|
|
|
 Re: مع كل الود والتقدير (Re: عبد الحي علي موسى)
|
الأخ عبد الحي علي موسى
رمضان كريم وجعلنا الله من عتقاءه
والله يا عبد الحي لو في مسئول واحد في السودان شاهد حلقة واحدة من هذا البرنامج لجزع وفزع وإنزوى عن حياةالناس العامة وللأبد . لأن الله سبحانه تعالى سيسأله يوم القيامة عن هذا الواقع الأليم الذي نراه كأثلة فقط عن واقع السودان وما خُفي أعظم . أقله خريجة من كلية الإقتصاد بدرجة شرف ن العام 2005 ولم تجد عمل حتى اللحظة برغم دخولها معاينات كثيرة . وتلجأ أخيراً لتعمل أجيرة للغسيل والمكوي.
بحيراوي
| |
 
|
|
|
|
|
|
|
|
Re: مع كل الود والتقدير (Re: البحيراوي)
|
كل الودو التقدير للأستاذة رانيا هارون
ولها أن تعلم أن الدال على فعل الخير كفاعلة
خيراً كثيراً ينتظر هذه الانسانة المبدعة في زمن اللا انسانية واللا راعي للرعية
ربي يرزقها دنيا و آخرة فهى تعمل ابتغاء و جه الله بلا رياء ولا ديكور ولا مكياج لتكشف لنا كيف يعيش السواد الأعظم لأهل بلادي
تمنيتها لو كانت بيننا هنا لنعينها على هذا البرنامج بصندوق يكون الاشتراك فيه فرض عين على كل بوردابي
اتمني أن يجد اقتراحي هذا حيزاً من تفكيركم لتفعيله لتستمر البسمة في شفاه الغلابة
و التحية عبر خيطك هذا أخي عبد الحي لكل الذين يسهمون في دعم البرنامج كي يستمر
وربي يخلف عليهم (في هذا التجارة التي لن تبور أبداً باذن الله)
| |
|
|
|
|
|
|
|
|
|
Re: مع كل الود والتقدير (Re: ALGARADABI)
|
| Quote: والله يا عبد الحي لو في مسئول واحد في السودان شاهد حلقة واحدة من هذا البرنامج لجزع وفزع وإنزوى عن حياةالناس العامة وللأبد |
لكن بلدنا فضل فيها مسئول يا البحيراوي!!!
ديل ناس ما مسئولين وقلوبهم حجر، وإن من الحجارة ما يتفجر منها الماء.
تحياتي
أوافقك تماما يا القرضابي وتشكر على المرور.
| |
|
|
|
|
|
|
|
|
|
Re: مع كل الود والتقدير (Re: عبد الحي علي موسى)
|
مريم....
ما بقدر اصنقر.
عشان السلسلة الفقرية.
أمي ما قصرت معاي.
تشيلني وتمشي تجيب الموية.
مرات تقعد تنجم عشان كتَ تقيلة.
ابوي انفصل عنها.
ما عايز يجيب عيال معوقين.
13 سنة ما شفتو؟!!!
لمن جيت قدمت للجامعة، طلبوا م ني رسوم.
مليون و...
خفضوها لنص مليون!!!!!!!!!!!!!!!
| |
|
|
|
|
|
|
|
|
|
Re: مع كل الود والتقدير (Re: عبد الحي علي موسى)
|
الليمون.................
جاية من الراوات..ضهرية كوستي.
الكبار ديل طلعوا من المدرسة.
لكن...اللتنين ديل، واحد في تانية وواحد في تالتة الحمد لله.
الصباح بديهم الفين جنيه للفطور. ولما ما بكون عندي، يجوا الضهر، كان لقوا شي في البيت بياكلوه الحمد لله .
حوش العمارة الكنا فيه، ستو قالت دايراهـ.
قلت ليها:
خلاس...اديني تلاته يوم افتش لي محل.
أها... لقيت الحوش دا. نضفتو وقعدت الحمد لله.
دا عمي ( أبو راجلي) وداك أبوي.
ودي مرة راجلي يتيمة قال أخير إلمها.
زوجي هسع رجع البلد، كان لقى ليه شغل مع ناس الزراعة.
بنعوس الكسرة بالحطب.
اية الحطب بيوقد أخير من الورق!!!!! الحمد لله.
الحمد لله.
| |
|
|
|
|
|
|
|
|
|
Re: مع كل الود والتقدير (Re: عبد الحي علي موسى)
|
أم لأطفال كل منهم مصاب بالعمى والبكم.
والدهم متوفي.
والدتهم تقول أن ديوان الزكاة، كذلك، لم يقدم لهم شيء يذكر أو لا يذكر.
بالمناسبة كل الحلقات التي قًدمت، ديوان الزكاة لم يكن حاضرا، عدا حالة واحدة.
حتى أن مقدمة البرنامج علقت في تلك الحالة بقولها:
أول مرة اسمع ديوان الزكاة أدى ليه زول من الناس اللاقيتم!!!!
| |
|
|
|
|
|
|
|
|
|
Re: مع كل الود والتقدير (Re: عبد الحي علي موسى)
|
حلقة اليوم كانت مع حاجة فاطمة.
