|
Re: مظاهرات في امدرمان – امبده # (Re: زهير عثمان حمد)
|
ذكر شهود عيان قبل قليل ان مئات المواطنيين تجمعوا في تظاهره حاشده مندده بالوضع الاقتصادي وتردي الخدمات وهتف المتظاهرون بسقوط النظام ، فيما اسرعت سيارت وقوات من الشرطه والامن لتفريق المظاهرات التي اخذت طابع الكر والفر بين الاجهزه الامنيه والمتظاهرين .وتم التاكيد من موقع المظاهره يجدر ذكره ان الشرطه استخدمت الغاز المسيل للدموع لتفريق المتظاهرين ، وذكرت اقوال ان سيارات جهاز الامن اخترقت المتظاهرين وهنالك انباء غير مؤكده عن اصابه عدد من المواطنين اثر دهسهم بسيارات جهاز الامن .
شكرا زهير لتاكيد الخبر
| |
|
|
|
|
|
|
Re: مظاهرات في امدرمان – امبده # (Re: Ahmed musa)
|
ام بدة شنو البطلعوا مظاهرات
ام بدة دى انا مخصوص اصريت اشوفها لما كنت فى السودان لقيت اشباب قاعديين جنب ستات الشاى فى كل ركن
ضحكت واستغفرت قلت ديل المستننهم يغيروا النظام
حارثيين الحبشيات ستات الشاى
زهير شكلك ما فطرت
| |
|
|
|
|
|
|
Re: مظاهرات في امدرمان – امبده # (Re: وضاحة)
|
وضاحة امبدة مدينة سياحية من الدرجة الاولى. الظاهر ما زرتى الاماكن السياحية حيث المناظر الطبيعية الخلابة والمعمار الهندسى الجميل. ومن اكثر ما يميز امبدة النظافة والنظام بجانب الرقى والتحضر. يبدو انك زرتى امبدة تانى؟؟
الصورة دى صورتها مخصوص:
:-)
مظاهرات امبدة دى لو ما عملنا ليكم كونفيرميشن معناتاها الخبر مضروب.
| |
|
|
|
|
|
|
Re: مظاهرات في امدرمان – امبده # (Re: ombadda)
|
Quote: وضاحة امبدة مدينة سياحية من الدرجة الاولى. الظاهر ما زرتى الاماكن السياحية حيث المناظر الطبيعية الخلابة والمعمار الهندسى الجميل. ومن اكثر ما يميز امبدة النظافة والنظام بجانب الرقى والتحضر. يبدو انك زرتى امبدة تانى؟؟
الصورة دى صورتها مخصوص: |
ههههههههههههه ياها امبدتك المليانة كاروا وحمير زات نفسها ومشيت كمان ناس الشيخ دفع الله الصائم
ههههههههههههه بالغ سيد الحافلة شكلوا مكسر في وضاحة
| |
|
|
|
|
|
|
Re: مظاهرات في امدرمان – امبده # (Re: ombadda)
|
عيب اختنا وضاحة انها ما (عميقة) و(قصيرة النظر) ...كيف ..؟!! الناس كوووولها بتفكر في تغيير النظام ... وده تفكير عقيم خالس تغيير النظام هين ...ولو الناس صبرت النظام نفسه حنصبح يوم نلقاه مافي ننتظر للضهر ماحيجي ...للمساء ...نديه تلاتة يوم ما حنلقاه اهاأأأأأأأأ ...ناس أم بدة فكرتهم فمابعد النظام وبيؤسسو لعلاقات خارجية متوازنة مع (دول الجوار) وبنات دول الجوار .... وخسوسا دول المنبع عشان النيل يروى الارض زي ما الحبشيات بيرون عطشنا للشاي وللوجه (شبه) الحسن اها وضاحة ... وقع ليك ...؟؟؟؟؟
| |
|
|
|
|
|
|
Re: مظاهرات في امدرمان – امبده # (Re: وضاحة)
|
يشهد الله كتبت مداخلة ومسحتها قلت فيها : ربنا ختي البوست ده ود القاضي وود جبرين وودالصايم لانو حيتحول لـ +18
لكن اهو جاك قريبي ود ابشرا وود العمدة طمبجوهو موية يغلق في ساعته وتاريخه الانتي قاصداهو يكتب بحرف السين وليس الثاء (حارسين) لكن التانية دي مع حبشيات بتودي طوالي لـ +18 لووووول كوني بالف خير
