|
Re: الـــــــــــــ 10 رجال الأقل نفوذاً في المنبر .. (Re: قيقراوي)
|
الوصيف الاول
رغم امتلاكه كل معينات السلطة والنفوذ!
-------
وامتلاكو للكورة والفنايل إتسلف ..
وقطع شك دي نقطة تحسب له، لا عليه مش زي نانا .. ما تعجبم كتابتك، يشيلو كورتم ويشلتوك ..ويحموك تلعب معاهم! بل ويقلعوا الفنيلة منك .. ويرسموك (نملة) عرييييييانة .. كما ولدتها الطبيعة
| |
|
|
|
|
|
|
Re: الـــــــــــــ 10 رجال الأقل نفوذاً في المنبر .. (Re: وليد التلب)
|
قيقا مقلوبات الظواهر يعني شنو ؟؟؟
.......................... زماااااان في زول كتب بوست قال قيقا دا لو خلى (...) فهو كتّاب وان دخلت ثنيت عليه الان الواحد عايز يغير رايوووووو ويقول ليك استمر فيما انت فيه وللامام سر وجن وام اخوانا ليهم الله وعيشة السوق .بالله زول عندو وجن يكتب في المنبر دا .
...................................................................................حجر.
| |
|
|
|
|
|
|
Re: الـــــــــــــ 10 رجال الأقل نفوذاً في المنبر .. (Re: الرفاعي عبدالعاطي حجر)
|
عمو الحجر
Quote: قيقا مقلوبات الظواهر يعني شنو ؟؟؟
|
انت جاوبت على سؤالك بذكر وجن دي نحنا من قومٍ بننتج لغتنا الخاصة .. لغة تخصنا تماماً ونشبعها البسهر و الحمى .. اذا انتجا اي فرد في العصابة
اظن عندكم -في لغتكم- بتسموها (صور مقلوبة) او نحو ذلك
تعرف ابوي الله يرحمو، وعمي ربنا طول في عمرو مسمني (سيد الطيش) .. لحدي اجازتي الاخيرة دي عمي مصر على التسمية دي والسبب انهم في بدايات التمنينات ودونا سبق الهجن .. وانا ما لفت نظري الاول ولا المزاحمينو .. كنت مركز -بشفقة تليق- مع الطيش وجملو الكحيان ياخي بؤس كدا يدمي فؤاد الكافر .. الشمال!
-------
وجن لي يوم الليلة ما قادرة تصدق انو في زول اسمو (عمو الحجر)
| |
|
|
|
|
|
|
Re: الـــــــــــــ 10 رجال الأقل نفوذاً في المنبر .. (Re: AMNA MUKHTAR)
|
Quote: خلاص بنوريك الطفأ النور منو ؟
|
النور بطفيو سيد العجلة .. لكن منو البقدر يقول البغلة في الابريق! مع اننا كوووووووولنا شايفين البغلة -بكل رشاقة اشراقة- تدخل بي جاي .. وتمرق بي جاي عاملة الابريق سيرك بس (بكسر الباء)
--------
Quote:
دا حقد طبقي ..يا أخ حمد .
|
نفسي اعرف بكري دا طبقتو ياتا؟ ؤ معجون بياتو طينة؟
طفش لينا البروف الكان مطلع بمهمة تسغيف الوهم الهنا ديل -رعايا بكري، البدون راعي ديل- بمرتبة رسول اسفيري. اها بكري بطفية نور الله الاصلع دا، يتّم (اليتامى)، وقطع السبيل على (ابناءالسبيل)، وزاد (شماشة الاسافير) شمس على العليهم!!
سئمنا (دا توقيع باسم الحركة المنبرية الوليدة بتاعتنا)
مع ذلك وبرغمه .. يمثل وصف حال حالنا المائل .. هنا وفي البلد
يا للبؤس!!
| |
|
|
|
|
|
|
Re: الـــــــــــــ 10 رجال الأقل نفوذاً في المنبر .. (Re: قيقراوي)
|
طبارك الذي ليس بيده زواغة
Quote: انا ارشحك انت واريح رقبتي ... لاكين حرام عليك الكلام دا ....
|
طبعاص في جنس منافسات بوستنا البائس هذا، النتائج بتكون من الاول للطيش .. زي تقارير منظمة الشفافية الدوليةبالضبط. كنوع من التغيير، ولاتاحة الفرصة للطيش لتنسم دعاش المركز الاول لأول مرة المافي شنو هو!؟
المشكلة الواقعة فيها لجنة التحكيم-الليهو انا- المنبثقة من اللجنة العليا للجائزة -الليهو انا (برضو!)- بتفويض من الجمعية العمومية للجائزة -الليهو انا (برضو!)- انو نوع نفوذ (الصلعة المقدسة) دا مش مافي، كاذب من يقول كدا وحاشاها لجنتنا الموقرة- الليهو انا (برضو!)- ان تكون من الكاذبين الضارين.
