الجيل الثاني بأرض المهجر ـ حميمية العلاقة وقهر الضحية ـ

Quote: لك الشكر أستاذ صلاح على الرد، و شكرنا موصول للباشمهندس بكرى لرفعه هذا البوست. نواصل الإسهام فى هذا البوست الهام. لقد أشرت من قبل تكونت لدى فكرة أولية هى، تباين أو إختلاف التجربة بين المهاجرين و المغتربين، مما يبرر فرز المجموعتين أو التناول المختلف للفئتين، أبدأ حديثى حول الفروقات الأساسية بين المهاجرين و المغتربين، متبعا مدخل الأمريكان فى كثير من المسائل و خاصة فى عرض و جهات النظر، و ذلك بإيراد تجارب شخصية، و من ثم التعميم. رن جرس التلفون، و عندما رفعت السماعة جاءنى صوته كغير عادته ـــ أكثر ضحكا و آخر سعادة، و أكثر ثقة، معرفا نفسة... أنا أمير. أهلا و سهلا يا باشمهندس، و شنو الحاصل الليلة ... آخر بسطة. I made it You made what? أخذت الجنسية يوم الثلاثاء أول أمس، سريع مليت الطلب للجواز و حتصلنى البطاقة الإنتخابية فى بحر أسبوع ... أسبوعين. الإنتخابات الجاية دى محصلها محصلها. ألف ... ألف مبروك و الموضوع دا داير ليهو عزومة كبيرة و محل راقى ما زى محلات العرب الكلو يوم ماشين ليها دى. الباشمهندس أمير ليهو حوالى خمس سنوات فى الولايات المتحدة. إستوفى شروط الحصول على الجنسية، و الشروط دى منشورة فى الإنترنيت، واحد... إثنين ... ثلاثة. ذهبنا فى المساء لمطعم كارب، و هنالك سألته ـــ إنت يا باشمهندس أكتر حاجة عاجباك فى أمريكا دى شنو؟ يا خى ديل راقيين جدا... مرة فى الشتاء، نزل جليد شديد غطى العربية، و لما جيت راجع بديت أنظف الجزء الأمامى من العربية، وفى أثناء التنظيف وجدت ورقة صغيرة و مكتوب عليها إعتذار و إخطار من الكاتب بأنه صدم الجزء الخلفى لعربيتى، ولم ينسى الكاتب وضع رقم تلفونه. بعدها نظفت الجزء الخلفى من السيارة و وجدت صدمة بسيطة، لكن إستغربت جدا ليه الزول دا ما مشى ، وما فى زول شافو و الجليد نازل و مافى كاميرا. سألته، هل إتصلت به؟ نعم، و أول سؤال سألته له لماذا كتب المذكرة، و كان ممكن يمشى و مافى زول شاهد. أجاب كاتب الورقة It wasn’t the way, I was raised. السلوك التلقائى لهذا المواطن الأمريكى فى هذة الحالة يتعلق بالتربية و المسئولية فى المجتمع الأمريكى. و فى حالة الجيل الثانى بالولايات المتحدة نقول The second generation of the Sudanese Americans in the US is generally more integrated into the main stream compared to their parents. فى المرة القادمة سأكتب عن تجربه إبن أختى جادكريم الصافى فى السعودية.