الهلال..أسوأ مباراة..وأفضل نتيجة..!!

Quote: انا ح اقول ليك وبدون تعصب انا مقتنع تماما إنو الهلال فنيا أحسن من المريخ بي كتييير ومعظم أساسيين المريخ ما فيهم لاعب ممكن يقعد واحد من ناس الهلال كنب..

Quote: الهلال..أسوأ مباراة..وأفضل نتيجة..!!

Quote: جمعة ما جيد..جمعة زيو زي أي لاعب سوداني ما بيلعب ليك تلاتة مباريات بي نفس المستوى!!! لاعبينا كورتهم كورة نفسيات يوم في السما ويوم في اﻷرض..

Quote: والدعيع لو ماانشطب افضل منهم الاتنين ...]

Quote: الرشيد المهدية للأسف ومعليش للوصف لكن بقيت زي النسوان في طريقة تعاطيك مع مشكلة هيثم وكأنك بتقول وبي طريقة النسوان بري ياختي ما بجيب سيرتا ..وشويتين وممكن في إستديو الجزيرة ده تمسك طرف توبك وتعوج خشمك وتقول هيي بس من هيثم!! معقولة يا الرشيد سيعود الهلال قوياً فقط لو عاد إيكانغا وعلاء الدين؟؟ وهو إيكانغا ده ود بتييين في الهلال لممن الهلال بقا يفقدو؟؟ وهيثم ابو 17 سنة ما يتفقد!!! يا الرشيد ياخ الدور البتقوم بيهو ده دور ######## وأقل ما يقال إنو منحــط و###### وتافـــه.. بطل شغل المشاطـــات ده واشتغل كورة وسيبك من حركات المنفعة وسك الرزق بي الدهلسة ولو على سبيل بيع ضميرك!!! ياخ والله ووالله ووالله ليك مني ومن مشجعي الهلال الغيورين على النادي ليك علينا لو المشكلة قروش نتعهد نرسل ليك شهرياً مبلغ محترم بس ابقا حقاني وامرق النصيحة وسيبك من الشغل ال###### ده .. ليي يا الرشيد ياخ؟؟ مالك؟؟؟ وفووق كم؟؟؟

Quote: أها وما طالبيني حلف من الشوتة التانية المدرب بيغير رايو وبيقول خلاص بطلو شوت بطلو شوت ده حارس جدجد :) :) :).. وعليه كلام الحراس ده انا مجبور اسمع فيهو كلام علاء الدين ومعاهو وليد والإتنين كانوا قصااار لكن وقافين( مع غنو وليد ده ما شوفتو غايتو :) )..

عارف مرة كنا لاعبين في الدورة المدرسية الابتدائية .. فريق مدرسة الرشاد نحن .. ضد فريق العرضة ..
الكورة كانت في ميدان ابو كدوك الجمب الجامعة الاهلية .. غرب الاشلاق حق الجنوبي ..
الجماعة ديل عندهم .. زل جناح قدر حجر البطارية .. وبعدين شووووااات .. لما يشوت ليك الكورة بتكون جاية عليك عديل .. فجأة بتشوفه غيرت اتجاهه في الهوا عملت زقزاق كدا .. يعني زي طريقة الشوت حقت محمد بابكر (مغربي) الموردة ..
المهم الزول دا انطلق ليك من الجناح اليمين وكسح على الجناح الشمال .. ومن الجناح الشمال تاني رجع للجناح اليمين قاعد يفتش لي خرم .. تااني رجع للجناح الشمال .. وزفاني ليك بالكورة الكورة جاتني من نص الجماعة وبدون اي مبالغة انا سمعت صوته .. اششششششششششش
وللمعلومية .. فرصة انو حارس المرمى يتصدى للكورة القوية ويغير مساره اسهل مليون مرة من انو يلج مرماه هدف سهل من كورة باردة لانو اندفاع الكورة السريعة ممكن يتغير مساره مع اي تدخل من اي جسم .. بعدين بالنسبة لي حارس المرمى ممكن يستعرض ف ياكور الهوائية .. عشان يريح الدفاع بتاعو .. ومن ناحية اخرى يمتع نفسو في رقبتو دي ..
المهم الكورة دي ان احددته اتجاهه ح تمشي كيف وطرته معاها .. وبدون مبالغة يا عمر ودي حاجة بتذكره لحدت الان .. بالرغم من مقاسي البتعرفو داك .. انا ( نهاية ضهري ) (حكت) مع القائم الفوقاني للمرمى وبدون مبالغة تاني انا طاير مع الكورة وطبعا لازم تاخد (كابشر) من الأرض بسرعة عشان تحدد الحتة البتقع فيها بي وين لما عاينت لي تحت لمحته الشباب ديل تحتي .. ما غيرت مسار الكورة .. بي سرعته ديك خميته وجيت نازل بيها .. الكورة كتمت فوق لانو (اتدردمته) فيها بي جسمي كلو ما لحقتها بي اطراف يديني .. لما وقعت بيها قامت اتملصت قبلما اصل الارض وعملت (ياااي) وطارت تاني .. وانا في الأرض قملته تاني نطيت فيها مسكتها ووقعت بيها لما وقفته حيلي لقيت الزول دا واقف بصفق والحكم صفق لحدت ما الصفارة وقعت من خشمو .. قمته (اتصعلقته) عليهو بي طريقة حامد بريمة مثلي الاعلى طبعا .. ودردقت ليهو الكورة تحت رجليني تاني قلت ليهو شوووت عارف الزول دا لحدت ما انتهت الكورة تاني ما شات ..
اللذيذ في الموضوع .. انو كان عندي واحد من الأخوان .. (بيشيلني) بعد نهاية اي كورة من اي ميدان نلعب فوقو لحدت المدرسة بعد عملته الحركة دي .. جاني جاري جوه الميدان .. عايز يشيلني قبال الكورة تنتهي ..
..
يعني بي اختصار الزول العمل كابتن ماجد دا ما عمله ساكت .. يكونو كلموهو بي الحركة بتاعتي دي

