يا معلم .. طبيب نفسي شنو كمان في الحر دا! ساي كان كحلك واحد من الحلة مارق من عيادتو حالك بتشال و يملو بيك البلد و البلدين و الأسافير الفكي سترة وبعدين ارخص :)
09-07-2012, 01:54 PM
tmbis tmbis
تاريخ التسجيل: 10-19-2002
مجموع المشاركات: 24862
من ناحية ارخص هو ارخص يا معلم .. لكن بس طلباتو شوية صعبة .. فشنو .. اخير ليك (الظـار) على الاقل بتلقى ليك مساحة كويسة تتحرك فيها .. وبدل ما الفكي يقوليك جيب لينا شنو ..وشنو .. فإنت البتكون متحكم في القصة .. وطلباتك اوامر .. يعني من طشمة بي مزتة لحدت العروس المغتربة لحدت جوال بي كمرتين ..
بالمناسبة موضوع الظار دا وضعو شنو اليومين دي ..؟ شايف الناس عملت نايمه من الموضوع دا .. وبطلت القصة دي .. ..
تعرف يا ود البشرى معظم رد الاستطلاعات في البرنامج كانت بتتوافق مع الرد حقك .. الناس هارشة تمشي طبيب نفسي عشان خايفين من كلام الناس .. واعتقد انو دي في حد ذاته مشكلة نفسية كبيرة جدا .. الواحد محتاج يتعالج منها .. الطبيب النفسي زيو وزي طبيب الباطنية طبيب النساء والولادة .. إلخ.. وفي امراض عضوية نفسية بكون المصدر حقها عضوي بيتم اكتشافه عن طريق الطبيب النفسي وبيحولك بي دورو لي الطبيب المختص .. لكن ما اعتقد في طبيب عادي ممكن يطرح عليك ان تعرض نفسك على طبيب نفسي ومن ثم يضيع منو حق الكشف والعلاجات الاحيانا ما بتساهم في حل المعضلة او بتشتغل في تجاه بعيد كل البعد عن المرض الحقيقي .. والطبيب الناجح هو البيعالج مصدر المرض .. وليس اعراض المرض ..
09-07-2012, 01:10 PM
tmbis tmbis
تاريخ التسجيل: 10-19-2002
مجموع المشاركات: 24862
قصتك دي محلولة عندي يا قصي .. من ناحية الطبيب ... دكتورتي دي الله يديها العافية مبالغة .. وبعدين ضف لذلك ناقشة ليك نفسياتنا السودانية .. يعني تقوم تمشي ليك لي طبيب سوري يا مصري .. يشبكه ليك كشري وتبولة وبابا غنوج .. والله الباقي ليك في راسك يطير .. اما بالنسبة لي (الفكفكـة) .. عندنا زول (كهربجي) كان بمشي ليهو زول فردتي في الحلة .. صاحبي دا (بقـه( كمية من المحايا والله لمن لونو بقى (كحلي) اها صاحبي دا منطط عيونو من سنة سبعة وتسعين لحدت الان ..
بالمناسبة يا قصي: الطب النفسي لا ينفصل عن ما يسمى بالفقره والكهربجية .. اذكر ان كان هناك بعض المتخصصين في مستشفى التجاني الماحي يقوموا بتحويل المرضى إلى بعض الشيوخ الذين يعالجون بالقرآن في مناطق معينة من السودان .. وكانت هناك نسبة عالية من نجاح العملية ..
09-07-2012, 12:51 PM
tmbis tmbis
تاريخ التسجيل: 10-19-2002
مجموع المشاركات: 24862
اشاهد الآن حلقة من برنامج زهرة الخليج على قناة ابوظبي الاولى .. وتم طرح السؤال ..
مسالة الفكي ... تمت اضافتها من عندي .. لتفشي الظاهرة سودانيا
عن نفسي .. سبق وان عرضت نفسي على استشارية للطب النفسي سودانية في مقام والدتي وصديقتي .. كانت النتيجة مشرفة جدا وعالجت كل المشكلة واقتلعتها من جزورها .. بل واصبحت اقتحم تلك المشكلة التي واجهتني بقوة شديدة وبقيت افتش ليها عديل كدا .. .. .
09-07-2012, 12:56 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10330
والله يا تامبا عارفين الكلام دا لكن تقول شنو بس دي ثقافتنا كدا الواحد في المرض العضوي العديل دا كان ما الوضع اتفاقم ووقع عديل كدا ما بنمشي للدكتور ونشبكها جنزبيل و حرجل و حبة سوداء وزيت سمسم وما تيسر من وصفات وغيرو لامن خلااااااص خطوة و السلام تقول لي طبيب نفسي راسو عديل ... يا النبي
Quote: بالمناسبة موضوع الظار دا وضعو شنو اليومين دي ..؟
ههههههههههههه بالله دا سؤال تسالني ليه في المنبر العام قدام العوام كدا اسي بكرة يجي يشبكني واحد يقول لي بعرف تاريخك وجغرافيتك لمن كنت شغال شيخة ظار
09-07-2012, 04:16 PM
tmbis tmbis
تاريخ التسجيل: 10-19-2002
مجموع المشاركات: 24862
هي ما ثقافة يا ود البشرى .. بقدرما هي مرض مصنف من علماء النفس .. مرض الخجل قيل انه .. (حالة معقدة تشتمل على إحساس سلبي بالذات او إحساس بالنقص، أو الدونية.يجد صاحبها صعوبة في التركيزعلى ما يجري من حوله، وبالتالي يصبح عاجزاً عن إقامة علاقات مع زملائه ورفاقه ومعظم منَ حوله، لذا، فهو يعاني من الوحدة. وقد يفضي به الأمر إلى الشعور بالرهبة والخوف من طرح الاسئلة خوفاً من الصد. وما التوتر والارتباك وصعوبة التركيز إلا إشارات واضحة من عدة إشارات أخرى تدل على تمكُّن الحياء من الشخص.) منقول التخلص من العادة دي والتعامل بتلقائية مع المحيط العايش فيه هي اول خطوة ينجح فيها الشخص من عرض مشكلاته على طبيب نفسي او من يثق فيهم من الاقربين وبالتالي ربما يجد شخصا ما يدله على طبيب مداوي او يذهب من تلقاء نفسه .. ومعظم الذين من حوله ومن يضع لهم الف حساب .. هم يعانون من مرض الخجل الذي بدوره يتحكم ويسيطرعلى تصرفاتهم .
Quote: بعرف تاريخك وجغرافيتك لمن كنت شغال شيخة ظار
تعرف يا ود البشرى كنت بتناقش قبل ايام مع زميلة البورد عن عادة الظار أو ظاهرة الظار .. قالت انها في عمرها ما حضرت حفلة ظار لايف .. طبعا قلت ليها عمرك كلو ضاااع ساكت في قراية الطب وفي الغربة الظار زمان كان جزء لا يتجزا من حياتنا .. وكان الظار يحل محل الطبيب النفسي المعالج وما يصرف في حفلات الظار القليل منو كفيل بمعالجة البتوهم انو مصاب بمرض يستعصى على المعالج النفسي .. انحسرت عادة الظار حاليا .. او المجتمع اصبح رافض ليها تماما بارتفاع نسبة الوعي .. وعوامل اخرى كثيرة ..
شيخة ظار شنو يا ود البشرى .. والله تلقاك ضربت الديوك الرومية دي لمن قلته بس ..
09-07-2012, 04:38 PM
tmbis tmbis
تاريخ التسجيل: 10-19-2002
مجموع المشاركات: 24862
كانت أول مشكلة حقيقية واجهتها في حياتي وظهرت بشكل كبير فترة المراهقـة .. هي عدم مقدرتي على التعامل مع الاماكن المرتفعة .. (أرفتع) مكان واجهني في تاريخ حياتي وانا صغير كان ( الطابق الخامس ) في بناية قصر الشباب والاطفال وارتبطت بيه كثير من احلامي .. كنت اصعد الطابق الخامس في قصر الشباب وابعد عن اي حافة تمكنني من النظر إلى الاسفل وانظر إلى من حولى من الاعلى . تطور الواقع إلى حلم مصاحب عكر صفو حياتي . تحول الحلم إلى كابوس عجيب لازمني في جميع احلامي .. يعني بيصراحة اي حلم مهما كان لذيذ ينتهي بي نهاية درامية .. احلم انني في الطابق (السادس ) الطابق الأعلى من الخامس بدرجة يعني الحلم جاب ليهو زيادات من عندو .. في الحلم الكابوس ارى ان الهواء يدفعني من كل الاتجاهات والطابق من دون حواف لاتمسك بها .. ينتهي بي الامر ان اطير والناس تحتي والحاجات كلها .. اقع .. اللقى نفسي وقعته في جار الرياضة امدرمان ..
09-07-2012, 05:10 PM
tmbis tmbis
تاريخ التسجيل: 10-19-2002
مجموع المشاركات: 24862
في أول حياتي العملية صادف وان عملت بمطار الخرطوم الدولي في صالة المغادرة .. منظر الطائرات وهي تقلع وتهبط .. كانت كابوس آخر جديد يضاف لكابوس دار الرياضة وقصر الشباب وما زال الحلم القديم مستمر وتطور بان دخلت فيه طائرات علما بأني لم احظى وقتها حتى بتفحص ما بداخل الطائرات ناهيك عن استخدامها كمسافر يقوم طاقم الضيافة الجوية بتقديم عرض توضيحي بكل الملحقات التي من شأنها انقاذ حياة المسافرين برشوتات وبوابات طوارئ .. إلخ حالما تعرضوا لكارثة جوية ... وكنت أرى الاستغراب في كباتن الطائرات والمضيفين وهم يسحبون حقائبهم الصغيرة من خلفهم من رحلة استعدادا إلى رحلة أخرى ربما تستمر إلى ساعات طوال يعبرون فيها المحيطات والمرتفعات والقارات ويرون العالم من ارتفاعات تتلاشى فيها اي نقطة قريبة من سطح الأرض .. سماء فسيح .. وسحب وضغط واوتموسفير وغلاف جوي .. شاءت الاقدار ان أول مواجهة للاخطار واقتحام المجال الجوي هي رحلتي الأولى على متن الخطوط الاثيوبية المتجهة نحو مدينة جدة معتمرا قاصدا بيت الله الحرام .. وللحقيقة قبل هذه الرحلة تنازلت عن العديد من الفرص المتاحة للسفر خارج البلاد اطير فيها بعيدا من الأرض .. الخريف وقتها في اعلى مستوياته وكذلك فيضان النيل .. وانا على سلم الطائرة كانت السماء تمطر .. ورعد وبرق وفلم هندي .. قرات على عتبات السلم المتحرك كل ما خطر ببالي من آيات قرآنية .. وبعض من صورة يس ، وكنت وقتها قد صليت صلاة الحرب بصالة المغادرة الخارجية بعد أن احسنت وداع اصدقائي واخواني .. عند آخر نقطة تمكنت فيها من رؤية ما يحيط حولي من باب الدخول احسست بالدوار ورغبة شديدة في الاستفراغ .. وإني في حاجة أن اذهب إلى الحمام الذي لم اغامر حتى في معرفة تجاهه لأنني بصراحة دخلت الطائرة شبه مغمض العينين لا رغبة لي في النظر إلى من هو حولي من اجهزة دقيقة ومعقدة وشاشات .. حتى ما افتتنت بهم من طاقم ضيافة جوية على الأرض في سابق الأيام تحولو إلى اشباح وكائنات فضائية عجيبة ..
