الاخ صابر ....
(اعتبر دا ترويج وتشجيع للرجل السوداني لكي يحذو حذوك ؟؟)
اولا نفند معاك تبريراتك دي واحده واحده من خلال تجاربنا مع كمين واحد اتزوجوا بالتحديد من مغربيات عشان ناس حمودة لو راودتهم الفكرة بعد التجليات الاخيرة دي يقطعوا الامل ....
يا خوي صابر
تذكرة بس للمغرب بتساوي ثمن الشيلة واللا نسيت ؟
وطلبات المغربية البعرفه انا لو حبيب ساي قبل الزواج بتساوي تكاليف مناسبة العرس كاملة السودانية المتواضعة الطموح والمثاليه
وممكن تسال ليك كم واحد سوداني من المعاك ديل لمن يلاقوا حبيباتهم المغربيات تكاليف مطعم لوجبة ساي بكلفوا مصروف شهر
ياخوي ياصابر دي تبريرات غير مقبولة للانسة السودانية ولا بتقنع ابو النوم
وانا ماعايزة اقول ليك صحي في العرس بقناعة وحب من مغربية ولكن معظمهم نتيجة عقدة جواهم كانت يا عايزين الجمال ويا من منطلق زواج الغريب سترة لاشياء تخصهم واكيد البت السودانية مكشوفه ليها يا سلوك داخلي لسبب ما مخفي على الباقين
وانا في عايلتي كمين واحد اتزوج من مغربية لكن كووولهم بعد فشل في ########## والله انا بكتب في السطور دي وقدامي صوووور كثيرة وكولها اعرف اسبابها ولمن الاقيهم بضحك جواي بخلفية معلوماتي عنهم وكيف بتبدو الصورة مزيفة
وحكاية انها اقل تكلفة دي بالغت فيها انت بس بالمناسبة ربنا اداك واحدة رضية وبسيطة واحمد الله عليها وقرط على كدا !!!!
ولك
محبتي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
غايتو لكن يا نعمات حمود بالغت بولييغ لا بعدو ولا قبلو كونك تجملي أسباب
زواج السوداني من أجنبية سببو عقدة ..
الزواج العارفنو دا قسمة ونصيب ومكتوب ومقدر عند الله زيو وزي الموت وواحد
يعني الواحد لو لف الدنيا كلها ومكتوب ليهو يتزوج سودانية ح يتزوجا في النهاية
ولو ما طلع من السودان شبر مما قام ومكتوب ليهو يتزوج سيرلانكية أو واحدة من جزر
الباهاما برضو ح يتزوجابغض النظر عن أي أسباب مهما كانت قوة هذه الأسباب .
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: طلحة عبدالله)
|
يا استاذ طلحة ..برضو حاقول ليك
العقدة بتودي للقسمة
وبعدين عليك الله هو الرجل السوداني سمح اذا عقدنا مقارنة كما يفعل معشر الرجال
عشان يقول لي الجمال ؟؟م برضو قسمة ونصيب ومن رب العالمين السماحة والشنة لكن ناقشني في سلوك المراة السودانية بالمقارنة مع الاخريات
هنا بجيك ...
وانا شخصيا عندي عقدة من الحبشيات والمغربيات تحديدا هنا ولن اخفيها ولي اسبابي ....رغم اني ضمن العوانس هههههه
محبتي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
سماحة شنو ووجاهة منو يا نعمات يا ستهم ياخ ؟؟
الكلام عن السماحة بقي بتاع مراهقين بس خاصة عندما يتعلق الأمر بالزواج
وبعدين حتي لو فرضنا أنو الزواج بس عشان الجمال عيبي لي البت السودانية من الناحية
دي ..(بالنسبة لي السودانية سماحة خلقة وأخلاق إلا فيما ندر) .
أؤكد ليك أنو المسألة دي قسمة بس لا أكتر ولا أقل يعني القسمة ممن توديك لزوجة يراها غيرك
في قباحة القرد وتراها أنت في جمال الغزال .. والعكس طبعا .
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: طلحة عبدالله)
|
سيد البوست ومتداخليه الاكارم
تحية وتقدير ,,,
منحاز لطلحة عبد الله المسألة كلها قسمة ونصيب , وأي إنسان حتى لو صدف
وأتزوج الزوله العوز((( يتزوجه))) المسالة حتكون لأنها ((( نصيبوا ))) وبشّدد على الحته دي
بحث الموضوع كلوا بصورة تخت السودانية مع غير السودانية في حته مقارنة وتقيم
دي مسألة غير منطقية لانوا ماظن بتتزوج غير السودانية لأنك شائف فيها تفوق ما على السودانية
لأنها حتظل أمك وأختك وقريبتك يبقي التفكير بالصورة دي من الأساس ما مفروض يكون حاصل وإلا حيكون هبل ما في محلوا
البوست كلو حيتخته في إطار غلط لو مشه في اتجاه أى نوع من المقارنة في حته الزواج وتكلفتوا
لانها برضوا ما قاعدة زي ما السودانيين عندهم صرفهم في الزواج برضوا غيرهم عندوا عاداتوا وحاجاتوا
البتخلي يصرف في زاوجو ..... الحته دي بحددة الانسان ومقدرتوا بغض النظر عن جنسية زوجتوا شنو!!!
وبرضوا وزي ما حتشوف جنسيات معينة صبورات ومتفهمات برضوا الحته دي عند السودانيات متوفرة يعني من الاساس حته أنك تتزوج غير السودانية لاهداف محدده في راسك سلفا
غلط ... لانو ممكن ولا حاجة من العوزة في رأسك تكون حاصله
----------------------
الأخت نعمات بالمناسبة ماظن أصلا في زول اتزوج لى وأحدة _ زواج جد وتفاهم _ عشان جميلة الزولة البتتزوجه دي عادي تكون شائفه أجمل إنسانة في الدنيا _ القرد في عين أمو ... الخ _ بس استحاله تكون الحته دي محل هاجس أو تفكير كتير لراجل ناضج وعوز يتزوج جد جد إنسانة تمشي معه حياتو
في الزواج بتعائن لحاجات أهم في الشخصية الحتربط بيها نفسك عمرك كلوا ... الجمال ما واحده منها
والله اعلم!!! ده برجع لتفكير الناس وطريقة خياراته
تقديرى
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: عبد الناصر الخطيب)
|
تحياتي لكاتب البوست وللمتداخلين والقراء
لكل اثنين قصة ، تختلف وتتفق مع باقي القصص،
استأذنكم في مناقشة بعض النقاط المتعلقة بهذا الموضوع المهم.
* لماذا يختار الشاب السوداني الزواج من أجنبية؟
* كم عدد الشباب السودانيين المتزوجين من أجنبيات؟ وما نسبة هذه الزواجات إلى العدد الكلي من زواجات السودانيين خلال السنوات الخمس السابقة؟
* ماذا عن الشابات السودانيات؟ هل يمكن تطبيق السؤالين أعلاه عليهن؟ لماذا تختار الشابة السودانية الزواج من أجنبي؟ وكم العدد والنسبة؟ مع ملاحظة مهة أن زواج الفتاة يقع تحت تحكم الأهل بصورة أكبر بكثير من زواج الشاب.
* هل زواج السوداني من أجنبية ناجح ؟ ولماذا؟
-------
انتظر إجاباتكم على الأسئلة أعلاه ... وسأشارك أيضاً بإجاباتي في مداخلة قادمة أقوم بكتباتها الآن.
شكراً لكم جزيلاً على التداخل
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Hani Arabi Mohamed)
|
لقيت روحي مع كلام الاستاذة نعمات واعتقد انو ده السبب....
او ربما يكون الخوف من الفشل مع السودانية برضو سبب يخلي السودانيين يتزوجوا من برة .
اما حكاية قسمة ونصيب فما يؤدي للقسمة والنصيب احق بالبحث عنه ( لماذا الزواج ولماذا عدمه ؟؟؟) موش الاتنين قسمة؟
ولكن حتى الآن اوافق الاستاذة نعمات .
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Osama Mohammed)
|
لقيت روحي مع كلام الاستاذة نعمات واعتقد انو ده السبب....
او ربما يكون الخوف من الفشل مع السودانية برضو سبب يخلي السودانيين يتزوجوا من برة .
الأخ اسامة
كيف يكون الفشل مع السودانية وانت من ام سودانية واختك سودانية وتفهم السودانية من نظرتها فقط
تذهب وتتزوج اجنبية ربما تحتاج عاما لتعرف تاكل طبخها
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Hani Arabi Mohamed)
|
- شاب متزوج من تونسية : متنكّر لأصله السوداني ويتكلم باللهجة الشامية، وله رأي في السودانيين، ويتصرف كانه براد بيت.
- شاب متزوج من مغربية يقول: وجدت معها ستر الحال، تفهمني وتحترمني وتعاملني بكل أدب.
- شاب متزوج من مصرية: والله يا أخوي أنا متورط في الموضوع دا بس صابر عشان الأولاد.
- شاب متزوج من تونسية: عندما تزوجنا كنت أعمل في مخبز وكنا نعيش على القليل والحمد لله اليوم وجدت وظيفة بشهادتي الجامعية وأنا أحمد الله على زوجتي التي فتحت لي أبواب الخير.