Quote: مشكلة تانية بتشبه مشكلة جمال ابوعنجة لو بتتذكر قبل ما يدخل الميدان :):):)

بلالالالاي ؟؟؟
والله تتخيل اول مرة اعرف المعلومة دي

Quote: ما هو يا انا الما بعرف كورة ..يا كمان ما بعرف كورة ..أو ما بعرف كورة .. ولا كمان عموم محللي القنوات الرياضية بجزيرتها بجنسياتها المختلفة وسودانها وقوونها وصحفييها هم الما بيعرفو كورة .. وبما إنو انا متلبساني الروح الإسمارتية بتاعت الجيلاني (الواثق) فقطعاً انا البعرف كورة وباقي الكورجة دي لأ.. أمبارح الهلال قدم واحدة من أسوا مبارياته في البطولة الكونفدرالية بتشكيلة متهالكة للاعبين مافيهم زول قادر يعرف دوره شنو في الخطة بإستثناء سادومبا في شوط المباراة الأول وطريقة تحركاته.. مباراة نجمها الأول والأوحد من بين ال22 لاعب كان جمعة جينارو حارس الهلال ويقولوا ليك لعب الهلال أفضل مبارياته على الأطلاق!!!!! مباراة واجه فيها مهاجمي إنتركلوب حارس الهلال بإنفراد كامل في تلاتة مناسبات وبي مرمى خالي في تلاتة مناسبات وبي كورة في العراضة في مناسبة وبي هجمات خطورتها فوق ال80% في أكتر من عشرة مناسبات ويقولوا ليك قدم الهلال مباراة العمر.. مباراة وصل فيها الهلال فقط وأقول فقط خمسة إلى ستة مرات لمرمى الفريق الأنغولي سجل منها ثلاثة وأضاع سادوبا إثنين وتكفل ثانية بي الأخيرة ويقولوا ليك الهلال لعب مباراة العمر.. مباراة أتحدى من يوصف لي جملة تكتيكية واااحدة أو حتى تمريرات بين اللاعبين داخل الملعب غير التمريرات التقليدية بتاعت من مساوي لي بويا لي عمر بخيت وبالعودة ويقولوا ليك الهلال كان تاريخي.. مباراة لم تجود فيها قريحة أطراف الهلال بعكس كورة واااحدة طييلة زمن المباراة ويقولوا ليك الهلال كان في القمة .. مباراة تلبس فيها عمر بخيت غصباً عن أبو أهل الجمهور مهمة صانع الألعاب وفشل بي درجة زيو مش لو قولتو لي لعب باص كاريكا!!!! مباراة لاص فيها مهند قبل إحرازه للهدف لي الدرجة الإتوقعت يطلعوهو.. مباراة من خلالها ما قدرت أعرف سانيه ده يا ما بيعرف كورة عديييل يا كمان الزول ده لعاب شديييد لكن ما لاقي البيفهمو في اللاعبين .. من خلال متابعتي لمباريات الهلال الأربعة وبعين فاحصة أعتقد إنو الهلال لعب مباراة جميلة ومحترمة أمام الأهلي شندي ومباراة عادية مع المريخ ومباراة رائعة مع الإنتر في أنغولا ومبارة سيئة مع الإنتر في امدرمان.. فكيف للرشيد المهدية ومن قبله هذا الثوار الذهب بأن يزحمو راسنا بي ضجييج مفاده الهلال عاد وقدم مباراة جيدة جداً وأفضل مبارياته؟؟؟ الرشيد المهدية للأسف ومعليش للوصف لكن بقيت زي النسوان في طريقة تعاطيك مع مشكلة هيثم وكأنك بتقول وبي طريقة النسوان بري ياختي ما بجيب سيرتا ..وشويتين وممكن في إستديو الجزيرة ده تمسك طرف توبك وتعوج خشمك وتقول هيي بس من هيثم!! معقولة يا الرشيد سيعود الهلال قوياً فقط لو عاد إيكانغا وعلاء الدين؟؟ وهو إيكانغا ده ود بتييين في الهلال لممن الهلال بقا يفقدو؟؟ وهيثم ابو 17 سنة ما يتفقد!!! يا الرشيد ياخ الدور البتقوم بيهو ده دور ######## وأقل ما يقال إنو منحــط و###### وتافـــه.. بطل شغل المشاطـــات ده واشتغل كورة وسيبك من حركات المنفعة وسك الرزق بي الدهلسة ولو على سبيل بيع ضميرك!!! ياخ والله ووالله ووالله ليك مني ومن مشجعي الهلال الغيورين على النادي ليك علينا لو المشكلة قروش نتعهد نرسل ليك شهرياً مبلغ محترم بس ابقا حقاني وامرق النصيحة وسيبك من الشغل ال###### ده .. ليي يا الرشيد ياخ؟؟ مالك؟؟؟ وفووق كم

