|
كنت شاهد عيان .. السفارة لم تحرق و الجزيرة كاذبة / صور كميات
|
استغربت جدا لما اوردته الجزيرة عن حرق المتظاهرون للسفارة الالمانية بالخرطوم احتجاجا على الفيلم المسيى للرسول عليه اتم السلام و افضل التسليم .. لقد كنت مرابطا و راصدا للمسيرة حتى انفضاضها .. نعم تم حرق اربع سيارات بجراج السفارة و هدم المتظاهرون سور السفارة الالمانية و السفارة البريطانية المجاورة لها .. تم اتلاف كمية بسيطة من مستندات كانت باستقبال السفارة .. دقائق و الصور معاكم .
|
|
|
|
|
|
|
|
Re: كنت شاهد عيان .. السفارة لم تحرق و الجزيرة كاذبة / صور كميات (Re: Amani Al Ajab)
|
امانى العجب .. تحياتى خلى الفلسفة .. لو عندك تصفية حسابات فارجو ان يكون بعيدا عن ايراد للحقائق .. ادانة .. سلوك همجى .. دى حاجات لها اماكن اخرى للنقاش او بالاصح بوستات اخرى .. الجزيرة قالت : متظاهرون يحرقون السفارة الالمانية بالخرطوم .. و انا قلت الجزيرة كاذبة .. و بس دليلى الصور للسفارة بعد انفضاض المتظاهرين و اتجاههم الى السفارة الامريكية بسوبا ..
| |
|
|
|
|
|
|
Re: كنت شاهد عيان .. السفارة لم تحرق و الجزيرة كاذبة / صور كميات (Re: انور التكينة)
|
Quote: .. نعم تم حرق اربع سيارات بجراج السفارة و هدم المتظاهرون سور السفارة الالمانية و السفارة البريطانية المجاورة لها .. تم اتلاف كمية بسيطة من مستندات كانت باستقبال السفارة .. |
يا اخ التكينة أنا ماعندي اي غرض وبقول ليك كلامك نفسه فيه اعتراف بانه اتحرقت السفارة واتلفت اوراقها واتكسرت حيطتها
______ غايتو لو عاوزنا نصدق انه ماحصل حريق غير الاستيتمنت بتاعك لصيغة تانية ماتستعمل فيها الفعل (حرق) والا تبقى اتحرقت زي ماقلت
| |
|
|
|
|
|
|
Re: كنت شاهد عيان .. السفارة لم تحرق و الجزيرة كاذبة / صور كميات (Re: بشرى مبارك ود السقاى)
|
انا هسى جايي من هناك ... ما لاقاني أي "جدل" ....
Quote: كلامى واضح : هل حرق اربع سيارات بجراج السفارة يعنى حرق السفارة ؟؟؟؟ |
وهل دخول الرصاصة في قدم الإنسان تعني إصابته بالرصاص؟ أو وجود فيروس الأنفلونزا في الشعب الهوائية فقط يعي مرضه بالإنفلونزا؟
أم تريد القسم القنصلي أن يفتح أبوابه للمتظاهرين ويمنحهم تأشيرات للتظاهر في فرانكفورت أثناء تعامل الدفاع المدني مع مشكلة الجراج؟
هل حرق اربع سيارات بجراج السفارة (وبعض المستندات بالإستقبال) يعني حرق السفارة ؟؟؟؟؟؟؟
(معاك أحلى مايك )
... المهم ...
| |
|
|
|
|
|
|
Re: كنت شاهد عيان .. السفارة لم تحرق و الجزيرة كاذبة / صور كميات (Re: فرح)
|
أستاذ أنور، سلام
جد دى مبالغـة شوية.. يعنى عشان يحرقوا السفارة لازم يدخلوها الفرن؟
بهذه الطريقة حتى لو أحرقوا مكتب القنصل فهذا لا يعنى إحراق السفارة لأن مكتب السفير سليم.
بعدين يكون مفهوم لو قلت الجزيرة لم تكن دقيقة فى وصف الحدث لأنها لم تقل إحراق جزئى للسفارة (رغم أنها لم تقل إحراق كلى أيضا).. على كل حال دا كان ممكن يكون مفهوم، لكن الجزيرة كاذبة؟!!!
| |
|
|
|
|
|
|
Re: كنت شاهد عيان .. السفارة لم تحرق و الجزيرة كاذبة / صور كميات (Re: مهدي صلاح)
|
عارف يا التكينة
الناس البهاجموا فيك ديل ما زعلانين عشان قلت السفارة لم تحرق ولا عشان السفارة الالمانية
زعلانين لانهم ولخمس جمع متتتالية لم يستطيعوا ان يحشدوا 1% من من احتشدوا اليوم عفوياً وبالرغم من البمبان والشرطة والهراوات غضباً لرسولنا الكريم
كنا نريدها رسالة سلمية ولكن الغضب والفوضى كانت غالبة ندين باشد اللهجات الاعتداءات والحرائق
في سؤال مباشر من المذيع مراسل الجزيرة اكد بما لا يدع مجال للشك ان السفارة لم تحرق والحريق كان خارجها والمباني سليمة ولم تتأثر بالحريق
شكرا على الصور الرائعة والتي تدل على الاحتراف
| |
|
|
|
|
|
|
Re: كنت شاهد عيان .. السفارة لم تحرق و الجزيرة كاذبة / صور كميات (Re: Deng)
|
Quote: أنور التكينة.