09-07-2012, 06:20 PM
tmbis tmbis
تاريخ التسجيل: 10-19-2002
مجموع المشاركات: 24862
أحد الأصدقاء المقربين في ( كوكب الأرض ) يعشق الطيران بنوع مختلف ويعشق النشوى إلى حد أن ينام في اي وضعية هو فيها .. وكم ارهقني مرات ومرات في (تعتيله) وشيله من حتة لي حتــة . نصحني بان: ( الجماعة ديل عندهم (فتايل ) صغيرة كدا بجو جارينها في العربية بي جرستك وكبكبتك دي ممكن تخش ليك في اي فتيل بريحك ) . تحسست مقعدي .. وارغمت نفسي على متابعة الارشادات ومن حسن حظي ان الطائرة وقتها كانت خالية غير مكتملة المقاعد اتاحت لي حرية أن استخدم حتى المقاعد التي بجانبي وأن أخد راحتي على الاخر وانا امارس كل طقوس الخوف والهواجس المحيطة بي .. انتهت الارشادات وتحركت الطائرة نحو نقطة الانطلاق .. بدأت في عملية الاغماض .. واستخدام وضع العميان الذي لا يرى ولا يسمع .. تلك الحالة التي صاحبتني لمدة طويلة ومتقطعة احيانا حتى لامست لساتك الطائرة مدرج الوصول . جاءت المضيفة بفتايل صديقي وسالتني بـ ( ابتسامة امهرية ) جميلة واعطتني احساس بأنها من النوعية التي يمكن أن اتحدث معها في اي موضوع .. مهما كانت صعوبته .. كانت الطائرة في طريقها ربما إلى اديس أو اي من الأماكن الأخرى مرورا عن طريق جدة اي ان جدة هي ليست محطتها الأخيرة .. تمكن بي الجوع والعطش علما انني لم اتناول وجبة منذ يومين متواصلين وذلك من كثرة التفكير في الطيران والتحليق في الهواء وسيناريوهات غريبة رسمتها لنفسي .. طلبت عصيرا من البرتقال في سرعة البرق جاْءت المضيفة بكل برتقال الدنيا واظنها خلطت جزء من ( بشرتها ) العجيبة مع العصير واخزت تتجاذب معي اطراف الحديث في لطف عجيب وغريب اوشكت عنده ان ابكي من فرط ظرافتها في طرح الاسئلة ..( بت اللذينا كان لاقتني في الواطـــة وقتها وكرعيني ثابتات كنت خليته تبطل الطيران ) .. عرفت بخبرتها وقتها انو دي اول دقائق طيران بالنسبة لي .. واني متوتر إلى حد يمكن ان اصل لحالة هستيرية صعبة فالرعشة المستمرة مع سلسلة مرتفعات البحر الأحمر وجذب الطائرة إلي الاسفل فجاة فيما يعرف بالمطبات الجوية جعل مني كائن عجيب مثير للضحك احيانا واحيانا اخرى للشفقة .. استمرت رحلة الطائرة واستمر الاهتمام بشخصي الضعيف بأن جاءت لي ببطانية ومخدة .. ( وكيس ) احتوت فيه سائل عصير البرتقال بعد أن اختلط بجزء من العصارة الهضمية الخاصة بي .. واحكمت قفله .. واخبرتني بأنه عادي جدا وانها ما زالت تمارس نفس فعلتي في احايين متعددة واظنها كانت تجاملني إلى حد الأفراط وإلى حد الرعاية الذي اعتقدت فيه أنني مسافر على الدرجة الأولى دخلت عبر بوابة كبار الزوار .. وضللت الطريق إلى ركاب درجة الضيافة. ما تبقى من الرحلة قضيته في حوار مختلف مع المضيفة الذي اذكر ان لها ( وحمــة ) في جزء من خدها الأيسر تتباهى في أن تعرضها على كل من يصوب اعينه نحوها بدهشة وتجاوب بنفس الطريقة اللطيفة التي خصتني بها بل اعطتني احساس أن بأمكاني ان امد لساني لاتحسس طعم هذه التركيبة التي كانت اشبه بثمار فاكهة ما .. طبعت في هارموني عجيب مع بشرتها .. بعد أن همت الطائرة على الهبوط ومع الاعلان الداخلي لربط الاحزمة ومنع التدخين انتابتني رعشة خفيفة غير تلك التي صعدت بها الطائرة .. رعشة ان في نيتي العودة إلى نفس المكان الذي انطلقت منه . توقفت الطائرة تماما إلا من بعض الازيز الصادر من المحركات .. واخذت مكاني في الهبوط واكتشفت ان المسالة ما هي إلا ساعات من المتعة قضيتها في ثواني من التوتر خلقتها من توهماتي .. عند سلم الطائرة طلبت مني نفس المضيفة السفر مرة أخرى معهم على نفس الخطوط .. عندها حدثني خاطري : كان شفتيني تاني جمب اي مطــار اكون بالغته ..
... في الحور يا الشفيع في حاجات كتيرة كانت محتاجة ( ارضية ) ثابتة لمواصلة الحوار بشكل جيد .. والوصول إلى نقاط اتفاق مشتركة .. لا يمكن مناقشتها في ( الفضاء ) ..
Quote: ما اهو بتعرف تكتب كويس في غير (الدوقشمانات) حتى البوست ده كنت قايلو بداية (دوقشمان)
تعرف يا الشفيع .. الدقشمانات ليها امزجة معينة في لحظات معينة .. وكذلك الكتابة الموضوعية والكتابة الساكت .. وفي نص الاشياء دي .. بدخل ليك كم واحد اساسا ما عندهم موضوع .. واحيانا في نوعية بتكون عايزه تشارك ساكت وبدل ما تضيف ليك بتطلعك حتى من الحتة الانت واقف فيها .. لانو كتابتم بتكون لزجة .. لا هي بي دمها خفيف ممكن تفتح ليك منافذ وتضيف ليك ولا هي بالمقبولة يمكن تحاول تلقى ليها حتة تدخله فوقه اهـا النوعية دي منظرة ببقى بايخ لو انت ما اتدقشمته معاها .. لكن لو اتقدشمته معاها في الحتة بتاعتك العايز تكتب فيها بي مزاج .. بكون منظرك انت البايخ .. هذا لا يمنع انو .. المقدرة على الدقشمانات رااااقده .. وتابعنا واوعه تغمض عينيك ..
09-07-2012, 08:09 PM
tmbis tmbis
تاريخ التسجيل: 10-19-2002
مجموع المشاركات: 24862
يا حسن .. ياخ دا نفس عميق جدا من شيشة مظبوطة بعد افطار رمضاني في يوم حـار جدا .. شفت التركيبة دي عاملة كيف ؟؟ والله دي مش تنطط عيونك .. دي تنطط راسك عديل ..وتقول لي صاحبي اقعد اتفرج فيني
سلامات يا مواطن .. وجاييك قريب بي هناك جهز لي العدة بتاعت البحـر بس ..
09-07-2012, 08:19 PM
Hassan Makkawi Hassan Makkawi
تاريخ التسجيل: 02-27-2008
مجموع المشاركات: 6157
تحياتي يا أخ تمبس موضوع حيوي وهام...تفضيل معظم السودانيين للذهاب للفكي يعود أساسآ للمفهوم الخاطي بأن المرض النفسي يتسبب فيه الجن أو تلبس الجن لجسم المريض ...ويجب هنا التفريق بين حقيقتين هامتين ...الأولي هي الإيمان بوجود الجن من عدمه...وهذه قضية قد تكون متفق عليها في الدين الأسلامي الذي أقر بوجود الجن...ولكن القضية الثانية هي علاقة الجن بالجنون أو المرض النفسي وهو ما لم يرد ذكره في القرآن الكريم أو السنة النبوية ...وهذا هو مربط الفرس وحجة الفكهاء أو الشيوخ ...الذين يدعون القدرة علي علاج الأمراض النفسية بدعوي تلبس الجن في جسم المريض.. الشي الآخر هو الجهل المتفشي عن طبيعة الأمراض النفسية ...فالكثيرون يعتقدون بأن المريض النفسي هو من يفقد عقله ويقوم بألقاء الحجارة والتطقيع...ولهذا يحجم الكثيرين من الذهاب للطبيب ولكن هذه فقط درجة متأخرة ونسبة بسيطة جدآ أنواع المرض النفسي... بينما الغالبية العظمي من الأمراض النفسية تتمثل في أمراض العصر مثل الإكتئاب والقلق والوسواس والفوبيا بأنواعها وغيرها من الكثير من الأمراض والتي إذا تم إهمالها تصبح كابوسآ يهدد حياة المريض ...
وقضية الوصمة من المرض النفسي ليست موجودة فقط في السودان أو الدول العربية بل أيضآ في أوربا...فهنا في بريطانيا يحجم الكثيرين عن الذهاب للطبيب النفسي خوفآ من المجتمع أو فقدان عملهم ولكن النسبة أقل كثيرآ من السودان أو الدول العربية متأسف جدآ للإطالة ولك وللأخوة المتداخلين في هذا البوست الهام كل الود والتقدير
عبدالعظيم
09-08-2012, 08:02 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: الشي الآخر هو الجهل المتفشي عن طبيعة الأمراض النفسية ...فالكثيرون يعتقدون بأن المريض النفسي هو من يفقد عقله ويقوم بألقاء الحجارة والتطقيع...ولهذا يحجم الكثيرين من الذهاب للطبيب ولكن هذه فقط درجة متأخرة ونسبة بسيطة جدآ أنواع المرض النفسي... بينما الغالبية العظمي من
.. شكرا يا دكتور عبد العظيم .. ويبدو من مداخلتك أنك على معرفة ودراية بكثير من الأمور ..