- شاب متزوج من سورية: تقدمت للزواج من زميلة دراسة في الخرطوم، في البداية رحب بي أبوها ، وعند الحديث عن الماديات، أكّد لي والدها أنّه لا يبحث عن مال ولكن يبحث عن رجل يستر ابنته، مضت فترة الخطوبة هادئة، وحين بدأنا اجراءات الزواج الرسمي فوجئت بطلبات تفوق قدرتي على الاحتمال، وهم يعرفون وضعي المعيشي ودخلي الشهري وكل التفاصيل، لكنهم بالعربي يريدوني أن استدين لاتزوج ابنتهم، تركتها، وجلست بلا زواج لفترة ، بعد فترة تزوجت من زميلة عمل سورية تعمل معي هنا، وعارض أهلي الزواج، لكن صدقني وجدت راحة غريبة، وتعاملاً عقلانياً راقياً افتقدته جداً فيما سبق.
- شاب متزوج من مغربية: انبهرت باللون وصرفت فيها دم قلبي لكن في النهاية تصدق ندمان لكن بس مشوار ابتدا ولازم اتمّو
- شاب متزوج من هندية: زوجتي تحفظ القرآن وما شاء الله آية في الجمال، كلفني الزواج بها في حيدر أباد 500 دولار أمريكي، وهي نعم الزوجة الصالحة، مرتاح جداً معها في حياتي وأولادي أنا راضي عنهم تماماً، وقد أسست معها مشروعاً تجارياً كبيراً في الهند واصبحنا نمتلك شركة ناجحة جداً ، وتقدمت الآن بطلب للجواز الهندي وانتظر أن أحصل عليه).
- شاب متزوج من فلبينية: زميلتي في العمل وقد لاحظت اهتمامها بي خلال الفترة التي كنت فيها مريضاً ومتوقفاً عن العمل، حفظت لها الجميل وتزوجتها
الاخ هاني
حسب الحوار الذي عملته يظهر التالي
- ان الغالبية من هذه الزيجات لم يتم الترتيب لها مسبقاً
- أغلبها ناجح
- يمكن التعامل معها مثلما الزيجات السودانية الصرفة
وفي انتظار المزيد من التفسيرات.
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
لاخ صابر ....
(اعتبر دا ترويج وتشجيع للرجل السوداني لكي يحذو حذوك ؟؟)
اولا نفند معاك تبريراتك دي واحده واحده من خلال تجاربنا مع كمين واحد اتزوجوا بالتحديد من مغربيات عشان ناس حمودة لو راودتهم الفكرة بعد التجليات الاخيرة دي يقطعوا الامل ....
يا خوي صابر
تذكرة بس للمغرب بتساوي ثمن الشيلة واللا نسيت ؟
وطلبات المغربية البعرفه انا لو حبيب ساي قبل الزواج بتساوي تكاليف مناسبة العرس كاملة السودانية المتواضعة الطموح والمثاليه
وممكن تسال ليك كم واحد سوداني من المعاك ديل لمن يلاقوا حبيباتهم المغربيات تكاليف مطعم لوجبة ساي بكلفوا مصروف شهر
ياخوي ياصابر دي تبريرات غير مقبولة للانسة السودانية ولا بتقنع ابو النوم
وانا ماعايزة اقول ليك صحي في العرس بقناعة وحب من مغربية ولكن معظمهم نتيجة عقدة جواهم كانت يا عايزين الجمال ويا من منطلق زواج الغريب سترة لاشياء تخصهم واكيد البت السودانية مكشوفه ليها يا سلوك داخلي لسبب ما مخفي على الباقين
وانا في عايلتي كمين واحد اتزوج من مغربية لكن كووولهم بعد فشل في ########## والله انا بكتب في السطور دي وقدامي صوووور كثيرة وكولها اعرف اسبابها ولمن الاقيهم بضحك جواي بخلفية معلوماتي عنهم وكيف بتبدو الصورة مزيفة
وحكاية انها اقل تكلفة دي بالغت فيها انت بس بالمناسبة ربنا اداك واحدة رضية وبسيطة واحمد الله عليها وقرط على كدا !!!!
ولك
محبتي
نعمات انا ما اقصد الناس البتتزوج من الخليج وخاصة القادمات مسبقا للامارات
اقصد الموجودات في عقر ديارهن في المغرب ..
وليس كلهن التعميم هنا غير منطقي
وحتي القادمات من خلف الجاموسة فيهن الخيرات
والشريرات طبيعة بشر
بس اقل كلفة واكثر المتزوجين مستقرين في الامارات او السودان
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Bashasha)
|
اذيك يابشبش
اللون الابيض المتوسط ؟
سلام صابر
بالنسبه للموضوع المطروح هو فى المقام الاول موضوع شخصى سواء كان بالنسبه للرجل السودانى او المراه السودانيه
رغم المشاكل الموجوده فى الزواج من سودانيه كمان هناك مشاكل بتواجهك فى الزواج من اجنبيه
وانا عندى قناعة بانو لو كان من سودانيه او خلافه فهو بلاشك ... نار ياحبيبى نار
ا
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: ترهاقا)
|
تحياتي لصحاب البوست وضيوفه
انا بس كنت عايزه اعلّق على كلام اخونا خضر حول انه الزواج شيء شخصي وانه ما بالضرورة نتكلم عنه في إطار ظاهرة عامة... كده يا خضر انتهيت من ناس الanthropology والsociology خالص وقلت ليهم أرجعوا بيوتكم ما تعملوا شي... الزواج من مغربيات بغض النظر عن نجاحه او فشله، اصبح ظاهرة... وكثير من السودانيين بقوا متجهين للزواج منهم، لازم نبحث أسباب توجهاتهم دي... بتفق معاك انه النتائج ما مهمة، لانه الزواج بشكل عام عنده مقوّمات نجاح، سواءاً من سودانية أو من غيرها.. في سودانيين متزوجين من سودانيات وندمانين جداً، وفي سودانيين متزوجين من مغربيات ومبسوطين، والعكس صحيح... دي نتيجة الفعل، لكن تبرير الفعل في حد ذاته محتاج مناقشة...
طبعا المشكلة في الظاهرة دي اننا كشعب قد نمانع زواج السودانيات من غير السودانيين، أو حتى لو حصل موافقة بتحصل بصعوبة وما بتكون مبلوعة... بالتالي، البت السودانية بتكون منتظرة السوداني وهو بكون اتزوج مغربية (مثلاً).. وبالتالي، العنوسة... المشكلة ساهمت فيها عاداتنا بتاعت البوبار بشكل أساسي، على قول صديق لينا، قال الشاب السوداني يقعد في الغربة خمسة سنين يلم قروش العرس، ويرجع يتزوج البت المنتظراه (وفي كثير من الاحيان بتكون شوكشته)، وبعد يصرف الجمعه في الخمسة سنوات، يرجع دار غربته ويخلي زوجته في السودان... عشان يسد ديونه (لانه اللماه في الخمسة سنين ما بكون كفّى) وبعداك يلم تاني قروش لاستقراره ومصاريف انه يجيبها معاه في الغربة.... الناس بتبالغ في الصرف، زي العايزه تثبت حاجه... المشكلة دي ما مشكلة الزول الما مقتدر برضه، الناس المقتدرين بصعّبوها على الما عندهم... احنا شعب بحب يحاكي، ولما الزول العنده قروش يعمل السبعة وذمّتها، بستفز الماعندهم... المشكلة دي مشكلة مجتمع كامل، ما مشكلة فئة... وممكن تشوفوا مثال صديق اخونا هاني، لما قال انه اضطر يتخلى عن الزولة الكان عايزها بسبب طلباتهم...
برجع تاني لو لقيت وقت
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: مريم بنت الحسين)
|
انا بس كنت عايزه اعلّق على كلام اخونا خضر حول انه الزواج شيء شخصي وانه ما بالضرورة نتكلم عنه في إطار ظاهرة عامة... كده يا خضر انتهيت من ناس الanthropology والsociology خالص وقلت ليهم أرجعوا بيوتكم ما تعملوا شي... الزواج من مغربيات بغض النظر عن نجاحه او فشله، اصبح ظاهرة... وكثير من السودانيين بقوا متجهين للزواج منهم، لازم نبحث أسباب توجهاتهم دي... بتفق معاك انه النتائج ما مهمة، لانه الزواج بشكل عام عنده مقوّمات نجاح، سواءاً من سودانية أو من غيرها.. في سودانيين متزوجين من سودانيات وندمانين جداً، وفي سودانيين متزوجين من مغربيات ومبسوطين، والعكس صحيح... دي نتيجة الفعل، لكن تبرير الفعل في حد ذاته محتاج مناقشة...
