|
|
|
 Re: سودانيزاونلاين في حوار مفتوح مع الناطق الرسمي للمؤتمر الوطني (Re: بكرى ابوبكر)
|
Quote: رمضان كريم يا صديقى عمر الصديق وشكرا لاقامةالحوار نيابة عنا
اسمح لى بوضع الرابط التعرفى عن الزميل بدر الدين
ناس جامعة الخرطوم فى 80 هل دا بدر الدين عضو الاتجاه الاسلامى!!!!
و جايك باسئلتى بعد ان اعطى الفرصة للسادة الاعضاء و ما تنسى تسلم لينا على زميلنا بدر الدين |
رمضان كريم ياباشمهندس
وتشرفنا بزيارتك
وقد اقمت الحوار نيابة عنكم لاننا اسرة واحدة
وانشاء الله تحياتك توصل للبروف بدر الدين
وفي انتظار اسئلتك
مع خالص الشكر
| |
  
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: عمر صديق)
|
| Quote: سودانيزاونلاين في حوار مفتوح مع الناطق الرسمي للمؤتمر الوطني |
التزوير والتزييف اللذان يجريان في أعضاء المؤتمر الوطني مجرى الدم.
-------------------------------------
لا حوار مع المؤتمر الوطني، سوى بـ
السلاح في جنوب النيل الأزرق وجنوب كردفان، أو عبر ما تم عبر الآلية الثلاثية
السلاح في دارفور، أو عبر المحكمة الجنائية الدولية
------------------------
السيد مدير الموقع: يمكن تصحيح مسار هذا الخيط المدسوس، من خلال بوست آخر ينشر في أعلى المنبر
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: Murtada Gafar)
|
Quote: التزوير والتزييف اللذان يجريان في أعضاء المؤتمر الوطني مجرى الدم.
-------------------------------------
لا حوار مع المؤتمر الوطني، سوى بـ
السلاح في جنوب النيل الأزرق وجنوب كردفان، أو عبر ما تم عبر الآلية الثلاثية
السلاح في دارفور، أو عبر المحكمة الجنائية الدولية
------------------------
السيد مدير الموقع: يمكن تصحيح مسار هذا الخيط المدسوس، من خلال بوست آخر ينشر في أعلى المنبر |
انت لو ماجاهل ماكنت بقيت متمرد
مدير الموقع وافق علي اجراء هذا الحوار وشكرني عليه
ولعلمك المنبر هذا متاح لكل الفصائل والاحزاب والافراد السودانيين
وانت عادي ممكن تعمل حوار مع المتمرد عرمان او مع باقان حتي
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: عمر صديق)
|
Quote: نت لو ماجاهل ماكنت بقيت متمرد
مدير الموقع وافق علي اجراء هذا الحوار وشكرني عليه
ولعلمك المنبر هذا متاح لكل الفصائل والاحزاب والافراد السودانيين
وانت عادي ممكن تعمل حوار مع المتمرد عرمان او مع باقان حتي |
يا زول ماك صائم ولا شنو؟!!!!!!!!!! ، (لكن المطبلين لمجرمي الحرب ومرتكبي الاغتصاب ديل كمان هل يساءلوا عن صيامهم ولا صلاتهم كمان؟!!) جاهل وما جاهل دهـ شنو ودهـ منو، قال مكارم الأخلاق، قال
لم زولك دهـ وقول ليهو حوار هنا مرفوض؟ لاهاي بس أو الآلية الثلاثية، مفهوم
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: معتصم محمد صالح)
|
اولا اين ذهبت عائدات البترول التى قدرت بحوالى سبعين مليار دولار مع العلم ان كل المشاريع الضخمة من سدود و كبارى قد تم تمويلها بقروض
ثانيا بعد اعتراف الدولة بخطئها فى عدم توظيف عوائد البترول فى السنوات الماضية من اجل تنمية زراعية و حيوانية و صناعية و بعد ارتفاع معدلات التضخم لمعدلات غير مسبوقة لماذا ل تتنحون و تدعون الفرصة لغيركم ثالثا ما هى ملامح برنامج النهضه الذى على ضوءه تتحرك الدولة و ما هو تقيمك لاداء اجهزة الحكم فى السنوات السابقة
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: معتصم محمد صالح)
|
الحكومة السودانية قامت بمصادرة النادي الكاثوليكي سابقا لصالح حكومة السودانية بدعوى انتهاء الحكر فلماذا آل للمؤتمر الوطني ولم يسلم لوزارة المالية لبيعه او استغلاله لصالح الشعب السوداني ؟
وهل يدفع المؤتمر الوطني ايجارا للحكومة السودانية نظير استغلاله لاموال الشعب السوداني ؟ واذ كنتم لا تدفعون ايجارا في الفترة الماضية هل تنوون ذلك مستقبلا مع الالتزام بتعويض الشعب السوداني عن اجرة المثل للفترة الماضية ؟
هل يتقاضي المؤتمر الوطني اموال من الدولة السودانية يغطي بها تكاليف الجيوش الجرارة من عضويته المتفرغة للعمل السياسي ؟
وظائف الخدمة المدنية وحسب قانونها تبدأ من مداخل الخدمة وحتى درجة وكيل الوزارة لماذا يحتكر المؤتمر الوطني وظيفة وكيل الوزراة ويتم التعيين لها من داخل عضويته ؟
وظائف الخبراء الوطنيين لماذا لا يتم الاعلان لها بطريقة صحيحة لتكون مفتوحة للتنافس الشريف على عكس ما يحدث الان حيث هي حكر على عضوية المؤتمر الوطني ومحاسيبه ؟
ارجو ان ترد على هذه الاسئلة في رمضان هذا وبالنهار :)
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: معتصم محمد صالح)
|
شكرا عمر ايها الصديق
ونرحب بالبروفيسر بدر الدين احمد ابراهيم على متن سودانيز، ونشكر للريس بكري ان جعل ذلك ممكناً
ونشكر له هذه المبادرة وهذا الانفتاح، ولو جاء متأخراً
1/ نقر ان الرعيل الاول قد بلغ الامانة، ولكن الم يحن الوقت لتسليم الراية لقيادات "شابة"؟ متى نرى "حكومة شابة" تتقلد الوزارات القيادية والسيادية؟
2/ كنا في السابق نجد العذر للمؤتمر الوطني في ان يده "مغلولة" في مكافحة الفساد بحسبان رغبته لحشد الدعم من الكل وعدم شق الصفوف وتأليف القلوب لمؤيدين منافقين او حركات متمردة.
الآن ثبت وبما لا يدع مجال للشك ان للحكومة قاعدة معتبرة يمكن الاعتماد عليها، لذا فواجب المرحلة يقتضي تنظيف الصفوف وبتر الفساد كلياً بيد من حديد.
3/ الحركة الشعبية قطاع الشمال، حركة لفظها الشارع السوداني وصنفها كحركة عميلة تعمل لاجندات خارجية، والمظاهرات الشعبية التي خرجت ايام هجليج تقول ذلك، ونسمع في الاعلام عن جولات مفاوضات، نأمل ان نطمئن الى انها في حدود العمليات الانسانية فقط ولن تفضي لاي اتفاق سياسي يعترف بالحركة العميلة المتمردة، لم لا تحذو الانقاذ لمخاطبة اهل الشأن والمصلحة في النيل الازرق وجنوب كردفان وتطبيق السيناريو الذي نجح في دارفور وعذل المتمردين عذل تام وناجع؟
ولكم التحية والتقدير
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: Murtada Gafar)
|
لدي مجموعه من الأسئله :
1- متى سيعترف المؤتمر الوطني - او بصوره اشمل الحركه الإسلاميه بفشلها في إداره البلاد ؟ ومتى ستعترف بأنها ضيعت البلاد والعباد ؟
2- بعد ذهاب نظام حسني مبارك هل ستملك الحكومه الشجاعه اللازمه بالإعتراف بمحاوله إغتيال الرئيس المصري في أثيوبيا - وهل لها ان تتحمل أثم الويلات التي جلبتها تلك المحاوله الفاشله والغبيه على السودان واهله ؟
3- الحكومه كانت تدعي انها تحارب باسم الله الخطط الصهيونيه والامبرياليه والــ.... وال......ــ في تقسيم السودان ونهب ثرواته - فإي الخيارين حدث ؟ هل كانت الحكومه جزء من تنفيذ المخطط الصهيوني الإمبريالي في تفتيت ونهب ثروات البلاد - ام نجح المخطط الصهيوني امام ابناء الإسلام وجنود الله في الأرض أصحاب الكرامات ؟
4- ما رأيك في تصريح والي الخرطوم و رئيس المؤتمر الوطني ولايه الخرطوم : بلد فيها البشير لن تجوع ؟؟
5- في رأيك وبصراحه من يقود هذه البلاد ؟
6- هل يخاف اهل المؤتمر الوطني من الله ومن إنتقامه ؟ وماهي اخر مره فكر تذكرتم يوم الحساب ؟
7- كأمين للأعلام - ما رأيك في الصوره المهينه التي ظهر بها نائب الرئيس الحاج ادم في قناه دبي ؟
8- ما رأيك في الرئيس عمر البشير - ما ناحيه الرقص و حلفان الطلاق و النكوص عنه - السفريات المذله الى الدوحه التي لا يقابل فيها ولا يقيم ولا يودع كرئيس دوله محترمه ؟
9- في رأيك لماذا اصبحت قضايا الفساد ( المعروفه ) مرتبطه باعضاء المؤتمر الوطني إبتداء من سوق المواسير وانتهاءا بشيوخ الأوقاف ؟
10-كيف تتوقعون من الشعب التايد وانتم تتقلبون في القرارات وانتم غير متفقين - وزير يقرر ورئيس يلغي - ووزير آخر يقرر و نائب رئيس آخر يلغي القرار - وممثل ويمثل و وممثل آخر ينفي تمثيل الاول له ؟
| |
|
|
|
|
|
|
|
|
 Re: سودانيزاونلاين في حوار مفتوح مع الناطق الرسمي للمؤتمر الوطني (Re: Hani Arabi Mohamed)
|
أ.د. بدر الدين احمد ابراهيم الاستاذ بكلية الاعلام جامعة امدرمان الاسلامية والناطق الرسمي لحزب المؤتمر الوطنى
سلام من الله عليك ورحمة
والشكر موصول للمبادرة الكريمة التى إبتدرها الهمام اخى عمر صديق
___________
وزيرة الخارجية الأمريكية هيلاري رودهام كلينتون قدمنت فى 25/2/2011م رؤية وزارة الخارجية الامريكية حول إستخدام الانترنت
وهى تمثل رؤية البلد الاكبر ليبرالية فى العالم ..