Quote: بينما الغالبية العظمي من الأمراض النفسية تتمثل في أمراض العصر مثل الإكتئاب والقلق والوسواس والفوبيا بأنواعها وغيرها من الكثير من الأمراض والتي إذا تم إهمالها تصبح كابوسآ يهدد حياة المريض ...
اتمنى ان تساهم معي في مسيرة البوست .. احتاج إلى كثير من الشروحات والتعريفات التي ربما لا سمح الله تكون بداخلنا ونعاني من التعامل معها .. البوست بوستك واطالتك مفيدة جدا وقيمة .. ارجو الا تحرمنا من المرور والفايدة
09-07-2012, 07:57 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: الواقعين تحت وطأة الأمراض النفسية ويرفض ولاة أمرهم عرضهم على الأطباء متكفين بالعلاج لدى "الشيوخ"
عارف يا هاني حتى الآن .. هناك الكثير من المناطق داخل السودان .. لا تعترف بالطبيب كمعالج .. ويرون الذهاب للطبيب ضرب من الخرافه .. وفي ظل ترويج بعض الشيوخ لذلك .. يروح العديد من المرضى الذين تعتريهم علات طفيفه يمكن معالجتها باقصر الطرق العلاجية .. بل هناك العديد من الحالات تحتاج إلى تدخلات جراحية عاجلة جدا .. تتفاقم نتاج اهمالها ونتاج عرضها على اماكن ليست مختصة فقط دافعهم التخلق .. والايمان المطلق بالخرافة .. وهذا لا يمنع وفق اعتقادي الخاص بان هناك العديد من الحالات حال عرضها على شيوخ متخصصين يمكن علاجها بشكل جيد .
09-07-2012, 07:49 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: وكانت كثيره جدا في حقبة السبعينيات وبدات تضمحل تدريجيا الا في بعض المناطق
اعتقد انها انتهت تماما يا طارق .. واقتلعت من جذوره . عادة الظار كانت تبع فئة معينة من اعمار معينة تمارس وفق بيئة معينة يرتفع فيها صوت الخرافة وينخفض صوت العقل .. واذا رجعنا لمعظم الحالات التي كانت تنشد العلاج بالظار نجدهم مرضى نفسيين في المقام الأول .. أو بهم الكثير من المعضلات المرضية العضوية .. التي كان من الصعب اكتشافها في وقتها لعدم الاعتراف بالطبيب المعالج وذلك نسبة لعدم توفر الامكانيات الحديثة في هذا العصر .. مع ظاهرة الظار كانت هناك الكثير من الظواهر العجيبة السائدة في المجتمع .. والتي من الصعب تخيلها الآن .. من ضمن الظواهر العجيبة اذكر ظاهرة ( الكبســـــة ) عندك فكرة يا طارق عن الظاهرة دي ..؟ وهي كانت منم وسائل العلاج التي تسيطر عليها ثقافة الخرافة التي طغت بدورها على الجانب الطبي وتعامل معها المريض نفسيا او توهم انها تغنيه عن زيارة الطبيب .. الظار كان يمارس كعامل ضغط من فئة محددة توهم المريض بممارسته .. وهو مرتبط بالكثير من العادات الغريبة .. والطقوس التي لها علاقة بالجن .. والاسطورة والخرافة .. واعتقد ان الشيطان يلعب الدور الاكبر في الترويج . الغريبة يا طارق ما زال الظار يمارس حتى زماننا هذا في الوطن العربي وفي بعض من دول القارة الافريقية واحيانا بمسميات مختلفة .. واعتقد ان الكجور الممارس في بعض دول افريقيا ايضا ضرب من ضروب الظار .. أن لم يخونني الفهم للظاهرة .
................
والله قاعدين يا طارق .. لكن فترة ما بعد رمضان دائما بتكون مزحومة بي دوامة الشغل المتراكم من رمضان لكن بنتشاوف إن شاء الله قريبا ..
09-07-2012, 07:58 PM
Al-Shaygi Al-Shaygi
تاريخ التسجيل: 11-16-2002
مجموع المشاركات: 7904
Quote: كانت النتيجة مشرفة جدا وعالجت كل المشكلة واقتلعتها من جزورها .. بل واصبحت اقتحم تلك المشكلة التي واجهتني بقوة شديدة وبقيت افتش ليها عديل كدا .. ..
يا جماعة كلمة مشكلة بالسعودي معناها (الشيشة)
تمبس
تحياتنا
09-08-2012, 10:20 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: يا جماعة كلمة مشكلة بالسعودي معناها (الشيشة)
يعني مشاكل العالم التالت .. ممكن نطلق عليها .. شيش العالم التالت ؟؟ الواحد كان سرح في تصنيفك دا .. بدخل في حتة ضيقة جدا .. والله احتمال فكي ما يطلعو منها يا الصادق
09-07-2012, 09:36 PM
الشفيع وراق عبد الرحمن الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
تعرف يا الشايقي قبل سنة كده جاتني ليك حالة غريبة جدا كلما اجي انوم وقبل اغرق في النوم احس ليك بي جسمي كله نمل وكاني بغوص في بير وفجأة اكتم وقلبي يقيف لثواني وكأني مت، اشهق واقوم واتكررت معاي لاكتر من شهرين وما عرفت امشي لي ياتو دكتور في الاخير مشيت لي بتاع القلب قال لي كل شي سليم وحولني للمخ والاعصاب برضو كل شيء سليم وقال لي تمشي لي اخصائي امراض نفسية قلت ليهو زيك كده
Quote: حلاة دقدق....
بعدين براي فكرت وقمت راجعت قائمة الادوية حقتي وبقيت استبعد فيها واحد واحد ولقيت نوع هو المرجح وامكن بيتعارض مع نوع تاني سبته والان تقريبا تمام وما بتجيني الا حين وحين
تفتكروا نشوف بتاع النفسي ده؟
09-08-2012, 06:39 AM
Al-Shaygi Al-Shaygi
تاريخ التسجيل: 11-16-2002
مجموع المشاركات: 7904
التعميم قد يكون خاطيء ياتمبس ولكن في رأيي المتواضع أن اي مغترب بالسعودية عليه أن يذهب من المطار مباشرة الى طبيب نفسي ومن ثم يحزم حقائبه ليذهب لأسرته حتى يستطيع أن يتعامل معهم بالطريقة التي كان يتعامل بها قبل سفره تعرف انت لمن تصل بيتك بيكون بينك وبين المجانين شعرة معاوية واحتمال شعرة معاوية تكون سميكة شوية يلاحظ الأهل أن هناك تغيير نبرة في الصوت لأنك شغال تنهر في الناس وتاني شيء تشوف اشياء كثيرة هي غلط بينما هي عادية في السودان وتقعد يومك كلو تكورك كمان بتكون مستعجل والناس هناك في السودان ممهولين { قال سمحة المهلة قال } !!! يعني تودي اقاربك واهلك مشوار ماعندهم اي مشكلة يتغدوا ويتعشوا والباقي يكملوه مديح وانت تكون زي الجدادة العاوزة تبيّض تدخل وتمرق عشان ترجع اهلك والبقية لاحياة لمن تنادي في المناسبات مرات تكون ماناقش اي شيء وتعاين في وجوه الناس وخشمك مفتوح قدر يوم القيامة وفجأة تلقى ضبانة بدل ماتفتح الروح ضلفتين تلقى خشمك فاتح زي خشم البقرة وتوووووووووووووش !!! بتكون طبعاً مخطط لأشياء وهمية وأحلام وفجأة بتتبخر ليك هناك وذلك بسبب ان هناك حلقات مفقودة يكون المغترب ماعامل ليها اي حساب والأدهي والأمر أنك تكون رسلت قروش الواطاة والبنيان وعلي العليك لاتلقى واطاة لاتلقى بنيان والزول البيكون طلع مااااااسورة بيكون قريبك لاتعرف تشتكيه ولاتعرف تكتلوا وتنتهي منه !!! ولو طلع أخو { ست النفر } بس عليك إما تشيل الفاتحة لو ايمانك قوي او تملص هدومك وتكون جاري في الشارع من طيبة للشكينيبة !!! في المدينة التي اعيش فيها ثلاثة يقومون بتلقيط الورق من الشارع سألت منهم قالوا مغتربين 00 والجماعة اكلوا قروشهم !!!! أظرف شيء قاعدين يشتموا في الحكومة وزول واحد بيسألهم مافي !!!
بحكم ان الشيخ دفع الله الصائم ديمة قريبنا تأتي الكثير من النساء وهن { مقيدات } والله جمال غير طبيعي مضيفة شنو ياخي اقسم بالله الواحدة تعاين فيها تقول ان شاء الله { الجن } دا يركب تمبس وللا ابوحراز الزولة دي تقعد مع الشيخ والحيران يقوم واحد من الحيران يتزوجها عليك امان الله تاني الغنماية تاكل عشاها لابخرات ولامحايات ولايحزنون
Quote: البيمشي للنفساني بكرعينو دا زول عايز ونسة ساكت..
بخصوص الونسة دي يا محمود .. الاطباء النفسانيين ديل ربنا مديهم طاقة احتمال كبيرة جدا في احتمال الونسة مهما كان نوعه .. كل واحد بيمشي عندو ونسة براها .. عشان كدا الناس قاعدة تلاوز من الاطباء النفسانيين وبيقولو هم زاتم رايح ليهم .. زمان كنت شغال في بحري .. كان عندي مزاج كدا مع دكتور حسبو الله يرحمو .. بطلع من هناك على العيادة الملاصقة لي مستشفى بحري .. بجي داخل عليهو اخد ونستي معاهو .. بي مزاج زول لطيف جدا ربنا يرحمو ويغفر ليهو .. اصلو ما حصل يوم سالني مالك بتجي هنا .. يا انت عيان من شنو .. ؟ المهم ونسة بتاعت اتنين اصحاب بيرتاحو لي بعض .. ا نفس الكلام القالتو راويـة العباسي .. في مداخلته .. انهم كانو بيرتاحو للاستاذ حقهم .. اهــا الواحد يمشي للفكي .. اول حاجة ما بيسمع كلامك .. تاني حاجة يا ربطك يا ملاك فقر .. يا دقاك بالسوط .. زمان عندنا فكي في الحلة مستنكح جدا عامل بيعالج .. وكان جاني ليك (ابعديلات) منفخني ليك بقيت زي البطيخة .. وروحي محرقاني واخلاقي في نخرتي .. وموضوع دكتور دا اصلو مافي .. في نفسياتي .. تجيب لي سيرة الدكتور بتتعب معاي .. المهم العصرية كدا ساقوني لي عمك دا .. قام عندو قلم النوع الاصفر ومدعغلب من فوق داك .. قلم بتاع حبر ناشف .. وشبكني ليك رسومات سريالية في تحت اضاني .. يعني احساس وهمي جدا لي زول عندو حمى .. وما قادر يتنفس .. المهم اكلتها ليك في حناني .. بعد شوية قعد يقرا وشبكني ليك ( بزييغ ) يقرا ويتف .. يا زول ملى ليك رقبتي كلها (بزاغ) اها ما كان مني الا بادلتو ليك نفس الشعور والكمدة بالرمدة . هو يتف وانا اتف .. تخيل الزول دا عمل لي نفسيات لي فترة طويلة جدا انو كيف يتف لي في وشي بالطريقة الجعانة دي ...