طبعا المشكلة في الظاهرة دي اننا كشعب قد نمانع زواج السودانيات من غير السودانيين، أو حتى لو حصل موافقة بتحصل بصعوبة وما بتكون مبلوعة... بالتالي، البت السودانية بتكون منتظرة السوداني وهو بكون اتزوج مغربية (مثلاً).. وبالتالي، العنوسة... المشكلة ساهمت فيها عاداتنا بتاعت البوبار بشكل أساسي، على قول صديق لينا، قال الشاب السوداني يقعد في الغربة خمسة سنين يلم قروش العرس، ويرجع يتزوج البت المنتظراه (وفي كثير من الاحيان بتكون شوكشته)، وبعد يصرف الجمعه في الخمسة سنوات، يرجع دار غربته ويخلي زوجته في السودان... عشان يسد ديونله (لانه اللماه في الخمسة سنين ما بكون كفّى) وبعداك يلم تاني قروش لاستقراره ومصاريف انه يجيبها معاه في الغربة.... الناس بتبالغ في الصرف، زي العايزه تثبت حاجه... المشكلة دي ما مشكلة الزول الما مقتدر برضه، الناس المقتدرين بصعّبوها على الما عندهم... احنا شعب بحب يحاكي، ولما الزول العنده قروش يعمل السبعة وذمّتها، بستفز الماعندهم... المشكلة دي مشكلة مجتمع كامل، ما مشكلة فئة... وممكن تشوفوا مثال صديق اخونا هاني، لما قال انه اضطر يتخلى عن الزولة الكان عايزها بسبب طلباتهم...
برجع تاني لو لقيت وقت
الأخت مريمة تحية خالصة لك
وانت فعلا لمست الجزء الساخن من المشكلة القضية فعلا محتاجة لتوجه فكر مجتمع كامل
واهم ما في الامر التبسيط في الزواج
ومنتظرنك تجرعي تاني
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: ترهاقا)
|
الاخ صابر ..ز
وووب علينا كلامك دا ما لو بقالي كتر (بضم الكاف ).....!!!
المهم مشكلتي معاك كل ما افكر اكتب حاجه تلقي تجربتك علي بظلالها ...لمعرفتي بك وزوجك وفي نفس اللحظة تبدر لي كثير مما جمعتني بهم من المغرب تحديدا ظروف العمل والسكن وكيف يفكرن بالرجال وماهية فكرة زواجهن اصلا ...
وبالمناسبة ...
الذين يبررون ان يذهبوا للمغرب ويتزوجوا من واحدة خااام فكثيرات ممن التقيتهم ذكرن ان الفكرة تتزوج لتخرج من المغرب فقط !!
وبالمناسبة ان فكرة الزواج من غير جنسك دي بحس انو فيها معاناه بكل المعاني حتى لو عن طريق الحب نسبة للاختلافات في كل شي
العادات والتقاليد والفهم لطبيعة الاشياء فانا كثيرا ما اعاني في الشرح لامور حياتية عادية بيني وبين اللاتي التقيتهن من الاجناس العربية الاخرى ..
يا صابر ..
تجربتك جميلة ونادرة وحالة شاذة
اما حكاية المغربية فدي حدودة ساملا المنبر عنها ان بديت الكتابة
ولكن ساكتفي بالقول زواج الغريب معاناة يطول شرحها نشاهدها في عيون الذين تجرأواواجبرتهم الظروف وخاضوها وبشوف في عيونهم اعادة التجربة للمربع الاول السودانية حيث المحبة والحنية وسترة الحال (هههههههه)والصبر على المكروه والسراء والضراء مع زوجها
صديقي جادلني قبل كمين يوم في زواجه وتجربته من المصرية
واجرى مقارنة بينها والسودانية فقال لي بان السودانية تهتم بالمظهر للخارجين اكثر من زوجها فقد تشتري تمانين توب وفستان سهرة وللبيت (ملابس النوم اتنين تلاته )وسوري للصراحة طبعا ولكن لا حياء في الدفاع عن النفس
وويواصل بان المصرية تشتري ملابس نوم خمسين وكمين بدله للسهرات والخروج برا البيت
فقلت له (كم فرشة اسنان وكم مزيل عرق )وضحكت كم مرة بتاخذ حمام في اليوم
انسونا ياخي الدنيا رمضان ما تذكرونا ريحة النحاس والذي منو الواحد يرجع ويفطر
ونشكر فضل الاغتراب الذي التقانا بالشعوب وتعرفنا على اصنافهم وعاداتهم وصححنا كثير من مفاهيمنا التي توهمناها زمنا
وتبقى القسمة والنصيب هي الاصل وربنا يقسم لينا من اولاد بلدنا السمحين الزينين الفاهمين وان قست الظروف
ومني محبتي ودا ما كثير تلج لكن من واقع الحياة في الاغتراب
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
العزيزة جدا نعمات
احسب ان التعميم غير منطقي ولسن كلهن بارات قانطات صالحات
والأمر ينسحب علي السودانية ايضا. واذا فتحت لك ملفات سودانيات وفعائلهن بازواجهن لشاب رأسك
واستنكرت بل ربما وصمتيهن باللاسودانية....
ولا يعني ذلك ان نكفر بالسودانيات ونبحث عن غيرهن
الرجال احيانا يعمون من اقرب القريبات وتكون كاملة الموصفات حتي ياتي اخر ويحظي بها
وتعض الانامل
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: وضاحة)
|
وضاحه
عقدة الون الابيض
معنا سودانيات هنا في اروبا متزوجات اروبين وانا شخصين اعرف ٦ سودانيات متزوجات من اروبين وفي هولندا متزوجات هولندين وبكستانين وكمان من اولاد عمنا من كينيا ونيجريا وغينيا وانا اعرف في انجلترا اكثر من ذلك
قالت عقده لون ااااخ انتم ود جبريل وين كدي صحو لينا اللخو
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: محمد مختار جعفر)
|
سلام مريم بت الحسين
Quote:
انا بس كنت عايزه اعلّق على كلام اخونا خضر حول انه الزواج شيء شخصي وانه ما بالضرورة نتكلم عنه في إطار ظاهرة عامة... كده يا خضر انتهيت من ناس الanthropology والsociology خالص وقلت ليهم أرجعوا بيوتكم ما تعملوا شي.. |
ابدا انا مانسفت مجهودات المتخصصين فى الانتروبولوجى
انا ذكرتا بانو مسالة الزواج بغض النظر عن انها من سودانيه او اجنبيه هو خيار شخصى فى المقام الاول
نعم ليهو تبعاتو وافرازاتو الممكن يناقشوها المتخصصين , ويصلو فيها لحقائق انحنا ممكن نكون ماشايفنها
لكن بيفضل قرار الزواج هو قرار شخصى .. هذا ما اردت توضيحه
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Hani Arabi Mohamed)
|
تعداد السودانيين حوالي 30 مليون نسمة
عدد الشباب (سن زواج وكدا) ما يقل عن 8 مليون
معقول زواج 100 أو حتي 1000 سوداني بمغربية يتسبب في عنوستهم؟؟؟
(حاجة أقل من ربع واحد في الألف)
زواج السودانيين من أجنبيات
بدأ منذ أن عبر السودانيون الحدود
من مئات السنين
(من قبل زمن ناس عبد الله الطيب والطيب صالح والسماني عبد الله يعقوب)
لو في عنوسة للسودانيات
(وما بنقبل بيها كظاهرة إلا بإحصائيات علمية)
فاسبابها في الغالب الأعم إقتصادية
وبالتحديد إقتصاديات ناس البنادر وسكان المدن
كل يوم تتراجع (وبإنتظام) قدرة أبناء الطبقات الوسطي في المدن
علي أن (يفتحوا) بيت
(الطبقات الوسطي دي مقصود بيها المحامين، الأطباء، المهندسين، الإقتصاديين، المعلميين، موظفي الخدمة المدنية..إلخ)
والغريبة أنه رغم كل الإنكماشات الحاصلة للإقتصاد السوداني
ما زالت الطبقات الوسطي (وما إنفكت) في إزدياد
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Nasr)
|
اتفق مع الاخ ناصر ، الموضوع هو ظاهرة حتمية لاختلاطنا بالشعوب الاخرى " لا اعتقد انه يمكن ان يشكل ظاهرة بالفهم العلمي " ..
في النهاية تجارب الزواج مثل بصمات الاصابع لا يمكن ان تتطابق لكنها يمكن ان تتقاطع في تفاصيل معينة ، لكن يا صابر والمتداخلين لا اعتقد ان الزواج من الاجنبيات وبالذات المغاربة والمصريين والعرب بشكل عام قليل التكلفة يمكن ان ينطبق الامر على الهنود والفلبينيين لاني اعتقد انهم شعوب اكثر عملية من العرب بكثير ، كما ان مسألة تأقلمهم مع اي جو او بيئة اجتماعية ايضا مشكوك فيها الى حد كبير جدا .. لا اعتقد ان المغربية يمكن ان تقضي اجازة 30 يوم معي في قريتي (لا كهربا .. لا مكيفات ..سخانة ألف .. البيوت مفتحة في بعض .. والناس داخلة وطالعة وباختصار كل شيء مختلف ) .. اعتقد ان المتزوجين من اجنبيات هم من ابناء المدن الكبيرة او ممن تقطعت اواصرهم باسرهم الاصلية نوعا ما او قرروا الهجرة وليس الاغتراب ..
في النهاية كما اسلفت الزميلة مريم الموضوع يحتاج لابحاث ان صح ان نطلق عليه ظاهرة .. اما اذا كانت حالات هنا وهناك فالأمر يختلف ..
كما اشدد على تحيزي المطلق لصالح المرأة السودانية ..