وقدمت فى هذا الخطاب خلاصة لافكار عديدة أجملتها فى :
1/ هل الانترنت تمثل قوة للتحرر ام للقمع (الافكار / المؤسسات / النظم / القيم )
2/ هل إستخدام الانترنت من الحقوق الاساسية للانسان .(الاستخدام المقيد / الاستخدام المطلق)
3/ حرية التواصل وتكوين الشبكات والتعبير والتجمع عبر الانترنت .
4/ اهمية التلازم بين حرية الانترنت وحرية التجارة .
5/ حماية حرية الانترنت من اجل حماية المصالح الامريكية ومصالح شركائها .
6/ التوازن الدقيق بين الحرية وممارستها والامن .
7/ أمن الفضاء الاسفيرى ومنع الجريمة الالكترونية .
8/ الخصوصية والشفافية
تمثل الموضوعات التالية إهتمامات الولايات المتحدة بالفضاء الالكترونى لتحقيق مصالحها كدولة كبري رائدة فى المجال الالكترونى ودولة رائدة فى إنفاذ وتمثل الليبرالية كمنهج حياة
هل للحكومة السودانية ممثلة فى الحكومة الحالية بقيادة المؤتمر الوطنى رؤية إستراتيجية للتعامل مع الفضاء الالكترونى السودانى من حيث القيم الحاكمة ومن حيث الاليات ومن حيث
حدود الحريات المتاحة لاستخدام الانترنت للافراد والجماعات والاحزاب ..
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: ياسر مكاوي)
|
اخى عمر صديق اسمح لى بهذه الاسئلة الى الاستاذ بدر الدين
1-عن سودانيزاونلاين دوت كم
لماذا حجبتم سودانيزاونلاين عن الشعب السودانى و متى سوف يتم رفع الحجب؟ و لماذا تصرفون هذه الاموال الضخمة لتدمير و تعطيل سودانيزاونلاين مع ان لكم اعضاء/ات ينشرون اخباركم و مقالاتكم مثل هذا الحوار ! طبعا حا تقول لى ما عارف اى حاجة عن التدمير و التعطيل و الكتائب......الخ ....حا اقولك ارجع لكتاب فتحى الضو"الخندق" سوف تجد اسماء الضباط الكانوا مشرفين على تدمير سودانيزاونلاين او ارجع لناس دفعتنا فى جهاز الامن و انت تعرفهم جيدا و سوف تجد معهم ملفات لكل المواضيع التى تطرح هنا و اعضائها و و و و.............الخ!!!!!!
2-عن ناهد جبر الله سيد احمد
لماذا اعتقلت(اقصد جهاز امنكم) بت دفعتنا و دفعتك ناهد جبر الله سيد احمد و التى اعتزلت العمل السياسى منذ اكثر من 10 سنوات و تفرغت للعمل الانسانى...و لها اسرة فى حوجة لها فى هذا الشهر المبارك بالاضافة الى انها تحتاج الى العناية الطبية و عملية جراحية عاجلة
.......
3-عن جامعة الخرطوم
وما رايك فى التدمير الذى حصل لجامعة الخرطوم؟
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: حافظ انقابو)
|
عمر..حبابك يا صديق..
كل سنة و انت طيب..
عندي بعض الأسئلة..و ح اضعها في مداخلة منفصلة..و ارجو ان تسمح لي بوضع الملاحظات التالية:
اولا: فكرة حوار دي قاسية خلاص..و بتطفش الناس و ما ممكن تجيب نتائج كويسة..عشان كده اقترح انها تكون اسئلة.. لأن المؤتمر الوطني حزب في الحكومة (نعترض أو نختلف مش مهم)..و الحكومة ما بتحاور الناس و انما تديهم فرقة لإثارة الأسئلة..و بعد داك هي مخيرة تقوم تشتغل بيها أو تخليها..
ثانيا: الناطق الرسمى الذي رحب باستقبال اسئلة المواطنين و المواطنات.. ليس هو ناطق الحكومة و انما هو ناطق حزب..عشان كده يتخيل لي الأسئلة افضل تتوجه للمؤتمر الوطني و عضويتو..كحزب مش كحكومة..
ثالثا: صحيح ناس المؤتمر الوطني عملوا حاجات كعبة كتيرة في البلد(حسب تقديرنا و معنا الكثيرون و الكثيرات)..و بعض بيصل لفعل الجريمة..و عشان نشتغل سياسة صاح.. حقو نبعد من الأسئلة التجريمية.. لأنو ناطق المؤتمر الوطني ممكن ببساطة يجليها زي الماحاصل شئ..و القاعدة القانونية بتدى المسئول الحق في رفض الإجابة على اي سؤال تجريمي..عشان كده حقو الناس توفر الطاقة..
رابعا: توجيه اسئلة للناطق الرسمي للمؤتمر الوطني ليس بالضرورة يعني الإعتراف بالمؤتمر الوطني ولا حكومته و رئيسها و انما الأمر في تقديري تمرين ممتاز للجميع..اربعة و عشرين سنة المؤتمر الوطني ما جا منو زول و فرش خلقو للجماهير عشان يسمع منها(طوالي شغالين على كيفهم)..و يتخيل لي ده مكسب للجماهير..الداير يقول المؤتمر الوطني انفزر ..الداير يقول لحس كوعو كلو ممكن.. لكن تفضل الحقيقة انو حزب ماسك الحكومة و داير يسمع الناس رأيها شنو في الحاجات القاعد يسوط فيها..و في نفس الوكت فرصة خلى ناس المؤتمر الوطني يجوا يوضحوا موقفهم هل صحي هم مع الشعب و مصالح الشعب..ولا لسع تايهين في غرورهم..
كبر
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: Kabar)
|
كمواطن سوداني ، احب ان اسأل الأخ ناطق المؤتمر الوطني بعض الأسئلة و اتمنى ان تصل الحزب ، و أي اجابة ضمنيا بتكون هي اجابة الحزب مش الفرد ( و الفرد لو عندو اجابة من عندو يقوم يوضح انو دي اجابتو)..
السؤال الأول: هل هناك أي ضغوط من عضوية الحزب تجاه الحكومة لوقف الحرب في دارفور و جنوب كردفان و النيل الأزرق؟..ان كانت الإجابة نعم ماهي هذه الجهود و ما هو اثرها..؟
السؤال الثاني: بعد استقلال جنوب السودان ، حدث فراغ دستوري ، تحديدا في البرلمان ، و بالرغم من ان البرلمان فيه ممثلي (11) حزب غير المؤتمر الوطني بموجب انتخابات 2010 ، و بالرغم من أن عضوية ممثلي الأحزاب و المستقلين (30 عضو مقابل 316 عضو/ة من المؤتمر الوطني)..هل قامت عضوية المؤتمر الوطني بمناقشة هذا الفراغ الدستوري في داخل الحزب؟.. هل اقترحت على حكومتها اجراء انتخابات تكميلية ؟.. و هل عضوية المؤتمر الوطني تقبل هذا الفراغ الى حين الإنتخابات القادمة مثلا؟..
السؤال الثالث: اكيد للمؤتمر الوطني مقترح للدستور مثله و مثل بقية ناس السودان ، و السؤال هل هناك من ضمن مقترحات الحزب للدستور الدائم مبدأ نظام الحكم الفيدرالي (اللامركزي) بمستوياته الثلاث (قومي و ولائي و محلي)؟..و هل هناك اقتراح باستمرار تبني التمثيل النسبي؟..هناك اقتراح ردده الكثيرون و الكثيرات بضرورة الرجوع الى نظام اقاليم محدودة العدد (ست على الأقل ، ثمانية على الأكثر)..فهل هذا في حسابات ناس الحزب اما لأ؟..
السؤال الرابع: يشكو كثير من اهل السودان من طريقة تطبيق بعض العقوبات المنصوص عليها في القانون الجنائي السوداني لسنة 1991..مثلا أن عقوبات الجلد تطال شرائح معينة في المجتمع لدرجة انها اصبحت تقع على سكان اقاليم معينة و اثنيات معينة..و السؤال هل يثير هذا الأمر اهتمام عضوية الحزب؟ و هل لديهم تصور لمعالجة مثل هذا الأمر (لاحظ بعض اهل السودان يعتبر ان القانون عنصري و يستهدف الناس على اساس عنصري)؟..
