|
|
 مزمل أبو القاسم و"الدغمسة"
|
كتب مزمل يقارن بين تخريب استاد الهلال، والذي تم على يد جمهور المريخ خلال مباراة هلال مريخ الكونفدرالية،
وتخريب استاد المريخ، والذي تم على يد جمهور الهلال إبان مباراة مريخ هلال الدورية:
| Quote: * شتان بين فعلٍ لحظي وآخر تم بتخطيطٍ متقن أشرفت عليه عقليات موغلة في الإجرام. مصدر |
!!
|
|
 
|
|
|
|
|
|
|
|
Re: مزمل أبو القاسم و"الدغمسة" (Re: Ashraf el-Halabi)
|
يا مزمل سطرك دا فيهو مغالطين:
أولا: ما في حاجة اسمها (فعل لحظي) في تخريب استاد احتجاج على تحكيم
تانيا: نفرض إنو فعلا في قانون الفيفيا أو كرة القدم في حاجة اسمها (فعل لحظي)
تخريب استاد الهلال في مباراة الكونفدرالية تم بتحريض من كتاب مريخيين، منهم زميلك في الصدى (أبو شيبة)
راجع مقالات المذكور قبل ماتش الكونفدرالية حتلقاه كاتب "لو الحكم ظلم المريخ لا نضمن ردة فعل جمهوره"
| |
|
|
|
|
|
|
|
|
 Re: مزمل أبو القاسم و"الدغمسة" (Re: Ashraf el-Halabi)
|
| Quote: * شتان بين فعلٍ لحظي وآخر تم بتخطيطٍ متقن أشرفت عليه عقليات موغلة في الإجرام. |
طيّب يا أشرف أخوي .. ممكن تسألو لينا وتقول ليهو أها يا الحبيب تحطيم كراسي استاد الهلال* في المرّة القادمة حيكون موغل في الإجرام ولاّ ما موغل ؟
ـــــــ
* دا بس عشان لو حصل تحطيم وكدا .. عايزو يكتب موغل دي .. لأنّها عجبتني خالص 
| |
|
|
|
|
|
|
|
|
Re: مزمل أبو القاسم و"الدغمسة" (Re: صبري طه)
|
لو حصل يا صبري دا حيكون "موغل في اللحظية والعفوية" ههههه
بعدين أسأله ليك أنا لييه؟ أسأله إنتا وهو يرد بنفسه!!
الأستاذ مزمل زميل منبر وقاعد يقرأ البتكتب، والدليل "موغلولو" 
زي ما بقول تبارك: "معاك أحلى مايك" يا مزمل
| |
|
|
|
|
|
|
|
|
|
Re: مزمل أبو القاسم و"الدغمسة" (Re: Ashraf el-Halabi)
|
الأستاذ مزمل أبو القاسم
تحية واحترام
إنتا من الكتاب الرياضيين المؤثرين دي نقرها احنا ذاتنا الهلالاب، لكن اسمح لي، تأثيرك دا ما جايي من موهبة في مجال الصحافة الرياضية!، تأثيرك يا أستاذ جايي من التخريب الحصل في نفسية ووجدان المواطن السوداني بفعل القمع الإنقاذي زائد برامج التعبئة (ساحات الفدا). دا خلق نفسية تجنح للعنف والانتقام ولقت ضالتها فيكم.
إنتا وكتاب تاني كتيرين (هلالاب ومريخاب) استغليتوا النفسية المخربة دي في مشاحناتكم الهلال مريخية
يا سيدي لو عندكم أي رغبة في إيقاف حمام الدم القادم توقفوا البتعملو فيهو دا وتتساموا على الصغائر وتقوموا بمبادرة ككتاب (هلال مريخ) ينعكس أثرها على الجمهور المسكين داك
دا حيساهم كتير جدا في امتصاص الاحتقان الحاصل.
أصريتو تستمروا في الإنتو فيهو دا أركزوا.
| |
|
|
|
|
|
|
|
|
|
Re: مزمل أبو القاسم و"الدغمسة" (Re: Ashraf el-Halabi)
|
Quote:
حسابات لقاء أنجولا
...
المريخ والأفيال
...
آخر العلاج الكي..!!
...
صح النوم يا وزارة الحلقة-2-
...
الصحيفة علي موقع التواصل الاجتماعي فيس بوك
...
معاك لي آخر المدى!
الاثنين, 24 سبتمبر 2012 08:55
* كتبنا أمس عن تردي الأحوال في الاتحاد العام وغياب قادته وتناولنا ضعف متابعته وسوء حاله ومآله بعد أن فضحته مباراة القمة الأخيرة وأكدت أنه غائب مثل المراقب الذي تم تعيينه للمباراة فأناب عنه آخر، ولحق بمن فضلوا الاحتجاب تاركين الجكومي يواجه أحداث ومآسي القمة منفرداً.
* أمس فجعنا بسقطة إدارية كبيرة قبل أن يجف الحبر الذي كتبنا به عن فاجعة القمة!
* أعلنت اللجنة المنظمة مباراة النيل وأهلي شندي التي كان من المفروض أن تقام بإستاد الحصاحيصا، وتوجه
الأهلي إلى موقع المباراة وفوجئ برفض النيل اللعب في الحصاحيصا، حيث حمل أغراضه وغادر إلى الكاملين مصراً على اللعب بإستادها!
* أسقط في يد الاتحاد فبادر (بتأجيل) المباراة، علماً أنه بعث وفداً إلى الحصاحيصا لمعاينة الملعب وأفتى بصلاحية الملعب لاستضافة مباريات الممتاز فتمت برمجة المباراة عليه.
* الاتحاد وقع في فخ يصعب الفكاك منه.
* تأجيل المباراة برغم رفض النيل أدائها سيدخل الاتحاد في مشكلة كبيرة مع النمور الذين التزموا بالجدول المعلن للدوري وتحملوا عناء وكلفة السفر إلى موقع المباراة!
* اعتبار النيل مهزوماً وتحويل النقاط إلى الأهلي سيعيد إلى الأذهان سابقة مباراة التماسيح والهلال الشهيرة، عندما رفض الهلال اللعب وفشل الاتحاد في معاقبته وأعاد المباراة بقرار من لجنة الاستئنافات المركزية.
* ترى كيف سيتصرف الاتحاد في مواجهة المطب الجديد، علماً أن النيل محسوب على رئيسه، بينما سيقف محمد سيد أحمد مع ملعبه وسيدافع عن صلاحيته تثميناً لما أنجزه فيه!
* مآسي اتحاد المآسي لا تنقطع إلا لتبدأ من جديد!
* وبالأمس حدثت سقطة أخرى بتأخر الحكام عن الوصول إلى كوستي لإدارة مباراة الرابطة والأمل الشيء الذي تسبب في عدم اكتمال المباراة، والمحزن في الأمر أن المباراة قادها حكم السودان الأول خالد عبد الرحمن، وراقبها سكرتير لجنة التحكيم المركزية صلاح أحمد محمد صالح!
* ثلاث فضائح تنظيمية في ظرف 72 ساعة فقط، والقادم أسوأ بكل تأكيد
* نحيي الأخ عبد العزيز برجاس الذي اختار أن ينأى بنفسه عن الفوضى المعشعشة وقدم استقالته ن مجلس إدارة اتحاد الفوضى والمجاملة العام.
* استقالة برجاس حديث الناس!