تحياتي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: بكري عباس علي)
|
يا صابر سلااام
شهادتك مجروحة يا اخوي
وليت عنوانك كان
زواج المغربيات .. العلة والأسباب
وتخلي ناس نعمات يدلو بدلوهم
يا سيدي كلو قسمة ونصيب
ويا نعمات حتى لو سعو فهي القسمة الربنا مقدرها
فعلاً الموضوع لو بقى ظاهرة كما زعمت يحتاج لتمحيص عن الأسباب والعلة
مودتي لك وللمتداخلين
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: صابر فضل المولي)
|
السودانيه ام لنا واخت وحبوبه وعمه وخاله ولا كن اذا كانت الظروف والوقت والمكان لا يسمح بقدوم السودانيه ماذا تفعل
هنالك قصص عن بعض سلبيات والمواقف التي حصلت مع بض الاخوان الذين تزوجوا بسودانيات هي كثير ولكن نحن مجتمع لا نعترف بفشلنا في معالجه سلبيتنا السودانيه
هل كل من تزوج سودانيه هو سعيد معها
هل كل من تزوج بغير سودانيه راضي عن حياته
اجمل شئ في حكومه الكيزان انها جمعت بين بنت الغني والفقير في العنوسه متساوين
انتم ودجبريل رمضان قطسه وين
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Hatim Elmaki)
|
.
صابر فضل المولي ومتداخليه الاكارم
بعد التحية واكيد التقدير ,,,
للتوضيح بعد ما قريت تعليق صاحب البوست ياخي الكريم ما تشرفته أناسب أهل شمال أفريقيا لانوا نصيبي من أهل شرق أفريقيا ( إثيوبيا ) كلامي ماكان عن المغاربة تحديدا لكين عن الزواج من غير السودانية بصورة عامة
كان الواحد ممكن يتكلم أكتر بس تداخل زي مداخلت بشاشا ( الامير الفوشي ) بطلع الحاجات من سياقة الممكن الناس تناقشه بيهوا , بالمناسبة شعوب السودان ما فاقدة البياض لو المأسلة أنو الناس في السودان بتزوجوا عشان اللون الابيض !!! غير كده أصلوا فهم زي ده ما واقع لي صحي بشوف كتير أنو اللون عند بعض السودانيات عقدة واكتر ناس بستخدموا كريمات تفتيح البشرة في العالم بس ما بتصور برضوا أنو الناس بتتزوج عشان اللون لو فعلا في ناس ممكن يبنوا حياتهم ويأسسوا بيوتهم على لون الزوجة يبقي ده نوع من الخيارات مع احترامي ليهم في منتهي الهيافة والسطحية
بقي أراء الزملاء الكرام هنا _ البتصور معظمهم بتكلم كنوع من التنظير _ ماظن أى زول ما متزوج سودانية معناهوا علاقتوا باهلوا ووطنوا وثقافتوا ضعيفة مافي شي بطروا لحته زي دي لاني بفترض أنو أى إنسان بالغ عاقل مستطيع (( حياتو )) وقراراتوا المصيرية ما بحدده لى المجتمع وأهلوا مدام بينوا وبينهم عامرة وهوا شحص محل تقدير واحترام منهم الحته دي بتسري على خياراتوا البرضوا بتاخد احترامه من احترامهم ليهوا ... لو كان غير كده واي زول بقدر يتدخل وينظر لى في حياتوا وممكن في قراراتوا بتبقي حته عادية والاسلم لي يمشي زي ما الناس عوزين يمشوا ....... الزواج من غير السودانية بدخل لثقافتك ثقافة موازية الهي ثقافة الزوجة لازم يكون عندك فهم وتعامل مع الثقافة دي وكل ماكان نسبك ده مع ناس بحافظوا على ثقافتهم وملامحهم الثقافية بتلقي نفسك متمسك بثقافتك وملامحك الثقافية أكتر ........ بعدين ما ملاحظ السودانيين الا من رحم ربي من الشعوب البتهتم بملامحه الثقافية كتير بننعزم لمناسبات سودانية بلقاها سمك لبن تمر هندي ... بينما عند شعوب تانية مناسباتهم بتكون بتعكس عاداتهم وموروثاتهم البتمسكوا بيها شديد
والكلام أنو المشكلة دي كظاهرة أو كحالة بتهم السودانيين الما متزوجين سودانيات أو السودانيات الازواجهم ما سودانيين ده كلام سليم لانها بتبقي تجارب ناس وحياتهم ما لازم تطابق المزاج العام عشان تكون ناجحة او فاشلة زواج الناس زي حياتهم زينة شينة ليهم ...... وهم البحددوا مساراته حسب تعاملهم وتصرفاتهم في الحياة
وفي الأخر بغض النظر عن الجنسيات واختلاف لون الجوازات بتمني للجميع التوفيق في حياتهم وخياراتهم
مداخله تانية غير مداخله بشاشا الفوشي حيرتني شديد لانها تنظير تقيل برضوا أنو الما متزوج سودانية زي الرائح ليهوا حاجة
أها أنا من الناس الحاليا ما أقدر حتى أتخيل خيال أنوا اكون متزوج واحدة غير زوجتى الما سودانية .......... فبتمني الناس تناقش القصة بشوية واقعية
ولكم أطيب تحية
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: عبد الناصر الخطيب)
|
شكراً جزيلاً لكل المتداخلين في هذا الموضوع المهم.
استأذنكم أيضاً في مناقشة زواج العلامة الراحل بروفسر عبد الله الطيب من فتاة إنجليزية. وكيف كان زواجاً ناجحاً ومثالياً استفاد منه الطرفان.
كما استأذنكم في مناقشة المسألة من ناحية أخرى هي هل للفتاة السودانية دور في أن يتخذ رجل سوداني قراراً بالزواج من أجنبية أو أن الفتاة السودانية هي مجرد ضحية لنظرة أنانية من الرجال؟
تحياتي واحترامي للجميع.
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Hatim Elmaki)
|
اعرف صديق سوداني متزوج مغربيه وجابوه كشه من ليبيا زوجته المغربيه حضرت من ليبيا وعاشت معاه في ام درمان خلف سوق ليبيا لا كهرباء لا مروحه وكمان ساكن في غرفه وراكوبه وبتاكل بوشه كل يوم وهي سعيده بحياتها في هذه الظروف
الاخ حاتم في الامارات مجموعة كبيرة من المفنشين
من الجيش والشرطة رفضت زوجاتهم العودة الي السودان
وساءت أحوالهم بدرجة كبيرة جداً
وفيهم من يستطيع حتي تعليم أبناءه
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Hadia Mohamed)
|
يا صابر ....بالنسبة ليك حكاية الظروف دي شيله بعيييييد منك لانو حسب معاصرتي ليك كانو جيش كبييير من الجكس وبلا تكاليف منتظر اشارة منك
وكثيرين تفاجاوا يوم عرسك وكثيرات صدمن من هول المفاجاة (اقاصي المغرب )تعبت امك يااخ @@@
اها اخترح على الكثيرين رفع شعار
العودة للجذور ....حتى يقدروا يدونا الاجابات الصحيحة لان الحكم من طرف واحد لايجوز
وبس ياصابر تجرب تزوج سودانية وبعدين تجينا تنظر لينا ومن واقع حقيقي لكن المقارنة كدا لا تقنعني ابدا
كسرة :
بالنسبةلي اي نوع من اشكال العلاقات غير السودانية بعتبروا مرحلة اجبارية واداء واجب لا اكثر
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
Quote: العودة للجذور ....حتى يقدروا يدونا الاجابات الصحيحة لان الحكم من طرف واحد لايجوز
وبس ياصابر تجرب تزوج سودانية وبعدين تجينا تنظر لينا ومن واقع حقيقي لكن المقارنة كدا لا تقنعني ابدا |
نعمات رمضان كريم ومشتاقون
ياختي طلبك ده صعب
| Quote: بالنسبةلي اي نوع من اشكال العلاقات غير السودانية بعتبروا مرحلة اجبارية واداء واجب لا اكثر |
انت قاصدة العرس بس ولا كل العلاقات الانسانية
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
الاخ صابر ...
اعرف انه القدر وعلى اكفه نمشي ولا ندري بالمكتوب
واعرف انه الغدر منك للكثيرات (هههههههه)
وربنا يسعدكم ....
ولكن لن اخفي عليك كلما رايت احدهم من رجالات السودان يتزوج بغير السودانيات كستني الحسرة
الحسرة عليه اولا ثم على بنات بلدي ثانيا .....
واني على يقين في اشياء كثيرة اعلمها لا يعلمها غيري ....الا اصحاب التجارب
ولكن تبقى القسمة والنصيب .....
محبتي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: صابر فضل المولي)
|
يا أخ صابر رمضان كريم وتصوم وتفطر على خير وكل سنة وإنت طيب مقدماً.
ويا أخوي ومن اللآخر كده:
بنحب من بلدنا ما بره البلد
سودانية تهوى عاشق ود بلد..
في عيونا المفاتن شئ ما ليهو حد...
تاريتـــــــــــــــــا*
والله والله والله وبرغم كل شئ والله السودانيات حبيبات وظريفات
وجنن تعرفوا ولا جنن يوصفوا ليك يا أخوي...
ـــــــــــــــــــــــــــــــ
* تاريتــــــــــــــــا دي لازمة موسيقية تقع في إيقاع الدليب المركب وهو في ميزان 7/8 وتاري كلها في ضربتين والخمسة الباقيات وزيادة في مد التاء.