Quote: فمباراة الأمس بالذات ليست مباراة هيثم مصطفى حيث سرعة الإيقاع والاندفاع البدني واللياقة البدنية العالية ...

Quote: ود البشرى كتب: وياصبري كورة امس بالعكس كانت عايزة البرنس عشان عمر بخيت يتفرغ لي دوره قدام الدفاع و الهجوم يلقى تمويل مريح

Quote: تمبس كتب: يا صبري .. يأخ ارجو انكم تفرقوا ما بين انو هيثم عندو مشكلة .. وتتعاملو معاها بي نظرية هيثم دا قليل ادب وخلاص انتهى .. وحواء والدة .. وإلخ .. وما بين انو هناك لاعب خبرة .. ولاعب ممكن يغير النتيجة .. ولاعب مهم في مباراة محددة .. زي ما قاليك ود البشرى مباراة امس تحديدا هي مباراة هيثم .. لعدة اسباب ـ والسبب المهم هو انو عمر بخيت يتفرق لي النص ولي مهمتو في دعم الدفاع والوسط .. والسيطرة على منطقة الوسط عامة.

يا ود البشرى وتمبس أنا حأرد عليكم رد مزدوج .. وقبل ذلك أنوّه أخونا تمبس إنّي نهائي كدة ما جبت سيرة مشكلة هيثم مصطفى مع الإدارة .. كلامي كان مبني على إمكانيات هيثم البدنية في الوقت الراهن .. وهيثم في شبابو لم يكن لديه الإمكانيات البدنية الكافية فما بالك وهو في هذا العمر ولمباراة وكأننا لعبناها مع حداشر لاعب كلهم عبارة عن بطل ذهبية أولمبياد لندن الجامايكي بول !!!!

أرجع للرد المزدوج يا شباب ...

الهلال لاعب بثلاثة مهاجمين وهم:-
1- سادومبا
2- كاريكا
3- سانيه

وهذا خصماً على وسط الملعب ...
نجي لي وسط الملعب وفيهو:-

1- مهند الطاهر .. صاحب نزعة هجومية وما بالحيل كدة في الدور الدفاعي.

طيب لو أخرجنا نزار حامد وحلّ مكانه هيثم مصطفى ماذا يعني ذلك ...
يعني أنّ:-

1- هيثم مصطفى صاحب نزعة هجومية وما بالحيل برضو كدة في الدور الدفاعي

ليصبح وسط الهلال به لاعب واحد فقط ذو نزعة دفاعية وهو عمر بخيت ...
يعني يا أخوان دفاع الهلال الهلكان دة حيكون مساندو من الوسط لاعب واحد بس


وحتة إنو هيثم مصطفى يلعب مكان مهنّد الطاهر دي ما بتقسّم معاي شوفو غيرها ...