ضد معلوم
* هل فتح مجلس إدارة نادي المريخ بلاغاً جنائياً ضد من حطموا منشآته ودمروا طابق شاخور؟
* هل لاحق من كلفوه خسائر قيمتها مليارات الجنيهات قضائياً؟
* ما حدث في إستاد المريخ مساء الخميس الماضي يشكل سلوكاً إجرامياً قبيحاً يجب مناهضته بقوة وملاحقة مرتكبيه وتقديمهم للمحاكمة بتهمة إتلاف الممتلكات العامة والاستيلاء عليها بغير وجه حق.
* تم كل ذلك بتخطيط إجرامي قبيح وتنفيذ متقن، ونفذ على مرأى ومشهد المئات من رجال الشرطة وكل المكلفين بحفظ الأمن وبحضور وزير الرياضة الولائي الأستاذ الطيب بدوي.
* وثق مصورو الصحف الواقعة القبيحة وفيها اتضحت ملامح العديد ممن شاركوا في الجريمة المنكرة.
* لم تستطع الشرطة أن تمنع الشغب والتدمير والسطو على مقاعد إستاد المريخ وتفرج أفرادها على تلك المهزلة القبيحة لأكثر من ساعة!
* لكنها وبكل تأكيد تستطيع ملاحقة الجناة وإلقاء القبض عليهم وتقديم من خططوا وحرضوا ونفذوا الشغب وأتلفوا الممتلكات العامة إلى المحاكمة.
* هوية المخططين معلومة لمعظم الرياضيين، والصور موجودة، وملامح من ارتكبوا الفعل القبيح واضحة فيها، فكيف يفلتون بفعلتهم؟
* نقيم المبادرة الجميلة التي طرحها الزميل الصديق عبد المجيد عبد الرازق لإعادة إعمار إستاد المريخ، ونقدر لشباب صفحة المريخ في الفيسبوك (ممثلين في الأخ الصديق عبد السلام حميدة) مبادرتهم بجمع التبرعات لإصلاح المفخرة وإعادة طابق شاخور إلى سابق عهده.
* لكننا نطالب بملاحقة الجناة وتقديمهم للمحاكمة، قبل الشروع في إصلاح ما خربوه!
* ترك الجناة من غير ملاحقة ولا محاكمة يعني تجديد الدعوة لهم ليكرروا فعلتهم!
* جريمة تم التخطيط لها بعناية ونفذت على مرأى من الملايين لا يمكن أن تقيد ضد مجهول!
الطريفي يفتي
* صرح الأخ الطريفي الصديق نائب رئيس الاتحاد مؤكداً أن اتحاد الكرة ينتظر التقارير الأمنية بشأن مباراة القمة لاتخاذ القرارات المناسبة، وكشف عن نية اتحاده إصدار لائحة جديدة لتنظيم المباريات، تغطي حالات الفوضى والشغب، مشيراً إلى أن العقوبات ستأتي مشددة توطئة لمحاربة الظاهرة المقلقة!
* من يقرأ تصريح الطريفي سيظن قطعاً أن الاتحاد لا يمتلك لائحة لتنظيم المباريات، أو أن اللائحة الحالية تخلو من أي إشارة لكيفية التعامل مع حالات الفوضى والشغب.
* يمتلك الاتحاد السوداني لكرة القدم لجنة منظمة، ولجنة للانضباط، ولجنة للاستئنافات، فهل تعمل اللجان المذكورة بلا لوائح؟
* وهل تخلو قوانين الاتحاد من أي إشارة لكيفية التعامل مع أحداث الشغب؟
* إذا كانت الإجابة لا فتلك مصيبة.
* وإذا كانت نعم فما الذي يدعو الطريفي للحديث عن إصدار لائحة جديدة؟
* ألم يسبق للاتحاد الحالي معاقبة طرفي القمة باللعب من دون جمهور في مطلع الدوري السابق (مباراة الهلال والنيل، ومباراة سكواها) بسبب شغب جماهيرهما في نهائي الممتاز وكأس السودان في العام قبل الماضي، فإلى أي لائحة استندتم وقتها؟
* حتى في الموسم الحالي عاقب الاتحاد أندية الأهلي شندي والرابطة كوستي والأمل عطبرة باللعب من دون جمهور، وأعفاها بقرار من رئيسه احتفاءً بصعود ثلاثة أندية سودانية إلى ربع نهائي الكونفدرالية!
* فعلامَ استندتم في اتخاذ عقوبة اللعب من دون جمهور طالما أنكم لا تمتلكون لوائح تحكم حالات الشغب والفوضى كما أوحى لنا الطريفي بحديثه الأخير.
* القانون موجود يا طريفي ويبحث عمن يطبقه!
طبقوا القانون
* القواعد العامة موجودة وتغطي كل حالات الخروج، الشغب والفوضى وتحسم كل أشكال تجاوز الخطوط الحمراء بصرامة حيث نصت على محاسبة الهيئات التي تتجاوز القانون بما يلي: يجوز للجمعية العمومية أو مجلس الإدارة أو اللجنة المنظمة أو لجنة التحكيم المركزية أو لجنة لجنة التدريب المركزية أو المجلس المحلي أو اللجنة الإدارية كل في مجال اختصاصاته أو أي لجنة يكونها مجلس الإدارة يراها مناسبة توقيع أي أو بعض العقوبات التالية وفقاً للقواعد العامة أو لائحة المنافسة أو لائحة المحاسبة.
أولاً: الهيئات: الإنذار الغرامة المالية، إلغاء نتيجة المباراة، إعادة المباراة، حذف نقاط من الرصيد، إجراء مباريات بدون جمهور، نقل المباريات خارج الأرض، اعتبار الفريق مهزوماً، الإيقاف عن اللعب، الإقصاء من المنافسة، الهبوط للدرجة الأدنى، إلغاء الانتساب، الحرمان من التسجيل والشطب!
* وكما ذكر الأخ الصديق مدثر خيري فقد عوقب نادي الهلال آخر مرة باللعب من دون جمهور، وتكرار المخالفة يقود عادةً إلى تشديد العقوبة!
* ليس من حق الطريفي ولا أي مسؤول في الاتحاد السوداني أن يتعرض لأحداث مباراة قمة الكونفدرالية لأنها أقيمت تحت إشراف الكاف، وقد أفتى الاتحاد السوداني نفسه بذلك من قبل ورفض معاقبة رئيس الهلال الأمين البرير عندما اعتدى على الحكم الجزائري بدعوى أن المخالفة حدثت في منافسة ينظمها الكاف، وما يجري فيها لا يعني الاتحاد السوداني!
* حول الكاف ملف شغب جماهير المريخ في لقاء القمة إلى اللجنة التأديبية التابعة له!
* ونتوقع من الاتحاد السوداني أن يسير على خطى الكاف ويحول الهلال إلى لجنة الانضباط لتشدد العقوبة عليه، بسبب تجدد شغب جماهيره في منافسة الدوري الممتاز!
* بحسب التسلسل الوارد في القواعد العامة الخاصة بالاتحاد السوداني يجب تطبيق عقوبة نقل المباريات أو اعتبار الهلال مهزوماً في المباراة التي أثارت فيها جماهيره الشغب.
* فهل يجرؤ الاتحاد على ذلك أم يواصل الالتفاف على قواعده ويتجاهلها مثلما يفعل الطريفي الصديق؟
* يا عزيزي الطريفي ما يحدث في منافسات الكاف لا يعنيكم!
* اللوائح موجودة وتغطي الحالة المذكورة ويجب عليكم أن تطبقوا القانون بلا زيادة ولا نقصان.