09-10-2012, 12:31 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: بعدين شايف مقدراتكـ الطبية اتطورت شديد ياخ!
..
Quote: والله يا عمكـ .. الطبيب العاااادي دا الواحد ما لاقي ليهو مجال .. كمان نبقى في نفسي ونفسكـ؟
.. والله يا معلم كان بتثق في مقدرات اخوك العلاجية للدرجة دي .. انا بفضي ليك نفسي واعمل ليك فرش متاع علاجي في اي مكان يعجبك .. طبعا انا اكتشفت ليك انو اي حاجة ساهلة .. بس كيف انك تجازف وتدخل. مش قالو ليك في واحد ليهو كم وعشرين سنة شغال دكتور هنا دا .. وهو ما عندو ما عند جدتي ..؟ خمسة وعشرين سنة فاكيها في الناس نفسيات ساااكت .. لانو عرف يقرا ليك ذاكرت العيانين كويس . حسع انا بي صراحة الايامات دي مفلس اصلو ما فلسة بتاعت مسلمين كدا .. فشنو ..؟ خلينما نتشارك نفتح لينا عيادة صغيرة كدا .. خت لينا البياض حقك واطلع لينا بي الشيرنق حقك .. بعمل ليك بطاقة علاجية لمدة سنة مجانا .. عشان ما تقول حرمتك من اي حاجة .. تجي تشرح نفسياتك .. وتتعالج بلاش .. ونهاية السنة طبعا عايزني اجيب ليك ارباح مش كدا .؟
Quote: هـوي يا مواطن .. أوع تبيعني في الموضوع دا!!
خليك جاهز .. لانو البرنامج مفتوح ..
09-10-2012, 11:36 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: الزولة دي تقعد مع الشيخ والحيران يقوم واحد من الحيران يتزوجها عليك امان الله تاني الغنماية تاكل عشاها لابخرات ولامحايات ولايحزنون
.. هههه ,, والله يا ابو حراز الناس تفتش في ادانة حسن موسى .. حسع جن الجكس دا بيؤكد نظريتو هههههه الشواكيش احيانا كتيرة يا ابوحراز بتخلي الواحد يلقط اكياس في الشارع .. ومرات يكتب شعر ياخ مداخلتك دي خلتني اضحك زي (المجنون) .. عليه تم تعيينك معاي في البوست دا بدرجة (فكي) تعالج وتداوي بي خفة الظل وخفة الدم . .. بعدين مسالة ناس السعودية دي فعلا عايزه ليها قعدة .. فعلا الواحد لما ينزل من هنا بتكون (كهربتو زايدة) بتشوف ايقاع الناس بطئ جدا . مع ( عجل عجل ب) بتاعت الجماعة ديل .. اناشخصيا مما نفسياتي اتصلحت .. بقيت يا زول كلما انزل السودان عبارة عن كائن بيتي .. اي دقيقة بلقاها كنت بتونس فيها مع ابوي الله يرحمو ونضرب لينا عشرة كشتينة وكمية بتاعت (كربنه) كدا بتكون رايحة من الواحد بعد العرس الاهتمامات كترت .. وبي صراحة جني وجني .. يقولو لي ورحكاكه ناس فلان يا ناس فرتكان .. دي بتعمل لي (نفسيات) طوالي انا لما انزل من هنا بكون محدد برنامجي .. ومحدد الحاجات البتجنني برضو ..
Quote: بحكم ان الشيخ دفع الله الصائم ديمة قريبنا تأتي الكثير من النساء وهن { مقيدات } والله جمال غير طبيعي مضيفة شنو ياخي
.. قريبكم مش كدا يا ابو حراز ..؟ والله تلقى الحاجات الكويسة دي هي الجننتك زاتوووو ..
09-08-2012, 10:27 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: ولقيت نوع هو المرجح وامكن بيتعارض مع نوع تاني سبته والان تقريبا تمام وما بتجيني الا حين وحين
.. والله يا الشفيع بتبالغ عديل كدا .. غايتو بي طريقتك دي .. شيل معاك الحبوب والفكي طوالي .. بس انا خايفك تقنع الفكي زاتو انو يعمل تخطيط قلب .. الله يرضى عليك يا الشفيع .. حبوبك دي تشيلة وتمشي للدكتور ما توقف ساكت وما تبلع ساكت تبقى زي قريبنا الجنو بلعان حبوب داك ..
والله لا بنخجل ولا بننكر !! مشينا والله واتعالجنا ولله الحمد .. تعرف يا أخو قبل زي خمسة سنين كده ضربني ليك جفاف غريب في البشرة وزهج مستمر، وتحفز للشكل بصورة مزعجة، وعدم نوم .. ياخ لو في زول قال لي السلام عليكم براجع نفسي قبلما أرد عليهو، لأنو الرد يمكن ما يكون وعليكم السلام.. مشيت المستوصف وفي بالي إنو الموضوع جلدي واللا باطني ، الجماعة بعد الفحوصات الأولية حولوني ( للكابتن ) !! يا جماعة أنا كويس محولني للزول ده ليه؟؟ طبعاً كان برفقتنا (حكومتنا الرشيدة) أها بعد الحكومة سمعت الزول ده حولوه بقت تكشف لي بطرف عينها كده نظام أنا (جانوار) وكده، غايتو مرات الحكومات ديل بيعملوا حركات ما ظريفة.. الدكتور قال لي عندك توتر عصبي حاد، ونصحني بالابتعاد عن الضغوط وأي حاجة ممكن توترني .. أداني كريم وحبوب صغيرة كده،اخدت اجازة وتكلت في البيت .. حبوبهم الصغيرة لمن تبلعا لو كنت فيل ترميك، ياخ دي ممكن تنومك يومين لو ما صحوك.. طبعاً شهر كدة ورشحت تاني زي الترتيب ، لكن استغليت ليك الوضع ده في البيت أحسن استغلال ، تأمر ، فتطاع ... ناس المستوصف أبو يدوني شهادة ياخ، كنت محتاجها عشان عندي فارات كده كنت عايز أعلن عليهم الجهاد ..
خالنا أدوه شهادة سنة واحد وتمنين ، لغاية هسي مدور بيها...
------ يا الشفيع ، الحبوب الكتيرة دي بتوديك بي هناك ، أعمل حسابك وأعرض نفسك على طبيب نفسي سريع، الموضوع البيخليك تبلع ليك حبوب بالكمية دي ، ده ما مرض عضوي ، ده نفسي عديييييل .. أسمع الكلام أحسن ليك..
09-08-2012, 05:32 PM
ناظم ابراهيم ناظم ابراهيم
تاريخ التسجيل: 04-18-2008
مجموع المشاركات: 3734
Quote: عن نفسي .. سبق وان عرضت نفسي على استشارية للطب النفسي سودانية في مقام والدتي وصديقتي .. كانت النتيجة مشرفة جدا وعالجت كل المشكلة واقتلعتها من جزورها .. بل واصبحت اقتحم تلك المشكلة التي واجهتني بقوة شديدة وبقيت افتش ليها عديل كدا ..
إنعل أبو الشواكيش ذاتو ...
إنتو الواحد قبل ما يحب حقّو يمشي للطبيب النفسي عشان المُضادات وكدة ...
09-11-2012, 12:42 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: إنعل أبو الشواكيش ذاتو ... إنتو الواحد قبل ما يحب حقّو يمشي للطبيب النفسي عشان المُضادات وكدة ...
شواكيش ووين يا صبري البتودي .. السرايا الصفرة ..؟ ياخ لو الشواكيش دي بتودي .. والله كان الشعب السوداني دا كلو بتلقاهو ماشي ويلقط اكياس في الشارع .. لكن للطف الخالق بنا كشعب كويس .. جعل للشواكيش ادوية أخرى غير تلك التي نذهب من أجلها للطبيب النفسي .. او الفكي بعدين بي صراحة اي واحد ياخد شاكوش يقوم يجن .. دا معناته ما ( مكرب ) شغلو .. أو ما ( منجض ) شغلو .. انت بالمناسبة ذكرتني .. لييه دائما الرجال اكتر عرضه لحالات الجنون التي تصاحب الشاكوش ؟؟ انا القدامك دا راسي فيهو طلطاشر غرزة .. لكن احمد الله سيدي دا كان عبارة عن حادث في مباراة كرة قدم .. لكن اخوك يا صبري من النوع البدوهو شاكوشو في ايدو .. ليختار اين سيضرب في اي حتة في النافوخ .. مرات بدوني معاهو منشار عديل كدا ..
عارف يا صبرري يوم الفطور بتاع رمضان تتذكر يوم اخدت ليك سرحة كدا .. وانا قنطرتك للجماعة ..؟ اها دي الحالة المفترض طوالي تمشي ليها الطبيب النفساني .. حالة ما بعد العرس طوالي انت مالك الشلاقة ليك شنو ما كنت كويس .. القاليك عرس منو مش كلمناك ؟؟ لكن ما بتسمع الكلام مقضيها لينا كلها سرحان ومرات تديها ضحكة انت قايلني ما كنت ملاحظ ليك ..؟
09-11-2012, 11:43 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: يبدو ان الصديق تمبس في حاجة ماسة ليعرض على فكي عطية ( مشهور عندنا في البلد) ليكتب له ام الصبيان صغرى وكبرى
عطية منو يا حافظ اي حاجة .. وانت تمطرنا (بكروساتك) الما عايزه تظهر دي ..؟ ام الصبيان شنو يا حافظ ؟؟ انا عايز لي ضامــن عشرة .. يا كمان يظبط لي (الطبلة) البقفلوها ديك .. عندي جماعة جلود عايز منهم مصالح الواحد لو ما قفلته ليهو طبلة .. والله كان بتطلع فيها ماشة ما يشتغل بيك ..