أها الحل شنو ؟
لو أخرجنا من التشكيلة مُهاجم ليلعب مكانه هيثم مصطفى معناها حنضعف خط الهجوم الأصلاً الهلال معتمد عليهو لمداراة دفاعه الهلكان وحينها ستصبح المعادلة كل الخطوط تعبانة ...


ــــــــــــــ

(عدل بواسطة صبري طه on 09-15-2012, 03:54 PM)

Quote: وسط ممتاز

Quote: أسرع حركة مهند ولا هيثم؟؟؟ بيلتحم مهند ولا هيثم؟؟ بيفور ويهيييج مهند ولا هيثم؟؟ هيثم وبييي قلة حركته دي لكن مرات كده بتجيهو الهاشمية وبيهييج ويججري ويسك الخصم ويعارف .. مهند لو جا الجيش ما بيعمل حركة زي دي..

ـــــــــــــــ

(عدل بواسطة صبري طه on 09-16-2012, 07:45 AM)

Quote: تشافي شنو النزعتو دفاعية؟؟؟

Quote: اسألك سؤال؟؟ على ياتو أساس قررت إنو هيثم يلعب 20 دقيقة؟؟ حجم عضلتو؟طول نفسو؟معدل لياقتو؟؟ شنو يعني القست بيهو ؟ إنت قايل بيرلو عمرو كم؟؟ إنت قايل مالديني بطل الكورة عمرو كم؟؟ إنت قايل تيري هنيري ماشي لي كم؟؟ قايل الناس ديل بيلعبو شوط واحد؟؟ ياخ نزار حامد ده عمرو كك؟؟ حصل شوفتو تم ليهو شوطين في كورة للهلال؟؟ يا حبوب القصة حرفنة وتوزيع لياقة ليس أكتر ولا أقل..ممكن واحد عمرو 20 سنة يكمل لياقتو في شوط وواحد عمرو 37 سنة بي خبرتو يعرف يتحرك في مساحات محددة ويقيف صاح يلعب 4 اشواط..

Quote: الهلال..أسوأ مباراة..وأفضل نتيجة..!!

Quote: الفريق يلعب بثلاث مهاجمين ومهند زاتو خليه قاعد ورا المهاجمين واضيف ليه هيثم وخلي عمر يشيل شيلتو زي الكورة الفاتت

Quote: وأضف إلى ذلك أنّ مهند أسرع من هيثم (يعني جري ساي بفوتو) وأضف حاجة طبعاً ما حتغالط فيها وهي تسديدات مهند القوية تجاه المرمى ومن كوستي ذاتا ... أمامك خيارين لا ثالث لهما وهما إمّا إشراك مهند الطاهر أو هيثم مصطفى ... المنطق بيقول إشراك مهند 70 دقيقة وهيثم مصطفى الـ 20 دقيقة الأخيرة .. بحكم العامل البدني وكدة ...