سوبرمان الاتحاد
* في كل فترة للتسجيلات يسند الاتحاد العام رئاسة لجنة التسجيلات للأخ علي الأمين.
* وقبل أيام أوفد الاتحاد العام علي الأمين إلى الحصاحيصا لمعاينة الملعب وتحديد مدى صلاحيته لاستضافة مباريات الدوري الممتاز.
* وفي العادة ينال الأخ علي الأمين عضوية أي لجنة تتولى تنظيم أي مباراة كبيرة، للأندية والمنتخبات.
* يوم أمس الأول أوفد الاتحاد الأخ علي الأمين برفقة الأخوين زكي عباس ومحمد زكريا لمعاينة إستاد المريخ وتقييم التلفيات التي تعرض لها وتحديد قيمة الأضرار التي ترتبت على أحداث الشغب!
* الثلاثة الذين عاينوا إستاد المريخ يوم أمس الأول (علي الأمين وزكي ومحمد زكريا) ليس من بينهم من يحمل شهادة في مجال الهندسة، وليس لأي منهم سابق خبرة في مجالات البناء والمقاولات، فعلي أي أساس قيموا الأضرار التي لحقت بإستاد المريخ؟
* بحسب اتحاد البدع العام فإن الأخ علي الأمين إداري (سوبرمان) لأن الاتحاد يعتبره خبيراً في لوائح الانتقالات، وخبيراً في إجراءات التسجيلات، وخبيراً للمنشآت، وخبيراً في مجال تقدير التلفيات، وخبيراً في مجال تنظيم مباريات، وخبير أرضيات!
* نحترم الأخ علي الأمين وهو رجل متدين ومهذب وجدير بالاحترام، لكن ما يسنده إليه الاتحاد من أعباء يفوق طاقته بكثير.
* تقييم الأضرار التي تعرض لها إستاد المريخ يجب ألا يتم بطريقة سلق البيض التي يتبعها الاتحاد العام.
آخر الحقائق
* قضية المريخاب أكبر من خسارة بطولة أو فقدان نقاط.
* القضية تتعلق بالتعدي على مكتسبات كبيرة قدمها النادي الرائد لوطنه وللرياضة السودانية.
* احتضن هذا الملعب الجميل فاصلة مصر والجزائر، ونهائي سيكافا ونهائي بطولة أمم إفريقيا للمحليين وأقيمت عليه معظم مباريات المنتخبات الوطنية.
* وهو يمثل المنشأة الكروية الوحيدة المستوفية لمعظم متطلبات الفيفا للملاعب الكروية.
* فكيف يتم تدميره تحت سمع وبصر المسؤولين ورجال الأمن بهذه الطريقة البشعة؟
* وكيف لا تتم ملاحقة الجناة وتقديمهم للمحاكمة؟
* كيف يفلتون بفعلتهم القبيحة؟
* شتان بين فعلٍ لحظي وآخر تم بتخطيطٍ متقن أشرفت عليه عقليات موغلة في الإجرام.
* لو خسر الهلال أمام المريخ لشاهدتم الجزء الخفي من السيناريو القبيح.
* خططوا لترديد هتاف بذئ ضد رئيس الهلال وللاعتداء على غارزيتو حال خسارته للقمة.
* أحبط التعادل بعض المشاغبين لأنهم تمنوا هزيمة فريقهم كي يتمكنوا من تنفيذ مخططهم.
* مطلوب إجراء تعديلات جذرية في الأساليب المتبعة في حفظ الأمن داخل الإستادات.
* ونتوقع استبدال من فشلوا في منع شغب (معلوم الزمان والمكان والمنفذين) بآخرين يستطيعون تطوير أساليبهم وفرض الأمن والنظام داخل ملاعب السودان.
* جماهير المريخ لا تحبذ استمرار ريكاردو لكنها لن تتأخر في مساندته بعد أن فرضه المجلس عليها.
* الامتحان المقبل الذي سيواجه البرازيلي ينحصر في معركة المحافظة على صدارة المجموعة.
* إذا فشل فيها فلن يبقى.
* نتمنى أن يخيب ظننا ويتصدر.
* على جبرة وإبراهومة أن يمارسا دورهما على الوجه الأكمل.
* ما زال في النفس بقية من (كدراوية)!
* شباب الأولتراس.. ملأوا الدنيا وشغلوا الناس.
* لن تسير وحدك يا زعيم.
* كملوا الحب، وبلغوا غاية العشق.
* لم أصدق أنهم سيسيرون إلى شندي بأقدامهم، وطالبتهم ألا يلقوا بأيديهم إلى التهلكة.
* وهنا تكمن عبقرية فكرتهم، وروعة مبادرتهم.
* حتى غلاة محبي المريخ لم يستوعبوها ولم يصدقوها!
* ظننا أنها مجرد (تهويش)، أو فرقعة إعلامية يقصد بها لفت الأنظار، لكنهم فعلوها وخلدوا أجمل كدراوية وأدهشوا العالم بها.
* شعارهم: لن تسير وحدك يا زعيم.
* وراك والزمن طويل يا مريخ!!
* ومعاك لي آخر المدى!
* عذراً إن لم نستطع أن نحيط بمحيط حبكم الزاخر لأجمل كيان.
* لله دركم ما أجملكم.
* ناشدني الباشمهندس فياض إسماعيل أن أنقل استنكاره الشديد لما تعرض له إستاد المريخ من تخريب، وطالب مجلس المريخ بملاحقة الجناة ولم يستثنِ ريكاردو من غضبته ووصفه بالفشل.
* نقدر مسببات غضب فياض لأنه شارك في تشييد المفخرة بنصيب الأسد.
* ضبط الجناة وتقديمهم للمحاكمة مهم للغاية.
* آخر خبر: حا نبنيهو البنحلم بيهو يوماتي. |
بينما كتب هلالابي :
Quote: هِـــــلَالَاب أُحِبُـــــكُم .. متى تضع داحس والغبراء الهلاريخية الإعلامية غير الرياضية أوزارها؟
إلى الأهلة على اختلاف مشاربهم ومنازعهم أسوق تحاياً عطرات، وأمانٍ نضرات، وآمالاً غير عاطلات.
مدخــــــل أول
يأهل الإعلام الرياضي تعلمون أننا لا نحسن احتمال المحنة ولا الثبات للخطب، وتعلمون أن للرياضيين حُمراً وزرقانا خوفاً خفي دائم، يتسرب إلى قلوبهم ووجدانهم فتسري له في أجسامهم كُلها رعدة قوية لا يعرفها غيرهم. وتعلمون أن هذا الخوف يصوَّر لنا ما شاء من الصور حين يغزو قلوبنا ونفوسنا فيصرفها عن درب الرياضة ويصرف أخلاقها السمحة عنا. ونشهد الله أنَّا ما قرأنا في كلمات الكثيرين منكم إلا ما يفرق بين المرء وأخيه، وما عرفنا عن هذا الكثير إلا انحرافاً عن الجادة حين يطول السير فيها، وجنوحاً إلى الشر ورغبةَ في البؤس حين يثقل عليهم اتصال النعيم، ولم نعرف فيهم سوى إعوجاجاً يمنع اتصالهم بعقول مريديهم، والتواءاَ يسوقهم إلى جحود حقوقهم صُفْرَاً وبيضانا، وتطرفاً ينفردون فيه بالسعادة والغبطة ويسوقوننا إليه كما تساق السابلة.
