|
Re: طيارة الخطوط السودانية بتسافر بالدس (Re: Abdulrahman Gorashi)
|
د. محمد سلام
في مرة من ذات المرات زمن الزمن الجميل انا والسيدة حرمنا قادمين من استكهولم للخرطوم بعد غربة كام سنة شايل عرض من اسكانيا لسودانير والمرحوم محرم مصطفي هاشم من ناس سودانير وناس المجلس كانوا في انتظاري علي احر من الجمر واخر تلفونات الزول ده ...والزول .. الي اخر الايه. وفي ذلك الزمن كان يفرض علينا السفر بالخطوط السودانية عند اول نقطة يتقاطع فيها خط سفر الدبلوماسيين مع الطائر الميمون. يازول تذكرتنا كانت من القاهره للخرطوم عليها. سألت مدير المحطة انذاك يا زول طيارتك بكرة كيف ... قال ما قبال الساعة 17:35 وتم كلامو ما تشيل هم نحن عندنا تعليمات سيادتك من الخرطوم وانت من العين للاضان ده وهكذا. يازول السيدة حرمنا علي الرغم من انها بسم الله وماشاء الله عليها قالت مدام الطيارة بتجي خمسة ونص قامت ليك بالساعة 11:00 ووقعت ليك الكوافير وقالت ده فرصة تتكوفر ليك في القاهره وتمشي الخرطوم آخر شياكة. اخوك مشي يجرر كرعينو في ميدان التحرير يقتل في الوقت. حوالي الساعة 11:30 كرعيني الشقية جابني ليك قدام مكتب سودان طير قلت الندخل علي الناس نطايبهم.. يا زول المدير اول ما شافني ليك ... طير عيونو وقال لي سيادتك انت ما مشيت المطار لي هسع ؟ قلت ليهو ليك علي المدام تتخارج من الكوافير ونمشي علي المطار اصلوا طيارتكم بدري عليها .. المدير قاطعني ونفسوا قايم وقال لي ... لا الليله ..الطيارة جات بدري ....وهسع هي في المطار علي وشك...... قلت وشك شنو يا زول ... انا شايل عرض لي سودانير ... ومربوط بي زمن واكان لطيارة ده فاتتنا والله ... إلا تلم عفشك وتتوكل معانا علي الخرطوم وحاتي عندك ... انا ومدير سودان طير نكتنا ليك ام العيال من جوه الكوافير من تحت السشوار والشعر منفوش ....يهتف موية ... والست دسترت عديل وجاتها ليك هستريا ودموعها واقعه مطر .. والمدير يسوي ليها حقك علينا وهي تداعي الحقنة ... الماعارف شنو والما عارف شنو . عموما ناس سودانير طير ... ختفونا ليك بي عربيه تذمر ولا حسني مبارك في زمنوا... وجري علي مطار القاهرة .. تخيل الساعة 12:00 وشوارع القاهره كيف ... الطيارة عبت ..وقفلوا الابواب ... وبركنوها ليك ... والركاب المساكين محشورين في الطيارة وناس تكورك وناس تسب مفتكرين انو الرئيس مؤخرين ليهو الطيارة ... لغاية ما احنا وصلنا المطار... وحشرونا ليك حشر في الطيارة صدق او لا تصدق المضيفات ..بقت شغلتهم واقعين فوق شعر ام العيال شئ تجفيف وشئ تمشيط ....وهي تتنخج ...وانا ... مافي داعي اقول .... المهم ... بهدله من اللي بالك عليهو
ومن ديك وحياتي عندك وعييك السيدة حرمنا قالت هي طلقانة بالتلاته تاني اكان قالوا ليها نوديك الحج بي سودانير .. اما فحلفت طلاق تلاته اكان توديني من الخارجية ....للصحافه زلط ما اعتبا
|
|
|
|
|
|
|
العنوان |
الكاتب |
Date |
طيارة الخطوط السودانية بتسافر بالدس | د.محمد حسن | 09-06-12, 04:16 PM |
Re: طيارة الخطوط السودانية بتسافر بالدس | د.محمد حسن | 09-06-12, 05:05 PM |
Re: طيارة الخطوط السودانية بتسافر بالدس | عصام علي أحمد | 09-06-12, 05:12 PM |
Re: طيارة الخطوط السودانية بتسافر بالدس | د.محمد حسن | 09-06-12, 07:19 PM |
Re: طيارة الخطوط السودانية بتسافر بالدس | james | 09-06-12, 05:16 PM |
Re: طيارة الخطوط السودانية بتسافر بالدس | د.محمد حسن | 09-06-12, 06:48 PM |
Re: طيارة الخطوط السودانية بتسافر بالدس | Abdulrahman Gorashi | 09-06-12, 05:10 PM |
Re: طيارة الخطوط السودانية بتسافر بالدس | Abdulrahman Gorashi | 09-06-12, 05:14 PM |
Re: طيارة الخطوط السودانية بتسافر بالدس | ود الباوقة | 09-06-12, 05:18 PM |
Re: طيارة الخطوط السودانية بتسافر بالدس | Hani Arabi Mohamed | 09-06-12, 05:28 PM |
Re: طيارة الخطوط السودانية بتسافر بالدس | د.محمد حسن | 09-06-12, 07:58 PM |
Re: طيارة الخطوط السودانية بتسافر بالدس | د.محمد حسن | 09-06-12, 06:36 PM |
Re: طيارة الخطوط السودانية بتسافر بالدس | د.محمد حسن | 09-06-12, 06:33 PM |
Re: طيارة الخطوط السودانية بتسافر بالدس | حمد عبد الغفار عمر | 09-06-12, 06:44 PM |
Re: طيارة الخطوط السودانية بتسافر بالدس | Dania Elmaki | 09-06-12, 07:23 PM |
Re: طيارة الخطوط السودانية بتسافر بالدس | د.محمد حسن | 09-07-12, 09:17 AM |
Re: طيارة الخطوط السودانية بتسافر بالدس | د.محمد حسن | 09-06-12, 07:37 PM |
Re: طيارة الخطوط السودانية بتسافر بالدس | Abdulrahman Gorashi | 09-06-12, 07:48 PM |
Re: طيارة الخطوط السودانية بتسافر بالدس | محمد مصطفي مجذوب | 09-07-12, 01:11 PM |
|
|
|