عملت شنو مع حســن ابو طيرة لسة المصلحة ما قضيتوها ..؟
انا تحديدا" أؤمن جدا" بأهمية الطبيب النفسي في حياتنا بشكل عام و بفتكر كل واحد فينا مفروض براجع طبيب نفسي كل ستة شهور لللأطمئنان علي إستقرار الحال كما تقول التوصيات الطبية بالنسبة لمراجعة طبيب الاسنان
قصة طريفة حصلت زماااان و تقريبا" كان عمري 12-13 سنة ما أكتر ( قلاصة شديدة ) بعد ان إجتزت إمتحانات المرحلة الابتدائية و في السنة الاولي في المرحلة المتوسطة عندي بت عما" لي و نحنا كلنا عايشين في بيت واحد و هي لصيقة بي جدا و مفروض ممتحنة بعدي و كانت خااااايفة جدا" من الامتحانات لدرجة الرعب و انا بحكم اني سبقتها في التجربة كنت بحاول أطمنها و هي زايدة في الخوف لدرجة انها فكرت ما تتمحن و بما إنها عارفة ناس البيت لن يسمحوا ليها بهكذا تسيب عاوزة كمان تغش عليهم و تعمل فيها بتمتحن و ما تمتحن و محلفاني ما أكلم زول بالموضوع دا !! المهم بعد تفكير طويل مني و قبل الامتحانات تقريبا بي حوالي 3 شهور مشيت براي تنقش تنقش لي عيادة طبيب نفسي في شارع الدكاترة امدرمان عملت حجز و رجعت البيت سوقتها من يدها قلت ليها ماشين السوق و تنقش تنقش برضو طواااالي دخلتها لعيادة الدكتور و نحنا في الانتظار قعدتا اقنع فيها باهمية انها تحكي مشكلتها للدكتور و هو اكيييد حيساعدها طبعا" بدأت تبكي و تتجرس و الحصل بعد داك اننا دخلنا للدكتور و هو طبعا" إستغرب جدا" مننا ( ديل شنو البنات الصغار و كمان جايين براهم ) لكن صراحة نصحها نصائح مفيدة جدا" و شجعها و أداها طرق للمذاكرة وأهتم جدا" بالموضوع و الحمدلله إمتحنت و نجحت و فلحت .
كل ما إتذكر القصة بستغرب جدا" انه كيف جأتني الجرأة وقتها داك لكن بطمن روحي و بقول لي نفسي طول عمرك بت وااااعية ^_^
__________________________ عذرا" للاطالة لكن البوست مقام ونسة و بوح ولا شنو
09-09-2012, 12:10 PM
Rawia Rawia
تاريخ التسجيل: 11-23-2002
مجموع المشاركات: 8396
دكتور حامد زهران عميد كليتنا مافي أفهم منه في المواضيع دي (دكتوراه في علم النفس) راجل فاهم جدا وشخصيته حلوة وبشوش وضاحك على طول محاضرته كانت بتجيب الناس من الكليات المجاورة ومافي صوت ولا نفس ولو رميت الابرة تتسمع وبرنامجه في التلفزيون مشهور دا غير إنه في تلاتة ارباع البرمج الاخرى بيكون ضيف اساسي كنت بعد المحاضرة من النوع البيباريهو لغاية المكتب وبرضو مابتشبع منه الدكتور عادل صادق الله يرحمه من الفطاحلة في الطب النفسي مابيعدي يوم من أيام الله السبعة ومايستضيفوهو مرتين تلاتة في التلفزيون ولا الراديو الاتنين ديل شكلوا شخصياتنا فعلا وإتأثرت بيهم جدا
09-09-2012, 01:48 PM
احمد الأمين على إدريس احمد الأمين على إدريس
تاريخ التسجيل: 04-25-2010
مجموع المشاركات: 678
الاخ تمبس سلامات مافى خجل ولا حاجة - اهو زى بوستك دا يعتبر عيادة نفسية ويمكن يصل مرحلة عملية نفسية عديل كدا الواحد يجى يستمتع باللغة ويستفيد من التجربة ويطعم السرد الممتع .. هو فى تصليح نفسيات اكتر من كدا ؟ لكن بينى وبينك ابو عيادة داك منو خوف ....مش كان مشاهو عمنا صلاح ابو شنب :) .. على احسن الفروض كان مابقيت جنريتر بتكون زرت العيادة ..
برة الشبكة : مادام البوست زاتو عيادة نفسية بالنسبة لى على الاقل والواجب هنا البوح والتصريح تعرف يا تمبس انا ومن زمن مقاعد المتفرجين معجب بكتابتك جداً ياخ انا وواحد صاحبى كدا الله يطراهو بالخير هسا هو فى واحدة من بعثات السودان برة انت كاتبنا المفضل تنضم كورة - فن - سياسة - اجتماع - ونسة - ايو حاجة ونحن نستمتع بس .. لكن فى الفترة الاخيرة بقيت جنك دقشمان على قولك ومشاركاتك قلت وان وجدت بتكون عدوانية ومخصصة (الشهادة لله فيما يستحق ) ولكن ما سمحة باى حال من الاحوال ..الى ان جاءت تلك العودة بالقرار الجمهورى وهذه العيادة الالكترونية ومازلنا نعشم فى المزيد .. فهل لنا ذلك ؟
الناس بتخاف تمشي للطبيب النفسي عشان ما يقولوا عليهم مجانين
ده حتى الشغالين في المجال ده بيتحسسوا مع مرضاهم أحياناً، وكمثال كنت أتردد على طبيب نفسي لعلاج الإكتئاب، وبعد سنوات قابلت ممرض كان يعمل في نفس عيادة الدكتور هذا، وسلم عليّ ثم سألني عن صحتي وماذا عن الصداع الذي كنت أتعالج منه! فقلت له: صداع؟ ونحت الذاكرة لأعرف متى أصابني الصداع الذي يتكلم عنه، فأوضح لي قائلاً الصداع الذي كنت تتعالج منه عند الدكتور فلان (الطبيب النفسي).. فقلت له: آآآآ .. قصدك الإكتئاب!
والحمد لله كنت مقتنعاً تماماً بأن المرض النفسي مثله مثل أي مرض سواء كان صداع او وجع بطن او وجع ظهر.. ولم أكن أخجل من أنني أتعالج عند طبيب نفسي، بل كنت أنصح الناس الذين أرى أنهم يعانون مشاكل نفسية- وغير نفسيه قد يكون مرجعها نفسي- بالذهاب الى طبيب نفسي.. وبعضهم كان يقول لي: أنا مجنون عشان اروح لطبيب نفسي؟ فأقول له وهل أنا كنت مجنون عندما ذهبت للطبيب النفسي؟
إنها ثقافة شعب كامل يا تمبس!! وبوستك ده بداية لمناقشة الموضوع ونأمل التقدم فيه الى الأمام لتصحيح المفاهيم المغلوطة
09-10-2012, 03:14 PM
خالد عبد الله محمود خالد عبد الله محمود
تاريخ التسجيل: 11-28-2004
مجموع المشاركات: 5393
Quote: الاخ تمبس سلامات مافى خجل ولا حاجة - اهو زى بوستك دا يعتبر عيادة نفسية ويمكن يصل مرحلة عملية نفسية عديل كدا الواحد يجى يستمتع باللغة ويستفيد من التجربة ويطعم السرد الممتع .. هو فى تصليح نفسيات اكتر من كدا ؟ لكن بينى وبينك ابو عيادة داك منو خوف ....مش كان مشاهو عمنا صلاح ابو شنب :) .. على احسن الفروض كان مابقيت جنريتر بتكون زرت العيادة ..
شكرا يا أحمد الأمين واتمنى دائما نفسياتك في السماء .. وشكرا مرة تانية على النصح الجميل الجا في البوح الصريح والمتعلق بالدقشمانات .. وعلى متابعتك لما اكتب والتحية لصديقنا المشترك .
Quote: ومشاركاتك قلت وان وجدت بتكون عدوانية ومخصصة (الشهادة لله فيما يستحق )
.. عارف الحاجة المهمة في المسالة دي شنو يا أحمد الامين .. انو النصح دا وتوجيه الكلام جا منك بي عفوية تامة ليس من وراهو غرض .. عارف الحاجة الدائما بتخلي الواحد طالع من معترك وداخل من معترك شنو ..؟ هي المسالة حقت الازدواجية والتكالب .. يعني يجيك زول بيهمهو امر زول تاني انت داخل معاهو في غيبوبة .. يشبكك ياخ عليك الهل الزول دا قريبنا يا من جماعتنا عليك الله انساهو وما تتداخل معاهو .. ويهمل الجانب المهم في المسالة واللي هو .. اساس المشكلة شنو ؟؟ واحيانا كتيرة جدا مع تكالب المجموعات الفي البورد دي واللوبيهات .. البتفتكر اناه ليها الحق في التصنيف وليها الحق في قيادة الامور .. بتلقى نفسك عرضة للشتيمة وعرضه لي اشياء كتيرة .. فإنت بتقابل الوضع بي نفس الدرجة العالية من الحساسية الفيهو .. اقوليك حاجة غريبة جدا .. كان لما يكون عندنا اي عمل خاص ببورداب الرياض بنضع ارقام اتصالاتنا وايميلاتنا .. في ناس نفوسم ضعيفه جدا .. مرة انا قاعد في البيت بحاول انوم .. قام التلفون رنننن .. رفعتو لقيت الرقم من هاتف ثابت وحددت المنطقة المتصل منها الشخص داخل الرياض .. فتحت الخط بعدما سلمت على المتصل .. قالي إنت علاء الدين تمبس البتكتب في سودانيزاونلاين .. قلت ليهو ايوة انا تمبس ..ممكن اخدمك في شنـو ..؟ تخيل الزول دا في عبارات سريعة جدا .. شتم لي امي .. وابوي الله يرحمو بي شتيمة مغززة جدا وما اداني فرصة علشان اقوليهو الله يسامحك في حق امي وابوي .. قطع الخط .. رجعت علي الرقم من الاشارة الاداني ليها عرفته انو متصل من كبانية او من مركز اتصالات علشان يطرش طراشو دا ومفتكر انو الواحد ما بيوصلو .. لكن ان من طريقة كلامو ومن لسانو عرفتو انو بنتمي لي ياتو منطقة في السودان .. وجيت طوالي وجهت ليهو رسالة طالما انو بيقراني في المكان دا .. مفادها لو كررت المسالة دي تاني من اي مكان اتصال .. البلد دي ما السودان .. بجيبوك من اضانك جارينك وساعتها .. ما بعمل معاك حاجة غير اني اخد حق امي وابوي بي يدي .. مع نفس النوعية الفاشلة دي يا أحمد الامين بتلقى ناس محترمة بتتصل عشان تناقشك بشكل جيد .. ودي الواحد بيضع ليها اعتبارات وربما بتعدل في مسيرتو في البورد دا .. وفي نوعية بتدخل ليك في الاماكن المفترض ما تتواجد فيها .. فقط من أجل انها تعتقد انها ح تنسف ليك الغرض من طرحك .. بين دا كلو وداك .. الواحد دائما بيبحث على انو يكون على اقل تقدير مقبول لدى الجميع ودي غاية صعبة لكن على اقل تقديرات يتبادل الاحترام الذي هو اساس كل شي واساس كل معاملات البشر .