Quote: تشافي هيرنانديز كريس المعروف باسم تشافي (بالإسبانية: Xavi Hernández); مواليد 25 يناير 1980) هو لاعب خط وسط إسباني, يلعب حاليا لـ نادي برشلونة الإسباني. يعتبر تشافي من بين أفضل صانعي اللعب في العالم على مر التاريخ، اختير تشافي أفضل لاعب في نهائي دوري أبطال أوروبا 2009 وذلك لمساعدة فريقه برشلونة بهزيمة مانشستر يونايتد وإحراز اللقب الثالث في دوري الأبطال. وأيضا تم اختياره أفضل لاعب في البطولة من قبل الاتحاد الأوروبي في كأس الأمم الأوروبية 2008[2]. لعب 98 مباراة للمنتخب الوطني الأسباني، الذي أحرز معه بطولة كأس العالم 2010. وحالياً يعتبر من أفضل لاعبي خط الوسط.[3] يتميز اللاعب رقم 6 في فريق برشلونة بصعوبة استخلاص الكرة منه، يستطيع اللاعب أن يلعب في أي مكان في خط الوسط، يتميز تشافي في دقة تمريراته الحاسمة وهذا جعله من أفضل لاعبي خط الوسط بيد ان أسطورة الوسط الذي يقوم بصناعة اللعب في صفوف برشلونة منذ أكثر من عقد من الزمن، ليس مجرد ممر جيد للكرة فحسب". إلى جانب رؤيته الثاقبة وخياله في وسط الملعب، فان "تشافي" يبذل جهودا خارقة ولا يتردد بالواجب الدفاعي أيضا، يستطيع "تشافي" ان يشغل أي مركز في وسط الملعب فهو قارئ جيد للعب ويمتاز بتسديدات قوية ودائما ما يساهم بكثير من الاهداف لفريقه، يجيد تسديد الكرات الثابتة، ويستطيع التأثير كثيرا على زملائه إن كان في برشلونة أو في صفوف منتخب بلاده. بعد أن تدرج في صفوف اكاديمية برشلونة في حقبة المدرب الهولندي الشهير "يوهان كرويف" وفريق الأحلام، اقتفى "تشافي" اثر الرجل الذي كان ملهما لذلك الفريق وهو مدرب برشلونة الحالي "بيب غوارديولا". والواقع فان "تشافي" هو الذي حل مكان "غوارديولا" المصاب موسم 1999-2000، وكان جاهزا للحلول مكانه بصورة دائمة عندما انتقل الأخير إلى الدوري الإيطالي. منذ ذلك الحين، ومهما كانت هوية المدرب الذي اشرف على برشلونة، فان "تشافي" كان الاسم الأول على لائحته، ومهما كانت فلسفة مدرب برشلونة، فانه لم يجد لاعبا مثل "تشافي" القادر بلمحة عين واحدة ان يمرر كرة متقنة باتجاه زميله، أو الخروج من موقف حرج بفضل استحواذه الرائع على الكرة أو حتى رغبته في تأمين الحمياة لرباعي خط الدفاع. وفي خلال مسيرته أطلقت عليه عدة القاب تغنى بها عشاق برشلونة وأسبانيا في كافة بقاع الأرض ومن أشهرها (المايسترو) و(الملك). المصدر

Quote: على قول ود القاضي حأحلق شنبي* ــــــــ * وبي قزازة ميتة كمان

يا صبري . . يااا صبري .. ما نراه من كورة عالمية لا يمكن في اي حال من الاحوال تقارن به مستوى ما يسمى عندنا بالعك الكروي
الناس ديلاك بلعبو كورة ونحن بنلعب (تيوة) ..
لذلك ..
لا تجازف بشنبك الله يرضى عليك .. لانو نحن في تحديات زي دي ما بنسيب الواحد ..
حسع وحيات ابتسامتك لو ما الهلال السنة دي فوقو ( نكهــة) .. صدقني كان ود القاضي واساسي فتحو ليهم حلاق .. ومحل بتاع (اقاشي وســلات) يتشاركو فوقو في البوردي دا ..
مدرب الهلال .. لو اراد ان يكتب في سفر الخلود .. يدفع اليوم بهيثم مصطفى في مباراة الموردة .. يستغل العامل النفسي في المقام الأول ..
هيثم .. سيلعب بشهية مفتوحـة .. وروح عالية .. وسيبرمج نفسه على عدد محدد من الباصات ومن ثم .. يرفع يدو لي غارزيتو ويقول ليهو (لقيتني) كيف ؟؟
هيثم الرسالة التي مفترض ان يوجهها غارزيتو للاندية المشاركة حاليا في الكونفدرالية. ولا يضير ان اشركو النص ساعة الاخيرة عشان ما يقول هيثم ما جاهز ..

Quote: طالما الفريق كسب وبأكثر من هدف فهو قطع شك لم يكن سيئا ( دا كلام الخبراء). ممكن يكون الفريق ما قدم الأداء المنتظر أو المتوقع منه ولكن هذا لا يعني أنه كان سيئا