السؤال الخامس: هناك اعتقالات طالت كثير من النساء و الرجال خلال يونيو ، يوليو ، اغسطس..(شخصيا اعتبرها ممارسة لحق دستوري هو حق الحرية في التعبير)..و السؤال هل نتوقع ضغط من عضوية الحزب موجه للحكومة لإطلاق سراحهم جميعا أو عرضهم لمحاكمات عادلة؟ (غايتو الدنيا قبايل عيد و ادعو عضوية المؤتمر الوطني تضغط على الحكومة في سبيل اطلاق سراح المعتقلات و المعتقلين..علما باننا نقيم خارج السودان والأخبار بتجينا فلان اعتقلوهو و نقوم ندين و نشجب و نطالب بالحرية ، و في نفس الوكت فلان ده تكون الحكومة فكتو من زمان..و مافي زول بيقول لينا عووك)..
السؤال السادس: في 31 يوليو2012 حدثت احداث في مدينة نيالا و راح ضحيتها شباب زي الورد..فهل اثار هذا الأمر اهتمام عضوية الحزب؟..و هل نتوقع ان تضغط العضوية على الحكومة بضرورة اجراء تحقيق فورا و قبض و محاكمة من تسببوا في قتل اولئك الشباب؟ (نعلم ان الحكومة ممثلة في وزير العدل قد شكلت لجنة تحقيق ، لكن الحكومة كضابة ووزير العدل اعلن من قبل لجان كثيرة و لم نرى لها اثرا..)
و شكرا..
كبر
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: عبد الصمد محمد)
|
شكرا الاخ عمر صديق وبكري ابوبكر
هذه بداية جيدة
عشان الناس تعرض بضاعتا هنا...وتطرح البديل الذى لا يريد ان يراه اهل الحكم والمعارضة في السودان على حد السواء
1-لماذا تجاوز حزب المؤتمر الوطني اتفاقية نافع -عقار
ولم يتم تسليط الاعلام عليها واجهضها صقور الحزب دون داع..
ولماذا لم يتم اعتمادها خارطة طريق بين المؤتمر الوطني والقوى الديموقراطية التي تحمل سلاح في الهامش الجديد..لنقل السودان الى مرحلة جديدة بدل اعادة انتاج الحرب في تلك المناطق وهل توجد مع كل ذلك مؤسسية في حزب المؤتمر الوطني؟
2- ما رايكم في انتخابات مبكرة بعد الغاء الولايات و اعادة الاقاليم الخمسة القديمة بحدود 1956 للبطاقات 9و10و11و12 باشراف تام للامم المتحدة من التسجيل للناخبين حتى اعلان النتيجة..للخروج من النفق المظلم الذى دخل فيه السودان الان ونذر الفصل السابع على الابواب..والخروج الامن الوحيد الاحتكام الى الشعب مرة اخرى..هل انتم في مستوى هذه التحدي؟؟
نتمنى ان تفتح قنوات الحوار عبر كافة القوى السياسية في السودان ويتم جرد الحساب من 1956 عشان نرسى على بر
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: adil amin)
|
الاخ الباشمهندس بكري
الاستاذ الصديق عمر
الاخوة المتداخلين
السلام عليكم ورحمة الله ورمضان كريم اعادة الله علينا وعليكم وعلي ضيفكم وباليمن والبركات ونبتهل لله عز وجل ان يعود به علي السودان الجريح والمكلوم في امره ما فاته من امن وطمأنينة افتقدها اهل الداخل وغضت مضاجع من هاجر او اغترب وإن اثرو ا سلامة البعد إلا انه ما هان عليهم ما يمس ارضهم وارثهم من ارض الله الواسعة واهلهم من ضر وضرار وما ضلت به بلادهم من سبيل
رأيت ان اكتب لاقول لكم انه حقيقة لم يكن يعنيني انا شخصيا ولا اخاله يعني بعضا من رواد هذا المنتدي إن كان ضيفكم الكريم هو بروفسير او دكتور او لم يحمل إلا شهادة لا إله إلا الله محمدا رسول الله . ويكفيني ان تشابه البقر علي بعض الاخوة الذين ساهموا في محاولة التعريف به. فقد تكاثرت علينا وعليهم الأبدال، والأوتاد، والاغواث ، والنجباء، والنقباء من اهل المؤتمر الوطني كما كثرت طواقي الاخفاء التي يعتمرها اهل الحل والربط . وما ضيفكم بمثال نادر من احتماله امانات الاعلام والتعبئة ثم ناطقا رسميا باسم المؤتمر الوطني
وانها لمحمدة له او ربما نهجا جديدا رآه اولي الامر بالسعي لفتح باب حوار مع اهل هذا المنتدي . ولعمري إن هذه لاشادة صريحة ومعلنة عن مدي اثر وتأثير مايردده الكتاب هنا . وقد اعتدنا واعتاد الناس علي سماع اثار سياط الامن وزنازينة ومحاكمات ايجازية صورية وشهادات مختلقة غير مبرئة للذمة . فقبل ان نفض له بما يجيش في صدورنا نود ان نعرف من اي منطلق اتي لنا والي اي مدي سيحمل ما نقوله له و يعن لنا ان نسأل عما إذا سيحمل ما يقال علي محمل صدق وبسعة صدر لا لمحمل محاسبة ومعاتبة وسجون وإعتقال
علي الرغم من محاولة عمر الصديق بالدعوة لحور سياسي والسياسية إناء حوي وعوي وعلي الرغم من تسابق المتسآءلين لري ظمئهم فيما غاب عنهم فعلا وامرا كنت اتمني ان نعرف هل الضيف مفوض باجراء مثل هذا الحوار وما الذي يسعي هو ومن فوضه لتحقيقة منه؟
وفي تقديري يتوجب قبل الدخول مع هذا الضيف او غيره في سجال و اطلاق الحديث علي عواهنه واجراء حوار بلا اسس موضوعية قد لا تخدم لا للمؤتمر الوطني ولا للمشاركين قضية فلا بد من من تحديد اطر للنقاش ومجالات واضحة المعالم .
فهل ضيفكم الكريم مؤهل للدخول في حوار حول نظم إدارة البلاد وتركيبتها السياسيه ام هل له فهم ورؤي اقتصاديه واضحة حتي يمكن من له المام بالاقتصاد من تناول الامر الاقتصادي بما يعود بفائدة للقاري وللمخطط وللمنفذ؟
ام يا تري بما قيل عن نشاط الناطق الرسمي الاعلامي هل يجدي وله استعداد لاجراء حوار عن حرية الرأي والكلمة التي غابت عن السودان ردحا من الزمن ؟
وهل يسعي الضيف الكريم ليسمَع ويُسمع ممن هم وراءة مايراه من يتداخلون معه في امورامن البلاد وامانه ؟
واخيرا وليس اخرا من سيقوم بإدارة الحوار ؟
ارجو ان لا يساء تفسير ما كتبت فانا ارحب بضيفكم الكريم واسجل صوت شكري لعمر الصديق ولشخصكم الكريم علي هذه السانحة فطالما كان حوش البكري سباقا وكم اخذنا منه باكثر مما اعطينا ادامها الله علينا نعمة طالما حرمنا من استطعامهاا بين اهلنا واحبابنا في ارضنا التي ما عدنا نأمن فيها علي انفسنا او علي ما ملكت ايماننا
ولكم ودي
محمد مصطفي مجذوب
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: amir jabir)
|
الأخ عمر والأخ بكرى
سلام ورمضان كريم
حسبنا الله منكما وأنتما، وبإسمنا جميعا، تزينان الباطل لأهل الباطل وفى هذا الشهر العظيم...
ليس من الأخلاق ولا من الدين التحاور وبمحض الأرادة مع من يمثل مغتصبى حق لم ينصف أصحابه وفى وقت يُقتّل فيه أطفال المدارس لعدم مقدرتهم الوصول لمدارسهم....!!!!!
ليس من حق أمثالك يا بكرى أبو بكر أن تغمض عيون بصيرتك عن الحقيقة الناصعة أن هذا النظام قام على باطل وتمكن عن باطل ومستمر حتى الآ ن على باطل وكل ما يقوم به أهله ومن يواليهم ما هو إلا باطل بنى على باطل ولو بكوا الليل خشوعا وتضرعا وفاقت حسناتهم أنفاس من ظلموهم...
ردوا الحقوق إلى أهلها وليحاوركم من يحاور ويحاسبكم من يحاسب...
فلا تخالوا أن الزمن يسقط جرائم الحق والعرض ...
وخيرا لنا أن نقابل ربنا مظلومين وأهل النظام ظلمة من أن نزين لهم بحوارنا سكوتنا على باطلهم وإن تنازلنا عن حقنا فمن الدين والأخلاق أن نتمسك برد حقوق الضعفاء من أهلنا الذين منهم من لا يملك من أمره أن يخبرنا بأنهم ظُلم ..
وياعمر والله لو ردت كل الحقوق ولم يبق إلا أسم المؤتمر الوطنى لما حاورت من يتحدث بإسمه حتى أن يُنصف الراحل مولانا عبد المجيد أمام والذى أختاره الله إلى جواره و قد نازع نظام القتلة ولم يستطع أسترداد أسم حزبه والذى مثل كل شئ إغتصبه من يتوهمون أنهم ظل الله فى أرضه وغيرهم من عباده لا يستحقون حتى الحياة أن لم يبايعوا من ضل على ضلالهم...
الناس فى رمضان ينضفوا وأنتو ت وس خ وا ودايرين ت وس خ وا التانين كمان...
كون أنكم خرستم عن الحق دى حلوها براكم وما تلخبتوا ....
ويا بكرى لو واصلت دغمستك دى والمنبر دا ، وفى عز زنقة الناس ديل ، حا تفتحوه نافذة للباطل وأهله، بيبقى مكانك دا ما بيلزمنا....