مقابلتك مفتوحة في اي وكت يا أحمد الأمين .. لكن اول حاجة راجع صلاح عبد الله .. دا شوفو بقول شنو .. وكان حافظ انقابو رسل لينا طبلة .. ما عندك مشكلة بنسخ ليك مفتاح من المفاتيح المعاي
09-11-2012, 01:40 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: محاضرته كانت بتجيب الناس من الكليات المجاورة ومافي صوت ولا نفس ولو رميت الابرة تتسمع
انا يا راوية ما عارف ما هو التعريف حق علم النفس .. بمعناهو الاكاديمي .. لكن اعتقد انو اي زول بيعرف يقرا ذاكرة الناس ويتعامل معاهم في اي ضرب من ضروب الحياة بصرف النظر عن انو استاذ أو معيد او محاضر .. فدا في حد زاتو طبيب معالج .. تصدقي يا راوية انا بتذكر في زول كان كفيف بقعد في احدى شوارع الخرطوم .. في احدى فرنداته. عارفه انا كنت بقطع المسافة دي من امدرمان .. عشان فقط اقيف قدام الزول دا او اشوفو ابتسم في وش زول .. تخيلي الزول دا يا راوية لي درجة انو كان بيعرفني من صوتي .. لما يرد علي كنت بنسى اي مشكلة حايمة حواليني . احيانا كتيرة بالليل بجيني احساس انو امشي اشوف الزول دا .. مع علمي اننو بيكون مافيش .. احيانا بجي ماري مغربيات في الحتة دي عشان بس اشوف مكان الزول البقعد فوقو دا .. التحية لي الاساذتة الذكرتيهم ديل يا راوية .. وفعلا في ناس بيغيروا لينا مسار حياتنا بشكل واضح جدا .. فقط لقبولهم النفسي داخلنا.. واحساسنا بالطمانينة تجاهم .. وابلغ مقصد يمكن ان تنشدو النفس البشرية .. هو الطمأنينة وراحة البال
09-11-2012, 01:29 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: انا تحديدا" أؤمن جدا" بأهمية الطبيب النفسي في حياتنا بشكل عام و بفتكر كل واحد فينا مفروض براجع طبيب نفسي كل ستة شهور لللأطمئنان علي إستقرار الحال كما تقول التوصيات الطبية بالنسبة لمراجعة طبيب الاسنان
هبة ازيك ياخ ومشتاقين شديد جدا .. وياريت تشوفي لينا طريقة في عيد الضحية الجاي دا ما تقولي كمان الخريف السنة دي ممتاز والباعوضة ما تديك الدرب كلامك الفوق دا عين العقل .. لكن صعبتيها شوية بي كل ستة شهور دي يعني يا هبه كل ستة شهور امشي اراجع نفسياتي ..
Quote: خااااايفة جدا" من الامتحانات لدرجة الرعب
..
Quote: ناس البيت لن يسمحوا ليها بهكذا تسيب عاوزة كمان تغش عليهم و تعمل فيها بتمتحن و ما تمتحن و محلفاني ما أكلم زول بالموضوع دا !!
..
Quote: قبل الامتحانات تقريبا بي حوالي 3 شهور مشيت براي تنقش تنقش لي عيادة طبيب نفسي في شارع الدكاترة امدرمان عملت حجز و رجعت البيت سوقتها من يدها قلت ليها ماشين السوق و تنقش تنقش برضو طواااالي دخلتها لعيادة الدكتور
بالرغم يا هبه من انو كلامك كلام ونسة اصحاب ساكت إلا انو فيهو نقاط مهمة جدا .. 1- الخوف من الامتحانات دي فوبيا زيها وزي اي فوبيا الاماكن المرتفعة وفوبيا الطيران والحالات الكتيرة المصنفه . 2- الرعب من شكل الامتحانات والحالة النفسية البتدخل في الواحد من مجرد ذكر الكابوس دا خاصة الانتقال من مرحلة لي آخرى اكبر وهنا عندي قصة بحكيها ليك .. 3- مسالة انك انك اخدتيها بنفسك وهيي ما عارفه لحدت ما دخلتو العيادة .. دي حاجة مهمة جدا يا هبة .. لانو اصلو ما ممكن واحد يحتمل فكرة انو مودنو لي الطبيب النفساني ويمشي بي كرعينو ..
Quote: لكن صراحة نصحها نصائح مفيدة جدا" و شجعها و أداها طرق للمذاكرة وأهتم جدا" بالموضوع و الحمدلله إمتحنت و نجحت و فلحت .
.. اها شوفي حاجات بسيطة جدا بتخلق فروقات كبيرة .. بالنسبة لي موضوع الامتحانات .. لما كنا ممتحنين شهادة .. نحن كلنا الدفعة بتاعتنا كنا قاريين كويس بالاضافة لي كدا .. عندنا كمية ضخمة من الاسبوتينات الكانت ما بتخرش مية .. اضف لذلك .. كل واحد فينا خاشي ليهو بي ( بخـرة ) لا ترى بالعين المجردة لكن مبالغة تعرفي يا هبـة .. جابو لينا ورقة امتحان تمسكيها تقريها مية مرة ما تفهمي اي حاجة فيها زي الكانها مكتوبة باللغة الصينية .. والله من شدة ما اتربشنا الواحد ما عرف المكان البكتب فوقو اسمو بي وووين ..؟ الاسبوتنات كلها طلعت اي كلام البخرات طلعت ما بتأكل عيش .. كل القريناهو خلال اسنة فيما يتعلق بالمادة .. نسفتو لينا اسئلة الامتحان المكتوبة اللي ما عرفناها قاصدين بيها شنـو ..؟ عارفة لمدة عشرين دقيقة ماف زول كان قادر يتمالك نفسو .. اي زول داخل غرفة الاجتماعات كان عرقان وشعر بي هبوط حاد وفي رغبـة اكيدة انو يرمي الورقة دي ويقلع ملابسو ويجري في الشارع .. واحد من اصحابنا ما بستحضر اسمو .. ياخ دا فجأة قام خلق فوضى .. عجيبة .. وهو على ما اعتقد ان وكان عندو مشاكل نفسية .. لانو ما كان منتظم معانا لي فترة طويلة .. الزول دا ضرب الكراسي القدامي .. ورشه ليهو كلام عجيب عن امهات كل من عمل في وزارة التربية في السنوات التي سبقت فترة الامتحانات وتحديدا حدد الفترة بي دقة رفع الكرسي وتوجه نحو الباب .. واقسم بكل الكتب السماوية أنو البقرب ليهو بيشرب من دمو .. وسرعان ما تحول صديقي إلى كائن عجيب بي عيون عجيبه بشعر عجيب .. ولون بشرة مختلف . اهـا .. بعداك تحول الفصل لي فيلم هندي .. ولو لا تدخل استاذ المادة الذي كان بمثابة صديقنا الأكبر اكتر مما هو استاذنا ربنا يرحمو ويغفر ليهو .. لكان دخلنا وزارة التربية وقتها في حتة ضيقة جدا .. المهم هدانا وصديقي اياه جابو ليهو قزازة بيبسي .. وانا ذاتي القدامك دا طلبت لي قزازة بيبسي وابشرك جابوها لي .. والله لو ما جابوها لي كان اكون بكورك ليهم لحدت الآن بعداك الكنترول فكة المراغبة واكتشفنا انو البخرات العندنا معظمه ضربت بس كانت رواشة مننا وحالة نفسيه انتابتنا جراء رهبة الامتحان ..
Quote: عذرا" للاطالة لكن البوست مقام ونسة و بوح ولا شنو
يا هبة البوست دا تحديدا معمول من أجل ان نفضفض مع بعض .. مبزول لكل الاخوان .. دا بوست نفسيات .. ومتاكد تماما ونساتنا الجميلة دي بتطلع بينا لي حلول للكثير من المشاكل الما قادرين نعرضه اظهري .. وبوحي وتونسي .. وقشة ما تعتر ليك
09-11-2012, 12:52 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: هو أنا لو كنت قايل بيحولوني كنت سقت (الكحومة) معاي!!
كيف ما تسوقه يا غرجي ..؟ تسوقه ونص وخمسة ... عشان تكون عارفه ودا زاتو من مصلحتك .. يعني بي صورة أوضح يكون عندك مراقه في ايدك .. يعني بدل ما الجماعة زمان كانت الواحدة تعصر الواحد وتشبكو ليك تدق لي ظار وفي الظار تستعرض ليك فوقو ..؟ حسع دي مفروض طوالي فرمالتك تكون واضحة .. اول ما تقول ليك عايز وعايزه تقوم تنطط ليها عيونك ، وتستفيد من امكانيات (شنبك) دا وماف مشكلة كان اخدت ليك هوبا هوبتين كدا جوه البيت بتريحك شديد وتخدم ليك قضيتك . اقوليك حاجة ..؟ نحن زاتو بتريحنـا ؟؟ على الاقل الواحد يكون عندو اخوهو منجض شغلتو كويس ..