مقدمة البرنامج:
الله إديك طولة العمر يا حاجة فاطمة.
طولة العمر ما دايراها مع الشقاوة دي.
هسع أنا بمشي المسافة دي كلها بي كرعي وبجي، شفتي جنس التلتلة دي، وتقولي لي:
الله إديك طولة العمر يا بتي؟
ما دايراها.......
| |
|
|
|
|
|
|
|
|
|
Re: مع كل الود والتقدير (Re: عبد الحي علي موسى)
|
شكرا يا عبد الحي
في طريقه تصوروا الحلقات دي يوتيوب وتنشروها لينا هنا؟!
يا اخي دي مآسي مبالغ فيها
ونلعم انه من لم يتاح للمذيعه المبدعه رانيا ان تصلهم هم غالبيه ايضا.
ربنا يفرج كرب البلد....بالله ده حال بلد طلع فيها بترول؟!
الناس دي حتقابل ربنا كيف؟!
حيقدروا يا ترى يقولوا ليه قروش البترول لطشنا ثلاثه ارباعها
واشترينا سلاح بالربع الباقي قلتنا بيه باقي شعبنا؟!
| |
|
|
|
|
|
|
|
|
Re: مع كل الود والتقدير (Re: Tragie Mustafa)
|
| Quote: بالله ده حال بلد طلع فيها بترول؟! |
أهلا أختنا تراجي
ديل طلعوا زيتنا، بزيت البترول وقبل زيت البترول.
يا تراجي .....
رانيا قابلت 30 واحد بالكتير.
البلد فيها 30 مليون أغبش يعاني.... إلا هم.
هم لا يملكون ضمير.
هم يملكون مثنى وثلاث ورباع وربما خماس و...................من النساء والفلل والقناطير المقنطرة.
لكن بقابلهم، هنا وليس بعدين.
| |
|
|
|
|
|
|
|
|
|
Re: مع كل الود والتقدير (Re: عبد الحي علي موسى)
|
من أم دقرسي بالجزيرة:
يمتلك كارو ويد واحدة، لأن الأخرى قد بُترت كما الوطن.
اسمها أرحام.
خريجة جامعية.
تخصص اقتصاد.
تقيم وحدها وتعمل في مهنة الغسيل.
حوش البيت مليان بملابس الجيران.
تكوي الملابس بمكواة الفحم، فتكوي قلوبنا.
أرحام تشكو العزلة الاجبارية، فتبكي، وتبكي رانيا.
| |
|
|
|
|
|
|
|
|
|
Re: مع كل الود والتقدير (Re: عبد الحي علي موسى)
|
فقرة إعلانية:
ثلاجة كبيييييييييييييرة كل شي فيها وأرحام ما عندها حلة تطبخ فيها
غسالة full automatic (يعني تماتيكي بلغة أهلنا).
مايكرويف!!!!
L.C.D
تنتهي الإعلانات.
وعبد الله
حاله يغني عن سؤاله.
يبيع الموية بالكارو ويعول كمية من الناس.
يوزع بعض المال، ويملأ بعض الزيره (جمع زير) بالماء مجانا ويقول:
دا ما بروح.
وآخر كفيف يجلد العناقريب ويميز الألوان.
والجالب الحبال وال.......
والشغلاتو نار والجو كيف سخن!
| |
|
|
|
|
|
|
|
|
|
Re: مع كل الود والتقدير (Re: عبد الحي علي موسى)
|
الأستاذ حامد:
عمل مدرسا بالجنوب 30 عاما.
وزارة التربية:
لا بند لدينا للعلاج.
ديوان الزكاة!!!!!!!!
الأستاذ حامد يقول:
السياسيون فصلوا الجنوب واطة بس، لكن الفي قلوبنا ما بنفصل.
الله يعيد ليك جنوبك وبصرك.
| |
|
|
|
|
|
|
|
|
|
Re: مع كل الود والتقدير (Re: عبد الحي علي موسى)
|
والله ماساه كبيره
والله نسال جميعنا بعد ان عرفنا ان بيننا
امثال هؤلا
الم يقل الرسول (ص )ليس منا من بات
شبعان وجاره جائع وهو يعلم
من منكم شاهد هذه الحلقات ولم تدمع عيناه ؟
نحن الان محتاجين جمعيه خيريه حقيقيه
واقترح ان تكون باسم ((مع كل الود والتقدير ))
وعلى رئاستها ابنة هارون
| |
|
|
|
|
|
|
|
|
|
Re: مع كل الود والتقدير (Re: احمد الزبير)
|
Quote: من منكم شاهد هذه الحلقات ولم تدمع عيناه ؟[/QUOTE
ودي وتقديري أخ أحمد الزبير.
وهذو مأساة 30 سوداني فقط!!!!
والمآسي تقوق هذا العدد بكثيييييييييييييييييير.
| |
|
|
|
|
|
|
|
| |
عبد الحي علي موسى
البحيراوي
ALGARADABI
Tragie Mustafa
ادم الهلباوى
احمد الزبير
فيس بوك
تويتر
انستقرام
يوتيوب
بنتيريست