وحسبنا الله ونعم الوكيل
تصوموا وتفطروا على خير
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: محمد مصطفي مجذوب)
|
Quote: علي الرغم من محاولة عمر الصديق بالدعوة لحور سياسي والسياسية إناء حوي وعوي وعلي الرغم من تسابق المتسآءلين لري ظمئهم فيما غاب عنهم فعلا وامرا كنت اتمني ان نعرف هل الضيف مفوض باجراء مثل هذا الحوار وما الذي يسعي هو ومن فوضه لتحقيقة منه؟
وفي تقديري يتوجب قبل الدخول مع هذا الضيف او غيره في سجال و اطلاق الحديث علي عواهنه واجراء حوار بلا اسس موضوعية قد لا تخدم لا للمؤتمر الوطني ولا للمشاركين قضية فلا بد من من تحديد اطر للنقاش ومجالات واضحة المعالم .
فهل ضيفكم الكريم مؤهل للدخول في حوار حول نظم إدارة البلاد وتركيبتها السياسيه ام هل له فهم ورؤي اقتصاديه واضحة حتي يمكن من له المام بالاقتصاد من تناول الامر الاقتصادي بما يعود بفائدة للقاري وللمخطط وللمنفذ؟
ام يا تري بما قيل عن نشاط الناطق الرسمي الاعلامي هل يجدي وله استعداد لاجراء حوار عن حرية الرأي والكلمة التي غابت عن السودان ردحا من الزمن ؟
وهل يسعي الضيف الكريم ليسمَع ويُسمع ممن هم وراءة مايراه من يتداخلون معه في امورامن البلاد وامانه ؟
واخيرا وليس اخرا من سيقوم بإدارة الحوار ؟
ارجو ان لا يساء تفسير ما كتبت فانا ارحب بضيفكم الكريم واسجل صوت شكري لعمر الصديق ولشخصكم الكريم علي هذه السانحة فطالما كان حوش البكري سباقا وكم اخذنا منه باكثر مما اعطينا ادامها الله علينا نعمة طالما حرمنا من استطعامهاا بين اهلنا واحبابنا في ارضنا التي ما عدنا نأمن فيها علي انفسنا او علي ما ملكت ايماننا
ولكم ودي
محمد مصطفي مجذوب |
تحياتي يابروف
والناطق الرسمي لايحتاج لاخذ اذن من جهة لاجراء الحوار لان هذه تعتبر احدي مهامه في اي مكاناو تنظيم
والحوار هنا يتم عبر طرح الاسئلة بصورة مفتوحة وهو سيجيب عليها وفقا لما يراه هو
ولايمكن ان نطلب منه سلوك منهجا او طريقا معينا في تناول الاجابات ولانتوقع ذلك حيث ان الاسئلة وطبيعة البورداب واتجاهاتهم تجعل وضع نمط محدد للحوار من المستحيلات
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: Kabar)
|
Quote: عمر..حبابك يا صديق..
كل سنة و انت طيب..
عندي بعض الأسئلة..و ح اضعها في مداخلة منفصلة..و ارجو ان تسمح لي بوضع الملاحظات التالية:
اولا: فكرة حوار دي قاسية خلاص..و بتطفش الناس و ما ممكن تجيب نتائج كويسة..عشان كده اقترح انها تكون اسئلة.. لأن المؤتمر الوطني حزب في الحكومة (نعترض أو نختلف مش مهم)..و الحكومة ما بتحاور الناس و انما تديهم فرقة لإثارة الأسئلة..و بعد داك هي مخيرة تقوم تشتغل بيها أو تخليها..
ثانيا: الناطق الرسمى الذي رحب باستقبال اسئلة المواطنين و المواطنات.. ليس هو ناطق الحكومة و انما هو ناطق حزب..عشان كده يتخيل لي الأسئلة افضل تتوجه للمؤتمر الوطني و عضويتو..كحزب مش كحكومة..
ثالثا: صحيح ناس المؤتمر الوطني عملوا حاجات كعبة كتيرة في البلد(حسب تقديرنا و معنا الكثيرون و الكثيرات)..و بعض بيصل لفعل الجريمة..و عشان نشتغل سياسة صاح.. حقو نبعد من الأسئلة التجريمية.. لأنو ناطق المؤتمر الوطني ممكن ببساطة يجليها زي الماحاصل شئ..و القاعدة القانونية بتدى المسئول الحق في رفض الإجابة على اي سؤال تجريمي..عشان كده حقو الناس توفر الطاقة..
رابعا: توجيه اسئلة للناطق الرسمي للمؤتمر الوطني ليس بالضرورة يعني الإعتراف بالمؤتمر الوطني ولا حكومته و رئيسها و انما الأمر في تقديري تمرين ممتاز للجميع..اربعة و عشرين سنة المؤتمر الوطني ما جا منو زول و فرش خلقو للجماهير عشان يسمع منها(طوالي شغالين على كيفهم)..و يتخيل لي ده مكسب للجماهير..الداير يقول المؤتمر الوطني انفزر ..الداير يقول لحس كوعو كلو ممكن.. لكن تفضل الحقيقة انو حزب ماسك الحكومة و داير يسمع الناس رأيها شنو في الحاجات القاعد يسوط فيها..و في نفس الوكت فرصة خلى ناس المؤتمر الوطني يجوا يوضحوا موقفهم هل صحي هم مع الشعب و مصالح الشعب..ولا لسع تايهين في غرورهم..
|
مرحب استاذ كبر
ولااوافقك بان اجراء حوار يمثل فكرة قاسية حيث ان الحوار هو انسب الوسائل للتواصل بين الفرقاء
واوافقك ان الاسئلة يجب ان توجه للاخ الناطق الرسمي بصفته الحزبية لانه يعبر عن الحزب والحكومة يعبر عنها وزير الاعلام وهي مكونة من عدد كبير من الاحزاب
واخيرا اوفقك فيما جاء في ثالثا عد الاعتراف بالمؤتمر الوطني حيث هو لايحتاجه من البورداب وان لم يعترفوا به فلن يحجبوا حقيقة كضؤ الشمس و لان المؤتمر الوطني يعرف انه لن يسطيع الغاء الاخر فهو يتبني الحوار مع الجميع حتي الذين يحملون السلاح
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: محمد مصطفي مجذوب)
|
لا تستطيع ان تحاور بندية من يضع مسدسآ على رأسك!.
---
إن كان الكيزان وحكومتهم يريدون حوارآ حقآ فليطلقو الحريات العامة أولآ، في السودان، ومن أهمها حرية النشر والتعبير كما التجمع والتظاهر... واللستة طويلة... وحال الصحافة في السودان والرقابة القبلية خير دليل... فأي حوار في سودانيزأونلاين تنشدون أيها القوم؟!. فقط أتعجب!... إلا إن كنا دايرين نطق الحنك ساي مع الناطق الرسمي للحزب الحاكم بالسيخ والنار والبمبان!.
وفي الختام... يبدو أن الونسة قايمة قايمة بمباركة الرفيق بكري "له التحية"... وعندها سنتابع معكم من على البعد ونشوف النتيجة... مع أن النتيجة واضحة... وحا تكون شوية تبريرات لواقع مؤسف لا يمكن تبريره ولو كان البحر مدادآ لكلمات الناطق الرسمي!.
تحياتي لكم جميعآ... وكل عام وأنتم بخير
محمد جمال
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: محمد الكامل عبد الحليم)
|
هل هى اسباب جهوية ؟يعنى انك من قبيلة معينة من الشمالية وراء صعودك المفاجى فى قيادة المؤتمر الوطنى مع ان هنالك قيادات عرفنها بالجامعة ضحت بشبابها و عمرها فى خدمة الاتجاه الاسلامى و كانت فى كوسوkusu لسنوات طويلة و اليوم فى الشارع مثل اولاد بحرى خالد حسن ابراهيم المعروف بخالد جردل , الاخ و الزميل مجاهد مامون و ود حلتنا و عضو سودانيزاونلاين المهندس ناصر احمد المصطفى و غيرهما؟؟؟؟؟؟
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: حسن محمود)
|
السودانيين بقولو ليك السعوديين بخافو رمضان اكتر من ربنا فلو عندك حاجة عند احدهم (ذو الكفل ) امشي ليهو في رمضان وبالنهار ويا حبذا في العشر الاواخر*
فاظنو الناطق الاعلامي يخاف رمضان وما عايز يجرح صيامو بالرد كاذبا على هذه الاسئلة ومنتظر الفطر
فدحين ياعمر قول ليهو البوست ده بنتهي ساعة يثبت العيد وتاني نلقاك رمضان الجاي
ـــــــــــــــــــــــ
دي طبعا حكاوي وليست دراسة علمية عشان ما يجين واحد يقول كاني ماني
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: محمد إبراهيم علي)
|
باشمهندس خليل كتب | Quote: نرجو ان تكون الاجابة صادقة لان الدنيا رمضان |
و باشمهندس محمد إبراهيم أيضاً طالب | Quote: ارجو ان ترد على هذه الاسئلة في رمضان هذا وبالنهار |
الثقة معدومـة في الكيزان طبعاً .. !! في رمضان في غير رمضان الكوز ياهو الكوز ..
يعني بروف بدر الدين حيجيب ليكم صدق ومصداقية من وين ??!
هو نظام قام علي الكذب والقتل والسرقة والتزوير والإرهاب
والبطش بالخصوم والتنكيل بهم بأبشع الأساليب.. بروف بدرالدين
هـذا كان جزءاً من هذا النظام المجـرم بالتواطؤ صمتاً عن كل
تلك الجرائم وهو المتعلم ، خريج جامعة الخرطوم حتي وإن لم يتقلد
منصباً رسمياً !!