09-11-2012, 11:15 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: السودان ما فضل فيهو دكتور نفسى يثق فيهوالبشر زي بعشر وشيخ ادريس وحسبو ايام زمان ياخى موضوع مهم والله وحاجيهو راجع بى مهله
والله يا ناظم كلامك مظبوط مية المية .. الجماعة ديل زمان .. الواحد قبال ما يودوهو بيكون امورو ظبطت .. ياخ قبل كم يوم كنت متابع لي حلقة جابو فوقه طبيبة نفسانية .. ياخ بالغت عديل كدا الزولة دي .. بسالوها من حاجة قاعده ترد بي حاجات تانية .. المشكلة انها اخصائية ..
09-11-2012, 08:49 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: يا أصلي ، إش لونك والأهل .. والله لا بنخجل ولا بننكر !! مشينا والله واتعالجنا ولله الحمد ..
يا ود بيتنا ازيك يا اصلي .. وعامل كيف .. ياخ والله زظي الحلاوة بعدين الصدق دا ما زاتو علاج .. الدسدسة فوق كم ..؟ تمشي الدكتور يا اقنعتو يا اقنعك المسالة في غاية البساطة
Quote: جفاف غريب في البشرة وزهج مستمر، وتحفز للشكل بصورة مزعجة، وعدم نوم .. ياخ لو في زول قال لي السلام عليكم براجع نفسي قبلما أرد عليهو، لأنو الرد يمكن ما يكون وعليكم السلام..
الغريبة يا بشكـــة انها اعراض واضحة واحيانا بتكون من ضمن الاشياء البسيطة البيتم بيها تشخيص الحالات دي .. عدم النوم هو المسالة الاساسية لانو بيخلق الارهاق والتوتر بعداك كل الحاجات بتجي مع بعض .. قلت لي الجماعة نقشوك طوالي .. وحولوك لي الكهربجي .. ؟
Quote: يا جماعة أنا كويس محولني للزول ده ليه؟؟ طبعاً كان برفقتنا (حكومتنا الرشيدة)
محولنك للزول دا ليييه ..؟ طبعا الوكت داك بتكون فكرته في اخوك عماد وح يدق جرسك كيف ..؟ وح يحكي للجماعة والله عندي اخوي مسكين ركب الظلط وكدا .. ااي . ااي .. انا ناقش التوهمات دي .. ياخ انا بنازع في الفكرة بتاعت الطبيب دي يمكن ستة واللا سبعة سنة .. اول حاجة كنت ملاوز ليك منها .. الجماعة في البيت .. الأخوان .. ديل طبعا ما بيريحوك عاقل كنت ام مجنون .. طبعا لحدت الان ماف واحد فيهم نقش موضوع الدكتور دا .. كان نقشوهو صدقني .. بقومو حسع باقي اليوم دا .. بشغلوها لي .. انت اخير حكومتكم الرشيدة .. لكن ان عندي شفوت .. مما مرقته من السودان خاتتنها لي .. كلما اجي اجازة بيعملوا لي فحص دقيق جدا .. لو دقسته في اي حاجة حتى ولو كانت صغيرة .. برنامجي بكون بايظ جدا .. لكن اخوك (تنج) طبعا عارف اليوم الوحيد الدقسته فوقو .. كان في اجازة قبل كم سنة .. وانا ماشي المطار الصباح بدري نحن الليل كلو مدورين كشاتين .. ويست مسخن اربعة جوه وعشرين قاعدين بره ... اقل واحد فيهم حرفنه بيكون عارفك شايل شنو في ايدك من كروت .. صاحبنا الكبير ابوي الله يرحمو ويغفر ليهو .. كان قاعد بره العشرة بتاعتو الجاية .. العشرة الكنا جوه .. انا واخوي الصغير احسن زول بتاع (كربنـه) في الدنيا لاعبين ضد اخوي الكبير احسن زول ممكن تدورو وما بحب الطقطقه اصلو .. معاهو حريف من اولاد الحلة .. في اول توزيعه شيلناهو ليك الاسثنـا.. تعرف انا عملته شنو ..؟ فتحت الباب قمته جاري جيت داخل ليهم البيت بالحيطة .. ابوي الله يرحمة دخل جوه جاب (الطرمبـة) عزف جلالات عسكرية .. طبعا اخوي دا قلب الطربيزة شتت الكشتينة .. عمل عمائل فظيعه .. عارف مش مفترض انا (اعرش ) علي كدا واسافر بي اخر مشروع كربنـه ..؟ لي شلاقتي .. دقسته .. نزلو ناس ابوي العشرة الجديدة .. انت قايل اللبسوها ليهو منـو ..؟ ما انا القدامك دا ذاتي ..؟ وكتبوني ليك باقي الليل داك تعهد .. واقرارات ووقعته على الدفتر .. تخيل من كم سنة كلما اجي اجازة بطلعو لي الدفتر بي توقيعاتو وكمبيالاتو ..
Quote: عندك توتر عصبي حاد، ونصحني بالابتعاد عن الضغوط وأي حاجة ممكن توترني
بالمناسبة يا صلاح .. نحن كل لحظة كسودانيين معرضين للبرنامج بتاع التوتر دا .. ياخ قبل كدا وقبل عشرة سنوات شعري دا من غير سبب (اتحته) بقى عبارة عن صلعة عجيبة جدا ما كل الشعر .. بي جهات محددة ( اتجقم) لي ( جقم جقم ) شبكوني ليك .. خرا حمام .. على بول جمل .. علي لبخه حلبة .. يا زول ما نفع .. والوكت داك اخوك بتاع جنصصه ووجاهات .. بعدين التخريمات الفي الراس دي ادتني ليك في حناني .. عملت لي نفسيات عجيبة .. امشي اي دكتور يطلع وهمي جدا ويشيل كنجالاتي .. آخر حاجة وقعته لي في مصري فقري جدا بتاع جلدية ... ياخ دا متعني ليك متعة قالي كلمتين حسيت ليك اني خنفسته .. بعداك رجمني ليك حقن في راسي زي حقنت المسدس الزمان ديك .. انا وصلت البيت ملبوش وما فاهم حاجة تصدق بعد اسبوع واحد انا شعري بدا يقوم بي طريقة عجيبة جدا والاسبوع التاني خنفسته .. واتضح انو المسالة دي اسمها الثعلبة ... لكن الطرريقة الاتعامل بيها معاي من ناحية نفسية ريحتني تماما .. عارف دا انا ختيت ليهو كيس ف التربيزة مليان حبوب .. مية نوع ومليان مراهم وحتى الحلبة بتاعتي جبتها ليهو وجبت ليهو سامبل من خرا الحمام الجلطو ليك .. تتخيل عمل شنو؟؟ خم ليك الحاجات دي كلها وكشحة ليك في الجردل بتاع الزبالة الجمبو بي طريقة عاطفية جدا .. قالي تعرف يا علاء انا متخصص في الحركة دي .. واكتر ناس بيجوني سودانيين بقيت فاتح العيادة دي علشان خاطر عيونكم .. قالي السبب الاساسي الضغط النفسية القاعدين تتعرضوا ليها اكتر من اي شعوب تانية .. تخيل بعد الاسبوعين ديل وبعدما خنفسته بقيت اشوف ليك الدنيا دي بي منظور عجيب خلاص .. صادف انو لاقيت ليك واحد سوداني شاب بلاي راسو بقى عامل زي تربيزة اللحام .. فراغات وفجوات وحبوب .. الزول دا صاري ليك وشو بي طريقة عجيبة قرفان من اي حاجة في الدنيا .. متحفز لي اي مشكلة تخيل نزلت من العربية وجريت ليك عليهو .. قلت ليهو والله ما تقول ولا كلمة .. حسع دي تمشي معاي وفي عربيتي دي .. واسبوعين بس انا ببقيت خمفس .. تصدق انو الزول دا جاني بعد اسبوعين هو معاو الحكومة حقتو .. ياخ ديل قربو يعملو لي حفلة عيد ميلاد الرسالة يا صلاح في الموضوع دا .. ربما يكون هناك كلمة واحدة من الطبيب المعالج .. او عقار طبي يكون قدام عينك وبي ارخص الاتمان بينما تكون صرف وقتك ومالك وهو في متناول يدك .. بس اهم حاجة انك تصل الطبيب المعالج .. والطبيب النفسي لا ينفصل من الطبيب العادي .
09-11-2012, 09:43 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: غايتو العمدة دا لو فتح فيكـ نيران فأحسن تمشي للدكتور بكرعينكـ جاهز!!
مرة يا ود الصايم حايمين في الخرطوم قبلما اعرف تجاه السعودية دي فاتحه علي وووين .. الوكت داك .. كاتلنا الشر .. والقرف ، لكن اجتماعيات واصحاب الف اها كنا ماشين انا ومعاي احد نجوم الكوميديا المميزين الان في السودان .. ومعانا اخوهو الي هو اساسا صاحبي .. المهم نحن جمب ميدان الأمم المتحدة قبال ما يصبح شكلو بالشكل الحالي .. وذلك بعدما ضربنا قراصة في مطعم القراصة الشهير بالسوق العربي .. جينا مارين لقينا ليك واحد من الجماعة البفرشو العروق والمساحيق العجيبة في البرطمانيات صاحبنا الكوميديان دا قالينا تعالو دقيقة بس انا عايز الزول دا . لما وصلني قام قعد ليهو قدامو وقعد يبكي طبعا نحن اتفاجأنا بشكل عجيب وقلنا الزول دا عندو مشكلة داسيها منننا ... اها صاحبك بتاع العروق قاليهو مالك يا ولدي ..؟ قاليهو عندي مشكلة انا والله .. قاليهو مشكلتك شنو ؟؟ قام مسك ليك صاحبي اللي هو اخوهو الصغير .. وقال لي الفكي .. انا مشكلتي كبيرة جدا .. اخوي الصغير دا .. ( نقط .. نقط .. تيييت شخوط كتيرة ) ... ياخ انا قعدته اضحك لي درجة اني طلعته القراصة الكانت ممكن تمشيني اليوم كلو . اها انا اعتقد انو عماد دا عادي جدا يتحرك في نفس الحتة دي برضو مع صلاح .. ويختها ليهو بالجمبه الفيها الحديدة
09-11-2012, 10:30 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: بعدين ينننننننننسى وأواصل عادي أنا في سعادتي ههههههههههههههه
عليك الله يا لنـا مهدي وقعيها ليهو .. بالمناسبة يا لنا ... نوعية محمد دي بتلقى عندها خمسة ستة ملفات في عيادات مختلفة والله تلقيهو مشاي خلاص .. اي دكتور يديهو ليك الحبوب .. وهو يقرش .. ويجي هنا يعمل فيها رايح
09-11-2012, 12:30 PM
داليا الكباشى داليا الكباشى
تاريخ التسجيل: 07-23-2009
مجموع المشاركات: 4105
يا محمد عبد الماجد الصائم (بالهمزة) جا الزمن البقينا نتلاقى فيهو في البوستات ولا يفصلنا سوى طريق الدمام .. قاتل الله المعايش عليك الله الروتين القاتل داا ما داير ليهو طبيب نفسي براهو ؟! ))):
البوست دا برعاية ود الصايم شكلو .. بين كل مداخلة من صاحب البوست في فاصل (إعلاني) مع محمد عبد الماجد الصائم (بالهمزة) ..