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Azhari Nurelhuda)
|
الاخ صابر
اسف فاتني تحيتك
رمضان كريم وتقبل الله الطاعات
Quote: لم افكر في يوم من الايام بالزواج من مغربية ولو في الحلم
ولكن ساقتني الاقدار الي هناك |
الاقدار دي بتشيل ليها واحد تاني عشان تسوقوا
عندي واحد صحبي برضوا حرف اسموا الاول محمد على المشرف
ارقد عافية والله وين ما قلبك يوديك امشي واستمتع بزوجتك والحياة قصيرة وما تسمع كلام الناس فقط استمتع بحياتك وصدقني ما مهم تكون سودانية او هندية او هولندية
وبعد شوية ما حايكون السؤال بلدك شنو السؤال حا يكون بتستعمل اسكايب ولا فايبر ولا قوقول
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: صابر فضل المولي)
|
من ميزات الزواج با جنبية انك بتكون مرتاح من قصة دهب عيار واحد واربعين ولا خمسمية دي وتاني هام لامن تجي مسافر تلملو حاجاتكم مع حاجيات الشفع في شنطة
(هندباك) وجري علي الطيارة او القطر ، وبعدين الواحده فيهن زي الغزال تجري معاك طق طق لامن لسانك يمرق وهي تكون والدة اربعة . في الجانب المقابل دهب وفي السفر نار الله الموقدة تلاتين شنطة وسبعتاشر غويشة وبوبار شديد وقندفة لا ليها اول ولا اخر وعدم احترام لاهلك والواحد تتخن من اول ولادة وعدم اهتمام بالزوج ولا حتي بروحها وتتناقش معاها في النقطة تزعل وتلقي روحك بتتناقش مع اهلها في ادق تفاصيلكم اليومية وبطء الحركة وتتمحرق في البيت وعشان تمرقوا مشوار تلاتين ساعة انتظار ، وده بينطبق علي مرة عربية سواء كانت من ليبيا او المغرب لكن في السودانية اوضح.
الكلام الفوق ده وجهة نظري الخاصة غير قابل لاقناعي بعدم صحتة قد ينطبق علي البعض ولكنه
علي الغالب الاعم
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Elsanosi Badr)
|
من ميزات الزواج با جنبية انك بتكون مرتاح من قصة دهب عيار واحد واربعين ولا خمسمية دي وتاني هام لامن تجي مسافر تلملو حاجاتكم مع حاجيات الشفع في شنطة
(هندباك) وجري علي الطيارة او القطر ، وبعدين الواحده فيهن زي الغزال تجري معاك طق طق لامن لسانك يمرق وهي تكون والدة اربعة . في الجانب المقابل دهب وفي السفر نار الله الموقدة تلاتين شنطة وسبعتاشر غويشة وبوبار شديد وقندفة لا ليها اول ولا اخر وعدم احترام لاهلك والواحد تتخن من اول ولادة وعدم اهتمام بالزوج ولا حتي بروحها وتتناقش معاها في النقطة تزعل وتلقي روحك بتتناقش مع اهلها في ادق تفاصيلكم اليومية وبطء الحركة وتتمحرق في البيت وعشان تمرقوا مشوار تلاتين ساعة انتظار ، وده بينطبق علي مرة عربية سواء كانت من ليبيا او المغرب لكن في السودانية اوضح.
الكلام الفوق ده وجهة نظري الخاصة غير قابل لاقناعي بعدم صحتة قد ينطبق علي البعض ولكنه
علي الغالب الاعم
سلامات سنوسي
يعني أوربية أفضل ...؟
| |
|
|
|
|
|
|
|
|
 Re: زواج المغربيات وعنوسة السودانيات العلة والسبب (Re: نعمات حمود)
|
صابر لك ولضيوفك التحية
Quote: - الملاحة والجمال النسبي للمغربيات
|
كدة دخلت في حتة ضيقة شديد في مفهوم الجمال
ماهي مقاييسك للجمال؟
هل انت مثلا (قبيح) وهل المغربي مقارنة بك (جميل)
نرجو توضيح مفهومك حول الجمال وكيف رجحت كفة المغربيات على سماحة بناتنا؟
فما تراه انت جميلا يراه غيرك غير ذلك .... ولا كيف؟؟؟؟
ننتظر منك
--------------
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: عمر عبد الخالق سعيد)
|
تحياتي واحترامي.
كان من ضمن ما تناقشت فيه مع من التقيتهم في مداخلتي السابقة؛ فكرة الهروب للأمام؛ استعير هنا قول نبي الله عيسى عليه السلام (إنّك ترى القشّة في عين أخيك ولا ترى الخشبة في عينك أنت). رمى كل من قابلتهم اللوم على الفتاة السودانية، ولم يفكر أحدهم في أن يلوم نفسه أو يفكر : هل هو ملاك منزل؟ أو هل هو أفضل منها؟ ربما فقط هي ظروف ساعدت الرجل على أن يكون قراره في يده ويختار من أي من بلاد الله في الوقت الذي ما زالت فيه الفتاة مقيدة بآلاف القيود الاجتماعية التي تمنعها من ان تحذو في نفس الاتجاه.
نعم لبعض فتياتنا نقائص ، ولكن فتياتنا هنّ بناتنا فيهن من عيوبنا التي نحملها مثلهنّ تماماً.
أقدّر أن بعض الشباب - وبعد أن يجد الفرصة ليحتك بالعالم ويتعلم منه بعض ما ينقصنا - يقول / ومالي ومال أن أكون معلماً للأجيال، فلأظفر بذات التأهيل العصري تربت يداي.
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Hani Arabi Mohamed)
|
سلامات يا صابر ورمضان كريم
تشكري يا نعمات ,, لكن منه البقول البغلة في الابريق؟
قرأت كل ما بدواخلك وأعي ما تقولين وهي عين الحقيقة
بعد غربة 31 سنة في أربعة بلدان ومعاشرة معظم الجنسيات
العربية وغيرها في العمل والسكن ,,يبقي كلامك منطقي لكن
للاسف معظمهم يعرف الحقيقة ويدفن راسه في الرملة وتزوج
من الاجنبية بالرغم من سماحة السودانية وطيب معشرها ونظافتها
واخلاقها الجميلة الا ما ندر ,
ينوم مع الاجنبية اي كانت ويمشي يعرسها ويعيش معاها , ولو طلع مع
السودانية وابتسمت ليه وبادلته المشاعر الصادقة من دواخلها مع الحشمة والاحترام
يقوم يقول ليك ده (.......) للاسف , مع احترامي وتقديري للجميع والله السودانية
ريحة الدخان والدلكة والخمرة الفيها تساوي عطور باريس والمغرب العربي كلها
مالكم دايرين تتوروا نفسنا في رمضان ,, سودانية وسودانية وسودانية وسودانية .
بريدك بت بلدي .وسترتك واجبه علي, الريده والمحنه بتجي بالعشرة للناس الدايشين.
احترامي وتقديري للجميع
.................................................................................................................
وضاحة بت عمي ,,,,,,,, طول عمرنا ننضف وانت جاي ,,,,,
الله يجازي محنك ,.,,,دي ما بسويها الا المسنووووووووووووووح ود شيقوق
(عدل بواسطة سيف الدولة كامل on 08-14-2012, 07:10 PM)
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: سيف الدولة كامل)
|
سلامات يا صابر ورمضان كريم
تشكري يا نعمات ,, لكن منه البقول البغلة في الابريق؟
قرأت كل ما بدواخلك وأعي ما تقولين وهي عين الحقيقة
بعد غربة 31 سنة في أربعة بلدان ومعاشرة معظم الجنسيات
العربية وغيرها في العمل والسكن ,,يبقي كلامك منطقي لكن
للاسف معظمهم يعرف الحقيقة ويدفن راسه في الرملة وتزوج
من الاجنبية بالرغم من سماحة السودانية وطيب معشرها ونظافتها
واخلاقها الجميلة الا ما ندر ,
ينوم مع الاجنبية اي كانت ويمشي يعرسها ويعيش معاها , ولو طلع مع
السودانية وابتسمت ليه وبادلته المشاعر الصادقة من دواخلها مع الحشمة والاحترام
يقوم يقول ليك ده (.......) للاسف , مع احترامي وتقديري للجميع والله السودانية
ريحة الدخان والدلكة والخمرة الفيها تساوي عطور باريس والمغرب العربي كلها
مالكم دايرين تتوروا نفسنا في رمضان ,, سودانية وسودانية وسودانية وسودانية .
بريدك بت بلدي .وسترتك واجبه علي, الريده والمحنه بتجي بالعشرة للناس الدايشين.
احترامي وتقديري للجميع
.................................................................................................................