يا بكري .. نحترم تقديرك للزمالة وإيمانك بالديموقراطية
وإتاحة الفرصة للرأي الآخـر ولكن هل نحن في حاجةٍ لمزيد
من أكاذيب الكيزان ونفاقهم ??!!
يا عمـر صديق .. وعزة الله مهما تحاول تنضيف الوس خان
وتجمـيل الباطـل لن تعـدو إلا أن تكون شريكاً في جرائم
المؤتمر الوطني ومخازيه بحق السودان وأهـله ولن يجـديك أن
تأتي ببروف بدرالدين أو غيره من مجرمي المؤتمـر الوطـني ...
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: بكرى ابوبكر)
|
عبدالله الحبيب كل سنة وانت طيب
| Quote: الثقة معدومـة في الكيزان طبعاً .. !! في رمضان في غير رمضان الكوز ياهو الكوز |
كلامك صحيح مية المية وما كان غايب علي بس قلنا نقدم النية البيضاء
لكن اهو كلامي ومشى وجا راجع الكوز ده كان خايف يكضب في رمضان ويخرب صيامو
بعد الفطر جا يجينا بالكضب الما خمج فقد اثبت لنا انه يخاف من رمضان اكثر من رب رمضان و لله الامر من قبل ومن بعد
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: بدر الدين اسحاق احمد)
|
كتب بدر الدين اسحاق أحمد في صدر مداخلته| Quote: محمد يس خليفة المخرف الذى بلغ من الكبر عتياً |
ثم أضاف في ختامها | Quote: ملحوظة .. بقدر اقول مثل مفرداتك ( يا واط) لكن يمنعنى من ذلك اقلها إحترامى لنفســى ثم زملائى ثم اصدقائى ثم مجتمعى ثم أبنائي وبناتى |
وأنا بسال الزول ده قال شنو عشان قومة نفسك دي كلها، في الواقع هو قال: "لاحوار مع القتلة والمجرمين" وهي حقيقة لا يشوبها لبس ولا غموض، والقائمة بمن قتلتموهم طويلة ولا حاجة للتذكير بها، واضاف "الزول ده بتلمعوه ليه؟" وده سؤال عادي، لكن الماعادي هو أنت ده.عامل فيها مثقف ومفكر، وتقول كلام زي ده !!! العمر متين بقة مسبة عشان تشتم بيهو. لو هناك خرق في عضوية البورد، فأنت خير نموذج بما يشهده ماضيك من تعدٍ سافر من خلال سرقة موضوعات من النت ونسبها لنفسك.
هذا في ما يلي بدرالدين اسحق، أما فيما يليني في موضوع البوست فبرضوا لا حوار مع القتلة والمجرمين.
للجميع - عدا عضوية المؤتمر الوطني - تحياتي والعيد مبروك عليكم.
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: نادر)
|
"لا حول ولا قوة إلا بالله العلي العظيم"
فكي الغفلة بدرالطين الحرامي.. زعلان عشان قلنا لا حوار مع القتلة والمجرمين؟
ههه.. زعلان مالك؟ إنتا قاتل ولا مجرم؟؟ ولا فيك رقـ شة؟
كدي في البداية أسعل صاحبنا عمر صديق وقول ليهو زولكم ده ما قال بيجي مالو ما جاء؟
يمكن زعلان عشان قلنا عليك حرامي سرق من حزب مصري (منحل) فكره عشان ناطقك ده يقول عندي حزب؟
ولا زعلان عشان قلنا ليك بتهدد في بكري أبوبكر بجهاز أمنك الجــبان لييه يا قــذر؟
شوف يا بدرالطين.. أجـبن مخاليق الله هم البيدسو خلف الدكتاتورية عشان فتات الخبز
وإنتا لا تملك سوى أن تدثر بثياب شفافة لن تستطيع أن تغطي بها عورتك..
الخرف يا فكي الغفلة مرض إلاهي.. والعمر الطويل بيد الله!
المشكلة هنا في إندراوتك دي.. ورصك للكلمات بدون موضوع أو موضوعية
لأنك فقير لغوياً ودعي وجـاهل فكرياً ومـنحط إسفيرياً.. بإعترفك!
ولو عاوز تقول إنو محمد يسين ده واطـي.. فقولا بأعلى صوتك وما تجـبن، ثمح؟
بس.. قول للناس دي كلها هو واطـي في شنو ومع منو؟
لعنة الله عليك وعلى مؤتمرك البطني.. وجهاز أمنك الســافل مروع أرواح الآمنين!
فأنت خير مثال لزبانيته السـفلة الأغبياء والذين يُشترط عليهم السقوط في إمتحان الذكاء!
فهم مجرد أدوات وMuscles بدون عقل تُقطع بها أوصال الشعب السوداني الأبي.
هذا الشعب الذي جنيتم عليه.. سيأتي بكم يوماً ليحاسبكم حساباً عسير..
وفي ذلك اليوم، لن يغفر لكم تصنع الغـباء!
إستحي وتوارى.. وإستغفر!
رجال الدواس بيقولوا: لو عدتم عدنا!
موش ذيك.. ههه، يا القلتا لو عدتم بنتـ دسى
_______________
كتر خيرك يا نادر ومعليش... الفكي الضلالي ده ممكون وصابر!
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: Mohamed Yassin Khalifa)
|
زار الرئيس المؤتمن
بعض ولايات الوطن
وحين زار حينا
قال لنا:
هاتوا شكاويكم بصدق في العلن
ولا تخافوا احدا فقد مضى ذاك الزمن
فقال صاحبي حسن:
يا سيدي
اين الرغيف واللبن ؟؟
واين تأمين السكن؟؟
واين توفير المهن؟؟
واين من يوفر الدواء للفقير دون ثمن؟؟
يا سيدي
لم نر من ذلك شيئا ابدا
قال الرئيس في حزن:
احرق ربي جسدي
اكل هذا حصل في بلدي؟؟!
شكرا على صدقك في تنبيهنا يا ولدي
سوف ترى الخير غدا
وبعد عام زارنا
ومرة ثانية قال لنا:
هاتوا شكاويكم بصدق في العلن
ولا تخافوا احدا
فقد مضى ذاك الزمن
لم يشتك احدا
فقمت معلنا
اين الرغيف واللبن؟؟
واين توفير السكن؟؟
واين توفير المهن؟؟
واين من يوفر الدواء للفقير دونما ثمن؟؟
معذرة يا سيدي!!
واين صديقي حسن؟؟؟
مازلنا في الإنتظار
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: عمر صديق)
|
Quote: حوار سودانيز أون لاين
- شكرًا بكري أبوبكر وعمر صديق وكل الذين تداخلو بالأسئلة والتعليقات وحتى الذين ابدوا اعتراضا على مبدأ التحاور في عالم السموات المفتوحة ، وعلى الاقل ذلك رأيهم وتلك بضاعتهم وكل ينفق مما عنده .
- يقول الامام علي كرم الله وجهه ( رحم الله امرء عرف قدر نفسه واستعد لرمسه وعرف من اين وفي اين والى اين ؟ ) ولذلك أنا اعرف نفسي جيدا : من أنا ؟ ماذا اريد؟ وكيف اصل الى ما اريد ؟ وأحاول ان اعرف من انت ؟ وماذا تريد ؟ وكيف أساعدك لتصل الى ما تريد ؟ وبين هذا وذاك فانا أدرك جيدا ان رأيك في لن يدل علي ولا يدل على ، ببساطة لانه رأيك انت .
- نسبة لتكرار وتداخل الاسئلة فسوف اجيب علي ما اراه ضروريا من موضوعات وارجو المعذرة لعدم تخصيص كل صاحب سؤال بالتحية والتعيين فلكم جميعا مني اصدق التحايا وكل عام وانتم بخير وسترد الاجابات بصورة مجملة بالتركيز علي الموضوعات وليس الاشخاص فلهم العتبي.
- كثير من المعلومات التي وردت عني صحيحة او هي محاولة للمعرفة : فانا من مواليد الرباطاب عتمور ١٩٦٠م ، درست كلية العلوم ( كيمياء ، نبات ) في الفترة ( ٨٣ / ١٩٩٠م) ، ومنذ الجامعة كنت مولعا بالفنون والتصوير والعمل التلفزيوني والصحفي وكانت لدي صحيفة بالاندرلاب بالعلوم وبعد ذلك انتقلت الى النشاط باسم ( ظلال ) . وكنت عضوا بجمعية تطوير الريف السوداني ورابطة العلوم وكنت السكرتير الاجتماعي ثم السكرتير العام لاتحاد طلاب جامعة الخرطوم ( 86/85) ثم عملت رئيساً لجمعية هواة الانتاج الإذاعي والتلفازي ، سكنت اكثر من عام في الغرفة ٢٠ السوباط ، ولم يكن معي المرحوم محمد طه محمد احمد ، عملت صحفيا في صوت الجماهير ، ثم مصورا فتوغرافيا ومصورا تلفزيونيا ثم مخرجا تلفزيونيا وأخرجت العديد من البرامج التلفزيونية منها : صفحات من دفتر الإنجاز وحلمنتش وبالله وسنابل الربيع بالاضافة الى برنامج في ساحات الفداء وعدد من الأفلام الوثائقية والأغنيات المصورة .