لنا يا لنووووش .. كتبتا ليك في الزقاق ألبي غادي داكا (:
09-11-2012, 12:37 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: البوست دا فيهو تهميش مبالغة يا تمبس قدمي بمسكو علي
كيف يا انقابو .. مالك الحاصل شنـو ..؟ عشان قلنا ليك عايزن (طبلـة) عملت لي الشغلانة تهميش وعايز تشيل سلاح ..؟ طبعا كان قلنا ليك جيب لينا(كمنجة) كان عملت لينا شنو ؟ مالك يا حافظ .. في شنو ؟؟ انت اوعه تكون ما لقيت الرد الكتبتو ليك عايز تشدها لي .. وتلحقني حسن موسى قدس الله سره ..
09-11-2012, 01:14 PM
الصادق صديق سلمان الصادق صديق سلمان
تاريخ التسجيل: 07-11-2006
مجموع المشاركات: 4010
والله كلنا محتاجين نزور واحد من الجماعة ديل (الأطباء النفسيين طبعاً)
ولكني كرجل متصوف والحمدلله فعلاج المشايخ يختلف عن علاج (الفكهنجية) (الفكي)
لكن بالنسبة لي فوبيا الطيران اخوك برضو بعاني منها يا تمبس لي هسي رغم سفري بالطيران الكتير جداً يعني ما بكون مرتاح في الطيارة إلا تنزل الواطة وقررت ما اسافر جهة الفلبين وماليزيا ولا اوروبا وامريكا لأنو الطيارة بتكون فوق السحاب لمدة من 8 ساعات إلى 15 ساعة (ياخي معقول)
09-11-2012, 01:41 PM
حافظ انقابو حافظ انقابو
تاريخ التسجيل: 02-04-2012
مجموع المشاركات: 3552
والله يا عمك ردك دا الا يكون ابو صلعة وداهو الخود :(
تنويه: انا عامل حفلة للسديغ ود الصايم بالحمزه هنا في البورد خلال الايام القادمة ارجو من كل العازفين تجهيز الاتهم وعمل بروفات تؤهلهم للمشاركة الحفل وشكرا
09-11-2012, 02:13 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: يبدو ان الصديق تمبس في حاجة ماسة ليعرض على فكي عطية ( مشهور عندنا في البلد) ليكتب له ام الصبيان صغرى وكبرى
عطية منو يا حافظ اي حاجة .. وانت تمطرنا (بكروساتك) الما عايزه تظهر دي ..؟ ام الصبيان شنو يا حافظ ؟؟ انا عايز لي ضامــن عشرة .. يا كمان يظبط لي (الطبلة) البقفلوها ديك .. عندي جماعة جلود عايز منهم مصالح الواحد لو ما قفلته ليهو طبلة .. والله كان بتطلع فيها ماشة ما يشتغل بيك .. عملت شنو مع حســن ابو طيرة لسة المصلحة ما قضيتوها ..؟
اها كدا كيف يا حافظ ..؟ تعرف يا حافظ زمان في واحد جا البورد جديد .. والجماعة ما عارفنو .. كتب ليهو بوست راح في الرجلين .. كتب البوست التاني راح في رجلين البوست الاول .. كتب البوست التالت .. لحق اخوانا .. هنا صاحبنا طوالي اعلن عن احتجاجو .. جا فتح ليهو بوست قال كييييييف .. بكري يشيل بوستاتو من الصفحة الاولى اها قام لحقوهو ليك الاخوان .. محمد الصايم ومعاهو بعض الاخوات وشبكوهو ليك يا ود امي حاجاتك قاعده ماف زول بشيله .. جابو ليهو بيبسي .. حتين صاحبنا دا روق اعصابو انا جيت لقيت لقيك العلالة قايمه .. طوالي قلت ليهو اصلو ما تخلي حقك لي بكري .. كيف يودي بوستاتك الصفحة التالتة ياخ انا رديت ليك في الصفحة التانية دي فووووق .. كدي راجعة كويس يا حافظ .. وعليك الله شوف لي موضوع الطبلة دا معاك وضعو شنو .. مفلسين وقلبنا دا زاتو واقف ..
والله الصراحة حالتك كانت متأخرة، لكن الحمد لله هسي (زميلة البورض) موجودة لو في أي إنتكاسة بتجازف معاك حقن وادوية وعلاجات، فوضعك (سو فار) مُطِمئّن .. تصدق يا أخو ، الفترة ديك بديت افكّر ليك في ملاحيس الديم، وقررت إنو اديها كم يوم كده لو الحال ما اتحسن، أجيب ورقة وقلم أوصي الجماعة ما يخلوني ألبس هدوم مقطّعة، ويحلقوا لي ، ويحموني ، وما يخلوني آكل براي وما يخلوني أفتح في الشوارع، ويربطوا أو يلصقوا ورقة فيها إسمي وعنواني ورقم تلفون، الدنيا ما معروفة يا أخو.. لكن ربك رب الخير ستر ، وواصلنا دواسنا عادي..
ياخ انا ما كان غايظني في الفليم ده كلو إلا نظرة حكومتنا (الجنباوية) ديك وهسي كمان ضحك ود الصايم فيني ده!! يستاهل أنقابو يقول عليه (بالحمزة) .. يا ودا الصايم غايتو أنا وتامبا ده إتشجعنا وكبيّنا العندنا، إنت ما تبقى (شُداع) وتقول !!
قلت لي عماد!! هو أحمد فرقو من حاج أحمد شنو ؟؟ اخير أنا ..
09-11-2012, 07:15 PM
lana mahdi lana mahdi
تاريخ التسجيل: 05-07-2003
مجموع المشاركات: 16049
كويس إنك جبتي الكراكتير ده عشان نشخص بيهو الحالة.. العندك دي إسمها أعراض Jerry أنا عارفها كويس. وهي ما بتستمر كتير، كلها سبعة أيام و إن شاء الله حتبقي كويسة، بس بشرط إنك ما تطلعي من البيت بعد الساعة ستة مساء عشان تتجنبي شوفة الكدايس.. خلال الفترة دي أكلك هو الألبان ومشتقاته فقط..
--- المراجعة بعد أسبوع..
09-11-2012, 08:21 PM
حافظ انقابو حافظ انقابو
تاريخ التسجيل: 02-04-2012
مجموع المشاركات: 3552
يا أب شنب ياخ في داعي تفلف مداخلتي وتمرق لي الكلمة دي .. منك لله
_______ يا كوتش صدقني انت النصيح لكن ما ح نعفيك من فكي عطية مالم تكشف لينا اسم البرلوم المحتج على انو بوستاتو بتمشي الصفحة التالتة ^_^ شفت كيف يا كوتش؟
أها يا جماعة بالنسبة للحفلة بتاعة ود الصايم بالحمزة أهم شي تعملو البروفات من هسة عشان الفرص ضيقة جدا وإلا ما ح تلقو فرصة للعزف والمشاركة ^__*
09-12-2012, 09:33 AM
داليا الكباشى داليا الكباشى
تاريخ التسجيل: 07-23-2009
مجموع المشاركات: 4105
صلاح يا صلاح يا حرف الان (: حمد الله على السلامة والف مبروك منحك شهادة (النصاحة) كاملة الدسم لوووول بالمناسبة عندي مريضة كانت بتراجعني في العيادة بصورة مستمرة ، وكانت كل مرة بتشتكي من أعراض مختلفة وتكون النهاية السعيدة للمراجعة انو كل فحوصاتها وكشوفاتها الاكلينيكية سليمة 100% ولما كتر ترردها على العيادة .. بديت أتكلم معاها عن الجانب النفسي وتأثيره في الحالة العضوية للإنسان ، وفعلاً اكتشفتا من خلال الحديث معها انها تعاني كوابيس مفزعة اثناء النوم ، وإحساسا مستمرا بالضيق والشرود الذهني ف حاولت اعرف اصل المشكلة عندها حتى يتسنى لي تحويلها الى الاختصاصي النفسي المناسب .. ف قلت لها : احيانا بتكون في حاجة الواحد بيحدث بيها نفسو من وقت لآخر ومع مرور الوقت بتتخزن في اللاوعي حقو وهي البتسبب ليهو إضرابات النوم والأكل ...الخ و.... الزولة فجأة قامت على حيلها وهتفت : اييييييييييييييية والله انك صااااادقة .. يا دكتورة انا ابييييييي اتزوووووووووووووووووووووج !!!
النهاية السعيدة أني اتكلمت معاها عن انو الزواج مهم ولكنو ما آخر محطة في الحياة .. وانو الانسان لازم يبحث عن ذاتو في شغلو وهواياتو واصدقائو علما بانو الآنسة المعنية كانت من حملة الشهادات العليا وتتمتع بلباقة حوارية ملحوظة .. اقتنعت صاحبتي بفكرة المعالج النفسي بعد عدة جلسات معي وهي الان تعمل بوظيفة مرموقة بالاضافة الى انها أنشأت عملها الخاص الذي استمدتة من هوايتها المفضلة (: ولولا المعالجة النفسية لكانت تتردد على عيادات الباطنية والجراحة حتى الان (؛
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
tmbis
قصي مجدي سليم
محمد البشرى الخضر
خضر الطيب
Hani Arabi Mohamed
Hassan Makkawi
الشفيع وراق عبد الرحمن
صلاح عثمان
Al-Shaygi
الصادق اسماعيل
ابوحراز
محمد عبد الماجد الصايم
Mahmoud Mustafa Mahmoud
ناظم ابراهيم
حافظ انقابو
heba Elmahi
Rawia
احمد الأمين على إدريس
Mandingoo
خالد عبد الله محمود
داليا الكباشى
lana mahdi
الصادق صديق سلمان
فيس بوك
تويتر
انستقرام
يوتيوب
بنتيريست