| |
|
|
|
|
|
|
Re: مظاهرات في امدرمان – امبده # (Re: محمد إبراهيم علي)
|
Quote: لكن اهو جاك قريبي ود ابشرا وود العمدة طمبجوهو موية يغلق في ساعته وتاريخه الانتي قاصداهو يكتب بحرف السين وليس الثاء (حارسين) لكن التانية دي مع حبشيات بتودي طوالي لـ +18 لووووول كوني بالف خير |
البقع في ايدكم يا محمد (شقي حال)
| |
|
|
|
|
|
|
Re: مظاهرات في امدرمان – امبده # (Re: Safia Mohamed)
|
Quote: امكن يا جماعة الزول الكتب الكلام دة الدغ بدل سين كتب ثاء يقع فيكم العدو يا ديل
هم مش بقولو الدغ ولا المهم فيما معناه
معليش يا وضاحة يا بتي امسحيها لينا في وشنا
صقية |
شكرا صفية الرجال ديل عندهم حاجة فى راسن رايحة ليهم ربنا يشفى
غيروا مجرى البوست بتاع زهير هسي يجى يزعل
| |
|
|
|
|
|
|
Re: مظاهرات في امدرمان – امبده # (Re: تبارك شيخ الدين جبريل)
|
Quote: شكرا صفية الرجال ديل عندهم حاجة فى راسن رايحة ليهم ربنا يشفى |
المهندسين ديل رايحة ليهم حراتة,,,أى نوع من الأراضى ما فارقة المهم يحرتو !!!!
ويتبعها الرى مباشرتااااااا..
يا بوكو حرام ما ترفع بوست الحرث دا ياخ؟؟
يا وضاح البورد مليان رجال كبار مالك عليهم ياخ...
| |
|
|
|
|
|
|
Re: مظاهرات في امدرمان – امبده # (Re: محمد الامين محمد)
|
انتشار ظاهرة المقاهى التى يديرها حبشيات يافعات ظاهرة مزعجة جدا ليس فى امبدة لوحدها ولكن فى كل ولاية الخرطوم حيث لا يخلو شارع او زقاق او ركن- كما قالت وضاحة- من ست شاى حبشية يتحلق حولها الشباب لساعات طويلة منذ شروق الشمس حتى وبعد غروبها. اصدق مثال لتفشى الظاهرة : البروفيسور المختفى محمد هارون اثناء سرد تفاصيل اختفاءه ورد عرضا بانه تعود شرب الشاى مع صديقه عند ست شاى حبشية قبل ان يتوجه لممارسة رياضته المفضلة. ومن المعتاد ان يدير احدهم محرك سيارته متوجها لشرب كباية شاى عند ست شاى حبشية، او ان يتواعد صديقان عند ست شاى حبشية. الحل لتلك الظاهرة هو تركها كما هى وليحرث الحراث ما دام مافى ضرر على المجتمع منهم. عذرا لحرث البوست عن مساره.
* اقتراح: تسمية "مقاهي" او "قهوة" بدلا عن "ست شاى"
₩ :-\
بالمناسبة موضوع البوست كان عن شنو ¿
| |
|
|
|
|
|
|
Re: مظاهرات في امدرمان – امبده # (Re: محمد البشرى الخضر)
|
أسباب فشــــــــــل التظاهرات السابقة (ناس اللفحي في البورد و الفيس)
أتمنى ان نستفيد من تجارب التظاهرات السابقة و ان يتانى الإخوة في صفحات الفيسبوك و المنابر في نقل الاخبار
ولابد من التأني وعدم الإستعجال , بمعنى ان يتم نقل خبر التظاهرة بعد نجاحها ونقل الفيديوهات وغيره للقنوات الفضائية مباشرةً.
نقل خبر التظاهرة مع بدايتها يساعد في تمليك المعلومة لافراد شرطة المؤتمر الوطني , مما يؤدي الى فض المظاهرة نقل خبر التظاهرة مع بدايتها يساعد في تمليك المعلومة لافراد شرطة المؤتمر الوطني , مما يؤدي الى فض المظاهرة
ولابأس من التنسيق مع النشطاء و المتاهرين عبر وسائل الإعلام الحديثة ولكن عبر الرسائل الخاصة
| |
|
|
|
|
|
|
|