نفوذ عمك دا سلبي وضار جداً .. يعني (أقل) من الصفر الدولي ذاتو!!
بناءً عليه توصلت اللجنة لقرار -وجميلون جداً ان تصل لقرارن في موضوعن ما- وهو الاتي نصه.
تنزع الجائزة من الفائز الاول -الليهو انا (برضو!)- ويجرد من كل الالقاب المنحتا ليو اللجنة -الليهو انا (برضو!)- وتسلم الجائزة الاولى لسيد العجلة، ونرجع العجلة ذاتا ..
وكذلك كل الجوائز من المركز الثاني حتى العاشر.
المافي شنو هو؟ نحن طيبين، وسيد العجلة يستاهل ياخي
صدر تحت توقيعي وختم الجائزة في اليوم التاسع والعشرون من شهر اغسطس الاغر (القافل الثالث، الذي يسبق الفاتح من سبتمبر) لسنة اطناشر بعد الالف الثانية لميلاد المسيح) والذي يطابق العام الواحد واربعين لميلاد اللجنة -الليهو انا (برضو!)- وقد اذنت لمن يشهد.
-------
السودان الشقيق جا البرنجي، وشال الكاس سنة 2006م الطيش يعني من ناحية الشفافية ؤ كدي!
| |
|
|
|
|
|
|
Re: الـــــــــــــ 10 رجال الأقل نفوذاً في المنبر .. (Re: Siham Elmugammar)
|
Quote: المعايييييير بلاهى
|
لا معيار هناك!
والله جد
--------
وبما اننا في مقلوبات الظواهر .. يبقى معيارنا هو مقلوب المعيار طوالي المافي شنو؟
وبما انو معيار النفوذ -زي ما اتفقنا بغادي .. ول ما اتفقنا- انو هو فحص الدم كاملاً بالدم كاملاً
يبقى اي زول ما بفحص (تقرأ رعاع) يسمو في نفوذ!
ديل الصفر ..
اما النفوذ السلبي -بكري نموذجاً- فأقل بكتير .. بما يكفي لتعبية عبار قلة النفوذية .. ويفيض مسلبة
معيار اللامعيار دا مفحوص شديد بالمناسبة وثبت صحته ودغتة علمياً
قيقاراوي عالم رياضيات منبرية عليا ودقيقة (وردت في بعض الروايات (دغيلة) هكذا!)
| |
|
|
|
|
|
|
Re: الـــــــــــــ 10 رجال الأقل نفوذاً في المنبر .. (Re: قيقراوي)
|
سلام يا قيقا
طرحوا سؤال وقالوا : ما رأيكم حول نقص الغذاء في العالم ، وجاءت الاجابات كالتالي :-
الأفريقي : وما معنى الغذاء ؟
الأوربي : وماذا يعني النقص ؟
الأمريكي : ما معني العالم ؟
العربي : ما معني ما رأيكم ؟
ده حين بسعلك ما معنى نفــــــــــــــــــــــــــوذ ؟؟
| |
|
|
|
|
|
|
Re: الـــــــــــــ 10 رجال الأقل نفوذاً في المنبر .. (Re: ولياب)
|
[ده حين بسعلك ما معنى نفــــــــــــــــــــــــــوذ ؟؟ ]
وما معنى [ده حين]!؟
(وجه باسم ذو انياب بارزة)
انعم انك بتسأل (ما يستفاد) من هذا الحديث ؤ كدا؟
نقول بعد الحمد لله الذي لا اله غيره، و الصلاة على من لا نبي بعده:
ما يستفاد من حديث النفوذ المنطلق في البورض اليومين ديل، ولا شيء!! والله صحي!
--------
موجه واي خفيف ركبا .. بس (بكسر الباء)
| |
|
|
|
|
|
|
Re: الـــــــــــــ 10 رجل الأقل نفوذاً في المنبر .. (Re: وضاحة)
|
Quote: انا برشح رقم 1
الطيب شيقوق زول مسسسسسسسسسسسسسكين والمعزة تاكل عشاء
ولا بهش ولا بنش
|
كتاحة يااااا .. داقسيييي دايشة جايي المغربيييييي!!
جايية بعد ما الجايزة -بل العشرة جوائز- استلما الفايز .. والناس لمت الكراسي .. وكل واحد رجع بيتم؟
-------
غيرنا -وفي رواية قيل (جبرنا)- عنوان البوست ليقرأ هكذا:
الـــــــــــــ 10 رجل الأقل نفوذاً في المنبر ..
المافي شنو ..
نحن طيبين و(ابلصعة) يستاهل ياخي!!
| |
|
|
|
|
|
|
|