- بعد تخرجي في جامعة الخرطوم درست الدبلوم العالي في الاعلام بجامعة ام درمان الاسلامية بدرجة جيد جداً ثم تمهيدي ماجستير ثم رسالة الماجستير بعنوان : تكنولوجيا الصورة وتأثيرها في البرنامج التلفزيوني بتقدير ممتاز عينت بعدها في ١٩٩٧م محاضرا بكلية الاعلام ، وحذت على درجة الدكتورة في الاعلام بتقدير ممتاز في عام ٢٠٠١ عن رسالة بعنوان : تكنولوجيا البث الفضائي وتطور الانتاج التلفزيوني دراسة تحليلية لبرامج قناة الجزيرة ( وقد كانت اول رسالة دكتوراة حول الجزيرة ) وعندها اصبحت أستاذا مساعدا ، وباكتمال بحوث الترقية المطلوبة تمت ترقيتي في ٢٠٠٦م لدرجة الاستاذ المشارك ، ومن ثم تمت ترقيتي الى درجة البروفيسور في 4/7/2011م باستيفاء البحوث المطلوبة للترقية ، وقد شاركت بأوراق علمية في عدد من المؤتمرات العالمية في سوريا مع منظمة الايسسكو وفي اندونيسيا جامعة جاكرتا وفي الجزائر جامعة الجزائر . وكنت عضوا في لجان التحكيم بمهرجان القاهرة للإذاعة والتلفزيون ، وشاركت في دورة الاوساط الاكاديمية حول القانون الدولي الانساني بالقاهرة مع اللجنة الدولية للصليب الاحمر الدولي في ٢٠٠٦م والان مدرب محترف معتمد في تدريب المدربين من مركز الريسر الامريكي .
- عملت مديرا لهيئة إذاعة وتلفزيون الخرطوم والفضائية السودانية والقناة القومية ومدير برامج بالنيل الأزرق ثم عميدا لكلية الاعلام بجامعة ام درمان الاسلامية .
- في كل ذلك انظر للعمل العام والعمل الحزبي بانه تكليف وليس تشريف ، اتحمله من واقع المسؤولية واجتهد في ان اقدم قصارى جهدي فيه .
# عطفا على الأسئلة : فكثيرون لهم أسئلة هم انفسهم لا يريدون لها إجابة ، والبعض لا يحسن اسلوب طرح السؤال ، وآخرون منطلقاتهم من أفكارهم الحزبية الضيقة فهم اما معترضون على مبدا الحوار او لا يريدون غير سماع انفسهم حتى وان كان صدى أصواتهم ، فلهم العتبى ،
١/ المؤتمر الوطني هو الحزب الحاكم ، وهو صاحب الأغلبية في أصوات الناخبين السودانيين ( ومهما قالوا عن الانتخابات ) فقد شهد بها الأعداء قبل الأصدقاء واعتمدت نتيجتها دوليا ، فكل حديث عن شرعية الحكومة او المؤتمر الوطني هو ( اعتراض على إرادة الشعب السوداني ) والانتخابات القادمة على الأبواب لمن أراد ان يكون ( ديمقراطيا او يحترم الرأي الاخر ) .
٢/ نحن مع حرية التعبير ولكن مع حرية واحترام الاخر ، فحرية التعبير لا تعني بحال تجاوز الخطوط الحمراء ، وتدمير ممتلكات الشعب او حتى حرق اللساتك في الطرقات ( فهي أساليب تجاوزها الزمن ) ، واقول لبعض الذين تظاهروا في الجمع السابقة ( ما ذنب اهل ود نوباوي الأوفياء بان تدار معركة فئات بعينها داخل مسجدهم العتيق وفقا لما اورده الامين العام لهيئة شئون الانصار (في بيانه المنشور في هذا الموقع ).
3/ لا أظن اننا نشكو من حرية التعبير والذي يطلع على ما يكتب في صحفنا يدرك ان ذلك اكثر بكثير من مساحات الحرية المتاحة حتى في ( امريكا نفسها) . وعن وضع الصحافة عموما نقر بانها في مشكل حقيقي واذا أرادت الدولة ان تتدخل في حدود فعلى مؤسسات الصحافة ان تخطوا نحو الاندماج مع بعضها ، إذ من الصعب دعم اكثر من ٦٠ صحيفة .
4/ انا لا اتفق مع مصادرة الصحف لان ذلك لا يجدي فتيلا وعلينا ان نتفق على تحديث وتفعيل القوانين الصحفية. .وكذلك علينا ان لا نسمح باي تجاوزات للقانون ( فكثير من المعترضين تجدهم من الذين تولوا مهام العمل الصحفي باستثناءات القانون ، ولا داعي للأمثلة ) .ويكفي ان بالخرطوم اكثر ٢٠ محطة أف ام واكثر من ١٠ تليفزيونات فضائية
5/ واري ان حظر المواقع الالكترونية غير مجد بديل كلنا الان على ضيافة سودانيز أون لاين ...
6/ الحديث عن قطاع الشمال : شمال ماذا بعد انفصال الجنوب ، ان كان شمال دولة الجنوب فهذا يؤكد بان القطاع عميل لدولة أجنبية ولا أظن عاقلا سيقول بالتفاوض معه في هذا الإطار ، اما قضية الحرب في جنوب كرد فان والنيل الأزرق وحتى دارفور فهي مسؤولية الحركات المسلحة ومن يساندوهم من الداخل والخارج ، ( فمثلا ما علاقة ياسر عرمان بشعبي جبال النوبة وجنوب كرد فان والنيل الأزرق ) ارجو الاجابة ؟؟؟؟
6/ ناهد جبر الله ، زميلتي في كلية العلوم واكن لها كل الاحترام كزميلة تقابلنا بعد التخرج وكلانا يحترم الاخر في ما يحمل من أفكار ، وانا من الذين يقولون بان اكثر الفكر الشيوعي السوداني هو نسيج وحده وتغلب عليه السودانية اكثر من الفكر الماركسي الذي تخلى عنه أسياده انفسهم . وعلى ذلك لا اعتقد بان السلطات قامت باعتقال احد بتهمة الانتماء لحزب ما ، والا فالأولى اعتقال قيادات الحزب ان كان ذلك كذلك ، ولكن ، من يعتقل في احداث معينة لابد من وجود شبهة بالمشاركة فيها ، واثبات ذلك من عدمه متروك للقانون والمحاكمات ، وانا شخصيا اتمنى صادقا ان تكون ناهد جبر الله قد تخلت عن تلك الأفكار وتفرغت للعمل الإنساني لأصله لا استخدامه كعامل مساعد في عملية التفاعل ( وهذه نعرفها نحن اهل الكيمياء ) . ومن جانب اخر فان قضية الاعتقال والتضحيات هي لأصحاب المبادئ جزء أصيل من ممارسة العمل ، ونحمد الله اننا في وقت نعرف فيه ان ناهد وغيرها اعتقلت يوم كذا وفي المكان المحدد ويمكن زيارتها ، وقد كنا يوما ما نعتقل ولا يعرف احد اين نحن حتى يطلق سراحنا ، ولا يجرؤ احد على السؤال . ولكل ذلك اتمنى ان تقدم ناهد وكل المعتقلين السياسيين لمحاكمات عادلة وان تعود للعمل الإنساني بعيدا عن رهق السياسة وخبايا ها .
7/ اخلص وأقول ، نحن على استعداد لإجراء مثل هذه الحوارات الفكرية والثقافية وان نتداول الآراء دون حجر وفي اطار الحرية المتاحة وكذلك دون ان ينتصر بعضنا لذاته او ان يتعصب لرأيه ، ونحن بذلك نعتز بانتمائنا للمؤتمر الوطني وتجربته الثرة والعريقة ولا يزعزع قناعاتنا ما يصدر من آراء او حتى انتقادات ( ومن كان منكم بغير خطيئة فليرمها بحجر ) وندعو صادقين كل محاورينا من الجانب الاخر ( لنعمل فيما اتفقنا عليه وليعذر بعضنا بعضا في ما اختلفنا فيه ) فاختلاف الرأي لا يفسد للود قضية، وحتى ذلك الحين فلنتحاور ونتناقش ويحترم بعضنا بعضا كل حيث مكانه ، وكذلك ان نتفق على جملة من الثوابت الوطنية والأسس الديمقراطية في التعبير والتغيير .فالسودان وطن يسع الجميع .
8/ اثار كثيرون موضوع الاخ الدكتور ربيع عبد العاطي وحديثه للجزيرة ودارت في ذلك معارك كلامية لم اجد لها مبررا ولا مسوقاً ، إذ كل الذي قلته أنا بان حديث د. ربيع لقناة الجزيرة يمثله ولا يمثل المؤتمر الوطني ، وليس في ذلك تقليلا لشان او إقصاء او حتى حديث عن الانتماء للوطني وانا لست المعني بحال في تحديد انتماء احد للحزب من عدمه ولم اقل بذلك اصلا ، ثم أني لم أتناول حتى فحوى الحديث ولم اعلق عليه سلبا او إيجابا ، وكنت ما زلت اعجب للذين استبشر وا بالأمر وحسبوه تصفية حسابات وخاضوا فى الامر دون أدنى معلومات ولم يمنعهم حتى عنوان اعمدتهم ، فلملموا موضوعات لا علاقة بينها ونفذوا عبرها أجندة خاصة ، اما حديثهم عن من اين جاء امين الاعلام وما هي تجربته ، فهي محولة للمكتب القيادي الذي كلفني أمينا للإعلام وما كنت اعرف ان عليه ان يستشير هؤلاء قبل اتخاذ القرار .