خبراء شنو يا اجارك الله .. وشامبو هيد اندشولدرز ضد قشرة شنـو ..؟
ياخ البرازيل دي كانت ( بتطعم ) كورة تغذي بيها الكرة الارضية كلها ..
نرقص نحن في السودان ونطلع مظاهرات وتاني يوم (التكاسة) في المحطة الاوسطى تلقاهم بيحكو بي هدف فالكاو .. وباص سقراط البيني .. وفنلة زيكو المقطوعة .. وبعدما يفطرو ويجو راجعين .. بيعملوا (صندوق) وبيلمو قروش يدوها لي مندوب يوديها السفارة البرازيلية بي اسم اتحاد اصحاب التككاسي بالعاصمة المثلثة .. النسوان في الجزر الصباح في زنكي اللحمة تلقاهن بتونسو عمتك الشول تقول لي سكينة باولو ايزدورو وايدر يتباركو والله يغطي عليهم.
بي صورة اوضح :
وخلينا من الخبراء ديل يا طنظير .. نحن اتعودنا على شكل هلال عامل زي بتاعين البرازيل . لما يغلب ليك في مباراة .. نحن ما قاعدين نتعشى .. لما الهلال يغلب لينا في مباراة .. من الفرحة بننوم بعد شهر من المباراة .. (بنكضم) عديل كدا لما الهلال يلعب ليهو عشرة خمسطاشر باص وينهيهم لينا بي قذيفة من مهند .. الوكت داك ولا بنكون عايزنها تدخل قون .. عايزنها تدق في العراضة وتجي راجعه .. عشان نوري ليك ناس الاتحاد انو في غلط في المواسير حقتم دي .. حساباته ما صحيحة ..
نحن اتعودنا على المتعة .. زي البرازيل .. لما البرازيل ابتعدت عن تمتيعها للدنيا .. بقينا ما بنبكي لما البرازيل تتغلب من فرنسا .. يا تدرن مع الاكوادور .. فا شنــو .. الدنيا صباح يا طنزير ما تخليني افكها فيك

Quote: يا تامبا طلع البخرة الشايلا دي واللا أرجع محل ما جيت

نحن ناس من مدرسة الواقعية .. وصبري سريالي واحيانا بيميل لي مدرسة الواحد
يا جماعة الله يرضى عليكم .. الما رسم ليهو هلال بي البوهية راسمو في كرتونة وقطعو بالموس في فنلة مما كان صغير .. ما يجي يغالطنا ساكت في الهلال .

Quote: يا صبري طالما انك مسكتها من ناحية بدنية وتكتيك .. فبرضو عودنا راكب .. مسالة العمر الاستندته علهيا دي .. مافي ليها اي استاندر للقياس .

Quote: ولو بتعرف تشوف هيثم كويس .. زي ما قاليك عمر الزول دا من ما بدا ياهو هيثم وماشي لي فوق .. متقدم .. عكس كتير من اللعيبة الواحد بقيف في مكان واحد يا بقع بي سرعة .. هيثم لا يتاثر ولا يظهر عليه الاعياء والتعب إلا وهو مريض او مصاب شأنو شأن كل لعيبة الكورة في اي مكان وفي بلادنا تحديدا ..

يا تمبس ملامح هيثم مصطفى وصرّة وشو وهوشتو وانفعالاتو في الميدان بتوهم بي كدة .. ولكن حركة هيثم مصطفى في الميدان قليلة .. دي حقيقة ياخ
وفي نظرية أكيد بتعرفها .. الواحد في الميدان مما نقتو تزيد معناها مخزونو اللياقي تدنى وعايز يتمّها توم وشمار ساكت كدة ...
تتذكر شوتة هيثم مصطفى لي قارورة المياه وهو خارج من الملعب !!! يعني نفهم شنو من الحركة دي ؟

Quote: لو كان هيثم عطاءه قل فالننظر منذ متى هيثم يلعب . في المباريات الافريقية .. وفي الدوري المحلي .. فهل ظهرت على هيثم اي علامات ضعف او وهـن غير تلك العلامات التي اصبحت الان عبارة عن تلبيس قميص للاعب حتى تخدم مصلحة من يروجون لذلك وللاسف الشديد هم الاعلام المريخي قبل مجلس إدارة الهلال ..؟

يا تمبس دي مسئولية الجهاز الفنّي ... فلولا غارزيتو ... لاستمر هيثم مصطفى أساسياً .. بمعنى لو المدرّب من بلدياتنا ... والدليل وجود هيثم مصطفى مع الفريق القومي ....

Quote: تسديدات مهند الطاهر لا تشفع له في ظل باصاته العرضية المقطوعة من الخصم وهعو في حالة هجوم زي ما قاليك عمر الفاروق .. ابحث عن مثل هذه التمريرات القاتله هل تجدها عند هيثم مصطفى ..؟ امانة في ذمتك يا صبري حصل يوم واحد وانت بتعاين لي هيثم مصطفى لعب ليهو باص (سلبي) او اداهو عديل لي الخصم وهم في حالة هجمة مرتدة او فشل لينا هجمة جادة جدا وممرحلة ..؟

الباصات العرضية دي ممكن مُعالجتها من خلال التدريب ... وهيثم مصطفى لو كان هو هيثم بتاع زمان أكيد سيجد له مكاناً في التشكيلة على حسب مستواه الفني .. ولو دامت لدامت لمارادونا الرابطها بي خيط يا تمبس !!!