وضاحة بت عمي ,,,,,,,, طول عمرنا ننضف وانت جاي ,,,,,
الله يجازي محنك ,.,,,دي ما بسويها الا المسنووووووووووووووح ود شيقوق
(عدل بواسطة سيف الدولة كامل on 14-08-2012, 07:10 PM)
سيف الدولة تصوم وتفطر علي خير
يا زول انت جاي بنمرة 5 وخاتي الترس
دائماً.كل واحد بفتح علي سودانيا تو أهلوا والجيران والزملاء
ما يحدث من زيادة تزاوج خارج هذا الإطار هو فرع وليس اصل
ما يقلق هو الزيادة الملحوظة في التوجه للخارج
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: صابر فضل المولي)
|
سلامات يا صابر ورمضان كريم
تشكري يا نعمات ,, لكن منه البقول البغلة في الابريق؟
قرأت كل ما بدواخلك وأعي ما تقولين وهي عين الحقيقة
بعد غربة 31 سنة في أربعة بلدان ومعاشرة معظم الجنسيات
العربية وغيرها في العمل والسكن ,,يبقي كلامك منطقي لكن
للاسف معظمهم يعرف الحقيقة ويدفن راسه في الرملة وتزوج
من الاجنبية بالرغم من سماحة السودانية وطيب معشرها ونظافتها
واخلاقها الجميلة الا ما ندر ,
ينوم مع الاجنبية اي كانت ويمشي يعرسها ويعيش معاها , ولو طلع مع
السودانية وابتسمت ليه وبادلته المشاعر الصادقة من دواخلها مع الحشمة والاحترام
يقوم يقول ليك ده (.......) للاسف , مع احترامي وتقديري للجميع والله السودانية
ريحة الدخان والدلكة والخمرة الفيها تساوي عطور باريس والمغرب العربي كلها
مالكم دايرين تتوروا نفسنا في رمضان ,, سودانية وسودانية وسودانية وسودانية .
بريدك بت بلدي .وسترتك واجبه علي, الريده والمحنه بتجي بالعشرة للناس الدايشين.
احترامي وتقديري للجميع
سيف يا صديق ...
تعرف الغربة تضع اليد على الجراح ..
وتجعلك ترى ما لا يراه غيرك ...
والبغلة في الابريق يراها بوضوح كل صاحب تجربة بعد مرور ايام قليلة من تجربته
وما زلت ارى واسمع انات الكثيرين وبعضهم يكتمها مكابرة
الانسان هو الانسان مع وجود الفروقات الفردية في بعض الاشياء ولكنه يظل كائن اجتماعي منذ النشاة الاولى يحتاج لرفيق
والرفيق في رحلة الزواج والعلاقة الزوجية تحتاج لمواصفات اكثر عمقا وهذا لا يتاتى الا بالمعرفة والالمام بكل شي وعلى الطبيعة
فكيف لي مع شعب لا اعرفه ؟
هل ابدا بدراسة ثقافتهم وعاداتهم وماذا يريدون ام ابدا حياتي ؟
لا ادري ولكن استغرب حقا في كيف تالف نفسي غير السوداني وكيف اطمئن له وانا لا اعرف ادابير نفسه وعاداته وطبائعه واهدافه من اصلها
وبالنسبة للكثير اللاتي جمعتني بهن الحياة كنت احادثهن عن فكرة الزواج وكنت اقول ليت قومي يعلمون كيف اننا نقدس فكرة الحياة الزوجية ومفاهيمها وابعادها
فكم من تمني نفسها بمواطن او شيخ لتاخذ منه ما تاخذ لكي ترجع لبلدها وكم من تريد لبنانيا جميلا وكم وكم اهداف متواضعة الطموووح لابعد ما تتصورون وهناك من لفظتها الظروف الحياتية وتريد ان يستر حالها فقط ولان السوداني هو اكثر اصالة من غيره واحيانا اقل طموحا فقد يلجا لها بدوره
المهم الحديث طويل وبالتجارب المباشرة والمعايشة يوميا
فمنهن من تزوج باماراتي
او لبناني او اثيوبي حتى
ولكنني لم ارى قط من تزوجت برجل اثيوبي او مغربي من بنات معشري
فالتحية لهن وانت اقعدو
يا صابر ساي ولكم دينكم ولي دين
والعبرة في النهايات وليس البدايات وننتظر الكثير
ويا غريب عن ديارك مصيرك تعود
كسرة :
اتمنى ان يمد الله في عمر والدتك حتى يتحقق لها ما رايته في عيونها ذاك اليوم ....هههههههه
نعمات النقر بضم القاف
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: صابر فضل المولي)
|
يقول الرسول (ص )تنكح المراه لخمس ما لها وجمالها وحسبها ونسبها ولدينها
فاظفر بذات الدين تربت يداك
بناتا السافرات منهن متدينات ويصلن ويصومن
ومهما فجرت الواحده فيهن فلن يكون لها صديق طالعه ونازله بيه
والسودانيه معاك في الحاره وغدر الزمان والصحه مادايمه والمال
قد يزول مافي واحده بتلمك غيره خاصه ان لم يكن لديك اطفال
ونحن ناس غيورين وقلبنا حار ( انا بتكلم عن الاغلبيه ) الواحد فينا
مابرضى زوجتة تقابل ضيوفو بي فستانه اوالبنطلون حتى لو كان
زي بنظلون لبنى ، ديل السودانيات .
المغربيات ثقافتهم فرنسيه وكلنا نعرف يعني ايه ثقافه فرنسيه
وممكن تقبل بالزواج من اي حد وما عندها قشه مره ودونكم مواقع
البحث عن عريس .
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: احمد الزبير)
|
كتب احمد الزبير Quote: المغربيات ثقافتهم فرنسيه وكلنا نعرف يعني ايه ثقافه فرنسيه
وممكن تقبل بالزواج من اي حد وما عندها قشه مره ودونكم مواقع
البحث عن عريس . |
تحية احمد.... نعم في حديثك شي من المصداقية ولكنك لا يمكن ان تعممه علي كل المغاربة
والا لوصمناهم كلهم بالتعصب الديني والارهاب لو حاسبناهم بافعال القاعدة في المغرب العربي
ومحاولة تكوين الدولة الاسلامية ولو بحد السييف ..... والتفجير..
ومن المغرب جاء رجال الدين الاسلامي الي السودان فاقاموا فيه بطلب من زعماء القبائل السودانية آنذاك لتعليم اهل القبيلة الدين والفقه....
التعميم لايصلح
والك مودتي
| |
|
|
|
|
|
|
|
|
 Re: زواج المغربيات وعنوسة السودانيات العلة والسبب (Re: سيف الدولة كامل)
|
الاخ عمدته بلادلفيا ونيويورك سيف الدوله رمضان كريم للجميع
والله البسمع مدحك لسودانيه يقول متزوج ٤ سودانيات انت انسان طيب واصيل وربنا يعطي الطيبين لطيبات وانت منهم لاكن انحنا مارضوا بينا عشان مابنرطن ولا دكاتره وجنسيتنا اروبيه ما اكلتنا عدس مع السودانيات عشان كدا خلينا ليك الخمره والدلكه وحفره الدخان والكبرتآ وانشاء الله تنفعك انت والمتزوجين بسودانيات
ويوم مزاجنا يكون في الكبرتآ نمشي الدكان ونشتري كيلو مخلط .............................
تحياتي لك والاسره والمداخلين وكل عام وانتم بخير
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Hatim Elmaki)
|
الاخ عمدته بلادلفيا ونيويورك سيف الدوله رمضان كريم للجميع
والله البسمع مدحك لسودانيه يقول متزوج 4 سودانيات انت انسان طيب واصيل وربنا يعطي الطيبين لطيبات وانت منهم لاكن انحنا مارضوا بينا عشان مابنرطن ولا دكاتره وجنسيتنا اروبيه ما اكلتنا عدس مع السودانيات عشان كدا خلينا ليك الخمره والدلكه وحفره الدخان والكبرتآ وانشاء الله تنفعك انت والمتزوجين بسودانيات
ويوم مزاجنا يكون في الكبرتآ نمشي الدكان ونشتري كيلو مخلط .............................
تحياتي لك والاسره والمداخلين وكل عام وانتم بخير
يا حاتم ما عليك برسل ليك من الامارات
كل مستلزمات الكبريت ....
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Hani Arabi Mohamed)
|
تحياتي واحترامي.
كان من ضمن ما تناقشت فيه مع من التقيتهم في مداخلتي السابقة؛ فكرة الهروب للأمام؛ استعير هنا قول نبي الله عيسى عليه السلام (إنّك ترى القشّة في عين أخيك ولا ترى الخشبة في عينك أنت). رمى كل من قابلتهم اللوم على الفتاة السودانية، ولم يفكر أحدهم في أن يلوم نفسه أو يفكر : هل هو ملاك منزل؟ أو هل هو أفضل منها؟ ربما فقط هي ظروف ساعدت الرجل على أن يكون قراره في يده ويختار من أي من بلاد الله في الوقت الذي ما زالت فيه الفتاة مقيدة بآلاف القيود الاجتماعية التي تمنعها من ان تحذو في نفس الاتجاه.
نعم لبعض فتياتنا نقائص ، ولكن فتياتنا هنّ بناتنا فيهن من عيوبنا التي نحملها مثلهنّ تماماً.
أقدّر أن بعض الشباب - وبعد أن يجد الفرصة ليحتك بالعالم ويتعلم منه بعض ما ينقصنا - يقول / ومالي ومال أن أكون معلماً للأجيال، فلأظفر بذات التأهيل العصري تربت يداي.
هاني
انك فعلا تثري النقاش
البعض يري ان للبنت الدور الاكبر في تعقيد العملية
الشاب يطير فرحا لو عدنا لزواج الكورة
لا تكاليف ولا يحزنون
اذا المشكلة نسائية!!!!