مدخــــــل ثان
.. ويأهل الإعلام الرياضي "إنَّا نري شجراً يسير!"، وبعضكم سؤوم لا يطمئن إلى لونٍ من ألوان الهدوء بين الشقيقين، ولا يستسيغون مودة بين الأزرق والأحمر تسعى بين المريدين، ويلتون عنها ما استطاعوا إلى الإلتواء سبيلا حتى أصبح كل شيءٍ في رياضتنا مسخاً وكل ما فيها عبوساً غير ضاحكٍ ولا باسم. لا تُرِعُوا يأهل الإعلام الرياضي لا تُرِعُوا وإن كان أمرنا كُله يدعو إلى الرَوَعِ، فانكفأنا على أنفسنا نسألها ما جنت؟ فلم نجد جواباً إلا الأيذاء بالكلمات فأضحي الهلالي "هليلاً" تصغيراً لا تعظيما، وأصبح المريخي "دلقوناً" غيبة لا هيبةً، ولا زال الأهلة جميعهم "صفيراباً" إمعاناً في التهميش وبات المريخيون "طيشاباً" إصراراً على التبخيس، واستمرأتم أن تحركونا كما تحرك العرائس.
ما حدث في استاد المريخ كان مدبراً
الدمار الذي حدث في استاد المريخ كان تخريباً مع سبق الإصرار والترصد، ولا يمكن أن ندرجه تحت بند شغب الملاعب، صحيح أن المريخيين قد اعتدوا على استاد الهلال أولاً، ولكن هذ لا يبرر إطلاقاً الرد عليهم بمثل ما تم من تدمير، والذي يندرج تحت بند الإصرار والترصد والتدبير والتنفيذ. والسبب هو هذا الشحن الإعلامي السالب الكريه، المفعم بالكراهية والمعطون بالغبن والذي لا يرى في الآخر شيئاً جميلاً، وتناسى عنوة أنّ "الهليل" أو "الدلقون" أو "الصفيرابي" أو "الطيشابي" ربما يكون أخٌ شقيق أو أختٌ شقيقة أو أخٌ غير شقيق أو أختٌ غير شقيقة، أو صديق العمر أو زميل دراسة، وقد يكون أكبر فيكون أباً أو أماً أو عماً أو خالاً أو إبناً أو بنتاً.
يأهل الرياضة ما هكذا تورد الإبل
إلى الأهلة زرقانا وبيضانا، وإلى المريخيين حُمراً وصفراناً، وإلى أهل الإعلام الرياضي بساقيه الزرقاء والحمراء، وإلى كل مسئول رياضي منذ كان السودان مليون ميلاً مربعاً، إلى أولئك وهؤلاء نعيد ما قلناه سابقاً "إنّا نرى شجراً يسير"، ونعضضه بقولنا "ما هكذا تورد الإبل .. وما هكذا تكون الحلول"، يجب أن تضع هذه الحرب أوزارها، ونسأل أهل المجلسين "أليس فيكم رجلٌ رشيد؟".
خاص إلى رواد المنتديات
لا تنقلوا غثاء الصحافة الرياضية إلى صفحات منتدياتكم، ولا تسودوها بالأيذاء اللفظى، ولا تسعوا فينا بالكراهية، ولا تجروا كما تجر السائمة، أو تساقوا كما تساق السابلة.
مسئولية مجلس الهلال
نأمل أن يشجب ويدين مجلس نادي الهلال للتربية ما حدث في استاد المريخ كما نأمل ألا يكتفي بدور المتفرج ويكون لجنة للتحقيق وبعض ورش العمل التي تسمو بالخلق الرياضي القويم وتدعو إلى المحبة وتنبذ الكراهية.
لاحقة مهمة
ما كتبناه في هذا الخيط هو رأي خاص لا نريد له أن يقع عند مخالفيه موقعاً لم نقصده ولم نسعْ إليه، وهذا الرأي وإن كان خاصاً نأمل أن ينال حظه من التمحيص والتدقيق والتدارس، وأن يعمل فيه المبضع عمل النطاسي البارع، فالأمرلا يخضع لما تكنه الألوان والأنوال لبعضها بعضا حباً كان ذلك أو بغضا. ولا نأمل إلا نُصحاً فقد يستبان النُصح قبل ضحى الغد. وعليه فإننا نؤكد أنَّ سيكون منهجنا في الإقتراب من هذا الأمر منهجاً عقلانياً لأن العقل – لا الهوى – هو الذي يعطي لقيمنا الهلالية ثباتها مع تبدل الأحوال.
أما وقد بلغنا ما أردناه فالحمد لله، اللهم إني قد بلغت اللهم فاشهد.
مع خالص تحياتي
د. صلاح البشير
|
شتان بين وبين .
.............................................................................................حجر.
| |
|
|
|
|
|
|
|
|
|
Re: مزمل أبو القاسم و"الدغمسة" (Re: الرفاعي عبدالعاطي حجر)
|
ودا من عمود مزمل الليلة يا حجر
Quote: * خلال لقاء قمة الكونفدرالية حدث الشغب بردة فعل وقتية وبلا تخطيط مسبق، وتورطت فيه فئة محدودة من جماهير المريخ واستمر دقائق قليلة وشاهدنا عدداً من أنصار النادي يطالبون المشاغبين بعدم تحطيم المقاعد.
* أما في لقاء قمة الدوري فقد تم الشغب بتخطيط دقيق، واستمر أكثر من ساعة، وشارك فيه الآلاف من أنصار الهلال وأسفر عن تحطيم كامل طابق شاخور من الناحية الشمالية وإزالة أكثر من سبعة آلاف مقعد.
* علاوةً على التحطيم غادر الكثير من المشاغبين الإستاد وهم يحملون المقاعد على أياديهم.
* الفعلان مستهجنان، لكن الفارق كبير بين هذا وذاك. مصدر |
لم يتزحزح قيد أنملة عن الانتصار للذات، وإن شاء الله تحرق!!
| |
|
|
|
|
|
|
|
|
|
Re: مزمل أبو القاسم و"الدغمسة" (Re: Ashraf el-Halabi)
|
كلامو صاح
تهيج جمهور المريخ اعتراضا على قرار الحكم بطرد قلق
وتهيج جمهور الهلال بين الشوطين والكرة متوقفة
القانون ذاتو فهي مع سبق الاصرار
ومع صيف الاصرار والترصد
وفيه الانفعال المفاجئ
كلامو صاااااااااااااح
| |
|
|
|
|
|
|
|
|
 Re: مزمل أبو القاسم و"الدغمسة" (Re: وليد محمد المبارك)
|
يا ولي الغلاط ما في عضم الكلام
الحقيقة لا صاح ابداً مع الشغب وتخريب المنشأت .. لا ديل صاح .. ولا ديلك عداهم العيب!
على مزمل ومن في مقامه تحمل مسؤلياته .. اللحظة الحرجة دي بدل التحريض
--------
يا حلبلب قمبوري سلفتو لواحد صاحبي من العيد الفات ما رجعو لي ..
عارف شنو؟
ياخي اسي التعادل دا ذاتو شاقيني بالمغصة .. الحمد لله ما كنت في الاستاد ..
هوو نوز كان بحصل شنو!؟
وانقر شنو!؟
الحالة دي هلالابيتي فكت من سنة اربعة وتزعين!!