في الختام لهذا الجزء فانا شاكر جداً لكل الذين تحاوروا والشكر للأخوين الكريمين عمر صديق الذي بادر والتحية الخالصة للاخ و الصديق زميل الدراسة المهندس بكري أبو بكر الذي أتاح فرصة اللقاء عبر سودانيز أون لاين . |
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: عمر صديق)
|
بداية تحياتي للإخوين عمر صديق الذي ابتدر الحوار, والأخ بكري ابوبكر الذي أكد عليه وسمح بنشره, بل وشارك فيه, وتحياتي القلبية للناطق الرسمي باسم المؤتمر الوطني وأمين إعلامه البروفيسور بدرالدين احمد الذي تقبل الفكرة وأثرى النقاش في هذا المنبر برده المفعم بالمصداقية (من وجهة نظري حتى لا يترك أحدهم هذا البوست ويفتح آخراً فيما قلت),,
نرجو أن تتواصل الفكرة وأقترح مبدأياً بما أن البروفيسور بدرالدين يرى أن حظر المواقع الالكترونية غير مجد, فأقترح عليـه أن يتبنى مبادرة فك حظر المنبر (سودنيز اون لاين) في السودان بنفسه, وذلك لما سيكون لهـذه الخطوة من أثر طيب على البورداب بالسودان.
وختـاماً أؤكد على أن الكلمة تحاجج بالكلمة, والحجة تقارع بالحجة, وأؤكد على كلمات البروفيسور بدرالدين الرصينة بأنه ينبغي أن نتداول الآراء دون حجر وفي اطار الحرية المتاحة وكذلك دون ان ينتصر بعضنا لذاته أو أن يتعصب أحدنا لرأيه ، ونحن بذلك نعتز بإنتمائنا للمؤتمر الوطني وتجربته الثرة والعريقة ولا يزعزع قناعاتنا ما يصدر من آراء أو حتى انتقادات ( ومن كان منكم بغير خطيئة فليرمها بحجر ), وندعو صادقين كل محاورينا من الجانب الاخر (لنعمل فيما اتفقنا عليه وليعذر بعضنا بعضا في ما اختلفنا فيه), فإختلاف الرأي لا يفسد للود قضية، وحتى ذلك الحين فلنتحاور ونتناقش وليحترم بعضنا بعضاً كل حيث مكانه ، وكذلك فلنتفق على جملة من الثوابت الوطنية والأسس الديمقراطية في التعبير والتغيير, فالسودان وطن يسع الجميع.
ودمتـم.
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: بكرى ابوبكر)
|
تمخض الجبل فولد فأرا ...فما هكذا يا سعد تورد الابل. لقد بُشرنا بحوار وما اصبنا إلا حشفا وسؤ كيله. فما قرآناه ليس حوارا ولا ينبغي ان يوصف بذلك . انما هو كجار او مكاجرة .
فتعريف الحوار هو إظهار الحجة لك او عليك ودفع الشبهه بالتي هي احسن واثبات الحق ورد ما بطل من قول ورأي . ولم ار فيما قال الاخ (المحاور ) بجديد يخرج بحديثة من المماحكة والجدل الذي لا طائل من ورائه .فالاستاذ الكريم اتي الينا محاضرا وليس محاورا وتجنب شأنه شأن محاضر اتي الي القاعة ولم يعد نفسه إعدادا سليما لما سيحاضر فيلجأ الي الراوغة بتجنب الاجابة علي كل الاسئلة التي اضاع الناس اوقاتهم في صياغتها.
بدي واضحا إن الاخ الاستاذ اختار ان يضع علي رأسة طاقية المخرج التي غلبت علي ما قال. فحاول من خلال ما قال اعادة اخراج مسلسلا اُستهلك من كثرة ما لاكه الاشباه والاغيار من اهل المؤتمر الوطني وجلهم لا يحسنون لا قولا ولا فعلا . فسقط القول وإن تزيا بثياب فضفاضة ومهما وضُعت حولة هالات من شهادات وسير ذاتيه ، لا يخرج عن كونه حشفا لا يثمن ولا يغني من جوع. وإن كنا نحمد للرجل تهذيبه ونثنيه عليه ، إلا اننا قد ادمنا لغة لحس الكوع والشرذمة وما الي ذلك وهي اقرب الي وجدانا من فذلكة الدكاترة والبروفسيرات التي لا تجدي فتيلا.
فإن اراد الاستاذ الدكتور ان يسعي لكسب شريحة قدر هو ، امكانية كسبها بلغة الحوار ، فليبدأ علي الاقل بإحترم عقولها. فالناس استقطعت من وقتها واجهدت نفسها تفآولا بسنة استنها هو وطرحت عليه اسئلة بعينها . هذه الاسئله وإن كانت ومازالت الناس تطرحها الناس علي مدي ثلاث عقود من الزمان فلم ولن يمل الناس من طرحها لثلاث عقود اخري ، فلا اقل من ان يتمهل الاستاذ الدكتور في قراءتها ثم أن يحاول ، مجرد محاولة تناولها سؤالا سؤالا او يجمعها في مجموعات ان رأي فيها تتطابقا او حتي تقاربا ليقدم لها اجابات . فإن احسن سيؤجر مرتين وإن اخطأ بنية صافية فليحتسب علي الله اجره فنحن كما قال التونسي (قد هرمنا ...هرمنا من اجل هذه اللحظة) اي لحظة ان يخرج علينا من لا يسعي لدمغنا بسبب او بغيره ليقول فينا ما لم يقله مالك في الخمر وهو اقرب الي قوله تعالى: {ومن الناس من يعجبك قولُه في الحياة الدنيا وُيشهدُ اللَّه على ما في قلبه وهو ألدُ الخِِصامِِ}
انا شخصيا امهر الورقة التي قدمتها بالقلم الاحمر ب(اعد وقابلني )... واقول لك لا تحزن ...حاول مرة اخري فلكل مجتد نصيب
أ.د محمد مصطفي مجذوب
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: محمد مصطفي مجذوب)
|
طبعا بكري فرحان بدفعتو والدفعة فرحان ببكري
وعمل عمل عبد المطلب (للبيت رب يحميه وانا رب الابل )
خلاص خلونا زي البص واي عفش على مسؤولية صاحبه
سيادتو خلاص حاورنا يا دكتور وجاب قون وجرى على الجماهير
حدي يصحي البروق ويقول ليهو رجل (الراية) رافع (الخط) وقال ليك سارق
وبكري زي الرشيد بدوي عبيد يكورك قووووون تمشي تويتر يجيك بكري ناطي قوووووون تمشي الفيس يجيك بكري رافع يدينو الاتنين ويكورك قووووون
دي نسيتا يا بروف ولا (كبرت اللفة)
الحكومة السودانية قامت بمصادرة النادي الكاثوليكي سابقا لصالح حكومة السودانية بدعوى انتهاء الحكر فلماذا آل للمؤتمر الوطني ولم يسلم لوزارة المالية لبيعه او استغلاله لصالح الشعب السوداني ؟
وهل يدفع المؤتمر الوطني ايجارا للحكومة السودانية نظير استغلاله لاموال الشعب السوداني ؟ واذ كنتم لا تدفعون ايجارا في الفترة الماضية هل تنوون ذلك مستقبلا مع الالتزام بتعويض الشعب السوداني عن اجرة المثل للفترة الماضية ؟
هل يتقاضي المؤتمر الوطني اموال من الدولة السودانية يغطي بها تكاليف الجيوش الجرارة من عضويته المتفرغة للعمل السياسي ؟
وظائف الخدمة المدنية وحسب قانونها تبدأ من مداخل الخدمة وحتى درجة وكيل الوزارة لماذا يحتكر المؤتمر الوطني وظيفة وكيل الوزراة ويتم التعيين لها من داخل عضويته ؟
وظائف الخبراء الوطنيين لماذا لا يتم الاعلان لها بطريقة صحيحة لتكون مفتوحة للتنافس الشريف على عكس ما يحدث الان حيث هي حكر على عضوية المؤتمر الوطني ومحاسيبه ؟
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: ahmed haneen)
|
الأخ/ عمر صديق
تحياتي
| Quote: حوار مفتوح مع الناطق الرسمي للمؤتمر الوطني |
بإعتبارها جزء من الإنتباه العام لما يكتب ويقال عن أهمية وجود تواصل حقيقي مع الآخر أيا كان، من باب
( أن الجمل ما بعرف عوجة رقبتو)،وحقيقة ظلت هذه الرقبة ( تنعوج) حتي كادت أن تنكسر. ومن باب تساؤل غير
تجريمي وهو فقط لألقاء الضوء على بعض مواقف الحكومة، وذلك بالأسئلة التالية:
أ- كثير من العقلاء ومع بداية توقيع المشئومة ( نيفاشا)، قد كتب بأن الأمر كله (خدعة) و( كـذبة) كبيرة
ستفضي إلى إنفصال الحنوب، وبالرغم من المناكفات لم يخطر للحكومة أن تتحرى أو تصدق ذلك إلا يوم بكي
د. نافع وتبعه بكاء كثير لم يزل مستمرا، بل هناك من قال بأن الحكومة قد إرتشت وباعت الجنوب، وكانت
هنالك إتهامات صريحة للسيد/ على عثمان بأنه متواطئ مع آخرين، وخاصة بعد ندم السيد/ الرئيس على التفريط
في الجنوب ظنا منه ( بأنهم ناس كويسين )، وقد ثبت جليا بأنهم غير( كويسين)
1- فهل من إيضاح منطقي لما جري؟؟
2 - وهل من إمكانية تراجع عن ( الجمل بما حمل)؟
3 - وهل من وسائل وقائية كيلا تسير كل الأقاليم ( المغبون) أهلها في ذات طريق نيفاشا( المشئوم)؟؟
ب - ملف تمرد دارفور منذ بدايه قد تعاملت معه الحكومة كقضية أمنية، ولحلها عسكريا، بالرغم من نصح الناصحين
بأن لدارفور قضية تنموية ومطلبية!!! وإذ أمرت الحكومة بتجاوز كل الخطوط الحمراء للعمل العسكري في التعامل مع
قطاع السكان ( وليس المتمردين فقط ) بإعتبار ( كلهم ) متمردون! فأهلكت الحرث والنسل والشجر، ومنابع القطر
مخالفة بذلك تعاليم الدين الحنيف، في قتل النساء والأطفال، وهتك الأعراض وسلب الأموال، ويكفي إعتراف الرئيس
عام 2004م بقتل ( فقط عشرة ألف روح)، دعك من شهادة (الكفار) بالأمم المتحدة، ويكمل ذلك حديث الغرباوية، و
الممارسات التى لم تزل مستمرة إلى يومنا هذا، والسؤال:
1 - إلا تستحق الأغلبية الصامتة من شعب دارفور عامة، وأعضاء الحزب الحاكم خاصة لإبراز نوع من العدالة بمحاكمة
من تسبب في ذلك، عملا وقولا ليعلم الناس كلهم بأن ذلك الظلم لم يرح هدرا؟
2 - من يضمن بأن من ( باعوا) الجنوب ببتروله وبشره ( بمن فيهم المسلمين عامة وعضوية الحزب الحاكم خاصة)، أرضه
وخيراته، لن يسعوا لبيع دارفور حتى ولو كانت معها كردفان، لكون أن سلطنة دارفور الإسلامية كانت تشمل دارفور
وكردفان وجزءا معتبرا من أم درمان؟؟
ولنا عودة إن شاء الله تعالي، إن وجدنا الإجابات الشافية.
