|
|
 لقيا بعد غياااب طويل صديقي عصام عمر (الفار)
|
يا سلاااام علي دعاش ذكري الصحاااب عصام عمر لمن زامله في جامعة الخرطوم عصام الفار ولد تربية
ولمن عايشه في مدني ود الدباغة
ولمن زامله في الحزب الشيوعي عصام الفار
صديق من ازمان مضت كم فرحنا باتصالنا , عصام عمر من الدباغة وجده الحاج صديق رحمه الله من اقدم تجار المدابغ بسوق مدني
ووالده المعلم عمر الحاج من ام ضغينه تلك القرية التي ترقد يمين النيل الازرق وشمال للنازل للصعيد قد زرناها انا وهو ومحمد الكارب ومحجوب الحسن جلي
لقد كلفنا بحماية دار الحزب الشيوعي انا ومحجوب وعصام عرف بالامر فحضر من غير تكليف , كانت ايامها ثورات بعد التراويح بتاعت عصابة الجبهة الاسلامية لاجازة دستور يحكم بالشريعة وفشلوا فيها ... كتب محجوب جلي عن ذلك اليوم مقال بعنوان
كجم كجم لو ضربت بسجم ..... ولو راحت ما بتندم
عصام اشقائه معتز وهشام وسيف الفار له السلام هو الان مقيم في السعودية
بوست ذكريات
يرد اسم ايهاب عمر حسن عبد الماجد ايهاب ود تجارية لناس معهد الكليات التكنولوجية وصفوت الشريف شقيقي الان في الرياض
عاصم الضوء الان مسئؤول في وزارة الصحة وطارق دفع الله مفروض يكون وزير داخلية لو لا ان البلاد يؤوول امرها لعصابة
محمد الكارب محجوب جلي اطباء زمن ابو الكل ونقابته المنحازة للضمير .....
يا سلااام مشروق بصوت عصام سوف نلتقي باذن الله يوم ندوة مبارك الفاضل
سلام لصحابي ولمن لم اكتبه الان وبالتاكيد ساكتبه واكتبها
|
|
 
|
|
|
|
|
|
|
|
Re: لقيا بعد غياااب طويل صديقي عصام عمر (الفار) (Re: Sabri Elshareef)
|
تحدثنا الحديث الاول بعد انقطاع 20 سنة عن الناس وين غسان جعفر وخنساء الكارب وغاده كدوده ومصطفي ميرغني وعمر عايس
عن الاحياء وترحمنا علي الاموات وهم كثر من الرجال والنساء .
تحدثنا عن مااال الحال وحكم العصابة وكيفية الخلاص وتناولنا حال الاحزاب وضعفها وعدم سؤال الكثير من هيئاتها عن عضويتها والعكس صحيح
تحدثنا عن احياء مدينة مدني وعن ناسها وعن تقدم المدينة بشكل افضل عن كثير من مدن وقري باقي الوطن وتحديدا في ضعف شكل الخطاب العنصري في المدينة
وان الناس غالبيتها وجهته الي السوق ما بين مدني شرق او مدني غرب
ورد عاصم الضوء وخالد العب ويوسف بشير وعادل عمر فضل وبنات عبد الرحيم هاشم مفتوحات العقل والذهن
واولاد علي الله او العلالات عمر عبد العظيم ابوبكر ومجذوب ورد الفاتح غرباتشوف وانتبذ مكانا قصيا في حي المطار مدني مترقيا من اشلاق البوليس
وطارق دفع الله وايهاب عمر وهمه بالجديد من كتاب وشجرة المعرفة وصاحبها محمد عز الدين بعد اكثر من ربع قرن فارش تحتها العصابة الحاكمة رحلته هو ومن يبيع الكتب الي سور ميدان المل او ميدان الحرية
وتشويه ميدان الحرية ومنحه لجهة ما للخراب
الحديث طويل فيه شهاب وايها وشهاب وايها الاولين اولاد حي المطار والاخرين اولاد الدباغه
وسيف والرشيد وتذكرنا شمس الدين الامين ومكتبة هوار \ي ومكتبة الفجر والوطنية
تذكرنا اهل الدرجة السر الزين واخوانه وترحمنا علي انتقال محي الدين
عرجنا علي دمال الفكرة الجمهورية وتوقفنا عند استاذ سعيد كثيرا ومن بعده استاذ جلال والي دفع الله موسي وقلنا مثل سعيد ما بتكرر تاني
وتذكرنا بكري جابر وحاتم صديق وتهاني سعيد وهاشم وسهام المجمر ومعاذ ومحي الدين يا لها من ذكري حيره
| |
|
|
|
|
|
|
|
|
|
Re: لقيا بعد غياااب طويل صديقي عصام عمر (الفار) (Re: Sabri Elshareef)
|
عصام التقيته وهو جزء من حياتي كم تعم الفرحة بلقيا الصحاب
عصام لطيف السعودية زادتو شويه
كان نحيلا لكن ده ازا الغربة
وكم كان يسال عن اصحابو وزميلاتو سؤال لم ينتهي بعد
عن حاتم صديق وعن غسان جعفر وتذكرنا ال جبر الله المكتبة وعمنا الراحل محمد سيد احمد وكم كان حريص علي ان نعرف الجديد في الاصدارات والوقوف في المكان الصاح
وناس ام الحسن وولادها وبناتها ترحمنا علي خالد جبر الله فاكهة المدينة الذي رحل مبكرا
وشجرة المعرف ومحمد عز الدين الوقوف تحت ظلها الوريف
ايضا طلاب السودان بمصر وحضورهم\ن البهي الذي يجعل للوطن حراك ثقافي وسياسي
تذكرنا ابليس القابع الان في السعودية ونباهته ودكتور جلي
وحراك المدينة في العمل الثقافي والسياسي جامعات ومعاهد ومدارس ومصانع النسيج والجزيرة بورت والمشروع الذي انهكته العصابة
تذكرنا الغنا والشعر والمسرح والتشكيل كودي وعلما ومني عثمان واسماعيل عبد الحفيظ
تذكرنا وراجعنا ذاكرتنا في الاسماء من الاحياء او من انتقل الي الدار الاخري
الاحياء والبيوت مدنية وعسكرية عمال وموظفين عبد الرحمن خلودون وخالد عايس واخوانه واخواته
تحية ل عصام وهذا الحراك
البوست هدية ل عاصم الضوء ايهاب عمر صفوت الشريف غسان جعفر
| |
|
|
|
|
|
|
| |
عبد الخالق عابد
saif basheer
فيس بوك
تويتر
انستقرام
يوتيوب
بنتيريست