والله صحي
قال عاوز فريقو يتغلب قال
دا الفرق بين العقيدة والتشجيع الساي
| |
|
|
|
|
|
|
|
|
|
Re: مزمل أبو القاسم و"الدغمسة" (Re: Ashraf el-Halabi)
|
| Quote: دا الفرق بين العقيدة والتشجيع الساي |
الله يقطع الإنقاذ
عارف يا قيقا الجمهور دا مهزوم من الدنيا في كل المجالات ونهائي ما عندو طريقة فوز ولا تعادل حتى
الفوز الوحيد القعد يتحصل عليهو لمن فريقو يغلب
فتخيل حجم الفجيعة لمن فريقو دي يتغلب!
| |
|
|
|
|
|
|
|
|
|
Re: مزمل أبو القاسم و"الدغمسة" (Re: وليد محمد المبارك)
|
طيب الجمهور دا أصلا إتهيج عشان الحكم طرد قلق
يعني الجمهور شايف دا ظلم
أها يخلوا الجمهور دا وما يحاسبوه ولا كيف؟
أنا ما حصل سمعت بنادي رياضي عفوه من العقوبة عشان تخريب مشجعينو كان نتيجة إنفعال لحظي
كدي قول لي حالة بأي قانون
| |
|
|
|
|
|
|
|
|
|
Re: مزمل أبو القاسم و"الدغمسة" (Re: Ashraf el-Halabi)
|
يا اشرف داك جمهور في استاد بحضر في الكورة على الهواء وبدون اعادة لقطات واقرب مسافة بينه والاعبين اكثر من 30 متر
انا حضرت الكورة في بيتنا راقد في سريري التلفزيون ابعد مني بي مترين وحضرت الاعادة والبطي لحدي ما وصلت للحقيقة دي
مين الجاب سيرة الاعفاء من العقوبة ؟؟!!!
| |
|
|
|
|
|
|
|
|
|
Re: مزمل أبو القاسم و"الدغمسة" (Re: وليد محمد المبارك)
|
Quote: يا اشرف داك جمهور في استاد بحضر في الكورة على الهواء وبدون اعادة لقطات واقرب مسافة بينه والاعبين اكثر من 30 متر
انا حضرت الكورة في بيتنا راقد في سريري التلفزيون ابعد مني بي مترين وحضرت الاعادة والبطي لحدي ما وصلت للحقيقة دي |
يا راااااااااااجل
ياكابتن ولي امرق الزمه
ياخي دا كان شروع في القتل موش شروع في فاول يستاهل الطرد والسجن عقوبه اضافية هي كورة ولا حرب
احيييييييييي انا حليل زمن ناس تعفصك في الانكل ما تعرف منو العفصك بس يشيلوك يطلعوك بره الملعب
عارف يا كابتن عندنا واحد اسمو الزين في الاتحاد البحراوي كان لاعب وسط خطير وقوي
يازول لاعبين ضد المريخ جاهو كف للان بفتش منو الضربو كف حقيقة والله
.
.
لكن الحصل في استاد المريخ والهلال يرفض رفضا باتا ودا سلوك لايشبه الرياضه في اي شي
بس ياهو ذاتو ( الحكومه نايمه والاهالي حايمه )
تحياتي لصاحب البوست وضيوفه
| |
|
|
|
|
|
|
|
|
|
Re: مزمل أبو القاسم و"الدغمسة" (Re: وليد محمد المبارك)
|
Quote: ولي يا صاحب
كدي ارجع اقرا مداخلتي القبل المداخلة الرديت عليها برااااااااااااااحة يا حبة |
ياولي ياخ بشاغل فيك بس
لكن عايز اديك معلومه صاحبك عماد كره لاعب المورده السابق عيان في السعوديه المنطقه الشرقيه ( جلطة في الرجل )
اها لازم تتصل عليهو 00966501506574
طبعا صاحبك كابتن انور ادم حكي قصتكم مع منتخب الشباب
قال مره الكابتن عماد كره كان عايز يغرق وانقذه الحارس وليد المبارك ههههههههههه
انت عارف انا للان بتخيل ليك منظر عماد كره الخواف وبضحك ههههههههههه
| |
|
|
|
|
|
|
|
|
|
Re: مزمل أبو القاسم و"الدغمسة" (Re: صبري طه)
|
(عني يا وليد أخوي "العين بالعين والسن بالسن والبادئ أظلم" دي بتبرء منو فينا ؟ جماهير الهلال أم جماهير المريخ ؟)
طبعا جماهير المريخ
طيب انت رايك شنو في فريق ملعبه تحت الصيانة .. يقوم فريق تاني يستضيفو في ملعبة حسنة منو .. والغريبة انو الفريق يغلب اتنين صفر .. وبعد كل قون تقوم جماهير الفريق المستضاف تكسر الكراسي
؟؟؟؟؟؟؟؟؟؟؟؟؟؟؟؟؟؟؟؟؟ظ
!!!!!!!!!!!!!!!!!!!!
ده غير الحقد والاجرام بسموه شنو
راجه مباراة الهلال واول اغسطس عشان تعرف حاجة
| |
|
|
|
|
|
|
|
|
|
Re: مزمل أبو القاسم و"الدغمسة" (Re: صبري طه)
|
لالالالالالالالالالا
في كل الحا ترجع ليه يمكن تلقى سبب للانفعال والغضب والتكسير مع انو ما مبرر
بس في كورة اول اغسطس دي وريني للللللللللللللللللليييييييييييييييييييييه ؟
فريق استضافكم
وانتو غالبين
ونحن ما لاعبين معاكم
السبب شنو ؟
| |
|
|
|
|
|
|
|
|
|
Re: مزمل أبو القاسم و"الدغمسة" (Re: وليد عبد اللطيف)
|
جلطة عديل كده يا وليد
ربنا يرفع بي يدو بتصل عليه اكيد
مع انو ما اظنه يكون متذكرني شديد
ياخ عليك الله سلم لي على انور قش شديد وقول ليه وليد قال ليك .. ما تغني لينا ياخ
هاهاهاهاهاهاهاهاهاهاهاهاهاهاهاهااه
انا وانور كنا عاملين شمطة لي ابراهومة .. ابراهوه كان الالفة في الحافلة حقت الترحيل .. وانور زول صوتو جميل .. واخو زول حفيظ .. فكنا ماشين جايين من الترين بنغني اغاني ساي .. وابراهومة مصر نغني اغاني وطنية .ز واستكانا لاحمد بابكر
عليك الله خلي انور يغني ليك الحزن النبيل .. غناهو زي كورتو مبالغة
بالنسبة لموضوع غرق كرة
نحن كان سابقنهم ومعسكرين في قصر الصداقة لنهائيات كاس العالم للناشئين في ايطاليا شهرين تقريبا
جو هم كفريق قومي للشباب عنده مباراة مع الفريق القومي المصري عسكرو معانا زي اسبوع كده
اها الظهريات البرنامج كان حوض السباحة
نحن كان حاكمننا ببرنامج للحوض .. لكن هم كان برنامجهم بمزاجهم
كنا قاعدين انا وانور وعاكف بره .. وانا كنت لابس هدومي عادي
اها عماد كرة يا دوبو بتعلم في العوم بيعرف يعوم لكنه ما حريف عوم وما بعرف يتنفس في الموية
واخوك طبعا ود ثورات وتمساح موية
اها كرة قال عاوز يقطع الحوض ماشي جاي لكن مشكلته انو بداه من المكان الغريق
وهو بعوم وراسو جوه المويه ( ما بتنفس تنفس طبيعي) كمل الحوض ماشي
وبدا في الرجعة
انا عرفتو طوالي ما بتمو قلت لي عاكف الزول ده ما حا يقدر يتم الحوض وقلعت الفنيلة الكنت لابسها والجزمة وما كان في وكت اقلع بنطلون الجينز
وبقيت براقب فيه ومتوقع الحا يحل
وقد كان
في منتصف المنطقة الغريقة تماما كره قطع ومرق راسو عشان يتنفس وغتس
وانا توشك وراهو ببنطلون الجنيز
اتخيل زول عمرو 16 سنة عاوز يمرق ليه زول قدر كرة
والله تلتلني جنس تلتله لحدي ما مرقتو
هاهاهاهاهاهاهاهاهاهاهاهاهاها
هاهاهاهاهاهاهاها
| |
|
|
|
|
|
|
|
|
|
Re: مزمل أبو القاسم و"الدغمسة" (Re: وليد محمد المبارك)
|
Quote: في منتصف المنطقة الغريقة تماما كره قطع ومرق راسو عشان يتنفس وغتس
وانا توشك وراهو ببنطلون الجنيز
اتخيل زول عمرو 16 سنة عاوز يمرق ليه زول قدر كرة
والله تلتلني جنس تلتله لحدي ما مرقتو
هاهاهاهاهاهاهاهاهاهاهاهاهاها
هاهاهاهاهاهاهاها |
هههههههههههههههه والله ببكي من الضحك عديل ياسلام ياخ
والله عماد كره راجل حبوب وبتاع ضحك وبهجه ربنا يكتب سلامته
| |
|
|
|
|
|
|
|
|
|
Re: مزمل أبو القاسم و"الدغمسة" (Re: وليد عبد اللطيف)
|
Quote:
* الثلاثة الذين عاينوا إستاد المريخ يوم أمس الأول (علي الأمين وزكي ومحمد زكريا) ليس من بينهم من يحمل شهادة في مجال الهندسة، وليس لأي منهم سابق خبرة في مجالات البناء والمقاولات، فعلي أي أساس قيموا الأضرار التي لحقت بإستاد المريخ؟
|
what?