بالله أنت صحفي؟
أكيد أنه زمن الإنقاذ الرديئ
بئس العمل الصحفي الذي يمارسه أمثالك. |
الاجنبى دينق .. ايا كان العمل الذى امارسه فهو اشرف من ارتزاقك .. يا مرتزق المارينز يا حاقد .. يا اخى انت لا شمالى و لا مسلم .. بتحشر نفسك فى امورنا ليه ؟ قبح الله وجهك و لعنة اطفال العراق تلاحقك اينما اتجهت ..
| |
|
|
|
|
|
|
Re: كنت شاهد عيان .. السفارة لم تحرق و الجزيرة كاذبة / صور كميات (Re: انور التكينة)
|
Quote: المحيرني أنو في افلام كثيرة تسيئ للذات الالهية حايمة في العالم زول كده احتج مافي فمن كان يعبد منكم محمدا فان محمد قد مات ومن كان يعبد الله فان الله حي لايموت |
الأستاذ الموصلي.. بس سؤال بسيط.. هل حصل تمت إهانة واحدة من عضوات المنبر هنا فكتبت دفاعا عنها أو استنكرارا للاهانة؟ أو نقول ما إنت .. أي حد تاني من أعضاء المنبر لكن انت ما استهجت الدفاع بل استحسنته حتى لو بينك وبين نفسك؟ --- الأخ أنور انت قصدك الجزيرة كانت غير دقيقة في نقل الخبر لان حرق سيارات السفارة وسرقة الاوراق ودخول مقر السفارة كلها أعمال همجية مرفوضة .. الاحتجاج ممكن يكون قوي بدون اعتداء على الممتلكات... (وأنا برضو بتساءل ليه سفارة ألمانيا وبريطانيا؟)
| |
|
|
|
|
|
|
Re: كنت شاهد عيان .. السفارة لم تحرق و الجزيرة كاذبة / صور كميات (Re: Amani Al Ajab)
|
سلام الله على الجميع وسلام استاذ انور التكينة
قريت معظم الردود و ماعارفاكم مختلفين فى شنو؟؟؟ بالجد كده
كلام الاخ التكينة واضح انو خبر الجزيرة من وجهة نظرة ضخم الامر وان السفارة لم تحرق بل حرق جراج السفارة و 4 سيارات وجاب الدليل بالصور .. ومعظمكم اكد على صحة هذه المعلومة.. المشكلة فى صياغة الخبر يعنى؟؟؟
اذا جينا للحق الصحافة الجد بتقول كلام التكينة صاح مهنيا انت مطالب بقول الحقيقة لا تضخيمها الجزيرة كانت مفروض تقول تم حرق 4 سيارات... مش حرق السفارة لانو ده ما حقيقى ... وحرق السفارة معناه تم حرق المبنى والاثاث والعربات و كلو فى كلو.. وبعدين تعالو هنا يا اخوانى الليلة خلاااااااااس بقت الجزيرة مهنية مية المية؟؟؟؟
كلنا عارفين توجهات الجزيرة وانو تضخيم الجزيرة للخبر عندو علاقة بالتوجهات دى...
مالك الليلة يا دينق يا اخوى الدرب راح ليك
هسه الليلة خلي مظاهرات تقوم فى السودان ح تجيك القناة نفسها و تقول بعض من ... وعدد قليل.. عشرات من... ده اذا اصلا جابت الخبر فى الشريط الاخبارى
عليكم الله ارخو موضوع الجزيرة ده بالله... يئسنا
هذا .. والصلاة والسلام على خير خلق الله
| |
|
|
|
|
|
|
Re: كنت شاهد عيان .. السفارة لم تحرق و الجزيرة كاذبة / صور كميات (Re: Siham Elmugammar)
|
Quote: كلام الاخ التكينة واضح انو خبر الجزيرة من وجهة نظرة ضخم الامر وان السفارة لم تحرق بل حرق جراج السفارة و 4 سيارات وجاب الدليل بالصور .. ومعظمكم اكد على صحة هذه المعلومة.. المشكلة فى صياغة الخبر يعنى؟؟؟
اذا جينا للحق الصحافة الجد بتقول كلام التكينة صاح مهنيا انت مطالب بقول الحقيقة لا تضخيمها الجزيرة كانت مفروض تقول تم حرق 4 سيارات... مش حرق السفارة لانو ده ما حقيقى ... وحرق السفارة معناه تم حرق المبنى والاثاث والعربات و كلو فى كلو.. |
لك التجلة سهام المجمر .. و لك الشكر بتوضيح وجهة نظرى ووضع النقاط على حروف الحقيقة .. عارفة يا سهام .. فى ناس بس شغالين بى نظرية خالف تذكر و دى مصيبة . و اخرون ينطلقون من مواقف شخصية و محاولة استثمار اى حدث فى تصفية خصوماتهم .. و دى مصيبة اكبر .. اما ناس ود الموج فرأيهم ضائع بين الجد و الهزل .. مرة اخرى لك شكرى ،،،،
| |
|
|
|
|
|
|
Re: كنت شاهد عيان .. السفارة لم تحرق و الجزيرة كاذبة / صور كميات (Re: انور التكينة)
|
أستاذ أنور، سلام
جد دى مبالغـة شوية.. يعنى عشان يحرقوا السفارة لازم يدخلوها الفرن؟
بهذه الطريقة حتى لو أحرقوا مكتب القنصل فهذا لا يعنى إحراق السفارة لأن مكتب السفير سليم.
بعدين يكون مفهوم لو قلت الجزيرة لم تكن دقيقة فى وصف الحدث لأنها لم تقل إحراق جزئى للسفارة (رغم أنها لم تقل إحراق كلى أيضا).. على كل حال دا كان ممكن يكون مفهوم، لكن الجزيرة كاذبة؟!!!
| |
|
|
|
|
|
|
|