Quote: ثم ان طبيعة هيثم التكتيكية تختلف عن طبيعة مهند .. ولا توجد اي مقارنة بينهم .. هيثم هو الشخص صانع الالعاب .. الذي يبحث عن مهند من أجل ان يموله .. الكتير من اهداف مهند كانت صنيعة هيثميه صافية .. يمكن لهيثم ان يلعب عشرة مباريات ويمكنك ان تمسك بورقة وقلم لترصد الاخطاء في التمريرات او المهام .. إذا رصدت لن ترصد الكم الذي يقع فيه مهند الطاهر في مباراة واحدة فقط مباراة واحدة .. بامكان مهند ان يلعب مباراة اليوم بجدية ومزاج عالي .. والمباراة القادمة سترى لاعب آخر ليس له علاقة بنفس اللاعب إلا برقم الفنلة التي يرتديها .. ولو جينا لي المفاضلة حسب النسبة بالدقيقة .. اتفق معك في شئ محدد .. أن هيثم مما عرفتو كنت بقول نظامو شوط واحد تلتين دقيقة .. يمكن ان تبدا بيهو ويمكن ان تختم بيهو ودا طبعا بعد قراية احداثيات المباراة .. اما العشرين دقيقة فهي لمهند الطاهر .. وايضا بعد قراية سليمة جدا للواقع داخل الميدان .. مهند يصلح لتعزيز النتيجة .. بينما هيثم يمكن ان يخدم في كل الاتجاهات .. صناعة النتيجة .. من باص او باصين زي ما فعل عمر بخيت .. باص واحد من هثيم لمهنهد ممكن يصنع بيهو نتيجة وباص آخر لسانييه أو كاريكا او بشة او سادومبا يعزز بيه النتيجة .. لو دخلنا في مسالة الاعمار التي اصبحت فرمالة ثابتة الغرض منها تجريم هيثم واتهامه بعدم القدرة على العطاء .. سوف نجد تلاتة ارباع لعيبة السودان منتهي الصلاحية .. مقارنة بما قدمه هيثم وما قدموه للملاعب السودانية .

أخيراً اتفقنا في أنّ هيثم مصطفى لا تسعفه لياقته للعب مُباراة كاملة ... وعن رأيي أرى أن يتم إقحامه في الشوط الثاني لأنو الناس بتكون فترت ياخ وهو بكون في همّة ونشاط ...
بالنسبة لمهنّد الطاهر في الوقت الحالي بدنياً أفضل من هيثم مصطفى ودي حتة نقاشي .. يعني مُباراة زي مُباراة أمس دي وإنت قدّامك الخيارات دي بتكون صعبة عليك تُشرك هيثم مصطفى في ظل الدفاع المُتهالك ... وأمامه عُمر بخيت الذي أيضاً تقدّم في العمر يا تمبس ...

وبحسابات المجهود البدني في وسط الملعب يصبح الخيار الأمثل أنّ في المُباراة الواحدة يجب إشراك لاعب واحد فقط من الآتية أسماءهم:-
1- عمر بخيت
أو
2- هيثم مصطفى
أو
3- مهند الطاهر

يعني التلاتة ديل مع بعض سوى كدة تبقى كارثة على وسط الملعب وعلى دفاع الهلال ...

في حال إشراك هيثم مثلاً يكون لاعب الارتكاز هو علاء الدين يوسف ومعهما نزار حامد
وفي حال إشراك عمر بخيت يكون معه نزار حامد وتشوف صانع ألعاب نشيط ولديه نزعة دفاعية لأنّ الهلال يلعب بثلاثة مهاجمين وصانع الألعاب دة يكون غير هيثم مصطفى وغير مهنّد الطاهر
وفي حال إشراك مهند الطاهر يكون لاعب الارتكاز هو علاء الدين يوسف ومعهما نزار حامد


ولك كل الود والتقدير ،،،

Quote: يا صبري انت راسك ناشف وانا بقول ليك من هسع ما لعبتو هيثم ما حا تنافسوا على الكاس وما بتصلوه اساسا ولو ما لعبتوه كورتنا الجاية بنرشكم

القصيدة هنا

Quote: أخيراً اتفقنا في أنّ هيثم مصطفى لا تسعفه لياقته للعب مُباراة كاملة ... وعن رأيي أرى أن يتم إقحامه في الشوط الثاني لأنو الناس بتكون فترت ياخ وهو بكون في همّة ونشاط ..