لازم نقراء هندسة يعنى
ما سمعتو بنظرية التقييم بالنظر, الا يكفى اننا كنّا نشتغل طلب ايام اجازة المدارس؟
| |
|
|
|
|
|
|
|
|
|
Re: مزمل أبو القاسم و"الدغمسة" (Re: محمد زكريا)
|
كبتن وليد وكبتن وليد وبينهما (كرة)
| Quote: يا اشرف داك جمهور في استاد بحضر في الكورة على الهواء وبدون اعادة لقطات واقرب مسافة بينه والاعبين اكثر من 30 متر |
ياخي نفرض الحكم غلطان مليون في المية، هل دا مبرر؟
يا شفت يو ددنت قت ما بوينت كلو كلو
أنا هنا ما بدافع عن جمهور الهلال وبجرم جمهور المريخ يا وليد!
أنا نقطتي الأساسية إنو (حالة الاحتقان الحتقود لانفجار كارثي في الوسط الرياضي دي خلقوها ديوك عدة الصحافة الرياضية، هلاليين على مريخيين.
علاج الحاجة دي، والحد من تطورها، يبدأ بالسيطرة على الديوك، ما زي ما بقترح مزمل ويصر كل يوم، بزيادة القوات الأمنية وقعادهم وسط الجمهور)
هلال مريخ ياها هلال مريخ
والتحكيم ياهو التحكيم، بيكوجن من زمان
الإتغير يا وليد: نفسية الناس بقت ما زي زمان، لعوامل ذكرتها فوق، وبقى متنفسهم في الانتقام أكتر من المسامحة وخلق العذر للبغلط
العيانين النفسيين بتاعين الصحافة الرياضية، بشقيهما (هلال مريخ)، وهم برضوا طال نفسياتهم الخراب الحاصل- بفهم وتدبير ولا من غيرهم- استغلوا حالة الجنوح للعنف دي لتصفية حساباتهم الذاتية مع خصومهم
إذا في رأيي الحل، لتلافي الكارثة القادمة، قطع رأس الحية.
| |
|
|
|
|
|
|
|
|
|
Re: مزمل أبو القاسم و"الدغمسة" (Re: وليد عبد اللطيف)
|
Quote: سلام يا اشرف انت جبت مقال مزمل اوكى جيب كمان مقال عائس ولا مقال كتاب الهلال
الكانو بحرضو جماهير الهلال لتكسير كراسى استاد المريخ والمقالات كلها موجودة |
أضم صوتي لصوت بشرى يا سنادة
كدي جيب لنكات
يا بو الحسن أنا أصلا ما قلت الكتاب الهلاليين ما حرشوا جمهور الهلال، رغم إني ما قريت (لأني بتابع قون والصدى الإلكترونيات فقط) لكن ما مكذب مزمل في إنو في كتاب شحنوا جمهور الهلال قبل الماتش الدوري، وأنا أصلا شايف العلة في الإتنين (كتاب هلال مريخ) ونقل حربهم الخاصة للجمهور دوم النظر للعواقب
أنا اعتراضي على كلام مزمل إنو قال بالنص "* خلال لقاء قمة الكونفدرالية حدث الشغب بردة فعل وقتية وبلا تخطيط مسبق، وتورطت فيه فئة محدودة من جماهير المريخ واستمر دقائق قليلة وشاهدنا عدداً من أنصار النادي يطالبون المشاغبين بعدم تحطيم المقاعد.
* أما في لقاء قمة الدوري فقد تم الشغب بتخطيط دقيق، واستمر أكثر من ساعة، وشارك فيه الآلاف من أنصار الهلال وأسفر عن تحطيم كامل طابق شاخور من الناحية الشمالية وإزالة أكثر من سبعة آلاف مقعد."
وأنا شايف كتابات أبو شيبة قبل الماتش الكونفدراي البتقول "إذا الحكم ظلم المريخ نتوقع ردة فعل عنيفة من جمهور الأحمر" شايفها تخطيط وحريش
ثانيا مزمل لو عنده دليل على (المخطط) طوالي يتقدم بيه للشرطة وإلا يبقى تكبير كوم والسلام
| |
|
|
|
|
|
|
|
|
|
Re: مزمل أبو القاسم و"الدغمسة" (Re: Ashraf el-Halabi)
|
يا ناس الكسير بحصل دائماً في كورة القدم، والحكم بدقو عديل واللعيبة بجدعهم بالحجارة وقصب السكر، شنو الجديد؟
الاستاد بتصلح وبتكسر تاني دي كورة القدم عندنا، وانتو فاكرين انو في كورة من اساسو ؟ كورتنا في خشومنا وجرايدنا ،
| |
|
|
|
|
|
|
|
|
|
Re: مزمل أبو القاسم و"الدغمسة" (Re: Ashraf el-Halabi)
|
Quote: لازم نقراء هندسة يعنى
ما سمعتو بنظرية التقييم بالنظر, الا يكفى اننا كنّا نشتغل طلب ايام اجازة المدارس؟ |
يا ود زكريا حتى لو كان فيهم مهندس حيقولوا ما متخصص استادات!
يا مان دي ناس تحب الآكشن والغلات
| |
|
|
|
|
|
|
|
|
|
Re: مزمل أبو القاسم و"الدغمسة" (Re: Ashraf el-Halabi)
|
| Quote: يا ناس الكسير بحصل دائماً في كورة القدم، والحكم بدقو عديل واللعيبة بجدعهم بالحجارة وقصب السكر، شنو الجديد؟ |
الجديد يا قرشي إنو السودانيين، بفعل ساحات الفداء وأغاني الحماسة، بقوا شعب أقريسف لدرجة بعيدة وطوالي في حاجة للعنف لتفريغ الشحن السالبة الجواهم
زائد الغلاء والقهر الحكومي والخيبات الحياتية المتواصلة خلت الناس في حوجة لأي انتصار
ديوك العدة (الصحافرياضيين) من الجانبين كل جانب يصور تيمه كأنه برشلونة وما حيتغلب إلا بمؤامرة
يجي المسكين الأخلاقه في طرف نخرته الراجي فراحته الوحيدة تفرحه يلقى برشلونة إتغلب!!
