المتنوضل أحمد سردوب – تلفِّقوا إنتو في الأخبار و تعملوا فيها في محنة و نقشقِش في الدموع إحنا

Quote: غلطان يا سيف ، الصحيح : أبو فاخورة فااااااضية شكراً لتعتيل البوست !!! البوست ده بقى زي حجوه أم ضبيبينه .... السوال ، هل دكتور سردوب عيان ليهو أكتر من تلاته أسابيع للدرجه اللي ما قادر يرد علي إتهامات خطيره زي دي بتمس سمعتو و مصداقيتو ؟ خمسه دقايق في الإنترنت يجي هنا يقول لعلاء إنت كذاب و هات دليلك علي إتهاماتك ما عندو ؟! لاحظ علاء فتح البوست ده قبل تلاته أسابيع بالتمام و الكمال و الدكتور لا حس لا خبر ، صمت مريب !!! و الله يجي زول في اساافير الله الواسعه دي يتهمني زي إتهام علاء ده و يكون كلامو كذب والله الدنيا دي ما بتسعنا نحن الاتنين !!!! و أنا هنا ما بقر بصحه إتهام علاء و لا كذب كلام الدكتور لكن بتسال عن سبب سكوت الدكتور علي إتهامات بالبشاعه دي ! أها ده كلو كوم و إصرار أخونا نزار علي تحويل مسار البوست لقضيه تانيه بيزيدو في حيرتي لانو أخونا نزار علي إتصال باخونا دكتور سردوب، معناتو قصه تشتيت الكوره و تحويل مسار البوست ده كلو حاصل بعلم و رضا الدكتور ... و الله يا نزار غير ما بتساعد في إنو الناس تصدق كلام علاء ما بتعمل في حاجه ! أفتح بوست تاني عن علاء و كيف إنو ما معترض على تعذيب المعتقلين وقليل أدب و شين في خلقه الله دي وأي مواضيع أخرى ما في مشكله ، لكن البوست ده فيهو إتهامات محدده عن دكتور سردوب ، عندك معلومه عن الموضوع ده ، عليك الله كبها هنا ، ما عندك أقعد زيك و زينا و استني معانا الدكتور يجي يدينا رايو في الكلام ده !!!!!!!!! و أرقد عافيه ......