Quote: وانا ما اتكلمت عن اللياقة وعن قياسات اللياقة بي صورة دقيقة .. انا تحدثت عن اللاعب التكتيكي البصنع ليك الفرصة وتستفيدو منو خلال دقائق معدودة بحسابات معدودة وبي قرايات معينة داخل الميدان .. لييه ناس (بيول) في الضربات الركنية بيمشو عشان يلعبو الكورة بي الراس .. مش ناس متخصصين وعارفين بيعملو في شنـو ..؟

Quote: لالا ما اتفقنا .. انا ما بتكلم بي موازنات لياقة ـ انا بتكلم عن تكتيك ما ياهو في كتير من ممن هم اصغر من هيثم ولياقتم فل وقاعدين بره في الدكـة .. انت لو قريت كلامي كويس وقدرت تستوعبو ، كان عرفتني قاصد ليك انو في فنيات بتبعه المدرب .. زي : - قصد اصابة لاعب .. ودي في عنقالة عديل قاعدين ليها حتى ولو ياخد كرت احمر . زي ما بيعمل (بيبي) مع ميسي يوقعو في الواطـة ويعفصو في صباع يدو الشمال التقول بجيب قون بي ايدو .. ودا الاسلوب الكان بنتهجو لعيبه بي عينم مع كلاتشي لما كان في الهلال - المراغبة اللصيقة للاعب .. ودي فيها ممكن يطلع اللاعب من اللعب .. زي ما عمل عصام عباس لاعب الموردة السابق مع مصطفى النقر لما كان في عز مجدو .. - لاعب القصد منو تغيير نتيجة .. او المحافظة على النتيجة .. دي بتلقاها في مثلا الركلات الترجيحية من منطقة الجزاء .. ممكن يكون حارس مرمى لاعب المباراة كلها ووصله لحدت المرحلة حقت الركلات .. يكون الحارس الاحتياطي اكعب منو .. لكن اكثر تركيزا في الركلات .. يتم تغييرو علشان يغير النتيجة . بالمثل: وانا ما اتكلمت عن اللياقة وعن قياسات اللياقة بي صورة دقيقة .. انا تحدثت عن اللاعب التكتيكي البصنع ليك الفرصة وتستفيدو منو خلال دقائق معدودة بحسابات معدودة وبي قرايات معينة داخل الميدان .. لييه ناس (بيول) في الضربات الركنية بيمشو عشان يلعبو الكورة بي الراس .. مش ناس متخصصين وعارفين بيعملو في شنـو ..؟ الله يديك العافية يا صبري .. عليك الله هيثم دا عاين ليهو مرة واحدة بس بي طريقة كتابتنا البنكتب فيها دي .. وما تقول لي لو دامت لي كارداونا .. معروف يا صبري .. الجبل بتهدو قطرات الموية الحنينة دي .. لكن هيثم يا سادة لم يحن موعد رحيله بعد .. الهلال في اشد الحوجة لي هيثم حاليا .. والآن قبل الغد .

استلم ياقون دي من الارشيف

Quote: تمبس اثبت لي بان حراس المرمى هم افضل من يقروا ويشهادون الملعب وشكله

Quote: استلم ياقون دي من الارشيف

شكرا يا وليد ياخ .. اها يا صبري هنا مع الصورة دي ممكن تثبت نظرية واحدة من نظرياتك إنت وطلحـة تنظير .. اللا وهي ..
انو فعلا .. اللاعب بيعجز ويشيخ .. عاين لي كنت عامل كيف .. وقتها .. منتهى الرشاقة وطول مناسب وحجم انسب وبالمناسبة وقتها كنت باللعب في الدرجة التالتة .. وانا صاعد لي سرعة الصاروخ ..
طبعا يا وليد لو قلت لي صبري ولي طلحـة بعد فترة بسيطة من الصورة دي كان مفروض يتم تسجيلي للهلال لو لا بعض الملابسات .. ما اظنهم يصدقوني ..
..
الواحد مما شدة كورتو فكت بقى يكتب مع العوام في منبر سودانيزاونلاين او كما قال اخونا عمر الفاروق
تكتب في منبر العوام ليقراك محمد البشري الخدر وفيصل نوبي وود الصايم .. وإلخ