لو كنت مكانوا تعمل شنو؟
| |
|
|
|
|
|
|
|
|
|
Re: مزمل أبو القاسم و"الدغمسة" (Re: Ashraf el-Halabi)
|
(ياخي نفرض الحكم غلطان مليون في المية، هل دا مبرر؟
يا شفت يو ددنت قت ما بوينت كلو كلو)
ابدا ما مبرر .. لكن سبب ممكن نقبض فيه .. نرفضو لكن نفهمو
بي مباراة اول اغسطس دي ورينا سببها شنو حتى لو ما كان مبرر
| |
|
|
|
|
|
|
|
|
|
Re: مزمل أبو القاسم و"الدغمسة" (Re: Ashraf el-Halabi)
|
Quote: حسن سنادة سلام
ياريت لو تدينا لنكات للمقالات المعنية - مقالات الكتاب الهلالاب البتحرض على تكسير الكراسي - عشان نشوف الوجه التاني للصورة |
سلام يا محمد حبيب البلد مثال حى وبالبنط العريض تحريض واضح لو عايز لنكات ارجع وشوف اصدارات الصحيفة قبل المباراة
نفس الموضوع دا اتكلمت ميرفت حسين فى برنامجها مع كابتن السادة تحريض الصحف الرياضية من الجانبين
تحياتى اشرف
| |
|
|
|
|
|
|
|
|
|
Re: مزمل أبو القاسم و"الدغمسة" (Re: Ashraf el-Halabi)
|
أنا نقطتي الأساسية إنو (حالة الاحتقان الحتقود لانفجار كارثي في الوسط الرياضي دي خلقوها ديوك عدة الصحافة الرياضية، هلاليين على مريخيين.
علاج الحاجة دي، والحد من تطورها، يبدأ بالسيطرة على الديوك، ما زي ما بقترح مزمل ويصر كل يوم، بزيادة القوات الأمنية وقعادهم وسط الجمهور)
هلال مريخ ياها هلال مريخ
والتحكيم ياهو التحكيم، بيكوجن من زمان
الإتغير يا وليد: نفسية الناس بقت ما زي زمان، لعوامل ذكرتها فوق، وبقى متنفسهم في الانتقام أكتر من المسامحة وخلق العذر للبغلط
العيانين النفسيين بتاعين الصحافة الرياضية، بشقيهما (هلال مريخ)، وهم برضوا طال نفسياتهم الخراب الحاصل- بفهم وتدبير ولا من غيرهم- استغلوا حالة الجنوح للعنف دي لتصفية حساباتهم الذاتية مع خصومهم
إذا في رأيي الحل، لتلافي الكارثة القادمة، قطع رأس الحية.
أحييك و اوافقك تماما ....واعدل ليك شيئ بسيط ( ونقل حربهم الخاصه للجمهور دون النظر للعواقب )
هذه الحرب هي حرب تجارية بحته هؤلاء ( الكتبة ) يتقابلون مساء وفي اصفي الاجواء ...و الكأس يتجرعه الجمهور المسكين يدفع( ويتغلي )
هي ليس حرب خاصه فيما بينهم هي حرب بينهم مجتمعين وبين الجمهورين ( الاحمر و الازرق ) فاذا تعقل الجمهور واصبح جمهور مثالي
يعقل و يتدبر الامر ويقيم الامور و يتقبل الهزيمه ويبارك الفوز ..فقد كسدت تجارتهم ( ازرق و أحمر وما بينهما ) لان هؤلاء جميعا
لايجيدون غير هذه الاساليب ( ولعوا النار في الحطب خلونا نتدفي )التدفئه بي كمين الف دولار مبيعات ( سخف ) وليس صحف ...
دورنافي المنابر ان كان لنا دور أو ان تركوا لنا طريق ...
أولا ..أن نتعقل نحن في فيما بيننا(اعضاء المنبر ) تاركين السب و اللعن والتطاعن
نهدف الي ترقيه المفهوم العام للرياضه ونعمل بجدية لذلك
تحجيم التعصب والعصبيه
توضيح الصورة و المقصود في كل مقال ينزل او عمود يدرج في الصحافة الرياضيه فاضحين بذلك هذا المقصود .
اخيرا فليعلم الجميع باننا بعيدين كل البعد عن ساحة كرة القدم الافريقيه و الدوليه و العالمية
لذلك - الشكل في شنو ؟؟؟؟؟؟؟
وسلام
| |
|
|
|
|
|
|
|
|
|
Re: مزمل أبو القاسم و"الدغمسة" (Re: وليد محمد المبارك)
|
Quote: ابدا ما مبرر .. لكن سبب ممكن نقبض فيه .. نرفضو لكن نفهمو
بي مباراة اول اغسطس دي ورينا سببها شنو حتى لو ما كان مبرر |
أوكي نفهمه لكن ما ناخده كمخفف للعقوبة
لو عندنا اتحاد شايف شغله وعارف دوره كويس الحاجات دي كانت إتحسمت من الأول
لكن إتحادنا يخاف ويجامل ويدلع هلال مريخ
حادثة (الهلال ونيل الحصاحيصا) الماسكا مزمل ذلة على الاتحاد واحدة من حالات التفريط ومزمل محق فيها، نقاط المباراة دي في رأيي تمشي للنيل والهلال يخبط راسو في الحيط
وحادثة تدخل الرئاسة الأخيرة في موضوع خلاف هيثم مصطفى مع ناديه تشبهها، وتدخل الرئيس كان خصم من المؤسسية، ودي آثارها السالبة (دا لو كان عندها آثار إيجابية!) حتظهر لقدام.
تاني أيي نجم في فريقي القمة حيكون فوق المؤسسية وناديه ما يقدر يفرض عليه لائحة ولا خلافه
حادثة أغسطس دي سمعت بيها إلا منك، وأبدا ما مكذبها ومتأكد إنها تكون حصلت
اتحاد السجم دا لو كان عنده شخصية كان يعاقب الهلال ويلزمه بتعويض الخسائر وإلا..
لكن أرجع وأقول السبب فيها ديوك العدة الصحافرياضيين
| |
|
|
|
|
|
|
|
|
|
Re: مزمل أبو القاسم و"الدغمسة" (Re: Ashraf el-Halabi)
|
يا حبيبنا انا مع تغليظ العقوبة وليس تخفيفها
والمريخ سيعاقب سيعاقب لان ملفه عن الاتحاد الافريقي
ولان البطولة كانت تبع الاتحاد الافريقي
فهل يستطيع اتحادنا المبجل معاقبة الهلال ؟؟
لكن وللحقيقة في هذا الامر تصرف جماهير الهلال كان الاعنف والاكثر عنجهية
بالنسبة لحادثة اول اغسطس الصور قاااااااااااااااعد ة
حتى ادارة الهلال حينها طلعت بيان قالت دي ما جماهيرها
وجما الواحد طلع تصريح قلل من التخريب وقال انها اشياء بسيطة
هاهاهاهاهاهاهاهاهاهاهاهاهاه
تكون جماهير اول اغسطس يا الله ؟!