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: الصالح محمد الصالح)
|
Quote: بداية تحياتي للإخوين عمر صديق الذي ابتدر الحوار, والأخ بكري ابوبكر الذي أكد عليه وسمح بنشره, بل وشارك فيه, وتحياتي القلبية للناطق الرسمي باسم المؤتمر الوطني وأمين إعلامه البروفيسور بدرالدين احمد الذي تقبل الفكرة وأثرى النقاش في هذا المنبر برده المفعم بالمصداقية (من وجهة نظري حتى لا يترك أحدهم هذا البوست ويفتح آخراً فيما قلت),,
نرجو أن تتواصل الفكرة وأقترح مبدأياً بما أن البروفيسور بدرالدين يرى أن حظر المواقع الالكترونية غير مجد, فأقترح عليـه أن يتبنى مبادرة فك حظر المنبر (سودنيز اون لاين) في السودان بنفسه, وذلك لما سيكون لهـذه الخطوة من أثر طيب على البورداب بالسودان |
الاخ الصالح
كل عام وانت بالف خير
ومرحبا بك وبقلمك المتدثر بالموضوعية والعقلانية
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: د.محمد حسن)
|
Quote: عمر صديق
يا خوي كل سنة وانت طيب
زولك ده دخلك في حتة ضيقة
هو قايل ناس سودانيز ديل اسالتهم زي بتاعة صحفيي الداخل
يجي يدهم كلمتين ويكب الزوغة
هنا يا عمر الدواس صعب داير ليه زول روياااااااااان وشبعان
واخونا ده كيسو فاضي
ودي اسئلة اخير منها اسئلة نكير
فاقتنع
وصدقني زولك ده ما حيجي
كفى الشافو في ربيع عبد العاطي |
الاخ دكتور محمد حسن
كل سنة وانت طيب
وهاقد اتي البروف وخابت توقعاتك نرجو ان تشارك في الحوار وتركز
وزولنا دا نحن عارفين قدراتو وقدرات حزبنا
والبورد دا برضو عارفنو وناسو عارفنهم
ولذلك فالحوار هنا لايمثل لنا اي عقبات اومعضلة
وتعرفنا كل الساحات والمجالات قديما وحديثا
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: Abd Alla Elhabib)
|
Quote:
يا عمـر صديق .. وعزة الله مهما تحاول تنضيف الوس خان
وتجمـيل الباطـل لن تعـدو إلا أن تكون شريكاً في جرائم
المؤتمر الوطني ومخازيه بحق السودان وأهـله ولن يجـديك أن
تأتي ببروف بدرالدين أو غيره من مجرمي المؤتمـر الوطـني ... |
ياعبد الله الحبيب
انا اري ان غالب اعضاء الحركة الاسلامية اطهر من كثير من المناضلين جسدا ونفسا كما قال احمد مظر في قصيدة الحجاب
وافتخر بانني شريط اصيل في المؤتمر الوطني واتحمل مسئولية عضويتي فيه انجازا او اخفاقا
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: عمر صديق)
|
Quote: 3/ لا أظن اننا نشكو من حرية التعبير والذي يطلع على ما يكتب في صحفنا يدرك ان ذلك اكثر بكثير من مساحات الحرية المتاحة حتى في ( امريكا نفسها) . وعن وضع الصحافة عموما نقر بانها في مشكل حقيقي واذا أرادت الدولة ان تتدخل في حدود فعلى مؤسسات الصحافة ان تخطوا نحو الاندماج مع بعضها ، إذ من الصعب دعم اكثر من ٦٠ صحيفة .
|
الا تبالغ كثيرا في هذه يابروف
في أميركا لايعتقلون الصحفيين
ولا يغلقون الصحف
وانت تعلم ذلك تماما
--------------------------
سؤالي
عندما جاءت الانقاذ وصفت اتفاقية الميرغني قرنق باتفاقيةالإستسلام
أريد منك أن تقارن بينها واتفاقية نيفاشا
ثم قل لي ايهما كانت اتفاقية الاستسلام؟؟؟
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: Khalid Kodi)
|
| Quote: في الختام لهذا الجزء فانا شاكر جداً لكل الذين تحاوروا والشكر للأخوين الكريمين عمر صديق الذي بادر والتحية الخالصة للاخ و الصديق زميل الدراسة المهندس بكري أبو بكر الذي أتاح فرصة اللقاء عبر سودانيز أون لاين . |
يا جماعة طولوا بالكم
البروف اجاب على الجزء الاول من الحوار، واكيد سيعود لاكماله
يا بكري ادي البروف باسويرد خليهو يجي يداقش معانا هنا، ما اظنه يمانع
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: عبدالله الشقليني)
|
ياهندسة وأبراهيم
سؤال محرقني شديد
للكوز الناطق بأسم اللا وطني
من باع آليات ومعدات مؤسسة الري والحفريات وسكة حديد الجزيرة للسادة جياد للدمار والخراب ؟ كم كان سعر الطن ؟ اين ذهب السعر ؟ من الذي أتخذ قرار البيع ؟ وهل تم تصنيف المباع من آليات ومعدات بين شغال ومعطل يمكن صيانته وخردة يستحق البيع بالطن ؟ وهل قام اللا وطني بشراء (معدة واحدة فقط) للعمل بالمشروع عوضا عن المباع ؟؟
لا أتوقع إجابة لكني منتظر وإن طال الصبر ..
الشفيع إبراهيم
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: Elmosley)
|
Quote: الا تبالغ كثيرا في هذه يابروف
في أميركا لايعتقلون الصحفيين
ولا يغلقون الصحف
وانت تعلم ذلك تماما
--------------------------
سؤالي
عندما جاءت الانقاذ وصفت اتفاقية الميرغني قرنق باتفاقيةالإستسلام
أريد منك أن تقارن بينها واتفاقية نيفاشا
ثم قل لي ايهما كانت اتفاقية الاستسلام؟؟؟ |
شكرا استاذنا المبدع الموصلي علي اثراء البوست
| |
|
|
|
|
|
|
|
|
|
Re: سودانيزاونلاين في حوار مفتوح مع الناطق الرسمي للمؤتمر الوطني (Re: Elmosley)
|
Quote: الا تبالغ كثيرا في هذه يابروف
في أميركا لايعتقلون الصحفيين
ولا يغلقون الصحف
وانت تعلم ذلك تماما
--------------------------
سؤالي
عندما جاءت الانقاذ وصفت اتفاقية الميرغني قرنق باتفاقيةالإستسلام
أريد منك أن تقارن بينها واتفاقية نيفاشا
ثم قل لي ايهما كانت اتفاقية الاستسلام؟؟؟ |
شكرا استاذنا المبدع الموصلي علي اثراء البوست
| |
|
|
|
|
|
|
| |
عمر صديق
elhilayla
بكرى ابوبكر
سيف النصر محي الدين
Nasir Ahmed Elmustafa
Murtada Gafar
khaleel
معتصم محمد صالح
Waeil Elsayid Awad
محمد إبراهيم علي
الشفيع وراق عبد الرحمن
ياسر مكاوي
Hani Arabi Mohamed
بدر الدين اسحاق احمد
حافظ انقابو
Kabar
ibrahim alnimma
adil amin
محمد مصطفي مجذوب
amir jabir
SAIF MUstafa
Mohamed Yassin Khalifa
د.محمد حسن
طه جعفر
الفاتح شلبي
محمد جمال الدين
محمد الكامل عبد الحليم
خالد فهمي
mekki
Abd Alla Elhabib
ahmed haneen
عبدالكريم الامين احمد
Abdelrahim Elamin
الصالح محمد الصالح
Elmosley
Khalid Kodi
محمد حيدر المشرف
عبدالله الشقليني
فيس بوك
تويتر
انستقرام
يوتيوب
بنتيريست