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: صابر فضل المولي)
|
سلامات يا ودالمكي ,ووكل سنة وأنت طيب
تسلم يا اخي لكن والله انت تقيف في وسط الحلقة وتاشر وتتزوج أحلي سودانية
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
صابر كيفينك يا أخي ,,نمرة 5 عشان بناتنا ما يبورن ويعرسن البنغال يا حبيب.
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
تحياتي لسيد البوست والبقية...
يا جماعة، كل واحد بحكي عن تجربته... لكن اعتقد هدف البوست (وصححني يا اخ صابر) هو دراسة المسببات، موش النتائج... لانه بعد ما تحصل القسمة ما اعتقد في حد عاقل يأيد انفصال الزوجين او اضافة طرف ثالث (زوجة جديدة سودانية)... بعدين انتو مختصرين الزواج ده في نقاط محدودة جداً! وناسيين انه احيانا الزواج ده بتم نتيجة توافق شخصيتين بلقوا أنفسهم مع بعض، وبختاروا بعض في وجود خيارات سودانية حولهم... الزواج من حيث هو، محتاج جُهد عشان يكون ناجح... السودانية البتتكلموا عنها دي زاتها بعد شويه السوداني ممكن يتضايق منها وتكون حياتهم مع بعض دائره حول الاولاد، وممكن حتى يعاين لغيرها، او يشعر بإنها عبء عليه ومضايقاه... الزواج بغض النظر محتاج جهد من الطرفين، وسواءاً كان الجهد في ده في التعرّف على ثقافة الآخر أو كان في سبيل انعاش العلاقة وضمان استمراريتها او كان الرغبة في فهم شخصية الآخر واحتياجاته وهواياته واحلامه في الحياة... بمعنى آخر هو محتاج جهد عشان يستمر ويكون مليان سعادة...
الكلام عن انه السودانية بتحترم الاهل او ما بتحترمهم ما صحيح، وببساطة ده شي بتحدده التربية... في اجنبية ممكن تهتم بالاهل اكتر من السودانية التعمل معاهم مشاكل وتضاديهم، والعكس صحيح... كله بعتمد على شخصية الواحده... وعلى احترامها لمشاعر زوجها.. الزواج حوار مستمر وتفاهم عشان الناس تصل لأرضية مشتركة تريّح الاتنين، وده بكون حاصل سواء مع سودانية او غيرها... في سودانيات كتير عوانس عشان اسباب واهية زي ما كتب اخونا حاتم.... كتيرات قاعدات منتظرات مهندس ولا دكتور! وكتيرات اتزوجهم بي شريط فيديو... بعض منهم اتوفق في زواجه وانسجم واتواءم، وكتيرين زواجهم بقى مجرد شكل اجتماعي... انا بعرف انه السوداني عايز السودانية، لكن عُقدكم كتيره ياخ! يعني الواحد عشان يتزوج روحه تمرق... بعد تصله بيته يكون كرهها وكره الشعب السوداني كله... 
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: مريم بنت الحسين)
|
الاخ / صابر فضل المولى ... خالص التحايا والود
مرحبا بك .. تابعت بأهتمام الموضوع ..وكنت اظن ان الامر خاص بالسودانين المقيمين
بالخليج وخاصة الامارات ..ولكن يبدو انه انتشر وعم كل البرية- اكيد بوستيك دة
سيساهم ايضا الدعاية للمغربيات - اطلعت بالفيسبوك لمقال حول نفس الظاهرة لكن في اوربا،
كتبه الصديق/ حامد منان.. انشره هنا تعميما للفائدة
(الشوقارة:ظاهرة زواج السودانيين من المغربيات
ظهرت في الآونة الأخيرة ظاهرة ملفتة للنظر في أوساط ابناءالسودان المغتربين خاصة في اوروبا, وهي إقبال عدد ليس بالقليل من إختيارهم لشريكات حياتهم من دولة المغرب, وهم في ريق الشباب ، بعد أن قذفت بهم أهوال الوطن خارج حدوده، و بجهد و مكابدة وطأت أقدامهم أوروبا ومن ثمَ إحتضنتهم ووفرت لهم العيش والمأوي الكريمين و حملوا جوازات تلك البلدان.
وما أن يبدا احدهم في إجاد عمل و راتب منتظم إلا ويبدا يفكر بصورة جادة في إجاد من تشاركه و تشاطره الحياة, وذلك امر طبيعي لا غضاضة فيه؛ ولكن كيف يبدأ إختيار الشريكة؟ وهو الذي بعُدت به الشقة عن مؤثرات الاسرة وتدخلها المباشر في مثل هذه القضايا المصيرية، وتعرضه للثقافة اوروبية غالبة امام ثقافة منغلقة او محافظة؛ مما يحدث خلل في قيم كثيرة إجتماعية و ثقافية و غيرها ولا شك الزواج واحد منها.
تبدأ طريقة إختيار الشريكة بالاشتراك في مواقع البحث عن زوجة مسلمة، واحيانا مسلمة ( محجبة) او بنت الحلال و نحو ذلك،ما أن تروق له صورة إحداهن وقد تكشفت أساريره ، بعدها تبدا المؤانسة، و سحر بدايات العلاقات الغرامية وهو أمام فتاة جميلة حوراء العينين بيضاء لا تختلف في ذلك عن اي أُروبية سواء انها مسلمة وقد تكون محجبة، و تتحدث العربية و ذات ثقافة واحيانا حاملة لشهادات لا بأس بها حسب تقيم بعضهم.
الخطوة العملية عقب ذلك السفر الي المغرب، للمقابلة و المشافهة و إن تكرم بعضهم ارسال بعض الهداية وغيرها سابقة وصوله الميمون مخبرة عن الجدية والإلتزام والكرم السوداني الذي لا تخطئه العين في مثل تلك المناسبات. و عند الوصول يجد فتاته بكامل زينتها وسط اهلها و زويها لاستقباله و إكرامه و مشاركتهم وليمة وصوله، ولكنه قد يفضل الذهاب الي الفندق المحجوز سلفا، و تلك في الاساس وصية من احد الفرسان القدامي الذين دخلوا غمار تلك المناسبات الاجتماعية وخبزوا عجينها، و رسالة مهمة مفادها ( عزت نفسي ما بيه علي).
يفضل اهل الفتاة عقد القران، لان ذلك عملي و أيسر وليس من دواعي للتأخير!!، وقد تكون خطته في ترتيب زواجه ليست بتلك الصورة ولكنه الان امام سياسة الامر الواقع التي بدات تمارسها الاسرة ، و التي لا محالة تؤدي الي عقد القران. و من ثمً ترتيب ملحقات الزفاف و الوليمة هذا ناهيك عن الإجراءت القانونية المعقدة جدا حيال زواج الاجانب ؛ و خلافا لاجراءت الاقامة و الدخول لتلك البلدان.
بدأت الحياة الزوجية، وزادت معها المصروفات والإلتزامات، خصما علي حصة الاسرة الكبيرة في السودان من الالتزامات التي تُرسل دوريا و تعتمد عليها كثير من الاسر، في ظل وضع اقتصادي خانق و معيشة صعبة معتمدة كليا علي ما يحول من الخارج، كما ان العمل في بريطانيا كثير منه موسمي و متقطع لاسيما بعد الازمة الاقتصادية، والكل بدأ يشكي من تلك الظروف، رب تلك الاسرة واقع بين مطرقة مطلوبات السودان وسندان ما استجد من الاسرة الجديدة وامتدادها في المغرب، وهنا باب من المشاكل والضغوطات ليس من السهل إغلاقه.
ناهيك عن بعض التجارب الغير موفقة من تلك الزيجات، والتي كان الهدف الاساسي منهاالوصول الي احدي دول الغرب و التجنس ومن ثم فض الشراكة و في مثل هذه الحلات لن يكون الطفل مانعا من فض الشراكة، و من السهل ان تتنازل الام عنه!!. هنالك بعض حالات الغش يتم اكتشافها قبل التورط في انجاب طفل يتحمل أخطاء أبويه؛ منها ان اخ سوداني بعد التعرف علي فتاته وارسال الاموال بصورة منتظمة و من ثمً مراسيم خطوبة رسمية عبر الاسكايب!! وهو بدوره اقام الوليمة متزامنة مع تلك المقامة في المغرب، عند وصوله الي ديار المخطوبة لاحقا علم ان الامر خدعة وليس هنالك فتاة بتلك البيانات التي يحملها واذا به يعود ادراجه بخفي حنين، ولسان حال أصدقاءه( الجاتك في مالك سامحتك).
يُشاع في الوسط الشبابي بان نساء بعض دول العربية بعينها من السهل معاشرتهن؛ والزوجة منهن مطيعة وهينة باشة، و المغرب من تلك الدول, لذلك يعتقد البعض ما ان تزوج الواحد منهن، الا ونسي بصورة متعمدة او غيرها، أهله و سابق علاقاته!! بعضهم يعزيها للمعاملة الحسنة و الدراية بتلك الفنون التي يتمناها كل زوج؛ وبعضهم يعزيها الي ان بعضهن يستخدمن السحر في تليين مراس الزوج وكبح جماحه ويعتقد البعض ان استخدام السحر في تلك الحالات من المباح و المشاع في الثقافة المغربية.