| |
|
|
|
|
|
|
|
|
|
Re: مزمل أبو القاسم و"الدغمسة" (Re: abas)
|
الحصل انو جماهير المريخ وجماهير اهلي شندي مبيتين نيه كعبة شديد في كورة اهلي شندي
نيه معبة خاااااااااااااااااالص
قد تصل لمستوى الحصل في بورسعيد
اها رايك شنو انت
| |
|
|
|
|
|
|
|
|
|
Re: مزمل أبو القاسم و"الدغمسة" (Re: Ashraf el-Halabi)
|
Quote: أحييك و اوافقك تماما ....واعدل ليك شيئ بسيط ( ونقل حربهم الخاصه للجمهور دون النظر للعواقب )
هذه الحرب هي حرب تجارية بحته هؤلاء ( الكتبة ) يتقابلون مساء وفي اصفي الاجواء ...و الكأس يتجرعه الجمهور المسكين يدفع( ويتغلي )
هي ليس حرب خاصه فيما بينهم هي حرب بينهم مجتمعين وبين الجمهورين ( الاحمر و الازرق ) فاذا تعقل الجمهور واصبح جمهور مثالي
يعقل و يتدبر الامر ويقيم الامور و يتقبل الهزيمه ويبارك الفوز ..فقد كسدت تجارتهم ( ازرق و أحمر وما بينهما ) لان هؤلاء جميعا
لايجيدون غير هذه الاساليب ( ولعوا النار في الحطب خلونا نتدفي )التدفئه بي كمين الف دولار مبيعات ( سخف ) وليس صحف ...
دورنافي المنابر ان كان لنا دور أو ان تركوا لنا طريق ...
أولا ..أن نتعقل نحن في فيما بيننا(اعضاء المنبر ) تاركين السب و اللعن والتطاعن
نهدف الي ترقيه المفهوم العام للرياضه ونعمل بجدية لذلك
تحجيم التعصب والعصبيه
توضيح الصورة و المقصود في كل مقال ينزل او عمود يدرج في الصحافة الرياضيه فاضحين بذلك هذا المقصود .
اخيرا فليعلم الجميع باننا بعيدين كل البعد عن ساحة كرة القدم الافريقيه و الدوليه و العالمية
لذلك - الشكل في شنو ؟؟؟؟؟؟؟
وسلام |
مع عشرة وليد بقن عشرين بصمة يا أبو الزهور
المشكلة يا أزهري الجمهور دا فيهو المتعلم والما متعلم والمثقف والبقرا الصدى وحبيب البلد بس وفيهم المرضى النفسيين وخلافه
رأيي: لا بد من السيطرة على من يستغل نقاط ضعف المساكين ديل
| |
|
|
|
|
|
|
|
|
|
Re: مزمل أبو القاسم و"الدغمسة" (Re: وليد محمد المبارك)
|
وليد المبارك تحياتي
بالله دي مش صحافة تجاريه بحته سلعتها هي التحرش و التحريش ودق الطبول
مائة جريده ولا واحده مفيده مافيها ...و لا رايك شنو ...
لا تحليل صحيح للمباريات و لا توجيه صحيح للمسار وكل واحد عامل فيها مشغول بالتاني
و انحن ( الهبل ) نجري نشتري ...
يا وليد تعال نعمل جرد لكل المقالات خلال العشر سنوات الماضيه ونقيم الفائدة و الضرر
والنتائج ....وسوف تظهر الحقيقه .....
| |
|
|
|
|
|
|
|
|
|
Re: مزمل أبو القاسم و"الدغمسة" (Re: Azhari Mohamed)
|
مع عشرة وليد بقن عشرين بصمة يا أبو الزهور
حبابك يا اشرف ( ديوك عدة الصحافة ) و الله دا أجمل اسم ههههههههههههها تايه وقيتها عفارم عليك
المصيبه يا اشرف قدروا ينقلوا تاثيرهم حتي الي المثقف و المتعلم و الرزين و الهمجي علي حد السواء
دي ظاهرة عايزة دراسه واسعه جدا
| |
|
|
|
|
|
|
|
|
|
Re: مزمل أبو القاسم و"الدغمسة" (Re: Azhari Mohamed)
|
Quote: بالله دي مش صحافة تجاريه بحته سلعتها هي التحرش و التحريش ودق الطبول
مائة جريده ولا واحده مفيده مافيها ...و لا رايك شنو ...
لا تحليل صحيح للمباريات و لا توجيه صحيح للمسار وكل واحد عامل فيها مشغول بالتاني
و انحن ( الهبل ) نجري نشتري ...
يا وليد تعال نعمل جرد لكل المقالات خلال العشر سنوات الماضيه ونقيم الفائدة و الضرر
والنتائج ....وسوف تظهر الحقيقه ..... |
سلامات كابتن أبو الزهور
من متابعتي المحدودة للصحف الرياضية (لظروف الهجرة أتابع صحيفتي قوون والصدى الالكترونيات) الكاتب الوحيد الممكن أطلق عليه (صحفي رياضي) هو الأستاذ (النعمان حسن، عموده في الصدى باسم "لدغة عقرب") لما تقرا ليهو وسط ديوك العدة ديل تحس إنو نشاز وسط جوغة (القلعة الحمراء/ المقبرة) ومقالاته مكتوبه في زمن خلاف زمن التعصب الحالي
كاتب صاحب رؤية ويكتب في الشأن الرياضي عموما وما محصور في هلال مريخ
يمكن يكون في كتاب زيه أنا ما عارفهم، لكن المشكلة ديل صوتهم مختفي وسط صياح الديكة العالي
دا واحد من مقالاته الأخيرة:
هل يمكن للوزارة أن تطلق صافرة البداية لثورة رياضية؟
| |
|
|
|
|
|
|
|
|
|
Re: مزمل أبو القاسم و"الدغمسة" (Re: Ashraf el-Halabi)
|
Quote: الحصل انو جماهير المريخ وجماهير اهلي شندي مبيتين نيه كعبة شديد في كورة اهلي شندي
نيه معبة خاااااااااااااااااالص
قد تصل لمستوى الحصل في بورسعيد |
يا شفت "جماهير أهلي شندي" دي تقولها لزول ما عنده حديدة!
جماهير أهلي شندي لو عدنها نية زي دي كان عملتها في شندي لما الهلال غلبها هناك!
يا وليد خلينا نكون واضحين:
الفلق الحضري في ماتشيكم معاهم أنا أقول 99% إنو رشاشة
وحتى لو كان من جمهور أهلي شندي يكون أهلي شنديهلالابي
أهلي شندي ناوي على النية دي ليه.. لو إتغلبوا يعني؟
طيب ما إتغلبوا من الهلال هناك!!
سلامات سنادة وعباس
| |
|
|
|
|
|
|
|
|
|
Re: مزمل أبو القاسم و"الدغمسة" (Re: Ashraf el-Halabi)
|
| Quote: (النعمان حسن، عموده في الصدى باسم "لدغة عقرب") لما تقرا ليهو وسط ديوك العدة ديل تحس إنو نشاز وسط جوغة (القلعة الحمراء/ المقبرة) ومقالاته مكتوبه في زمن خلاف زمن التعصب الحالي |
النعمان حسن / احمد محمد الحسن
| |
|
|
|
|
|
|
| |
Ashraf el-Halabi
محمد البشرى الخضر
الرفاعي عبدالعاطي حجر
قيقراوي
وليد محمد المبارك
وليد عبد اللطيف
محمد زكريا
Azhari Mohamed
abas
فيس بوك
تويتر
انستقرام
يوتيوب
بنتيريست