ولكن في المقابل( كما يقول د فيصل القاسم) هنالك زيجات حالفها الحظ وانتجت ذرية صالحة، ليس في اوروبا بل هنالك من طاب لها المقام في السودان، وفي اقاليمه القصية كردفان او دارفور مثلا وعاشت المرأة المغربية مع مثيلاتها السودانيات دون ضجرا و مشاكل؛ ناهيك عن زيجات مضرب مثل و محفز لكثير من الشباب في بلاد الغرب، وهي موضع ثقة وكرم لاهل زوجها واصدقائه، وممثل حقيقي لبلادها و بنات جنسها.
الزواج من الاجنبيات موضوع كبير ولا يستطيع احد تغطية جميع جوانبه، وهو امر يحتاج الي اناس اكثر خبرة مني، ولكني مثل غيري، لاحظت هذا الامر في وتيرة متزايدة وقد اكون مخطئ في ما هكذا بدأ لي، وان كان هنالك من شي يحسب لي او علي فقد اثرت او نقرت علي هذا الباب، و الذي آمل ان يجد حظه من النقاش خاصة من هؤلاء الذين دخلوا التجربة وخرجوا منها بمرها وحلوها او مايزلوا مستعصمين و يعيشون تحت كنفها، والحافز في ذلك ان ابناء السودان خارجه جسد واحد، و انه لاخواتنا وبناتنا حق علينا قبل غيرهًن وبالتالي امر يحس به الاباء جميعا.
حامد احمد منان )
((
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: حسن محمود)
|
شكراً لجميع المتداخلين. وما زلت أركز على تناول المسألة من كافة الجوانب الممكنة.
تذكّرتُ أيضاً قصصاً عن أجانب يتزوجون سودانيات في الخرطوم ، وحينما ينتهي سبب وجودهم في الخرطوم يهربون ، تاركين أمهات كالأرامل يعلنَ أطفالاً أشبه بالأيتام.
قبل فترة وفي حافلة HiAce متجهة من الخرطوم إلى سوق ليبيا ؛ ركب شاب مصري - منتفخ الأوداج- وهو محاط بسبعةِ فتيات سودانيات نعم سبعة توزعن على مقاعد الحافلة الصغيرة وتحلقّن حوله مثل جواري هارون الرشيد. يغازلنه غزلاً جرئياً ويتبادلن معه كلاماً هامساً يعف اللسان عن ذكره. وفهمتُ من الحوار أنّهن طالبات جامعيات ذاهبات معه إلى منزله حيث يوجد آخرون ليستمتعن باللون الأبيض.
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Hani Arabi Mohamed)
|
.
صابر فضل المولي ومتداخليه الاكارم
التحية واكيد التقدير لكم جميعا ,,,
متابع البوست , هاني عربي مداخلاتوا مميزة وبيحاول يجد أتساع أكبر لنقاش الموضوع له التحية معاهوا في أنو زواج السودانيين من غير السودانيات ظاهره قديمة تعرض لزواج البروفيسر عبد الله الطيب من الانجليزية جريزلادا _ من أشهر وانجح حالات زواج السودانيين من غير السودانيات _ وموشر لانفتاح المجتمع السوداني وتقبلوا لثقافات كثيرة _ السودان نفسوا بلد خليط عرقيات وثقافات وشعوب عديدة مختلفة في عاداته وثقافاته _ طبعا تاريخيا ماكل زواج السودانيين من غير السودانيات كان زي تجربة البروف عبد الله الطيب وفي الستينات والسبعينات كان في ظاهرة زواج الطلاب السودانيين من بلاد شرق أوربا وكتير من التجارب دي كانت سلبية للغاية لانوا في سودانيين تركوا زواجات واطفال وعادوا للسودان بعد الدراسة _ والظاهرة دي تعرض ليها الاخ الكريم عادل عبد العاطي في بوست هنا _ وممكن تكون مؤشر سلبي لتصرفات بعض الرجال السودانيين الما بقدروا يكون ليهم قرار قوي تجاه السلطة الاسرية والاجتماعية القوية في السودان الممكن تتدخل وتفرض نفسه على كل خيارات الناس في حياتهم
في بعض مداخلات الأخت المكرمة نعمات بترد أشياء ليس لها أساس من الصحة لانوا السودانيات برضوا متزوجات من غير السودانيين أمريكان وأوربيين وعرب وأفارقة وأتراك وقبل كدة تعرضت لظاهرة هروب الأزواج الأتراك من زوجاتهم السودانيات في بوست هنا
فبتمني يتسع النقاش ليتناول الامر بصورة أكتر تعرض لكافة الجوانب مع التركيز على الواقعية في الطرح ياجماعة الزواج ياهوا الزواج بالسنين والعشرة مهما كانت جنسية زوجتك الحته دي ماحتكون ملاحظة بينكم إطلاقا اللهم إلا يلاحظة المجتمع حلولكم ميزات أو مساوي الزواج الزي ده دي ماحته إنطباعات أو تنظير دي حياة ناس هم البقدروا كيف يمشوها وكيف ينجحوا او يفشلوا فيها فالناس في حياتهم بتفقوا وبختلفوا بغض النظر عن أجناسهم شنوا .... وده ما بعني أنو الطرفين ما لازم ياخدوا بالهم من الاختلافات الثقافية دي ويتفهموها لضمان تفاهمهم .
التهويل في الانحياز المطلق للسودانيات ما مفيد مع أنو هم الأولوية كشي متفق عليهوا ما بحبز إطلاقا الواحد يقول أنو متزوج من غير سودانية لانوا عندوا موقف من السودانيات _ يعني رد فعل _ مافي زول ببني حياتوا كلها على ردود الأفعال .... لكين لو في ناس كان أقدارهم تكون زوجاتهم وشريكات حياتهم من غير السودانيات الحته دي ما بالسلبية البحاول البعض يتخوف منها بالعكس ممكن تكون للإنسان إضافة في حياتوا وبرجع بركز على الحته البحاول أوصله في كل مداخلاتي هنا ((( الزواج قسمة ونصيب ))) ولما ترضي بنصيبك وتستقر في حياتك حتكتشف أنو الزواج ياهو الزواج وأحد حتى لو أختلفت جنسية الزوجين
لكم جميعا التقدير والاحترام
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: عبد الناصر الخطيب)
|
| Quote: التهويل في الانحياز المطلق للسودانيات ما مفيد مع أنو هم الأولوية كشي متفق عليهوا ما بحبز إطلاقا الواحد يقول أنو متزوج من غير سودانية لانوا عندوا موقف من السودانيات _ يعني رد فعل _ مافي زول ببني حياتوا كلها على ردود الأفعال .... لكين لو في ناس كان أقدارهم تكون زوجاتهم وشريكات حياتهم من غير السودانيات الحته دي ما بالسلبية البحاول البعض يتخوف منها بالعكس ممكن تكون للإنسان إضافة في حياتوا وبرجع بركز على الحته البحاول أوصله في كل مداخلاتي هنا ((( الزواج قسمة ونصيب ))) ولما ترضي بنصيبك وتستقر في حياتك حتكتشف أنو الزواج ياهو الزواج وأحد حتى لو أختلفت جنسية الزوجين |
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: مريم بنت الحسين)
|
ربما يـ / تــحمل توأم روحك جنسية مختلفة، ربما تنتميان لديانات مختلفة، ربما لا تفهمان لغة بعضكما،
لكن المؤكد أنّكما خٌلقتما لبعضكما.
====
دُهِشَ حين رأها تحمل علامة في ظهرها تطابق تلك التي على ظهره :) ودهش أكثر حين تطابقت إجابتهما على نفس السؤال رغم أن كلاً منهما كتبها بلغته دون أن يستشير الآخر أو يناقشه.
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: حسن محمود)
|
الاخ حسن محمود
هذه اضافة جيدة تدخل في صلب الموضوع وقد تناوله الاخ حامد كثير من الجهد
والبحث ويبقي السؤال قائماالي متي؟
هاني تحياتي والحافلة دي قصتها عجيييييييبة
جاءني الآن ايميل من صديق يقرأ المنبر ومتزوج من مصرية قال لي:
ستكون بنت النيل معك على السراء والضراء ما دامت صحتك وجيبك عالٍ العال وإذا فقدت أحدهما تأكّد أنك ستفقدها ولن تكتفي بذلك بل ستفضحك شر فضيحة
عبد الناصر الخطيب
تجربتك مثالواضح للتوافق مع اجنبية رغم اختلاف اللغة والثقافة
وتاكد بان الزواج لعبة عالمية (مش دوري محلي فقط هلال مريخ)
نعمات لك سؤال عن المتزوجات اجانب ماسمعنا رأيك فيه
| |
|
|
|
|
|
|
| |
صابر فضل المولي
البحيراوي
Abdelrahim Elamin
Nasr
نعمات حمود
طلحة عبدالله
Hani Arabi Mohamed
Osama Mohammed
محمد البحر
Bashasha
mohmed khalail
خضر الطيب
ترهاقا
مريم بنت الحسين
وضاحة
Hatim Elmaki
محمد مختار جعفر
Abdullah Idrees
james
بكري عباس علي
خالد علي محجوب المنسي
Mohammed Ibrahim Othman
Azhari Nurelhuda
Elsanosi Badr
عمر عبد الخالق سعيد
سيف الدولة كامل
احمد الزبير
نادر الفضلى
فيس بوك
تويتر
انستقرام
يوتيوب
بنتيريست